Нашата шампионка во стрелаштво и ликовна уметница Дивна Пешиќ на емотивен начин му оддаде почит на Владо Јаневски, кој минатата недела почина на 65-годишна возраст, по кратко боледување.

Таа му посвети уметничко дело, кое го создала инспирирана од неговиот лик, музика и неизбришливото наследство што го остави зад себе.

Покрај објавата што ја сподели за нејзиниот драг пријател е и нејзиното уметничко дело на кое главни мотиви се грозјето, чаша вино, булки…

„На Македонија ѝ остави нешто што не може да се измери со никаква награда, песни што се дел од сите животи, љубови, разделби, спомени и тишини. „Булки“, „Црно Тиквешко“, „Некогаш и негде“, „Полско цвеќе“, „Парче душа“, „Не зори зори“, „Не заборавај да се сетиш на мене“… Тоа не се само песни. Тоа се чувства преточени во стихови, зборови што засекогаш ќе допираат до срцето и душата“ – напиша Пешиќ во својата објава.

 

View this post on Instagram

 

A post shared by Divna Pesic Artist (@divnapesic)

 

View this post on Instagram

 

A post shared by Divna Pesic Artist (@divnapesic)

The post ГРОЗЈЕ, ЧАША ВИНО И БУЛКИ ЗА ВЛАДО ЈАНЕВСКИ Дивна Пешиќ со емотивен ликовен поздрав се прости од починатиот поет и пејач appeared first on plusinfo.mk.

The post ОТКРИЕНА ПОСЛЕДНАТА ЖЕЛБА НА ВЛАДО ЈАНЕВСКИ Последно збогум во облеката од „Макфест“ appeared first on plusinfo.mk.

Под светлината на стотици запалени свеќи и со песните што ги знаеше цела Македонија, Скопје вчеравечер му оддаде последна почит на пејачот Владо Јаневски. Илјадници граѓани се собраа пред арената „Борис Трајковски“, каде со тишина, солзи и музика се простија од уметникот кој остави длабока трага во македонската поп-музика.

Платото пред арената беше исполнето со почитувачи, пријатели и љубители на неговата музика. Немаше долги обраќања. Немаше големи зборови.

Наместо тоа, вечерта ја исполнија неговите песни, кои присутните ги пееја во еден глас. Во рацете држеа свеќи, а во мислите спомени поврзани со музиката што со години беше дел од нивните животи.

 

View this post on Instagram

 

A post shared by Кафе пауза (@kafepauza)

 

View this post on Instagram

 

A post shared by Skopjeinfo.mk (@skopjeinfo.mk)

Саундтрак на генерации

За многумина, Владо Јаневски не беше само пејач. Неговите песни станаа саундтрак на генерации. Ги следеа луѓето низ љубови, разделби, радости и тивки животни битки.

Токму затоа собирот пред арената беше многу повеќе од комеморација. Беше средба на луѓе обединети од истите спомени.

 

View this post on Instagram

 

A post shared by Скопје1 / Skopje1.mk (@skopje1mk)

Песни што станаа колективна меморија

Во текот на вечерта неколкупати одекна долг и искрен аплауз. Не како збогување со една кариера, туку како благодарност за десетиците песни што останаа дел од колективната меморија.

Јаневски ќе биде погребан денеска на Градските гробишта Бутел. Сите кои ќе сакаат да се збогуваат со Владо за последен пат, ќе можат тоа да го направат во капелата на Градските гробишта во Бутел во периодот од 10 до 11 часот. Погребот ќе следи веднаш потоа, на гробиштата во Бутел, објави „Авалон“.

The post 📽️ СВЕЌИ, СОЛЗИ И ПЕСНИ ЗА НАЈГОЛЕМИОТ ЧАИРСКИ РОМАНТИЧАР Скопје во еден глас му кажа „благодарам“ на Владо Јаневски appeared first on plusinfo.mk.

Платото пред Спортскиот центар „Борис Трајковски“ во Скопје вечерва беше собирното место на кое граѓаните се собраа за да му оддадат последна почит на легендарниот македонски пејач, композитор и текстописец Владо Јаневски, кој почина во неделата на 66-годишна возраст.

Со минута молк и со неговите најубави песни фановите се простија од својот омилен пејач.

Со вклучени светилки на телефоните стотиците присутни направија „ѕвездено небо“ додека заедно го пееја нсјголемиот хит на Јневски, „Некогаш и негде“.

Присуствува и повеќе негови колеги и пријатели, меѓу кои Силви и Влатко Плевнеш, Слаткар, Антониа Гиговска и Роберт, Спасеновски, Лара Иванова, Пајак, Валентино Скендеровски, Стево Чепишевски, Стефан Филиповски, Ѓорѓе Давид…

На комеморативниот настан пред СЦ „Борис Трајковски“, каде што Јаневски го одржа својот последен солистички концерт во февруари годинава, се обрати водителот Марко Марк.

– Јаневски беше исклучителен талент со префинет музички вкус и со еден дистинктивен редок авторски сензибилитет. Создаваше песни што не припаѓаат само на едно време. Припаѓаат на секој што некојпат сака, сакал, чекал, чека, сонувал, сонува и верувал, верува. Тој беше еден од најавтентичните гласови на македонската поп-музика. Од првите чекори, преку историскиот настап како прв претставник на независна Македонија на Евровизија, па сè до последните концерти, остана доследен на себе – достоинствен, ненаметлив и секогаш искрен – рече  водителот.

Пред присутните се обрати и Влатко Плевнеш – долгогодишен музичар и член бендот на Владо Јаневски, како и Стево Чепишевски, кој, исто така, соработуваше со пејачот.

The post ЗБОГУВАЊЕ СО ВЛАДО ЈАНЕВСКИ Стотици ја испеаја „Некогаш и негде“ и му оддадоа последна почит appeared first on plusinfo.mk.

Фановите на македонската музичка легенда, пејачот и текстописец Владо Јаневски, кој почина на 66 – годишна возраст во Скопје, ќе се простат од него во 20 часот, пред Арената „Борис Трајковски”, каде ќе му оддадат последна почит со песни и свеќи.

Настанот го организира продукцијата „Прагма“, која ги повика сите што ја сакале музиката на Јаневски да бидат дел од вечерта исполнета со спомени и емоции.

„Да го испратиме со песна, тишина и љубов. Неговите мелодии ќе останат да живеат, бидејќи големите уметници никогаш не исчезнуваат“, порачаа организаторите.

По кратко боледување, на 66-годишна возраст во понеделникот, 29 јуни, почина познатиот музичар и пејач кој себе остави богата музичка кариера со безброј хитови кои ја одбележаа македонската поп-музика во изминатите неколку децении.

Цела естрада се простува од Јаневски. Меѓу имињата кои напишаа емотивни пораки за последно збогум се Калиопи, Игор Џамбазов, Елена Ристеска, Тамара Тодевска, Тијана Дапчевиќ, Каролина Гочева, Слаткар, Влатко Лозановски, Дарио, Ребека…и многу други.

The post ВЕЧЕР НА СЕЌАВАЊЕ ЗА ВЛАДО ЈАНЕВСКИ Обожавателите ќе се соберат пред Арена „Борис Трајковски“ appeared first on plusinfo.mk.

Општина Чаир изразува најдлабоко сочувство до семејството, најблиските и до целата нација по повод смртта на маестро Владо Јаневски, едно од најголемите имиња на македонската музика, чие творештво остави неизбришлива трага во музичката култура и во сеќавањата на многу генерации.

Во знак на почит кон неговиот уметнички придонес и неговата посебна поврзаност со Чаир, Советот на Општина Чаир ќе преземе институционални мерки за трајно одбележување на ликот и делото на маестро Владо Јаневски, се вели во соопштение на Општината.

The post ЧАИР ЌЕ МУ СЕ ОДДОЛЖИ НА УМЕТНИКОТ ШТО ГО ОПЕА Општината подготвува трајно одбележје за Владо Јаневски appeared first on plusinfo.mk.

Од Авалон продукција соопштија дека ја добиле информацијата од семејството на починатиот Владо Јаневски и ја пренесуваат до јавноста.

„Добивме информација од семејството на Владо Јаневски и презедовме обврска истата да ја споделиме со пошироката јавност“, соопштија од продукцијата.

Според објавата, сите кои сакаат да се збогуваат за последен пат со Јаневски ќе можат тоа да го сторат во капелата на Градските гробишта во Бутел, в среда (1 јули) во периодот од 10 до 11 часот.

Погребот ќе се одржи веднаш потоа на Градските гробишта во Бутел.

„Има нешто посилно од сѐ“, стои на крајот од соопштението.

The post ПОСЛЕДНО ЗБОГУВАЊЕ СО ВЛАДО ЈАНЕВСКИ Погребот ќе се одржи в среда на гробиштата во Бутел appeared first on plusinfo.mk.

Колегите и пријателите на македонски естраден пејач, текстописец и уметник Владо Јаневски со емотивни објави се збогуваат од него. Владо Јаневски почина вчера (28.06) на 66-годишна возраст. Според досегашните информации, пејачот починал во скопска клиника по кратко боледување.

Социјалните мрежи се преплавени со пораки од неговите фанови, но и од колеги музичари и други ѕвезди.

Игор Џамбазов искрено му се заблагодари за сè што направил:

„Збогум Владо… Понекогаш зборовите не се доволни. А понекогаш се излишни.

Слава ти! И ти благодарам за сè што направи“.

Каролина Гочева сподели неколку фотографии со ценетиот колега.

 

View this post on Instagram

 

A post shared by Karolina Goceva (@karolinagocheva)

„Владе мој, збогум со мојата најомилена песна од тебе… и никогаш нема да те заборавам…“

Весна Петрушевска остави емотивен коментар:

„На крајот ми стана сосема сеедно. Сфатив дека ништо на светот нема никакво значење. Луѓето живееја, се караа, се радуваа, страдаа, а мене сето тоа ми изгледаше бесмислено.

Постепено дојдов до уверување дека ништо не е важно и дека никогаш ништо нема да биде важно.“ Ова беше Владо низ целиот свој живот. Се пребројуваме изгледа“.

 

View this post on Instagram

 

A post shared by Vesna Petrushevska (@vesnapetrushevska)

Таа сподели и објава на Инстаграм, со видео и под него порака: „Шепни му на малиот горе дека нема веќе полско цвеќе. Ќе фалиш“.

Се огласи и Дарио:

„Јаневски, мајсторе, толку многу години заедно на сцена и толку многу работи сме поминале заедно, што би можел книга да напишам.

Некогаш се сложувавме, понекогаш и не, но исклучително многу се почитувавме како блиски колеги.

Ти мене Панковски, јас тебе Јаневски, така си се обраќавме кога ќе се видевме, к’о бајаги официјално, а у ствари со многу скриена близина и топлина. Ова беше пребрзо, шокантно, трагично и некако…нестварно. Нека Ти е вечна слава мој Јаневски, многу ми е жал, многу…“

 

View this post on Instagram

 

A post shared by DARIO (@dariopankovski)

Ребека сподели стара фотографија од неа и Владо, направена на нејзиниот 24-ти роденден.

„Е тука си правевме планови, кај нас дома, во Чаир, на мојот 24-ти роденден. Ти ми кажа дека имаш хит песна за мене. И така бидна Мачо.

 

View this post on Instagram

 

A post shared by Rebeka Jankovska Risteski (@rebekamakedonija)

Ти благодарам за музиката, дружбите и долгите дискусии за поезија и животот. Патувај кон прегратките на Господа. Царство небесно“, се вели во описот.

 

View this post on Instagram

 

A post shared by Tijana Dapčević (@tijana.dapcevic)

Тијана Дапчевиќ сподели дека е скршена од болка:

„Другарче мое… мирно патувај кон вечноста. Многу ќе ѝ недостасуваш на твоја „Тијанисимо“… ме искрши“

Тамара Тодевска сподели фотографија од настап на Владо:

„Премногу направено, дадено и оставено… Стиховите на кој не остануваше рамнодушен ќе бидат потврда за твојата вечност и големина.

Ми беше чест што те познавав. Патувај мирно, драг мој Владо“.

 

View this post on Instagram

 

A post shared by Tamara Todevska (@tamaratodevska)

The post КОЛЕГИТЕ СО ТРОГАТЕЛНИ ОБЈАВИ СЕ ПРОСТУВААТ ОД ВЛАДО ЈАНЕВСКИ „Понекогаш зборовите не се доволни…“ appeared first on plusinfo.mk.

Македонија денес се простува и тагува по својот омилен пејач, глас што повеќе од три децении беше саундтрак на љубовите, разделбите, младоста и спомените на неколку генерации. Човекот, кој, како што напиша една обожавателка, „покажа како звучи љубовта на македонски“.

По веста дека по кратко боледување почина Владо Јаневски на 66-годишна возраст, социјалните мрежи се претворија во место на колективно сеќавање. Наместо формални пораки, илјадници луѓе почнаа да објавуваат стихови од неговите песни, фотографии од концерти, снимки од стари настапи и лични приказни поврзани со музиката што ја создаваше.

Меѓу првите што јавно се простија беше Калиопи, која со емотивни зборови се збогуваше со својот долгогодишен колега и пријател.

„Си замина тивко, без поздрав… кога беше најпотребен. Со тебе заминува едно време, а остануваат песните што ќе нè потсетуваат на твојата душа“, напиша таа.

Слични пораки пристигнаа и од бројни музичари, актери, новинари и јавни личности, кои не зборуваа само за неговата музика, туку и за човекот зад неа – скромен, духовит, образован и ненаметлив. Во нивните сеќавања често се повторуваше истата мисла: Македонија изгуби еден од своите најголеми автори.

Градоначалникот на Скопје Орце Ѓорѓиевски сподели сведоштво за ширината на Владо Јаневски, кој со само еден збор му го отстапил правото на Ѓорѓиевски да го користи неговиот безвременски хит „Ова е само наше Скопје“ да биде употребен како еден вид химна во неговата кампања.

Но најемотивни беа реакциите на обичните луѓе. На социјалните мрежи илјадници обожаватели ги споделуваа песните со кои растеле и ги одбележале најважните моменти во животот.

„Нема генерација што не пораснала со барем една песна на Владо.“

„Замина човекот што нè научи како звучи љубовта на македонски.“

„Вакви автори не се раѓаат често.“

Ова беа само дел од пораките што се ширеа низ интернетот во текот на денот.

„Евергрин“, „Ако не те сакам“, „Две души и месечина“, „Некогаш и негде“, „И тогаш некоја будала“, „Еден бакнеж“, „Дома си е дома“… За многумина тие не се само хитови, туку песни што ги следеле низ целиот живот – од првата љубов, преку свадбите, до тивките ноќни возења кога токму неговиот глас бил најдобро друштво.

Владо Јаневски беше еден од ретките домашни кантавтори чии песни успеаја да го надживеат времето. Роден во Скопје, дипломиран филолог, музичар што свиреше повеќе инструменти и автор на десетици безвременски композиции, тој остави неизбришлива трага не само на македонската, туку и на регионалната поп-сцена. Во 1998 година стана и првиот официјален претставник на независна Македонија на Евровизија со песната „Не зори зоро“. За многумина ова беше едно од најдостоинствените македонски претатавувања на Евросонг, со неговиот глас, држење и манири, остави незаборавен впечаток, а македонската публика се гордееше со својот претставник, без оглед на постигнатиот пласман.

Неговата музика никогаш не се потпираше на минливи трендови. Наместо тоа, носеше поезија, мелодија и искреност што не стареат. Затоа неговите песни ги сакаа и родителите и нивните деца – ретка привилегија што ја имаат само најголемите автори.

Во часовите по веста за неговата смрт, музиката на Владо Јаневски повторно одекнуваше во автомобилите, домовите, кафулињата и на радиостаниците. На социјалните мрежи многумина признаваа дека не можат да слушнат ниту една негова песна без да им се насолзат очите.

Можеби токму еден краток коментар, кој илјадници пати беше споделен, најдобро го опиша чувството што денес владее во Македонија:

„Луѓето си заминуваат, но има песни што одбиваат да остарат.“

Токму такво наследство остава Владо Јаневски – музика што ќе продолжи да живее долго откако ќе стивнат аплаузите. Затоа што големите уметници не исчезнуваат кога ќе заминат. Тие продолжуваат да живеат секогаш кога некој ќе ја пушти нивната песна.

The post ЗАМИНА ЧОВЕКОТ ШТО НЀ НАУЧИ КАКО ЗВУЧИ ЉУБОВТА НА МАКЕДОНСКИ Македонија со тага се простува од својот вечен романтичар appeared first on plusinfo.mk.

По кратко боледување, на 66-годишна возраст по кратко боледување почина познатиот музичар и пејач Владо Јаневски.

Тој важеше за еден од најдобрите кантавтори и вокалисти на овие простори, чии рефрени се пеат од многу генерации.

Зад себе остави богато музичко творештво и хитови кои станаа безвременски, меѓу кои „Ако не те сакам“, „Евергрин“, „Дома си е дома“, „И тогаш некоја будала“, „Некогаш и негде“, „Црно тиквешко“, „Ова е наше Скопје“, „Не зори зоро“ и „Еден бакнеж“.

Роден е на 27 ноември 1960 година во Скопје. Дипломирал на Филолошкиот факултет, на Катедрата за англиски јазик и литература, а во текот на својата кариера беше член на неколку музички состави, меѓу кои „Тост сендвич“, „Бон Тон“, „Фотомодел“ и „Ластовица“. Свиреше клавир, гитара и тапани.

Остави шест студиски албуми, со кои изгради препознатлив музички стил и стекна генерации обожаватели во Македонија и регионот.

Јаневски ќе остане запаметен и како првиот официјален претставник на Македонија на изборот за песна на Евровизија, кога во 1998 година во Бирмингем настапи со песната „Не зори зоро“.

Во текот на кариерата учествуваше и на бројни домашни и меѓународни музички фестивали.

The post ПОЧИНА ПЕЈАЧОТ ВЛАДО ЈАНЕВСКИ Беше еден од најголемите музичари со препознатлив глас appeared first on plusinfo.mk.