Мајката на момчето-убиец од ОУ „Владислав Рибикар“ во Белград апелираше до институциите да се реши прашањето како ќе го продолжат образованието нејзините две деца. Мајката на Коста К. во писмото со ниту еден збор не го споменува масакрот во „Рибникар“, туку апелира за помош, наведувајќи дека ситуацијата во која се наоѓа нејзиното семејство е сложена, дознава Блиц.

Во писмото кое, според Блиц, е многу кратко, мајката на момчето кое уби девет ученици и еден чувар, наведува дека „прашањето за задолжително основно образование за нејзините деца е отворено“. Таа напоменува дека нејзината помала ќерка, која учела во истото училиште со Коста. К, не може да го продолжи образованието во Рибникар, а нејзиниот син е на Клиниката за неврологија и психијатрија за деца и млади.

Според Блиц, момчето убиец нема да биде пуштено од Клиниката, а неговата доедукација ќе се одвива според прописите. Бидејќи основното образование во Србија е задолжително со закон, индивидуалната настава ќе ја посетува онлајн, според условите за хоспитализираните деца.

Во текот на неделата треба да се знае дали ќе има одредени промени и каков ќе биде моделот на школување на момчето кое уби девет негови врсници и еден чувар.

The post МАЈКАТА НА МАСОВНИОТ УБИЕЦ БАРА ТОЈ ДА ГО ПРОДОЛЖИ ОБРАЗОВАНИЕТО Проблем е и образованието на неговата сестра appeared first on plusinfo.mk.