Околу 40.000 студенти веќе ги подигнаа ваучерите од 15.300 денари за електронска опрема во првата недела од отворањето на повикот, потврди министерот за дигитална трансформација, Стефан Андоновски, во гостување на Алфа телевизија.

Станува збор за проект што Министерството го спроведува во соработка со Владата и МОН, а предвидува вкупно 55.000 ваучери за студенти запишани на додипломски студии во учебната 2025/26 година.

Андоновски истакна дека ова е еден од најважните чекори за надминување на дигиталниот јаз меѓу младите.

– Целта е секој студент да има пристап до електронски уред. Ова е мерка што директно им го олеснува учењето и ги прави конкурентни со своите колеги во Европа – рече министерот.

Тој додаде дека токму ваквите проекти ја забрзуваат дигитализацијата и ја прават подостапна за сите. Интересот, според него, е рекорден.

– Во првиот ден имавме 15.000 апликации — бројка поголема од целокупните годишни апликации на порталот во 2023 година. Тоа само покажува колку студентите имаат доверба во мерката – изјави Андоновски.

Рокот за аплицирање е до 20 декември, но динамиката упатува на тоа дека сите предвидени ваучери ќе бидат подигнати уште во првата недела на декември. Ваучерите може да се искористат до 31 декември, во продавниците на сите 15 економски оператори кои учествуваат во мерката.

Министерот нагласи дека државата не спровела централизирана набавка, туку им оставиле на студентите самите да изберат што им е најпотребно.

„Ова е вистинскиот пристап – да им дадеме на граѓаните алатка што лично ќе им служи. Студентите сами одлучуваат што ќе купат, а со тоа се поттикнува и економијата,“ додаде тој.

The post ПОДЕЛЕНИ НАД 40.000 ВАУЧЕРИ Студентите масовно купуваат лаптопи и таблети appeared first on plusinfo.mk.

Министерот за економија, Бесар Дурмиши, денеска упати јасно предупредување до трговците и дистрибутерите, ако анализите покажат дека се манипулира со цените на основните производи, државата ќе воведе ригорозни мерки за заштита на потрошувачите.

– Ќе го следиме однесувањето на трговците, дистрибутерите и производителите. Ако видиме енормно зголемување на цените или девијантно однесување, ќе реагираме можеби со ново ограничување на цените или проширување на листата на производи под контрола – изјави министерот.

Тој додаде дека очекуваното зголемување на цените во мај не е изненадување, особено по завршување на владините мерки. Но, воедно забележа и позитивни трендови кај некои домашни производи, каде е регистрирано намалување.

– Во март инфлацијата беше околу 2 проценти, што за нас е стабилна состојба. Целта ни е до крајот на годината да ја задржиме инфлацијата под 3 проценти – додаде Дурмиши.

Министерот исто така посочи дека за време на празници трговците често ги зголемуваат цените на најбараните производи, но оваа година, како што рече, биле преземени чекори однапред за да се спречат такви злоупотреби.

Очекувањата се дека во следните денови ќе пристигне извештајот за јуни, кој заедно со податоците од Државниот завод за статистика и Инспекторатот ќе биде основа за нови мерки.

The post ЌЕ УСЛЕДАТ КАЗНИ ЗА ТРГОВЦИТЕ СО НЕРЕАЛНИ ЦЕНИ Дурмиши најави ригорозно следење за да престанат злоупотребите appeared first on plusinfo.mk.

The post ВЛАДИНИТЕ МЕРКИ ДОБИЈА ОДОБРУВАЊЕ Македонските граѓани позитивно гледаат на новите потези на владата appeared first on plusinfo.mk.

Од денеска до 25 јули продолжува портокаловата фаза во цела држава. Поради тоа Министерството за труд и социјална работа и Владата информираат дека продолжуваат да важат препораките за намалување на ризиците од високите температури.

Како што информира владината прес-служба, се препорачува ослободување од физичко присуство на работното место на најранливите групи население, како што се: бремените жени и лица на возраст над 60 години, со организирање онлајн работата, таму каде техничко-технолошкиот процес го овозможува тоа.

Во градинките да не се практикува физичка активност и да не се изнесуваат децата на отворено во периодот од 11 до 17 часот.

Единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица и бездомници.

„Со оглед дека одредени ризични производствени и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област“, се вели во соопштението.

Владата на вчерашната 173-та седница одлучи државните органи и јавните претпријатија и установи да ги почитуваат препораките. Владата препорачува на приватниот сектор да го организира работното време со цел заштита од директна сончева изложеност на работниците, пред сѐ избегнување престој на отворено во периодот од 11 до 17 часот.

„Сите правни субјекти кои вршат активности на отворено, да ги запрат активностите во периодот од 11 до 17 часот, а ова особено се однесува на работата на градежните работници“, стои во соопштението.

Градинките, како што се наведува, треба да го организираат работното време во периодот од 7 до 17 часот, со тоа што не треба да практикуваат физичка активност и да не се изнесуваат децата на отворено по 11 часот.

Владата одлучи овие мерки да бидат со времетраење од 9 дена, од денеска до 25 јули, или до натамошно одлучување.

Според Управата за хидрометеоролошки работи, портокаловата фаза се очекува да трае во следните 10-тина дена. Сите региони во државата: скопскиот, осоговско-малешевскиот, пелагонискиот и охридско-преспанскиот ќе бидат во портокалова фаза

The post ПРЕДУПРЕДУВАЊЕ ЗА ВИСОКИ ТЕМПЕРАТУРИ ВО НАРЕДНИТЕ 10 ДЕНА Цела земја во портокалова фаза appeared first on plusinfo.mk.

Иако  трговците, сами ја одредуваат маржата по која ќе продаваат, самите производители почнаа да прават калкулации  за колку ќе ги зголемат цените, поради поскапите суровини. Само со враќање на данокот од 5%, маслото поскапува за најмалку 7 денари, брашното за 3, лебот за скоро 2. Ако се додадат и зголемените маржи, цените ќе бидат уште повискои. Лебот и белите пецива од 1 јуни ќе се продават поскапи за 5%.

Престанува да важи и мерката за бесцарински увоз на суровини за сувомесната индустрија  Трговците бараа продолжување за уште 6 месеци., но од Владата за сега не размислуваат за пролонгирање. Од 5 јуни најавија  згоелмување од 15 до 20%

И производителите на млеко и млечни производи најавуваат повисоки цени, иако изминатиов период  веќе ги  зголемувале. Млекото само со одмрзната мража ќе се продава најмалку 3 денари поскапо, јајцатаи оризот најмалку 5 денари. Статистиката веќе објави дека цените на основните прехранбени производи за една година се зголемени за речиси 13отсто, или само во април за над 18%.

The post ХРАНАТА ОД СРЕДА ДРАСТИЧНО ЌЕ ПОСКАПИ Се укинуваат владините мерки appeared first on plusinfo.mk.