Владата на денешната седница, разгледувајќи ја актуелната економска состојба и влијанието на глобалните ценовни шокови врз домашниот пазар, донесе одлука да продолжи мерката за намалување на акцизите на нафтените деривати, со важност до 4 мај.

Согласно пресметките, се очекува дека Регулаторна комисија за енергетика ќе донесе одлука со која ќе се изврши дополнително намалување на малопродажните цени на нафтените деривати во просек за околу 1,5 денар по литар, соопшти Владата.

„Со оваа одлука се задржува намалувањето на акцизата за дизел горивото во износ од 4 денари по литар, како и намалувањето на акцизата за безоловните бензини од 95 и 98 октани во износ од 2 денари по литар. Оваа интервенција има директен фискален и пазарен ефект, којшто се рефлектира во значително намалување на малопродажните цени на горивата, со што се ублажува притисокот врз трошоците на живот и се амортизираат инфлаторните импулси. Со продолжувањето на оваа мерка, Владата јасно демонстрира проактивен и одговорен пристап во управувањето со кризата, при што приоритет останува заштитата на животниот стандард на граѓаните и одржувањето на економската стабилност“, се вели во соопштението.

Дополнително, имајќи ги предвид стабилизациските ефекти од досегашните мерки и тековните движења на цените, Владата донесе одлука за измена на Одлуката за примена на повластена даночна стапка на додадена вредност. Согласно оваа измена, се додава во соопштението, повластената стапка од 10 проценти ќе продолжи да се применува за бензините, додека за останатите производи се враќа редовната стапка од 18 проценти.

„Оваа мерка претставува внимателно балансиран пристап меѓу потребата за таргетирана поддршка на граѓаните и обезбедувањето на фискална одржливос. Владата останува целосно посветена на континуирано следење на состојбите и навремено преземање на соодветни економски политики“ се вели во соопштението.

Согласно пресметките на Владата, се очекува Регулаторната комисија за енергетика да донесе одлука со која ќе се изврши дополнително намалување на малопродажните цени на нафтените деривати во просек за околу 1,5 денар по литар.

„Истовремено, останува во сила и претходно договорениот механизам со нафтените компании, согласно кој се обезбедува дополнително намалување од 3 денари по литар за дизел горивото и 2 денари по литар за бензините. Со ова, се постигнува кумулативен ефект на намалување на цените, кој директно се рефлектира во намалување на трошоците за транспорт и во ублажување на инфлаторните притисоци врз економијата“, се посочува во соопштението од владината седница.

The post ВЛАДАТА ОЧЕКУВА ГОРИВАТА ДА ПОЕВТИНАТ ЗА 1,5 ДЕНАР ЗА ЛИТАР Акцизите за нафтените деривати остануваат намалени до 4 мај appeared first on plusinfo.mk.

– Ги разбирам барањата на градоначалниците и во целост се согласувам со нивниот став дека скопјани, за жал, поради една личност, која го окупира градот, живеат во супстандардни услови. Чекорот преземен од градоначалниците е сублимат од гневот на граѓаните, кои секојдневно се обраќаат до нив. Предлогот од страна на ЗЕЛС претпоставувам ќе се разгледува на следна седница на Влада, кадешто ние ќе ги кажеме своите ставови врз основа на законските механизми и сум убеден дека ќе се донесе најдоброто решение за граѓаните на град Скопје. Суштината е дека секое непостапување, согласно со надлежностите, кои се утврдени со закон и за којшто зема плата од скопјани, само по себе е прекршување на законот, коешто може да се третира и како злоупотреба на службена положба и овластување – вели Перински, информираат од МЛС.

Тој јавно ги повикува надлежните институции, да преземат мерки и активности за да се утврди зошто градоначалникот на Град Скопје не постапува согласно со своите надлежности и со тоа го загрозува животот и безбедноста на скопјани.

Според Перински, недозволиво и опасно е по скопските улици да има неподигнат и расфрлан смет на секој чекор и тоа на енормно високи температури. Срамни и опасни се, смета министерот, неискосените тревни површини на јавните простори под градска надлежност, каде се рекреираат скопјани и играат најмладите. Истовремено, не постои соодветен збор за нередовниот и небезбеден јавен превоз, кој е единствен транспорт на илјадници граѓани.

– Впрочем и скопјани секојдневно сведочат за состојбата по улиците, а социјалните мрежи се преплавени со фотографии од јавните површини. Тоа само по себе говори дека несомнено проблемот треба да се реши под итно, во согласност со закон и секој фактор да делува во рамки на своите надлежности и ингеренции – нагласува Перински.

The post ГРАЃАНИТЕ СО ПРАВО РЕАГИРААТ НА СУПСТАНДАРДНИТЕ УСЛОВИ Предлогот на градоначалниците ќе се разгледува на владина седница, вели министерот Перински appeared first on plusinfo.mk.

Владата на денешната седница донесе повеќе кадровски одлуки. Сузана Јордановска, на предлог на министерот за земјоделство, шумарство и водостопанство, ја именува за в.д. директор на Државна фитосанитарна лабораторија, а Ромео Тренов за директор на Управата за водостопанство.

Фикрет Хоџа е именуван за вршител на должноста заменик на директорот на КПУ Затвор Битола, додека Гарип Каба, на предлог на министерот за финансии, за в.д. заменик на директорот на Царинска управа орган во состав на Министерството за финансии.

The post НОВИ КАДРОВСКИ РЕШЕНИЈА Владата именуваше директори appeared first on plusinfo.mk.

Министерството за здравство информира дека на денешната седница, Владата ја разгледа и ја усвои Информација за состојбата во хируршките клиники при Универзитетски Клинички центар „Мајка Тереза“ Скопје во врска со проблемот со компресорската станица, како и за досега преземените активности и мерки со цел надминување на истите.

The post СОСТОЈБАТА НА ХИРУРШКИТЕ КЛИНИКИ КОНЕЧНО НА ВЛАДИНА СЕДНИЦА Нешто да се замени, нешто ново да се набави appeared first on plusinfo.mk.

Премиерот Талат Џафери денеска ја отвори конститутивната седница на новоформираната преодна влада, честитајќи им го изборот на сите министри. Тој на почетокот на седницата им порача на министрите да не ставаат слушалки за превод, бидејќи воведното обраќање ќе го прочита на двата јазика. Џафери се обрати прво на албански, а потоа и на македонски јазик.

– Отворањето на седницата на почетокот ќе го водам на двата јазика, нема потреба од слушалки, зашто ќе го кажам истото. Ви посакувам добредојде во владата на Северна Македонија на првата конститутивна седница на преодната влада на Северна Македонија. Пред да преминеме на усвојување на дневниот ред, на сите членови на владата, во мое лично име би сакал да ви честирам на изборот и да ви поскаам успешна работа и соработка. Пред нас е една клучна задача – подготовка на фер и слободни избори во демократска атмосфера. Во тоа имаме обврска да соработуваме и со Собранието и со ДИК, и со мисијата на ОБСЕ/ОДИХР, со ЕУ и САД за да обезбедиме највисоки европски стандарди во изборната кампања и самите избори за граѓаните слободно да ја изразат својата волја – им се обрати Џафери на министрите.

На конститутивната седница на преодната влада, присутни беа и министрите од редовите на ВМРО-ДПМНЕ, за внатрешни работи Панче Тошковски и за труд и социјална политика Ѓоко Велковски.

The post ЏАФЕРИ ЈА ОТВОРИ ВЛАДИНАТА СЕДНИЦА НА АЛБАНСКИ ЈАЗИК Потоа истото го кажа и на македонски appeared first on plusinfo.mk.

Ваква одлука беше донесена на денешната владина седница, а како што е наведено во владиното соопштение, со оваа одлука се овозможува проширување на дејноста на оваа здравствена установа.

„Се проширува дејноста преку специјалистичко-консултативна и болничка здравствена заштита и здравствена дејност на терцијарно ниво од областа на респираторните заболувања кај децата и цистичната фиброза, изведување образовна дејност, вршење усовршување на здравствените работници и научно-истражувачка дејност, како и вршење здравствени услуги кои бараат стручен, организациски и технолошки сложен и мултидисциплинарен здравствен третман од областа на респираторните заболувања кај децата и цистичната фиброза, изградување и спроведување на стручно-медицински доктринарни критериуми во својата област и укажување стручно-методолошка помош на здравствените установи од соодветната гранка на медицината. Со оваа одлука, ќе се добие побрзо и поефикасно дијагностицирање, третман и лекување на пациентите и ќе се намали притисокот кон други установи со што ќе се обезбеди подостапна и поквалитетна здравствена заштита за пациентите“, се вели во владиното соопштение.

The post ИНСТИТУТОТ „КОЗЛЕ“ ПРЕРАСНУВА ВО УНИВЕРЗИТЕТСКА КЛИНИКА Болните деца отсега ќе добиваат поефикасен третман appeared first on plusinfo.mk.

– Добро е што голем број страни се вклучија со свои сугестии и размислувања, меѓу кои и Меѓународниот универзитет во Струга, и мислам дека тоа што ќе биде усвоено како финално, ќе дава добар ефект, доколку во целост се почитува од сите на кои се однесува – рече Шаќири, информирајќи дека паралелно продолжуваат и консултациите за изработка на сеопфатен протокол и прирачници за училиштата.

Во своето обраќање министерот Шаќири рече дека Министерството за образование и наука подготви конкретни препораки за училиштата со цел го зачуваат мирниот амбиент и да се справат со меѓуврсничкото насилство доколку биде детектирано. За истите, како што рече, ќе се дискутира на владина седница во текот на утрешниот ден.

Меѓународниот универзитет во Струга често е цел на напади на опозициски политичари кои обвинуваат за непридржување кон стандардите во високото образование, ангажирање професори без нострифицирани дипломи, а во 2018 година таму се случи скандал кога инспектори на МОН беа физички нападнати и избркани.

Инаку, министерот Шаќири, кој е дипломиран економист од Државниот универзитет во Тетово, во 2008 година се запиша на постдипломски студии на Економскиот факултет при Меѓународниот универзитет во Струга, каде во 2010 година одбрани магистерски труд и стана магистер по економски науки.

The post ЗА ВРСНИЧКОТО НАСИЛСТВО ЛЕКОТ ГО ИМА УНИВЕРЗИТЕТОТ НА МЕРКО!? Министерот Шаќири најави пакет мерки за идната недела appeared first on plusinfo.mk.

Лошиот политички имиџ на Украинецот Олександр Онишченко за кого има распишана потерница од Украина поради финансиски малверзации, а и Вашингтон го стави на листата под санкции бидејќи бил „член на руската мрежа за влијание врз американските претседателски избори“, не бил пречка за македонската влада, без дискусија на присутните, на седница одржана на 31 мај 2022 година да му даде македонско државјанство, пишува Призма.

Како што наведува Призма во својата истражувачка сторија, името на Онишченко на украинската политичка сцена се спомнува како на поранешен пратеник што избегал од земјата во 2016 година, откако Антикорупциската комисија отворила истрага за него за перење пари и корупција. Таа иста година тој ја напуштил својата татковина и побегнал во Шпанија, но по само три години, во 2019 година, Шпанија решава да го екстрадира во Украина, па тој е принуден да побегне во Германија. Во 2020 година Германија одбива да го екстрадира во Украина, а во 2021 година САД го ставаат под санкции поради мешање во американските избори. Истата таа година Онишченко поднесува документи за да добие македонски документи, а веќе во мајк 2022 година, Владата на Република Македонија му доделува македонско државјанство.

Па така, тој последен вторник во мај, ден на кој вообичаено заседава Владата, седницата напладне ја отвора премиерот Димитар Ковачевски. Трае околу два часа, а вечерта до јавноста стигнува владиното соопштение. Во него се наведува дека министрите и премиерот одлучиле да се прошири опфатот на корисници на субвенции на земјоделците и донеле други мерки.

Името на Онишченко, во кратките вести на медиумите за владината седница од тој ден го нема. Но, го има во записникот од седницата што подоцна e објавен и се наоѓа на владината интернет-страница.

Во него се наведува: „Владата го разгледа Барањето на Олександр Онишченко, за прием во државјанство на Република Северна Македонија“ и „утврди позитивно мислење по барањето, имајќи го предвид позитивното мислење на Агенцијата за млади и спорт“.

Уште поинтересно е тоа што 5 месеци откако го добива македонското државјанство, тој настапува под македонското знаме на натпревар во коњски скокови, во Сен Тропе. Видеото од натпреварот го објавува на својот Инстаграм-профил на 15 октомври.

Профилот сведочи за гламурозниот живот на новиот македонски државјанин, кој често патува од Монте Карло до Обединетите Арапски Емирати и до други познати европски туристички дестинации.

Често друштво, судејќи според фотографиите на Инстаграм, му се познати личности од светскиот џет-сет. Прегрнат со шпанскиот тенисер Рафаел Надал, тој му ја честита четиринаесеттата победа на Роланд Гарос, а под описот „времиња за паметење“ објавува фотографија со актерката од серијата „Очајни домаќинки“, Ева Лонгорија и со нејзиниот поранешен сопруг, кошаркарот од НБА-лигата, Тони Паркер.

The post КОНТРОВЕРЗЕН УКРАИНСКИ ПОЛИТИЧАР „ЌУТЕНКАТА“ ДОБИЛ МАКЕДОНСКИ ПАСОШ Украина го гони за перење пари, а САД го бараат „и под дрво и под камен“ appeared first on plusinfo.mk.

Согласно предвидената инвестиција во земјава ќе се произведуваат електричните возила „e-go“. Мултимилионска инвестиција од НЕКСТ.Е.ГО МОБИЛЕ СЕ, Ахен, Германија во ТИРЗ Тетово се очекува да отвори 3-4.000 нови работни места.

„Ова е за првпат во автомобилската индустрија кај нас да се продуцира целосен автомобил и се разбира за првпат ќе се произведуваат електрични автомобили. Придобивките од оваа инвестиција се многукратни – од отворање на нови работни места, извоз на производи со голема додадена вредност, пренос на знаење и технологии, мапирање на земјава кај странските инвеститори во оваа фела, до договори и дополнителна работа за локални компании“, се вели во соопштението од Владата.

На денешната седница беа донесени и две одлуки кои се однесуваат на заштита на домашното производство и стандардот на потрошувачите.

Првата одлука, доставена од Министерството за економија и Министерството за земјоделство, шумарство и водостопанство, се однесува на дополнување на Одлуката за ограничување на извозот на одделни стоки, која ќе важи и за семе од сончоглед, вклучувајќи кршено или дробено. Со дополнувањето, кое важи до 31 декември 2022 година, се овозможува по завршувањето на жетвата, која треба да започне во втората половина на август, најпрво да се обезбеди снабдување на домашниот пазар односно домашните капацитети на производство на масло од сончоглед за јадење.

Забраната за извоз на семе од сончоглед има за цел да се избегне зголемување на цената на сончогледовото масло за јадење.

Владата донесе и Одлука за посебни услови за трговија на одделни стоки, со која се определува највисоката трговска маржа, во висина од најмногу до 10 проценти, како посебен услов во трговијата за следните стоки: огревно дрво од даб, огревно дрво од бука и пелети за огрев. Одлуката важи за сите трговски друштва и трговци-поединци кои учествуваат во трговијата на мало во продажбата на огревно дрво и пелети за огрев, со цел да се заштитат потрошувачите од неконтролирано покачување на цените на стоките за огрев.

Оваа Одлука ќе се применува до крајот на годината, до 31 декември 2022 година.

На денешната седница, министрите донесоа заклучок, со кој се задолжи Агенцијата за храна и ветеринарство (АХВ) да достави информација до Владата за состојбата со африканската свинска чума во земјата и да се преземат активности за формирање Координативно тело за ефикасно институционално справување со последиците од оваа болест и заштита на свињарските фарми.

The post ВО ТЕТОВО ЌЕ СЕ ПРОИЗВЕДУВААТ ЕЛЕКТРИЧНИ ВОЗИЛА Од Владата предвидуваат дека германската компанија ќе отвори до 4.000 работни места appeared first on plusinfo.mk.

Тој го повика македонскиот народ да излезе пред Владата и да каже „не“ за предлогот.

– Според нашите информации, утре ќе се одржи владината седница на којашто ќе биде прифатен францускиот предлог. Затоа, ја повикувам цела Македонија утре да дојде пред Владата – рече Мицкоски.

Тој ги повтори неговите барања до премиерот Димитар Ковачевски дека ќе се откаже од предвремени избори доколку Ковачевски не го прифати модифицираниот француски предлог.

ЌЕ ГО ПОТПИШЕМЕ ЛИ ПРОТОКОЛОТ НА НЕВИДЕНО? Владата подготвува „блиц-криг“ сценарио

The post ИМАМ ИНФОРМАЦИЈА ДЕКА ВЛАДАТА УТРЕ ЌЕ НОСИ ОДЛУКА Мицкоски ја повика цела Македонија да каже „не“ за францускиот предлог appeared first on plusinfo.mk.