СОЗР само вели дека „се пласираат невистинити информации дека СОЗР овозможува богато и евтино мени за функционерите“ и признава само дека цените во владиниот ресторан „секако се различни и пониски од оние кои се во комерцијалните ресторани“, но не прецизира колкави се.

„Ја информираме јавноста дека во бифето од ресторанот се опслужуваат 250 вработени во Владата покрај функционерите, а во Собранието бифето го користат сите пратеници, вработени во службите, како и медиумските работници кои се на извршување на работни задачи во законодавниот дом. Тоа значи дека цените во рестораните на државните институции, не важат само за функционерите, туку и за пратениците, службите, сите вработени итн.

Службата работи на принцип на рамковни годишни набавки и маржа од 15% со одлука на Влада, и притоа е месечен даночен обврзник, што резултира со конкретни цени кои секако се различни и пониски од оние кои се во комерцијалните ресторани.

Прашањето на разликата во цените во ресторани кои ги опслужуваат државните институции и цените во комерцијалните ресторани кои ги плаќаат граѓаните не е прашање на привилегија, туку е прашање на одговорно работење и практики кои ги употребува Службата преку кои што се држат трошоците на институциите под контрола. Во оваа насока, посочуваме дека за разлика од енормните трошоци и милионските суми кои ги трошеше Владата на ВМРО-ДПМНЕ во овој сегмент, сега преку овие воведени практики на одговорно работење, се сведени на минимум. Сите државни институции трошат разумно и своите потреби ги задоволуваат во рамки на државните ресторани, што во крајна линија значи заштеда и одговорно менаџирање на буџетските средства“ – се вели во соопштението на ВМРО-ДПМНЕ.

The post ВЛАДАТА БОЖЕМ ДЕМАНТИРА, А ГИ КРИЕ ЦЕНИТЕ ВО ВЛАДИНИОТ РЕСТОРАН Признава само дека тие се пониски од комерцијалните appeared first on plusinfo.mk.

„Лицемерието на власта на СДС и ДУИ нема крај. Додека народот се тоне во сиромаштија поради високата инфлација, а власта вели дека тоа било така секаде, во владините бифеа цените стојат замрзнати и тоа на минимум. Студентите нека се чудат што да јадат, пензионерите нека се борат секој ден дали да купат леб или лекови, ама затоа министрите ќе се гоштеваат по екстра ниски цени. Ако четврт бурек, ѓеврек и јогурт стануваат луксуз за народот, затоа што треба за него да одвојат околу две евра, во владините бифеа за истите пари кркаат сланина на скара (за 110 денари) или вешалица од свинско каре (за 135 денари). Го слушате Ковачевски, Битиќи или Бектеши дека поскапуваат цените на детската храна затоа што тие тоа го сметаат за луксуз, а веројатно половина час порано јаделе омлет со свинско за 65 денари, тост со врат за 75 денари или тулумби и баклави за 30 денари. Еден министер со плата од 2000 евра јаде цел ден за 100-тина денари, а еден работник со минималец јаде месен нарезок по поскапи цени. И на крајот министерот ќе те убедува дека поскапувањето на цените на одредени производи било за твое добро, затоа што не било здраво тоа да се јаде. Ситата влада не го верува гладниот народ. Ова мора да престане. Оваа власт мора да си замине“, се вели во реакцијата.

The post МИНИСТЕР СО ПЛАТА ОД 2.000 ЕВРА РУЧА ЗА 100 ДЕНАРИ, А РАБОТНИКОТ НА МИНИМАЛЕЦ ЈАДЕ СКАП МЕСЕН НАРЕЗОК Ситата власт не му верува на гладниот народ, обвини ВМРО-ДПМНЕ appeared first on plusinfo.mk.