– Еден од приоритетите е финансиска поддршка на јавните и приватните објекти да извршат замена на постоечките нееколошки системи за греење со технологии засновани на природни извори на енергија, како и технологии за зголемена енергетска ефикасност на самите објект. Државните установи и институции сметаме дека први треба да го направат овој еколошки исчекор – рече денеска портпаралот на Централниот изборен штаб на НСДП, Владимир Трајкоски.

Според него, правото на чист воздух е едно од најважните и може да се оствари преку низа мерки меѓу кои: изградба на инфраструктура за централно греење во секој град, стимулирање на производство на струја од соларна енергија.

– Нема дилеми околу потребата за обезбедување здрава вода за сите, но претходно езерата и реките мора да се исчистат од хемикалии и пестициди кои несовесно се истураат во нив. Се залагаме за зачувување на слатководниот жив свет на природните езера со одредување заштитни зони, за искористување на подземните води за наводнување за земјоделските полиња и градското зеленило. Неопходно е да ставиме крај на дивите депонии, да воведеме систем на примарна селекција на отпадот, да го забраниме користењето на отпадот за суровина и енергенси. Да станеме одговорни кон животната средина, а со тоа и кон самите себе. Дајте ни можност да го реализираме сето ова и на 15 јули гласајте за Коалицијата „Можеме“ и Нова социјалдемократска партија – побара Трајкоски.

The post НСДП се залага за замена на нееколошките системи за греење appeared first on plusinfo.mk.

За Нова социјалдемократска партија образованието е од стратешко значење за развојот на македонското општество, има национален интерес за државата и затоа мора да биде над сите политички и идеолошки поделби.

– Се залагаме за еднаков пристап до образованието, а со тоа и до еднакви шанси без оглед на социјалната положба. Еден од предусловите за реализирање на оваа цел е основното образование да биде целосно бесплатно, односно родителите да бидат ослободени од плаќање за оброци, екскурзии, училишен превоз. Од просветниот работник ќе се очекува квалитет кој постојано ќе се следи и поттикнува со постојани доусовршувања, а НСДП како дел од коалицијата „Можеме“ ќе се залага за подобрување на неговиот материјален и општествен статус. Сметаме дека школувањето треба да започне со навршени седум години, да нема испити или полагања до 13-годишна возраст. Посакуваниот врвен квалитет на основното и средното образование е тесно врзан и условен со високо-образовните институции, па затоа ќе се залагаме за врвен квалитет на академскиот кадар, заострување на критериумите за избор на универзитетските професори, соодветна селекција на студенти при запишување на педагошките факултети – изјави денеска портпаролот на Централниот изборен штаб на НСДП, Владимир Трајкоски.

За НСДП подеднакво важен столб за општеството и неговиот развој, кој истовремено треба да претставува и инструмент против сѐ поприсутниот примитивизам, е културата.

НСДП се залага за нов закон со проширена листа на објекти за заштита и конзервација, како и прецизно утврдени услови, функции и надлежности на државните институции, независно дали се работи за материјално или нематеријално културно наследство.

– Сметаме дека треба максимално да ги користиме можностите кои ни ги пружаат УНЕСКО, ИПАРД, Иницијативата „17+1“. Потребата за поголема афирмација на нашата култура, треба да биде потпомогната со проширување на мрежата на културни институции во земјава, како што е на пример отворање на музеј и библиотека во секое поголемо населено место, со формирање нови културно-информативни центри во странство, како и со ангажман на културните аташеа во дипломатско-конзуларните претставништва во соседството и светските метрополи – додаде Трајкоски.

The post НСДП предлага бесплатни екскурзии, постојано усовршување на наставниците appeared first on plusinfo.mk.