Почесниот конзулат на Република Србија во Куманово одбележа една година постоење. На денешното одбележување на годишнината, почесниот конзул, Владимир Стајиќ, рече дека конзулатот е вистински мост помеѓу луѓето, културите и идеите, реализирани се бројни активности кои ја потврдуваат посветеноста на добрососедството, хуманоста и културната соработка.

Прес присутните гости, вицепремиерот и министер за односи меѓу заедниците Иван Стоиљковиќ, министерот за култура и туризам Зоран Љутков, градоначалникот на Куманово Максим Димитриевски, директорот на Царинската Управа Бобан Николовски, пратеници и претставници од амбасадата на Србија, граѓани, Стајиќ рече дека изминатата година се водел од искрена желба за продлабочување на соработката меѓу двата пријателски народи, македонскиот и српскиот.

Тој се заблагодари на локалната самоуправа и на градоначалникот Димитриевски за поддршката и пријателството, на вицепремиерот Стоиљковиќ за посветеноста за унапредување на правата и положбата на српската заедница во земјава, до Амбасадата за реализација на заедничките цели за јакнење на пријателските односи помеѓу двете држави.

– Сакам да изразам благодарност до министерот за култура и туризам Зоран Љутков за поддршката за отварањето на македонскиот културно-инфортивен центар во Белград кој ќе стане ново седиште на македонската култура, јазик, уметност и традиција и ја потврдува важноста на културата како мост меѓу државите и луѓето – рече Стајиќ во обраќањето пред присутните.

Зборувајќи за реализираните активности, Стајиќ се задржа на поддршката за семејствата после несреќата во Кочани, бројните активности за образованите институции како теме за зачувување на српскиот јазик, култура и традиција, поддршката за културните организации, придонесот за зачнување на духовното наследство на манастирот Свети Георгиј Победоносец во Рајчица, добивањето на „Златниот медал за исклучителсни заслуги“ за зацврстувањето а пријателските односи меѓу двете земји.

– Посебно сакам да ја истакнам значајната улога на претседателот на македонската Влада, Христијан Мицкоски, чија посветеност и ангажман во унапредувањето на меѓуетничката соработка има клучно значење за јакнење на добрососедските односи. Српскиот и македонскиот народ имаат долга историја братски односи. Тие врски денес дополнително се зајакнати преку исклучително добрата соработка помеѓу владите не двете држави која се одвива во духот на замена почит и заедничка посветеност кон европската иднина на регионот – рече Стајиќ.

Почесниот конзул зборуваше и за учеството на ЕКСПО 2027 каде што македонската држава ќе добие најдобра локација за претставување на компаниите на државата.

The post 📷 КУМАНОВО ГО ПРОСЛАВИ ЈУБИЛЕЈОТ НА СРПСКИОТ КОНЗУЛАТ Стајиќ му се заблагодари на Димитриевски и Владата за пријателството и поддршката appeared first on plusinfo.mk.

Македонскиот бизнисмен Владимир Стајиќ, почесниот конзул на Србија во Македонија денеска беше одликуван во Белград со Златен медал за извонредни заслуги за негување и зацврстување на пријателските односи меѓу Србија и Македонија.

Свечената церемонија на доделување државни награди по повод Денот на државноста се одржа во Палата Србија во Белград, каде одликувањето му беше врачено од претседателот на Република Србија, Александар Вучиќ.

– Ова одликување претставува потврда и поттик за понатамошно јакнење на соработката и добрососедските односи меѓу нашите народи. Србија и Северна Македонија имаат долга историја на братски односи, а овој медал е доказ за нашата цврста поврзаност во сите важни области на животот. Му благодарам на претседателот за ова големо одликување, како и на сите кои го поддржуваа мојот труд – моето семејство, пријателите и сите што беа со мене низ годините. Оваа награда е дополнителен поттик заедно да продолжиме да работиме на зајакнување на нашите врски и зачувување на заедничките вредности – изјави Стајиќ по одликувањето.

The post ЗЛАТЕН МЕДАЛ ЗА ПОЧЕСНИОТ КОНЗУЛ НА СРБИЈА ВО МАКЕДОНИЈА Вучиќ го одликуваше Стајиќ за негување на пријателството меѓу Скопје и Белград appeared first on plusinfo.mk.