Русија планира реформа на даночниот систем за да го зголеми приливот во државниот буџетот од следната година  за дополнителни 2,6 милијарди рубљи (околу 26,5 милијарди евра) кои ќе се трошат за потребите на војската. Според податоците, расходите за војската надминуваат 8% од домашниот бруто производ (БДП) на Русија и речиси една третина од овогодишниот државен буџет.

Според најавата, во Русија ќе биде воведен прогресивен данок на доход кој ќе ги таргетира богатите, а се планира и зголемување на даноците на претпријатијата. Предлогот за ваквата реформа на даночниот систем е најавен од  рускиот претседател Владимир Путин за време на кампањата за претседателските избори одржани во март.

Реформаta носи драматична промена во споредба со претходната даночна политика на Путин која започна  во 2001 година, кога беше воведена рамна даночна стапка од 13% како замена за сложениот даночен систем кој го имаше дотогаш во Русија. Во во 2021 година стапката е зголемена на 15% и се однесуваше на оние кои заработуваат повеќе од 5 милиони рубљи (нешто повеќе од 51.000 евра) годишно.

Сега руското Министерство за финансии сака да го намали нивото на примена на таа даночна стапка, која би ја покривала годишната заработка од 2,4 милиони рубљи (околу 24.500 евра) на 5 милиони рубљи.

Но, тоа не е се, бидејќи се воведуваат и нови даночни категории, така што оние кои заработуваат меѓу 5 и 20 милиони рубљи годишно (до околу 204.000 евра) ќе бидат оданочени со стапка од 18%о, оние кои заработуваат меѓу 20 и 50 милиони рубљи (до околу 509.000 евра) ќе плаќаат данок од 20%, а оние кои заработуваат повеќе од 50 милиони рубљи годишно ќе бидат оданочени со стапка од 22%.

Според истиот предлог, корпоративниот данок ќе се зголеми од 20 на 25%.

Доколку предлогот биде усвоен од руската Дума, промените на даночната политика ќе стапат на сила следната година. Владата најави дека во буџетот ќе додадат дополнителни 2,6 милијарди рубљи (околу 26,5 милијарди евра).

Кремљ реформата ја оцени како праведна и соопшти дека таа ќе влијае на три отсто од вкупната работна сила во Русија.

The post ОВА НЕМА ДА ИМ СЕ ДОПАДНЕ НА РУСИТЕ Путин воведува прогресивен данок за да ја финансира војната appeared first on plusinfo.mk.

– Путин ќе ги нападне земјите од НАТО за да покаже дека глобалните институции се слаби. Полска и другите соседи, би требало да бидат предупредени поради тоа што се случува во Украина – изјави Лешченко за виенскиот дневен весник „Пресе“.

Според него, целта на претседателот на Русија, Владимир Путин, не е само да ја избрише Украина од географската карта, туку и да го уништи глобалниот поредок.

Тој нагласи дека „доколку добие вистински гаранции, Украина би била подготвена да стане неутрална земја“.

– Подготвени сме да прогласиме неутралност, но, само со безбедносна гаранција, а не со ветувања како оние во Меморандумот од Будимпешта. Подготвени сме и да разговараме за специјалниот статус на Крим и за окупираните територии во текот на војната – појасни Лешченко.

Меѓутоа, Украина, како што истакна тој, не е подготвена да прифати окупација на територии што Русија ги освои за време на војната.

The post ПУТИН САКА ДА ГО УНИШТИ ГЛОБАЛНИОТ ПОРЕДОК Лешченко тврди дека Украина би станала неутрална со одредени гаранции appeared first on plusinfo.mk.