Русија изрази подготвеност да помогне во решавањето на конфликтот со Иран, соопшти Кремљ. Според официјалните информации, претседателот Владимир Путин веќе разговара со лидерите на земјите од Блискиот Исток со цел да се најде пат кон деескалација на тензиите.

Портпаролот на Кремљ, Дмитриј Песков, изјави дека Путин „продолжува со контактите“ и дека Москва е подготвена да придонесе во пренасочување на воената ситуација кон мирно решение во најкраток можен рок. Според него, смирувањето на тензиите може да се постигне единствено преку преговори.

Песков се осврна и на говорот на американскиот претседател Доналд Трамп, кој изјави дека размислува за повлекување на САД од НАТО. Портпаролот повтори дека Москва ја смета Алијансата за „непријателска“.

Воедно, Кремљ посочува дека евентуален руско-арапски самит би можел да послужи како платформа за дијалог и намалување на последиците од конфликтите во регионот.

Потсетувањето доаѓа во време кога Русија веќе четири години води војна во Украина, што дополнително ја усложнува геополитичката ситуација.

The post ПУТИН НУДИ ПОСРЕДУВАЊЕ Русија подготвена да помогне во конфликтот со Иран appeared first on plusinfo.mk.

Полскиот премиер Доналд Туск остро реагираше на најновите изјави на американскиот претседател Доналд Трамп поврзани со НАТО, Русија и војната во Украина, оценувајќи дека таквата насока на политика директно му оди во прилог на Кремљ.

– Закана со распад на НАТО, попуштање на санкциите кон Русија, голема енергетска криза во Европа, запирање на помошта за Украина и блокада на заемот за Киев од страна на Орбан – сето тоа изгледа како план од соништата на Владимир Путин – изјави Туск.

Реакцијата доаѓа во момент на засилени тензии меѓу западните сојузници, при што реториката и потезите на Вашингтон предизвикуваат загриженост во дел од европските престолнини за долгорочната стабилност на трансатлантската безбедносна архитектура.

Во текстот се наведува дека Трамп повторно го довел во прашање значењето на НАТО, опишувајќи го како „хартиен тигар“ и посочувајќи дека сериозно размислува за можноста САД да излезат од алијансата. Ваквите пораки, според оценките што се пренесуваат, се примени со вознемиреност во Европа, каде НАТО се гледа како клучна гаранција за безбедноста, особено во контекст на руската агресија врз Украина.

Дополнително, се посочува дека американската администрација неодамна укинала дел од нафтените санкции кон Русија, образложувајќи го потегот со енергетската криза поврзана со американско-израелската војна против Иран. Во истиот контекст се споменува и притисок врз Киев да прифати компромисни решенија, што, според полските и балтичките грижи, може да ја засили позицијата на Москва.

Туск во својата порака го вклучува и унгарскиот премиер Виктор Орбан, наведувајќи ја блокадата на важни финансиски пакети за Украина во рамки на Европската Унија како уште еден фактор што ја продлабочува поделбата и ја слабее кохезијата на западниот одговор.

Како дополнителен притисок се истакнува и енергетската нестабилност во Европа, која се влошува поради нарушувања на пазарите на нафта и гас и тензии поврзани со Блискиот Исток и Ормутскиот Теснец. Според пораката што се пренесува, секое олеснување на санкциите кон Русија или разнишување на сојузништвата би можело дополнително да ја усложни европската позиција.

The post ТРАМП ГИ ИСПОЛНУВА СОНИШТАТА НА ПУТИН Полскиот премиер со остри критики до претседателот на САД appeared first on plusinfo.mk.

Севернокорејскиот лидер Ким Џонг Ун во писмо со благодарност до својот руски колега Владимир Путин изјави дека неговата земја секогаш ќе ја поддржува Русија, објавија денеска севернокорејските медиуми.

„Изразувам искрена благодарност за вашите топли и срдечни честитки за моето повторно преземање на тешките одговорности на шеф на државата“, напиша Ким.

Законодавното тело на Северна Кореја го реизбра Ким Џонг Ун за претседател во неделата.

„Денес, Демократската Народна Република Кореја (ДНРК) и Русија тесно соработуваат за да го одбранат својот суверенитет“, напиша Ким во писмото.

Ким нагласи дека Пјонгјанг секогаш ќе стои зад Москва затоа што „тоа е наш избор и наша непоколеблива волја“.

Врските меѓу двете земји се зајакнаа од почетокот на руската инвазија на Украина во 2022 година, кога Пјонгјанг испрати војници и системи за оружје за поддршка на војната на Русија, а во 2024 година потпишаа договор за меѓусебна одбрана.

Северна Кореја, која е изолирана земја, добива финансиска помош, храна и енергија за возврат, покрај воена технологија.

Друг руски сојузник, белорускиот претседател Александар Лукашенко, денеска пристигна во дводневна посета на Северна Кореја.

The post СЕВЕРНА КОРЕЈА СЕКОГАШ ЌЕ ЈА ПОДДРЖУВА РУСИЈА Ким Џонг Ун му благодари на Путин за честитките за реизборот appeared first on plusinfo.mk.

Млад руски војник успеал сам да ја задржи својата позиција на фронтот во источна Украина дури 68 дена, одбивајќи повеќе напади и испраќајќи разузнавачки информации до својата команда.

Станува збор за 21-годишниот Сергеј Јарашев, кој се нашол отсечен од главните руски сили за време на борбите во регионот Доњетската Народна Република (ДНР). Според руските медиуми, тој бил првиот кој влегол во позициите на украинските сили за време на напад и успеал да уништи неколку нивни стрелни точки.

По борбата, Јарашев останал изолиран од својата единица и два месеци ја бранел позицијата сам. Во тој период, како што се наведува, испраќал разузнавачки информации до руската команда и одбивал повеќе напади од украински нападни групи.

Муницијата и храната, според извештаите, му биле доставувани со беспилотни летала.

За овој подвиг, рускиот претседател Владимир Путин му ја додели највисоката државна награда – титулата Херој на Русија.

Ruski vojnik 68 dana sam držao položaj i odbijao napade ukrajinske vojske

Vojnik Sergej Jarašev (21) 68 dana je sam branio položaj u DNR, nakon što je tokom juriša prvi upao u redove ukrajinskih snaga i uništio njihove vatrene tačke. Pošto je ostao odsečen od glavnih ruskih… pic.twitter.com/9IUCVNDWjl

— RT Balkan (@rtbalkan) March 11, 2026

The post 📽️ ДРОНОВИ МУ НОСЕЛЕ ХРАНА И МУНИЦИЈА Руски војник преживеал сам 68 дена на фронтот, Путин го награди appeared first on plusinfo.mk.

Рускиот претседател Владимир Путин денеска изјави дека Русија би можела веднаш да го прекине снабдувањето на европските пазари со гас и да се сврти кон, како што рече, „поперспективни пазари“.

Изјавата доаѓа во пресрет на најавата дека Европска комисија на 15 април ќе поднесе законски предлог за трајна забрана за увоз на руска нафта, според информации на претставници на ЕУ.

– Сега се отвораат и други пазари. Можеби е попрофитабилно за нас веднаш да престанеме да го снабдуваме европскиот пазар. Ајде да преминеме на тие пазари што се отвораат и да се етаблираме таму – му изјави Путин на новинарот на руската државна телевизија Павел Зарубин.

Сепак, рускиот претседател нагласи дека засега не станува збор за конечна одлука.

– Но, ова не е одлука, ова е, во овој случај, она што се нарекува размислување на глас. Дефинитивно ќе ѝ наложам на владата да работи на ова прашање заедно со нашите компании – рече Путин.

Тој повтори дека Русија, според неговите зборови, отсекогаш била сигурен снабдувач со енергија и дека ќе продолжи да соработува со партнери што ги смета за доверливи, меѓу кои ги посочи Словачка и Унгарија.

BREAKING: Russian President Putin says it may be time to stop supplying gas to European markets.pic.twitter.com/berYBco4vt

— Jackson Hinkle (@jacksonhinklle) March 4, 2026

The post ПУТИН Ѝ СЕ ЗАКАНИ НА ЕВРОПА Москва размислува за итно стопирање на испораките на гас appeared first on plusinfo.mk.

Рускиот претседател Владимир Путин денеска на почетокот од разговорите со унгарскиот министер за надворешни работи, Петер Сијарто, изјави дека односите меѓу двете земји се стабилни и се развиваат позитивно, особено во енергетскиот сектор. Информацијата ја објави прес-службата на Кремљ.

– Севкупно, односите се стабилни и се развиваат позитивно, особено кога станува збор за енергетската политика, вклучувајќи јаглеводороди и нашиот водечки проект – нуклеарната централа Пакш – рече Путин.

Портпаролот на Кремљ, Дмитриј Песков, претходно информираше дека на средбата ќе се разговара и за снабдувањето со нафта, вклучително испораките преку гасоводот Дружба, објави РИА Новости.

Сијарто на својата Фејсбук страница истакна дека е во Москва за да се увери и „да добие гаранција дека количината на нафта и гас потребна за енергетската безбедност на Унгарија ќе биде испорачана по иста цена, и покрај променетите околности и глобалната енергетска криза“.

Министерот додаде дека снабдувањето со енергија се соочува со предизвици откако од крајот на јануари украинските власти го блокираа транспортот на руска нафта преку нафтоводот Дружба.

Дополнително, Путин вчера оствари и телефонски разговор со унгарскиот премиер Виктор Орбан, во кој, како што е соопштено, биле разменети информации за енергетските прашања.

The post РУСИЈА И УНГАРИЈА ЈА ЗАЦВРСТУВААТ СОРАБОТКАТА Путин и Сијарто ја потврдија испораката на енергенси appeared first on plusinfo.mk.

Рускиот претседател Владимир Путин за прв пат јавно се огласи по нападите на САД и Израел врз Иран и одмаздничките удари што следеа, оценувајќи дека ликвидацијата на врховниот лидер Али Хамнеи претставува „цинично убиство“.

Како што објави руската државна агенција ТАСС, Путин истакнал дека ваквиот чин ги прекршил „сите норми на човечкиот морал и меѓународното право“, пренесе и Си-Ен-Ен.

Рускиот лидер додал дека Хамнеи ќе биде запаметен во Русија како „извонреден државник“.

Москва и Техеран со години важат за блиски сојузници. Иран, според западни извори, ѝ обезбедува на Русија воена поддршка, вклучително и беспилотни летала и балистички ракети, а помогнал и во изградба на објект за производство на дронови поврзани со војната во Украина.

Изјавите на Путин доаѓаат еден ден откако руското Министерство за надворешни работи остро ги осуди нападите на САД и Израел врз Иран, оценувајќи ги како „непромислен чекор“ и „неиспровоциран чин на вооружена агресија“.

The post ЛИКВИДАЦИЈАТА НА ХАМНЕИ Е „ЦИНИЧНО УБИСТВО“ Путин со прва реакција по нападите врз Иран appeared first on plusinfo.mk.

Рускиот претседател Владимир Путин денеска изјави дека непријателите на Москва веројатно сфаќаат како би завршил евентуален напад „со нуклеарен елемент“ против Русија или руските сили.

Коментарите на Путин следуваат откако руската Служба за надворешно разузнавање (СВР) претходно денеска изрази загриженост за можните испораки на елементи за технологија за нуклеарно оружје за Украина од Велика Британија и од Франција.

– Русија ќе ги информира САД за обидите на Украина да се здобие со нуклеарно оружје – изјави советникот за надворешна политика на Кремљ, Јуриј Ушаков.

Ушаков рече дека ова ќе влијае на позицијата на Русија во преговорите за решавање на конфликтот во Украина.

Француската амбасада во Москва соопшти дека руските тврдења се „очигледна лага“.

Украина ги нарече тврдењата на Русија „апсурдни“.

– Украина многу пати претходно ги негираше ваквите апсурдни руски тврдења, а ние официјално ги негираме повторно сега. Ја повикуваме меѓународната заедница да ги отфрли и да ги осуди руските валкани информативни бомби – изјави портпаролот на украинското МНР, Георги Тихи.

КИЕВ ЌЕ ДОБИЕ МАТЕРИЈАЛИ ЗА „ВАЛКАНА РАДИОАКТИВНА БОМБА“?! Москва обвинува за таен план на Лондон и Париз

The post НЕПРИЈАТЕЛИТЕ ЗНААТ КАКО ЌЕ ЗАВРШИ НУКЛЕАРЕН НАПАД ВРЗ РУСИЈА Путин предупредува, Украина негира дека планира да се снабди со атомска бомба appeared first on plusinfo.mk.

Претседателот на Русија, Владимир Путин денеска ја обвини Украина дека се обидува да ги минира мировните преговори, напаѓајќи ја руската енергетска мрежа.

– Противниците на Русија прават сè, за да го спречат напредокот што го постигна Русија во преговарачкиот процес – нагласи Путин.

Тој тврди дека Киев со помош на западните разузнавачки служби ја напаѓа руската енергетска инфраструктура и стратешките објекти.

Путин на средбата со претставници на руската Федерална служба за безбедност (ФСБ) посочи дека можна цел на украинските напади би биле гасоводите на дното на Црно Море, Турски поток и Син поток.

Рускиот претседател наведе и дека се зголемени терористичките напади во земјата и побара поголема заштита на доверливите информации поврзани со армијата и со воената индустрија.

– ФСБ даде најважен, значаен придонес во обезбедувањето на суверенитетот, во заштитата на безбедноста на нашите граѓани. Во текот на изминатата 2025 година, во сите клучни области, вие и вашите колеги достојно ги решивте поставените задачи – истакна Путин.

Високи американски претставници велат дека американскиот претседател Доналд Трамп се обидува да се постигне договор за завршување на војната во Украина пред да биде домаќин на 250-годишнината од независноста на Америка на 4 јули.

За време на својата претседателска кампања Трамп ветуваше дека ќе ја заврши војната во рок од 24 часа од преземањето на функцијата. Речиси 400 дена од неговиот втор мандат трилатералните разговори не успеаја да доведат до договор, а Владимир Путин, според официјалните лица, не покажува знаци дека е подготвен за компромис.

Трамп сега сака да ја заврши војната за четири месеци, но Кремљ на четвртата годишнина од почетокот на војната соопшти дека ќе продолжат борбите, сè додека не ги постигне своите цели во Украина.

The post ПУТИН ГО ОБВИНИ КИЕВ ДЕКА ГИ МИНИРА ПРЕГОВОРИТЕ СО НАПАДИТЕ ВРЗ ЕНЕРГЕТСКИТЕ ОБЈЕКТИ НА РУСИЈА Трамп сака да постигне мир до 4 јули appeared first on plusinfo.mk.

Германскиот канцелар Фридрих Мерц смета дека нема брз договор за крај на војната во Украина. Според него, конфликтот ќе запре дури кога едната страна ќе остане без сила, воено или економски.

Во интервју за весникот „Рајнфалц“, Мерц рече:

– Според мене, оваа војна ќе заврши само кога едната од двете страни ќе биде исцрпена, или воено или економски.

Тој не остави простор за илузии околу Владимир Путин.

– Рационалните и хуманитарните аргументи нема да го убедат Путин. Тоа е горчливата вистина.

Берлин, според Мерц, треба да се фокусира на стратегија што ќе ја ограничи способноста на Москва да продолжи со војната.

– Руската држава повеќе не смее воено да ја продолжи војната и повеќе не смее економски да ја финансира – нагласи тој.

Оценката за состојбата во Русија му беше уште поостра.

– Моментално сме сведоци како оваа земја западна во состојба на длабок варваризам. Ова нема да се промени во догледна иднина и ова е нешто со кое мора да се помириме – рече Мерц.

Украина веќе речиси 4 години се брани од руските напади. Во последните денови претставници на двете страни преговараат во Женева. Деталите од разговорите не се објавени.

The post БРУТАЛНО ИСКРЕНА ПОРАКА ОД КАНЦЕЛАРОТ ЗА МИРОТ Војната ќе заврши само кога некој ќе се исцрпи? appeared first on plusinfo.mk.