Владимир Панчевски преку својот профил на Фејсбук соопшти дека поднесува кривична пријава против Башким Бесими, претседател на Советот на јавни обвинители и против сите други 9 членови на Советот за Злоупотреба на службена положба и овластување од член 353 ст.1 вв со чл. 22 од Кривичниот законик.

Според него, членовите на Советот на 17.02.2026 година на седница на која се разгледувале кандидатурите за нов државен обвинител ја искористиле својата службена положба и ги пречекориле границите на своето службено овластување, постапиле спротивно на член 62 став 1 алинеја 1 од Законот за јавно обвинителство при разгледување на неговата пријава.

Советот вчера го дисквалификуваше Панчевски од понатамошниот процес, зашто констатирал дека тој не го исполнува условот од најмалку 10 години непрекинат работен стаж од областа на кривичното право.

„’На кандидатот му престанала функцијата пред 13 години и во меѓувреме не бил ниту судија, ниту јавен обвинител. Оттука, тој стаж не може да се смета за непрекинат стаж од областа на кривичното право во смисла на законот’, истакнала членот на Советот Маријана Илиеска. По што Советот заклучил дека кандидатот Владимир Панчевски не ги исполнува законските услови и не треба да биде ставен на листата на кандидати за кои ќе се гласа. Со тоа пријавените со умисла потешко го повредиле моето законско право предвидено во член 61 ст.1 алинеја 1 спротивно на потврда на Основен Кривичен суд Скопје 07. Су.бр.25/26-1 од 20.01.2026 година со која се потврдува дека сум бил во редовен работен однос на неопределено време во овој суд, на работно место – Судија од 08.02.2008 година до 28.07.2020 година и има вкупен непрекинат судиски стаж во ово суд од 12 години, 5 месеци и 20 дена. Со што ме дисквалификувале од понатамошна кандидатура – предлог од страна на Владата и евентуално гласање во Собранието на РСМ.

Исто така во Советот на јавни обвинители како заменик претседател учествувало лице Марјана Илиеска од Прилеп, сопруга на лицето Орде Илиески, осуден за организиран криминал со моја пресуда КОК бр.69/08 од 15.07.2010 година за кривично дело даночно затајување од чл.279 од КЗ, во предметот Тутунски Комбинат Прилеп (каде се конфискувани 4,5 милиони евра имот од осудените по основ на штета врз буџетот на државата). Пријавената Марјана Илиеска како службено лице обвинител и член на Советот на обвинители била должна да се изземе при гласањето како блиско лице под сомнеж за пристрасност и судир на интереси бидејки знаела и можела да знае дека при одлучувањето постои конфликт на интереси, но го премолчела овој факт“, се наведува во објавата на Панчевски.

Тој ги повика Владата и органите на прогонот веднаш да постапат по неговата пријава.

„За исто кривично дело јас бев обвинет и осуден од овој ист судско – обвинителски корумпиран систем на две и пол години ефективен затвор, но во таа постапка немаше лица на кои им беа повредени права, ме осудија за апстрактна повреда. Да видиме дали законот допира до овие за ваква конкретна потешка повреда на права спротивно на закон“, нагласува Панчевски.

Во претходен пост, тој вчера го сподели членот 62 од Законот за јавно обвинителство.

„Во ставот 1 алинеја 1 е предвиден посебниот законски услов за избор на ДЈО, кандидатот да има најмалку 10 години како судија од областа на кривичното право (што значи ‘стекнат стаж’ од 10 години), а не како што толкува Советот да има 10 години стаж до моментот на пријавување. За споредба дека е така видете ја алинеја 3 каде за Виш обвинител се бара непрекинат стаж од 8 години, но до моментот на пријавување што значи ‘тековен активен стаж’ на кандидатот, што е различна правна ситуација и различен услов за различна позиција“, наведе кандидатот за државен обвинител Владимир Панчевски и додаде дека Владата треба да реши дали ќе ја поништи постапката.

The post ДИСКВАЛИФИКУВАНИОТ ПАНЧЕВСКИ ПОДНЕСЕ КРИВИЧНА ПРОТИВ СИТЕ ЧЛЕНОВИ НА СОВЕТОТ НА ОБВИНИТЕЛИ Советот толкувал дека треба да има 10 години стаж до моментот на пријавување appeared first on plusinfo.mk.

Советот на јавни обвинители на денешната седница го дисквалификуваше поранешниот кривичен судија Владимир Панчевски од трката за државен јавен обвинител и неговата кандидатура не ја стави на гласање и нема да даде мислење.

Советот на обвинителите утврди дека тој ги има потребните години на стаж, но тој не е непрекинат.

– Согласно законските одредби, кандидатот треба да има најмалку 10 години непрекинат работен стаж од областа на кривичното право. Во конкретниот случај, на кандидатот му престанала функцијата пред 13 години и во меѓувреме не бил ниту судија, ниту јавен обвинител. Оттука, тој стаж не може да се смета за непрекинат стаж од областа на кривичното право во смисла на законот – рече членот на Советот Маријана Илиеска.

Со оглед на наведеното, Советот смета дека кандидатот не ги исполнува законските услови и не треба да биде ставен на листата на кандидати за кои ќе се гласа.

Кандидатката Анита Тополова Исајловска, која моментно е в.д државен јавен обвинител, доби позитивно мислење од Советот. Членовите посочија дека се работи за обвинител со долгогодишно
искуство, дека поседува углед, морални вредности и менаџерски квалитети. Сите членови гласа таа да добие позитивно мислење.

За обвинителката Лидија Раичевиќ членовите на Советот, исто така, посочија дека е обвинител со интегритет и долгогодишно искуство и работела на многу тешки предмети. И Раичевиќ доби
позитивно мислење.

Едногласна поддршка доби и обвинителката Ленче Ристовска, за која 10 членови на Советот гласаа „за“, односно дадоа позитивно мислење.

Позитивна оценка од сите 10 членови доби и судијата од Кривичен суд Скопје, Ненад Савевски.

Изборот на државен обвинител следува по оставката на обвинителот Љупчо Коцевски.

The post ПАНЧЕВСКИ ДИСКВАЛИФИКУВАН, СИТЕ ДРУГИ ДОБИЈА ПОЗИТИВНО МИСЛЕЊЕ Советот на јавни обвинители ги оцени кандидатите за државен јавен обвинител appeared first on plusinfo.mk.

Поранешниот претседател на Основниот суд Скопје Владимир Панчевски се пријавил на огласот за државен јавен обвинител, што го распиша Собранието.

Во пријавата на Панчевски се наведува дека тој ги исполнува сите законски услови за извршување на функцијата државен јавен обвинител.

Тој до надлежните органи доставил целосна предлог-документација и докази за исполнување на општите услови утврдени во член 61 од Законот за Јавното обвинителство, како и докази за исполнување на посебните услови.

Љупчо Коцевски во декември поднесе неотповиклива оставка на функцијата државен јавен обвинител. До изборот на нов функцијата ја врши Анита Тополова-Исајловска, досегашен заменик-републички јавен обвинител.

И поранешниот шеф на Вишото обвинителство Скопје, Мустафа Хајрулахи најави дека ќе се пријавуви за функцијата.

Постапката за избор на нов државен јавен обвинител почна со огласот што го распиша Собранието на 12 јануари годинава, со рок за пријавување од 15 дена од денот на објавувањето во „Службен весник“.

Кандидатите мора да имаат непрекинат работен стаж од најмалку 10 години како јавни обвинители или судии од областа на кривичното право.

The post ПОРАНЕШНИОТ СУДИЈА ВЛАДИМИР ПАНЧЕВСКИ СЕ ПРИЈАВИ ЗА ДРЖАВЕН ОБВИНИТЕЛ Ги исполнува условите за избор на функцијата appeared first on plusinfo.mk.

Во образложението од Уставниот суд се вели дека со оглед на тоа што пресудата на Апелациониот суд КЖ.746/2020 од 14.07.2021 е укината од Врховниот суд на 09.02.2022 година што упатува дека постапката пред редовните судови сѐ уште не е завршена и недостасува еден од основните елементи предвидени во чл.51 од Деловникот на Судот, односно постоење на правосилен акт, за да може Уставниот суд  да ја цени основаноста на поднесеното барање.

Подносителот Панчевски, преку полномошникот Петро Јанура, адвокат од Скопје, во Барањето до Уставен суд, смета оти со пресуди на Основниот суд во Велес и Апелациониот суд во Скопје, му биле повредени слободите и правата на човекот и граѓанинот што се однесуваат на забраната на дискриминација на граѓаните по основ на социјалната припадност, односно општествена положба во поглед на професионалниот статус, како и по основ на политичката припадност, односно политичко уверување.

The post УСТАВЕН ГО ОТФРЛИ БАРАЊЕТО НА ПАНЧЕВСКИ Поранешниот судија се жалел дека му се повредени правата appeared first on plusinfo.mk.

Врховниот суд, по спроведено вонредно преиспитување на пресудите на Основниот суд во Велес и на Апелациониот суд во Скопје, донел решение со кое се укинува правосилната пресуда и случајот го враќа на повторно одлучување. Во одлуката која Врховен ја донел се констатира дека барањето на одбраната е основано односно дека му е повредено правото на одбрана на Панчевски, бидејќи кога судиите од Апелација одлучувале за жалбата не го повикале на седницата, односно таа не била јавна.

Во затворот во Шутка е примено решението на Врховниот суд и во текот на денов Панчевски треба да биде пуштен на слобода.

Панчевски имаше правосилна пресуда и пред две недели сам се пријави на издржување на казната. На Панчевски прво велешкиот суд му изрече затворска казна од 3,6 години, а Апелација му ја намали на 2,6 години затвор. Беше прогласен за виновен за злоупотреба на системот за распределба судски предмети АКМИС.

The post ПАНЧЕВСКИ ПО 2 НЕДЕЛИ ИЗЛЕГУВА ОД ЗАТВОР Одново ќе се одлучува за неговата казна appeared first on plusinfo.mk.

– Ја преиначи во делот на одлуката за кривичната санкција, на начин што обвинетиот Владимир Панчевски од Скопје, кој со првостепена пресуда е огласен за виновен за кривично дело „Злоупотреба на службена положба и овластување“ се осудува на казна затвор од 2,5 години, во која казна согласно чл.47 од Кривичниот законик му се засметува и времето поминато во притвор, сметано од 15.07.2020 година до 04.08.2020 година –  потврдиле за Телма од Судот во Велес каде што се водеше судскиот процес и беше изрчена првостепената пресуда.

Владимир Панчевски е осуден бидејќи во периодот од 2013 до 2016 година, како претседател на Кривичниот суд, рачно доделувал предмети кај подобни судии, а не преку АКМИС системот. Распредели околу 40 предмети, меѓу кои и два случаја на Специјалното јавно обвинителство

The post НАМАЛЕНА ЗАТВОРСКАТА КАЗНА ЗА ПАНЧЕВСКИ Апелацискиот суд ја прифати неговата жалба appeared first on plusinfo.mk.

На рочиштето во велешкиот суд, како што јави Телма, сведочеле две вработени во Кривичниот суд и двајца информатичари.

Панчевски интервенирал и ги делел предмети на судии кога АКМИС системот ќе пренатрупал некој судија со многу предмети. Шефицата на писарницата сведочела дека во 2016 година таа лично му ги однела предметите од СЈО во канцеларија на Панчевски и тој им ги доделил на судијките Лидија Петровска и Татјана Михајлова, без никаков параф или решение.

Инаку скопска Апелација го отфрли барањето на поранешниот претседател на Кривичниот суд Скопје, за изземање на велешкиот суд и префрлување на предметот во Скопје. Според Апелацискиот суд, Судот во Велес е надлежен да му суди на Панчевски.

Владимир Панчевски е обвинет дека додека бил претседател на Кривичниот суд Скопје, направил злоупотреба со распределбата на предмети на судии. Тој е во притвор од 15 јули, кога сам се пријави во истражниот затвор Шутка, откако претходно три дена не беше достапен. Судењето продолжува идниот вторник.

The post Сведоци тврдат дека судијата Панчевски на две судијки им делел предмети без параф appeared first on plusinfo.mk.

– Јас немав можност од она што го видов како документација да се произнесам по обвинителниот акт – изјави Панчевски.

Судијката Валентина Георгиева нагласи дека Судот се уверил оти обвинетиот Панчевски не разбрал за што е обвинет и накратко ја изнесе содржината на обвинението.

Обвинетиот Панчевски побара Судот да му појасни на кој начин се повредени правата, кој е тој друг и какви последици има повредата на тие кривични права, бидејќи за тоа треба да има конкретни последици.

Бранителот на Панчевски, адвокатот Петро Јамуро појасни дека не е јасно обвинението како што е вака поставено и побара од ОЈО да го прецизира.

Тој рече дека сака да им укаже дека Владимир Панчевски е се уште вработен судија во Основен кривичен суд Скопје и има право на работен однос како судија.

Адвокатот Јанура уште додаде дека Судот е должен да сооопшти дали Владимир Панчевски е одјавен како судија и побара од велешкиот Суд да се обрати до Основниот кривичен суд Скопје да достави доказ дали фигурира Панчевски се уште како вработен.

Воедно тој побара од Судот мерката притвор на Панчевски веднаш да му биде укината, бидјеќи смета дека се додека е вработен како судија има право на имунитет и дека се прави повреда на тоа право.

На денешната главна расправа беа испитани четворица сведоци.

Една од сведоците Лилјана Спасевска, записничар во Онсовен суд 1 – Кривично одделение, потврди дека постоела листа со судии коишто ги добивале предметите рачно. Таа го спомна првиот случај на предмет на СЈО којшто завршил како предмет со звучни имиња кај судијката Татјана Михајловска која го добила и го работела по стариот закон на ЗКП.

Адвокатот на обвинетиот Панчевски, Петро Јанура побара изземање на судијката и на Основниот суд Велес поради, како што рече, негова нетрпеливост, и прераспределба на предметот на друг суд на надлежност.

Судијката и претседателот на велешкиот Суд моментно решаваат по ова негово барање.

Обвинетиот Панчевски, според обвинението поднесено од ОЈО Скопје, се товари дека во периодот од 23 јануари 2013 година до 14 септември 2016 година, со негов параф и усно давал наредби на службеници што имале пристап во АКМИС-от рачно да се распределуваат конкретни предмети меѓу судиите надвор од времето на приемот на предметот во судот, и кажувал на кој судија да се распредели предметот, со што целосно се изигрувал системот кој требало автоматски да ги распределува предметите.

The post Судијата Панчевски вели дека не го разбрал обвинението, а неговиот адвокат бара да не му суди велешкиот Суд appeared first on plusinfo.mk.

На Панчевски му се суди во велешкиот суд за манипулации со електронскиот АКМИС систем додека беше шеф на скопскиот Кривичен суд.

Досега имаше девет закажани рочишта, но Панчевски не се појави на ниту едно.

The post Панчевски ќе гo бараат со потерница appeared first on plusinfo.mk.