Тој во емисијата „Само вистина“ на телевизијата Канал 5, појасни дека не треба да се прави паралела меѓу Дебар и Куманово, или пак да веруваме дека едниот модел што е применет во Дебар, би функционирал еднкаво добро и во Куманово.

– Кога се воведува карантин, тој се воведува од една причина, а тоа е да се намали можноста за трансмисија на заболување од тој регион во друг регион. Кога беше прогласена мерката за карантин во Дебар, тогаш имавме сосема друга состојба во земјата, таму беа регистрирани речиси прв кластер на слуачи, па идејата беше и да се успори ширењето од Дебар кон остатокот на земјата. Куманово во овој момент се наоѓа во сосема друга состојба – додаде тој.

Ширењето на вирусот, како што вели Микиќ, е распространето во Скопје и во други градови на заболување, и нема потреба од воведување дополнитно, од она што веќе е донесено како рестриктивна мерка.

– Само да се потсетиме, после 16 часот е забрането движење на цела земја, викендите се забранети за движење и уште повеќе, затворени се границите кон странство. Веќе имаме сериозно рестриктивни мерки донесени на територија на целата држава, ништо дополнително не би донел евентуалниот карантин во Куманово од епидемиолошки аспект. Може единствено обратно да се гледа, колку би се прелеала инфекцијата од Куманово во однос на другите градови. Но пак се сведува на едно исто – рече епидемиологот Микиќ.

Тој појаснува дека доколку се почитуваат мерките кои се препорачани за социјално дистанцирање, лична хигиена, користење на заштитна опрема кога се наоѓаме во затворени простории, можноста за ширење ке биде намалена.

– Она што сега го гледаме е зголемен број на заболени во Куманово но сакам да кажам дека Куманово е вториот град кај што имаме најголем број на тестови. Само во Институтот од Куманово се направени над 1.260 тестови. Нормално е и дека ќе очекуваме да имаме поголем број на случаи. Стапката на позитивност се движи околу 20 проценти затоа што тоа се тестови направени кај лица кај кои очекуваме да бидат позитивни – рече Микиќ.

Во однос на тоа кога може да очекуваме намалување на ширењето на вирусот, епидемиологот истакна дека може да очекуваме дека ќе има некое намалување во летните месеци но, како што рече би бил многу внимателен околу овие прогнози затоа што не можеме со сигурност тоа да го тврдиме.

– Гледаме дека и во земји каде е потопла клима сепак се пренесува вирусот иако би требало кога другите респираторни вируси во северната хемисфера кај што имаме умерена клима во летните месеци да се намали ширењето. Но ова е само претпоставка која треба да видиме дали ќе се оствари кога ќе дојдат топлите месеци. Животот секако дека ќе се врати во нормала, но тоа нема да се случи одеднаш туку етапно, со оглед на бројот на заразените од коронавирусот – додаде епидемиологот Владимир Микиќ.

The post Микиќ: Дополнителниот карантин во Куманово нема да го намали бројот на заразените appeared first on plusinfo.mk.

– Носењето маска мора да биде според препораките. Носењето маски на отворен простор каде што околу вас нема многу луѓе не е потребно, меѓутоа потребно е доколку влегуваме во супермаркет или во простории каде што има многу луѓе. Исто така, маска треба да се носи секогаш кога одиме на преглед кај својот матичен лекар, бидејќи таму можеме да затекнеме и други пациенти кои во моментот не чувствуваат симптоми на коронавирус, а сепак да бидат заразени. Носењето маски мора да биде разумно. Ние во Европа генерално немаме навика да користиме маски – рече Микиќ.

The post Микиќ: Носењето маски мора да биде разумно appeared first on plusinfo.mk.

– Податоците за нив ќе ни бидат од големо значење, за да знаеме што ќе следи. Мислам дека е добра стратегијата што се тестираат само пациенти кои имаат симптоми. Верувам дека на почетокот или средината на мај ќе го вратиме животот во функција. После тоа, ќе се впуштиме во детекција на антителата – рече Филипче.

Овој случај предизвика многу реакции во јавноста, а реагираше и микробилогот Никола Пановски.

– Вирусот не може да биде жив во мртво тело. Доколку се потврди дека е позитивен, а жената починала уште во јануари тоа може да ја смени целата светска историја – вели Пановски, по информациите дека мајката и синот пронајдени во Велес најверојатно починале во јануари, а биле пријавени кога од станот почнала да се шири миризба и посмртно биле тестирани на коронавирус.

Тој смета  дека не смеат да се објавуваат непотврдени резултати и дека ваквиот наод е лажно позитивен бидејќи во мртви клетки не може да живее вирусот. Тој смета дека доколку тестот бил позитивен требало да се потврди во уште десеттина светски референтни лаборатии, а потоа да се објави бидејќи ова може да ја смени целата светска историја.

The post Микиќ за починатата велешанка: Конроверзен е случајот, се утврдува дали смртта настапила пред три месеци appeared first on plusinfo.mk.

– Кај сите нив клиничката слика е релативно лесна и не била потребна подолга хоспитализација – рече Микиќ.

Тој нагласи дека секое населено место може да биде потенцијален нов извор и токму затоа се донесине денешните рестриктивни мерки. Тој препорача да се почитуваат мерките за социјално дистанцирање и дека не треба да дозволиме да се рашири премногу брзо заразата.

– При тоа не треба да очекуваме дека веднаш ќе имаме резултат од овие мерки, бидејќи доста луѓе се во инкубација. Со овие мерки се надеваме дека ќе ја држиме заразата под контрола и епидемиолошката крива ќе ја зарамниме колку што е можно подолг период – рече Микиќ.

The post 18 деца до 9 години досега се заразени со ковид-19 appeared first on plusinfo.mk.

Смртноста кај нас е ниска и се движи под 4 проценти, соопшти денеска епидемиологот д-р Владимир Микиќ на прес конференција во Владата.

– Мораме да ги направиме овие мерки за да ги задржиме овие показатели – додаде тој.

Преземените нови мерки од денеска, како што рече д-р Микиќ, се со цел да ги заштитиме оние кај кои ова заболување може да предизвика смртни последици.

– Знам дека рестриктивните мерки ќе се примат со доза на недоверба кај граѓаните, но се неопходни. Во овој момент нема друг начин да го спречиме ширењето на епидемијата. Ако не се преземат вакви мерки ќе нѐ очекуваат значително повеќе бројки кои ќе го оптоварат нашиот систем – нагласи д-р Микиќ.

The post Микиќ: Смртноста кај нас е ниска и се движи под 4 проценти appeared first on plusinfo.mk.

Ниту еден од луѓето, речиси 200 лица, кои контактирале со заболената директорка на Клиниката за дерматологија, не е заразен од коронавирусот, рече епидемиологот Владимир Микиќ на денешното гостување во „Топ тема“ на Телма.

– Тоа покажува дека вирусот е атипичен – рече Микиќ.

Тој апелираше до граѓаните да не купуваат непотребно голем број на заштитни маски и ракавици, бидејќи, како што додаде, со тоа се црпат залихите и резервите.

– Од паничното купување залихи, вклучувајќи ја и заштитната опрема, може да се доведеме во ситуација здравствените работници да останат без маски и ракавици. Толку се капацитетите. Визирите се само за лекарите и тоа е одлична заштитна опрема – објасни Микиќ.

The post Микиќ на „Топ тема“: Ниту еден човек не се заразил од директорката на Кожно appeared first on plusinfo.mk.