Рускиот активист Владимир Кара-Мурза одмавна со главата во неверување додека им се обраќаше на пратениците и на дипломатите во сослушувањето во американскиот Сенат, само неколку недели откако беше ослободен од сибирскиот затвор во големата размена на затвореници.

– Зборот „надреално“ не е ни приближно блиску до описот на тоа што го чувствувам во моментов – рече дисидентот на настанот, чија цел беше да го истакне тоа што присутните го опишаа како страдање на стотици затвореници кои сè уште се држат во Русија поради нивните политички убедувања.

Истовремено со посетата на Кара-Мурза, демократскиот сенатор Бен Кардин, кој претседава со Комитетот за надворешни односи на Сенатот, оваа недела ќе воведе закон со цел да ги заштити Русите и Белорусите кои работат на поддршка на демократијата во нивните матични земји.

Законот, меѓу другото, ќе одобри финансирање за поддршка на независните медиуми и на граѓанското општество во Русија, Источна Европа и во Централна Азија, како и поддршка на низа акции за поддршка на дисидентите кои живеат надвор од нивните земји.

Кара-Мурза беше ослободен со размена на затвореници на 1 август откако рускиот суд претходно го осуди на 25 години затвор за предавство зашто изјави дека владата на рускиот претседател Владимир Путин бомбардирала домови, болници и училишта во Украина.

Неговото ослободување следеше по повеќемесечната кампања која вклучуваше пишување писма од членовите на Конгресот и усвојување резолуција со која се бараше негово ослободување.

– Што и да ви кажат циниците и скептиците, застапувањето функционира, вниманието на јавноста штити, вниманието на јавноста спасува – рече Кара-Мурза.

The post ЗБОРОТ „НАДРЕАЛНО“ НЕ ГО ОПИШУВА ТОА ШТО ГО ЧУВСТВУВАМ Критичар на Путин раскажа за своите страдања во рускиот затвор appeared first on plusinfo.mk.

Долгогодишниот пријател на Алексеј Навални, Владимир Кара-Мурза, исто така бил близок со Борис Немцов, опозиционер убиен во 2015 година.

Во вторникот, Кара-Мурза зборуваше за смртта на Навални во пораката што неговиот тим ја сподели на социјалните мрежи. Тој напиша дека Владимир Путин е лично одговорен за смртта на Алексеј Навални, бидејќи, како што рече, Алексеј бил „личен затвореник на Путин“.

– Одмаздливиот, смрдлив, алчен старец ја држи својата смртоносна контрола и уништува сè што гледа како закана за неговата моќ – додаде Кара-Мурза, мислејќи на претседателот Владимир Путин.

Тој во пораката вели дека за смртта на Навални дознал преку радио, во неговата ќелија, на 16 февруари, кога управата на затворот во кратко соопштение објавила дека Навални починал.

Од затворот во Сибир, Кара-Мурза изрази надеж дека Русија ќе стане нормална и слободна европска демократска земја.

– Алексеј рече не се откажувајте. Невозможно е да се откажеме – порача Кара-Мурза.

Руската затворска служба во петокот, на 16 февруари, објави дека Навални починал во поларната затворска колонија каде издржувал 19-годишна затворска казна за „екстремизам“. Неговата смрт предизвика тврдења ширум светот дека тој бил убиен од властите во Москва.

«Никакого отчаяния, никакого уныния мы себе позволить не можем». Владимир Кара-Мурза @vkaramurza призвал не сдаваться после гибели Алексея Навального

Кара-Мурза обратился к россиянами из колонии во время заседания в Замоскворецком суде Москвы:

«Я сам в тумане всю эту неделю… pic.twitter.com/B8pJ33JiJN

— ЭХО (@echofm_online) February 22, 2024

Кара-Мурза, кој има и руско и британско државјанство, во април минатата година беше осудена на 25 години затвор под обвинение за велепредавство, за ширење „лажни вести“ за руската војска и одржување врски со „непожелна организација“.

Тоа е најтешката затворска казна изречена на опозиционер во последните неколку години во Русија. Освен тоа, според неговите приврзаници, тој е во многу лоша здравствена состојба, што е последица на тоа што во минатото два пати бил во затвор.

Сопругата на Владимир Кара-Мурза вели дека се плаши за неговиот живот. Евгенија Кара-Мурза за Current Time изјави дека нејзиниот сопруг сè уште е во самица и дека претходно двапати преживеал труење.

-Тој е во самица, со кревет на расклопување и една столица. Такви се условите и за другите политички затвореници кои и зад решетки одбиваат да молчат и продолжуваат да ги уверуваат луѓето околу себе каде и да се. Владимир е бесен. Многу добро го разбирам неговото чувство. Не е прв пат режимот да ни земе врвен политичар со брилијантни лидерски способности кој знаеше да ги убеди луѓето и да ги објасни работите кои многумина не можат да ги разберат – истакнува сопругата на Кара-Мурза, пренесува Радио Слободна Евроа.

Евгенија Кара-Мурза во изјавата открива дека детали за тортурата низ која минувал нејзиниот сопруг поради неговите политички ставови.

– Се плашам за Владимир. Преживеа два обиди за труење и во двата случаи лекарите му даваа 5% шанси да преживее. Го видов во кома со модри стапала. Од телото ми излегуваа цевки. Органите му откажуваа. Секој ден живеам со тој страв. Сега е во рацете на луѓето кои два пати се обидоа да го убијат. Се разбира дека се плашам за неговиот живот – вели Евгенија Кара-Мурза.

The post 📽 „ПУТИН Е ОДМАЗДЛИВ, СМРДЛИВ, АЛЧЕН СТАРЕЦ“ Уште еден затворен руски опозиционер крена глас против режимот во Кремљ appeared first on plusinfo.mk.