Крај на неказнивоста, законот важи за сите, а институциите постапуваат – за разлика од времето на СДСM и ДУИ, ВМРО-ДПМНЕ продолжува со неселективна борба против криминалот и корупцијата, соопшти ВМРО-ДПМНЕ.

„ВМРО-ДПМНЕ доследно се залага за владеење на правото и целосна борба против криминалот и корупцијата, без разлика на политичката припадност. СДСМ не може да сфати кога МВР ќе уапси актуелен директор, затоа што на бандата на Заев и Филипче несфатливо им е законот да важи неселективно и да се применува подеднакво за сите“, се вели во соопштението на ВМРО-ДПМНЕ.

Секој којшто го прекршил законот мора да одговара, се додава во соопштението.

„Во врска со апсењето на директорот на Државниот инспекторат за земјоделство, ја поздравуваме акцијата на МВР. Ова е порака за сите дека Уставот и законите мора да се почитуваат. Очекуваме надлежните институции целосно да го расчистат случајот, а секој за кој ќе се утврди одговорност да одговара согласно законите“, соопшти ВМРО-ПМЕ.

Партијата ја повикува јавноста да не подлегнува на непроверени и сензационалистички информации кои имаат цел да нанесат штета на угледот на поединци и институции.

„Во време на владеењето на СДСМ и ДУИ јавноста беше сведок на бројни скандали и случаи со криминал и корупција што придонесе за пад на довербата во институциите и во правниот систем. ВМРО-ДПМНЕ ја враќа довербата во институциите. СДСМ и ДУИ поради недостиг од транспарентност и отчетност придонесе во продлабочување на перцепцијата на неказнивост и зголемувањето на криминалот и корупцијата во секоја пора во општеството. Времото на криминалот и криминалците заврши, а институциите се транспарентни и отчетни“, се вели во соопштението.

ВМРО-ДПМНЕ, се додава, останува посветена на поддршка на земјоделците преку конкретни мерки и политики кои ќе обезбедат развој и стабилност на секторот.

ФАТЕН ПРИ ПРИМАЊЕ МИТО ОД 50.000 ЕВРА Уапсен директорот на Државниот инспекторат за земјоделие

The post ВМРО-ДПМНЕ ГО ПОЗДРАВУВА АПСЕЊЕТО НА ДИРЕКТОРОТ НА ИНСПЕКТОРАТОТ ЗА ЗЕМЈОДЕЛСТВО Законот важи за сите, за разлика од времето на СДСМ и на ДУИ appeared first on plusinfo.mk.

Се обидувам да не ги коментирам изјавите коишто доаѓаат од СДСМ, бидејќи се изјави коишто се стихијни, дифузни и немаат никакво значење, рече денеска премиерот Христијан Мицкоски, одговарајќи на новинарско прашање за коментари во врска со изјавите на опозицијата дека ќе дојдат мигранти, односно, економски работници.

– Тие изјави имаат единствено значење, преку креирање лажна перцепција и растурање пердуви да се обидат да нанесат штета на работата на Владата. Нивните изјави никогаш не се конструктивни, туку се најчесто полни со лага, конструкција и тоа во јавните односи се вика, како да нанесете штета на Владата којашто се бори во услови на криза и предизвици – рече Мицкоски.

Во ред, тие одбрале таква стратегија, таа е лажна, погрешна стратегија, додаде тој.

– Но, ќе се повикам на онаа позната Наполеонова изрека, „можеби не треба да му се помага на противникот кога греши“. Така што, ние остануваме да се фокусираме на она што претставува вистинска потреба на граѓаните, приоритет на граѓаните и на државата – рече Мицкоски.

Ние сме сериозна Влада, додаде премиерот.

– Влада којашто се обидува да ги антиципира предизвиците. Ако претходно коленичеа во ковид-кризата за 5.000 вакцини, ние денеска ги помагаме соседните држави во услови на криза – кога се потребни агрегати за генерирање електрична енергија, кога ќе треба од зоната на воени дејства да пренесеме странски државјани, односно државјани на нашите соседи, тоа да го направиме. Еве, нашите ресурси се ставени на располагање на соседните држави и на граѓаните од соседните држави за поевтина цена да полнат гориво. Така што, сега гледаме поинаква Македонија од онаа којашто беше ограбена, понижена и на колена во времето на владата на СДСМ и ДУИ. Тие имаа шанса, ја пропуштија, така што им треба многу време да поминат во опозиција, за да сфатат дека грешат – порача премиерот Христијан Мицкоски.

The post ИМАА ШАНСА, ЈА ПРОПУШТИЈА, СЕГА ТРЕБА ДОЛГО ДА БИДАТ ОПОЗИЦИЈА Мицкоски не сака да ги коментира изјавите на СДСМ, оти се без значење appeared first on plusinfo.mk.