Претседателот на владата, Христијан Мицкоски во интервју на МРТ по повод две години од мандатот на владата, посочи дека и покрај тоа што оваа енергетска криза е полоша од претходните три, владата поуспешно работи од претходната и тоа го говорат фактите, односно во време на владите на СДСМ буџетскиот дефицит беше 5,3%, а сега со нафтената криза е 3,5%, додека платите беа во минус 3% реален раст, додека сега реалниот раст е 3%.

– Кога сме кај буџетскиот дефицит, зедов параметри и од претходната влада кои се многу важни затоа што кога зборувате за нешто, треба да зборувате со споредба, не може напамет. Кога ќе речат, оставете порано да видиме вие, добро, ама ние мора тоа да го споредиме со нешто, да видиме дали добро правиме или погрешно. Логично е да споредиме со нешто пред нас. Ако тоа го земете, во 2020 да не го сметаме буџетскиот дефицит кој е 8%, ковид период, но 2021 година 5,3% од БДП, во 2022 година е 4,4%, следната 4,6%, а ние лани бевме под 4%, оваа година ни беше целта 3,5%. Ова го зборувам поради една едноставна причина, оваа година да не беше кризата која се случи, и овие 3,5% на крај на годината ќе беа пониски – истакна премиерот Мицкоски.

Премиерот Мицкоски додаде дека за оваа енергетска криза за која сите велат дека по рихтеража, по јачина е поголема од трите последни енергетски кризи заедно, односно 2022, војната во Украина и оние од седумдесеттите години на минатиот век, и тоа го вели Светската енергетска агенција, господинот Фатих Бирол, претседателот, кој вели дека по јачина и последиците оваа криза ќе биде многу подевастирачка отколку тие три заедно.

– Што направивме ние. Ако вие ги анализирате параметрите економски сега, со тие од 2022 година. Во 2022 година реалниот раст на платите бил минус 2,9%, а сега е 3%, 6% во плус. Да одиме по други параметри, да речеме инфлација, во 2022 година 14,2%, сега е 4,5%. Било проекција 3,5%, се случи тоа што се случи, но не е 14,5%. Тогаш 2022 година се завршила со раст БДП од 2,8%, а сега растот е 3,1% во првиот квартал, очекувам до крај на годината 3,5%. Ова се параметри, ова се бројки кои вие не можете да ги игнорирате – нагласи премиерот Мицкоски.

Мицкоски: Има историска градба паралелно на 6 автопатишта

Претседателот на владата Христијан Мицкоски во интервју на Македонската радио телевизија по повод две години мандат вели дека во моментот има историска градба паралелно на 6 автопатишта во Македонија.

– Јас сум среќен што можам да кажам дека ние финансиски го затворивме Кичево Охрид конечно, благодарение на еден синдикат креиран од домашните банки, откако не оставија на цедило би рекол условно кинеските заемодаватели. Финансиски за оваа година го затворивме исто благодарение на домашните банки проектот коридор 8 и коридор 10д. Сега бараме на меѓународен пазар следна недела во вторник ЈПДП ќе бара од надворешни заемодаватели сума рамковна за до крајот на проектот со што до крај ќе ги обезбедиме парите – вели премиерот.

Тој додаде дека претходната влада не само што немаше мрднато ништо од тој проект, туку едноставно ги немаше ни финансиски затворено тој проект.

– Тоа е уште потрагично, значи они ни со експропријација ништо немаа направено, туку тие нема ниту финансии за проектот. И сега кога ќе ме обвинуваат немало пари за тој и тој проект, а што направивте вие? Така што тој го затворивме проект. Добро е што конечно после не знам колку перипетии Блаце – Скопје имаме договор, и конечно после многу години македонска фирма го прави тоа. Добива тендер од Европските банки, македонска фирма Гранит. Добро е затоа што на крајот од денот тој финансиски аранжман има грант но има и кредит кон што го плаќаат македонските даночни обврзници. Кога ќе работи македонска компанија посебно ми е драго, затоа што знам дека тоа е добро за македонската економија – додава премиерот.

Мицкоски истакна дека се при крај со Букојчани-Кичево, тоа е практично спојот помеѓу проектот на Сино хидро и Бехтел и Енка. Завршена е процедурата, очекуваме и тој автопат да почне.

– Така што практично во еден момент ќе имаме 5 до 6 делници. Ќе ја имаме делницата Тетово – Гостивар, Гостивар – Букојчани, ќе ја имаме делницата Букојчани – Кичево, спојот меѓу автопатот на Синохидро и Бехтел и Енка, ќе се дозавршува автопатот Кичево – Охрид, почетна фаза Блаце – Скопје, во напредна фаза ќе биде Прилеп – Битола очекувам прва половина следна година да имаме десетина километри пуштено на делницата Прилеп – Битола. Тоа историски не се правело во Македонија, 6 делници автопатишта да се градат – дециден е Мицкоски.

The post ПРЕМИЕРОТ ТВРДИ ДЕКА ВЛАДАТА СЕ СПРАВУВА ПОДОБРО СО КРИЗАТА Инфлацијата падна од 14,2 на 4,5 проценти appeared first on plusinfo.mk.

Реконструкцијата е сосема нормален чин, кој гарантира дека ќе се оддржи свежината и дека ќе има нова енергија што ќе овозможи реализирање на повеќе проекти изведени на подобар начин, посочи проф. д-р Александар Спасеновски од Правниот факултет при УКИМ во „За или против“ на ТВ Алфа.

Професорот смета дека е важно да се истакне свесноста за тоа дека треба тимот да се менува и да се унапредува затоа што тоа ќе биде нов ветер во едра за поенергична работа на Владата.

– Реконструкцијата како чин, тоа е нешто сосема нормално. Особено нормално во демократски општества кои имаат наталожено проблеми и во коишто постојат големи очекувања од страна на владата и од страна на граѓаните во однос на владата.Тоа е едниот аспект во демократски држави во коишто постојат коалициски влади формирани врз основа на изборни математики во законодавната власт и сосема нормално е после одреден временски период да се размислува како била водена државата и дали нешто може да се поправи, да се сетира, да се прилагоди за да има уште подобри резултати во следниот период до оддржувањето на изборите, независно дали тие ќе бидат редовни или предвремени – цени универзитетскиот професор.

Во интервјуто со Љупчо Цветановски, Спасеновски потенцира дека ова не е реконструкција која се прави за да се оддржи владата, како што беше случај со владите од 2017 до 2024 година кои беа на стаклени нозе.

– И бидејќи нема ризик за актуелната влада да падне мноинзството под 61 пратеник, една од најверојатните причини зошто се прави оваа реконструкција од страна на првиот човек во извршната власт, а тоа е претседателот на владата, премиерот, е желбата да се даде поголема енергија, поголем ветер во едра во насока на реализирање на предизборните ветувања. Зошто, заради тоа што во оној момент кога една политичка партија или една коалиција ќе ја добие довербата од граѓаните, таа има свој највисок легитимитет.

The post РЕКОНСТРУКЦИЈАТА НЕ Е ЗНАК НА КРИЗА, ТУКУ НА НОВА ЕНЕРГИЈА Професор Спасеновски очекува посилно темпо на Владата appeared first on plusinfo.mk.

The post БЛИСКУ СМЕ ДО КОНЕЧНО РЕШЕНИЕ ЗА ИЗБОРНИОТ ЗАКОНИК Реформската агенда е речиси затворена appeared first on plusinfo.mk.

Владата планира 10 милијарди евра капитални инвестиции во патната и железничката инфраструктура во следната деценија, додека годинава се достигнати рекордни 1,255 милијарди во поновата историја, вели ВМРО-ДПМНЕ во соопштение до јавноста.

Додека СДСМ и ДУИ оставаа кризи, долгови и блокади, ВМРО-ДПМНЕ донесе стабилност, развој и конкретни резултати кои денес ги чувствуваат граѓаните, се наведува во соопштението.

ВМРО-ДПМНЕ споменува дека до крајот на 2027 година треба да бидат завршени 6 нови автопатски делници. Партијата исто така истканува дека биле доделени 55.000 ваучери за електронски уреди во вредност од 250 евра, 10 илјади евра за отпочнување на сопствен бизнис со Оперативниот план за 2025 година, а тоа ќе продолжи и оваа година.

„Доделени беа 10 илјади евра за млади земјоделци, се прошири опсегот за субвенционираниот студентски оброк. Ова се показателите дека Владата се грижи за младите да можат да градат иднина дома“.

Во соопштението се вели и дека во изминатиот период се зголемија платите и пензиите, дека Владата ја зајакнува економијата и дека економијата седум квартали по ред бележи економски раст над 3 проценти.

„Истовремено градиме нови градинки, училишта, здравствени установи, спортски сали и патишта, додека враќаме наследени долгови во просек од над 2 милијарди евра годишно.

ВМРО-ДПМНЕ докажа дека знае како да работи за државата и граѓаните. Докажа дека националните интереси немаат цена и дека Македонија може да има власт која не капитулира кога се во прашање достоинството, идентитетот и интересите на народот.

Денес Македонија не стои во место. Македонија се движи напред. Македонија забрзува“, велат од партијата порачувајќи дека разликата со претходната власт е очигледна.

The post ПЛАНОТ Е 10 МИЛИЈАРДИ ЗА 10 ГОДИНИ И 6 НОВИ АВТОПАТИ ДО 2027 Годинава во инвестиции се вложени рекордни 1,255 милијарди евра appeared first on plusinfo.mk.

Премиерот Христијан Мицкоски изјави дека министри за правда од редовите на ДУИ во претходните влади не сакале да го решат прашањето со полагањето на правосудниот испит, додека актуелната Влада работи на изнаоѓање одржливо решение за надминување на проблемот.

Во интервју за Алсат телевизија, Мицкоски посочи дека уште од самиот почеток има јасен став дека теоретскиот дел од правосудниот испит треба да може да се полага и на јазиците на кои државата дозволила да се одвива високо образование.

– Од прв ден сум го кажал тоа и стојам зад ставот дека ако државата дозволила да се формира високо образование на јазик различен од македонскиот, како што се албанскиот, турскиот и англискиот, тогаш не гледам причина теоретскиот дел од правосудниот испит да не се полага и на некој од тие јазици – изјави Мицкоски.

Премиерот нагласи дека ставот на Венецијанската комисија е оти во правосудството мора да постои еден заеднички јазик – „лингва франка“, но оцени дека тоа не е во спротивност со можноста теоретскиот дел од испитот да се полага и на друг јазик.

– Статистиката е немилосрдна и покажува дека речиси 95 отсто од кандидатите Албанци кои досега го полагале правосудниот испит, и теоретскиот и практичниот дел, на македонски јазик, успешно го положиле. Тоа значи дека апсолутно не станува збор за дискриминација – рече Мицкоски.

Тој додаде дека сегашниот закон не го уредува начинот на полагање, туку му остава можност на министерот за правда преку подзаконски акт да ги регулира овие прашања.

– Изминатите години повеќе министри Албанци од редовите на ДУИ не сакале да го решат овој проблем. Оваа Влада има желба и работи на тоа да најде начин како тој да биде надминат. Министерот Филков е дел од Владата што бара решение, за разлика од претходните влади – истакна премиерот.

The post ДУИ ИМАШЕ МИНИСТРИ ЗА ПРАВДА, НО НЕ ГО РЕШИ ПРОБЛЕМОТ Мицкоски откри дека се бара одржливо решение за правосудниот испит appeared first on plusinfo.mk.

Во текот на денешниот и утрешниот ден ќе бидат исплатени субвенциите од две милијарди денари за тутунарите иако рокот за исплата е до 30 јуни, соопшти премиерот Христијан Мицкоски кој денеска е во посета на Битола каде во индустриската зона Жабени се отвара нова фабрика.

Во одговор на новинарско прашање, Мицкоски посочи дека во 2024 година кога ја презеле власта исплаќале заостанати субвенции од 2021 година и дека сега за неполни две години веќе се исплаќаат тековните субвенции за 2025 година.

– Ако се собере вкупниот број на исплатени субвенции од страна на владата на СДСМ и ДУИ во периодот 2021, 2022, и 2023 година како директни плаќања и поддршка на Програмата за рурален развој, тогаш ќе дојдеме до вкупна сума за три години помала од 14 милијарди денари. Оваа Влада, за две години, има исплатено околу 15 милијарди денари што значи една милијарда денари повеќе отколку што тие исплатија за три години. Тоа е вистината и ова се бројки – рече Мицкоски.

Премиерот посочи дека за разлика од пред четири години кога се откупувал тутунот за 150 денари за килограм, сега се потпишуваат договори за откуп на тутунот за 450 денари.

– И она што е различно е дека тогаш имавме 16,17 18 милиони килограми тутун, а сега имаме 26,27, 28 милиони килограми тутун – рече Мицкоски.

Оцени дека опозицијата ги манипулира граѓаните и земјоделците.

– Секогаш сакам да зборувам за бројки, а не за конструкции кои, за жал, очајната опозиција која нема идеја и не знае како, се обидува да ги манипулира граѓаните и земјоделците. Жалам што имаме опозиција каква што е, но ние мораме да одиме напред, Македонија мора да забрзува – рече Мицкоски.

The post СУБВЕНЦИИТЕ ЗА ТУТУНАРИТЕ СТИГНУВААТ ПРЕДВРЕМЕ За две години Владата исплатила милијарда денари повеќе отколку претходната за три appeared first on plusinfo.mk.

Реконструкцијата на Владата била една од темите на дискусија денеска на првата седница на Централното собрание на ВРЕДИ по формирањето на партијата.

„Во таа насока беше отворена дебата за перформансите на носителите на јавни функции, со цел евентуалните промени да придонесат за поголема ефикасност, одговорност и побрза реализација на обврските преземени пред граѓаните“, соопшти Вреди по седницата, на која се разговарало за актуелните политички случувања, приоритетите за наредниот период, како и за натамошното јакнење на партиската организација.

Централното собрание направило и анализа на досегашната работа на ВРЕДИ.

„Се разговараше за постигнатите резултати, предизвиците со кои се соочува партијата и приоритетите за периодот што следува, со акцент на координацијата на структурите, активностите на терен и континуираната комуникација со јавноста. Значаен дел од седницата беше посветен и на консолидацијата на ограноците и зајакнувањето на партиската структура во сите средини. ВРЕДИ оценува дека силната организација на терен е предуслов за поквалитетно претставување на граѓаните, како и за побрзо препознавање и адресирање на нивните потреби. ВРЕДИ и понатаму ќе работи со целосна политичка и институционална одговорност, посветена на реализација на приоритетите и очекувањата што произлегуваат од довербата добиена од граѓаните“, се вели во соопштението.

The post РЕКОНСТРУКЦИЈА ЗА ПОГОЛЕМА ЕФИКАСНОСТ На седницата на ВРЕДИ се зборувало за Владата и функционерите appeared first on plusinfo.mk.

Граѓаните не треба да се грижат. Имаме стабилно снабдување со нафта и нафтени деривати на пазарот. Ги следиме состојбите. Имаме механизми да реагираме доколку кризата продолжи, уверува премиерот Христијан Мицкоски.

Во интервју за Ора24 тв, премиерот рече дека во понеделникот бил забележан историски најголем пик на потрошувачка на нафта и нафтени деривати во земјава што се должи на зголемената потрошувачка на нафта на бензинските пумпи во пограничните делови од државата. Мицкоски рече дека македонските граѓани имаат најниска цена на енергенсите од сите држави во регионот.

– Што значи дека од соседите, пред се мислам на јужната, западната и северната граница, граѓаните доаѓаат кај нас да точат горива. И кога ќе ги направите анализите за цената на горивото, тогаш доаѓате до заклучок дека ние како држава во моментот имаме најевтино гориво споредено со сите земји во регионот. Денес кога го снимаме ова интервју, дизелот по литар на бензинските пумпи кај нас се точи за 0,39 евра, а кај нашиот западен сосед Албанија е 1,79 евра за литар, кај нашиот северен сосед Србија е 1,73 евра за литар, а кај нашиот јужен сосед Грција е 1,59 евра по литер, додека обичниот дизел, кај нашиот источен сосед Бугарија е повторно поскап од кај нас, но не толку 1,41 евро за литер – посочи Мицкоски.

Рече дека Владата води политика на стабилност за разлика од порано кога се чекало да ни се донираат вакцини.

– Оваа Влада, како што гледате, успева да обезбеди доволно количини и за соседните држави. И затоа се забележуваат највисоки пикови на потрошувачка на нафтените деривати од историјата од кога постои и од кога тоа се мери во државата. Така што, за разлика од порано, кога коленичевме за вакцина и се радувавме и правевме естрада на границата, кога ни носеа 5.000 вакцини, кога македонските граѓани се вакцинираа во соседството бидејќи властите тука не успеаја да обезбедат на време таков тип на вакцина, оваа Влада води поинаква политика, генерира стабилност во регионот и им помага на соседите кога тие се во неволја или кога е потребно. Но, се разбира нашиот примарен приоритет се нашите граѓани. И во овој момент не треба да се грижат, вели Мицкоски.

Доколку има потреба, вели премиерот, Владата ќе интервенира, а притоа ќе се користат механизми и алатки коишто ги има на располагање.

– Ќе користиме алатки коишто ги имаме на располагање, а тоа е да речеме намалување на данокот на додадена вредност, во прв степен. Ако продолжи и понатаму да се зголемува, можеме уште едно намалување. Имаме една ставка од 18, па на 10 проценти може да намалиме, па потоа на 5 проценти. Доколку цената, согласно законот оди над 800 долари по тон, тогаш може да ја намалиме акцизата од 800 до 1.000 долари по тон за еден денар, а од 1.000 до 1.200 долари по тон за два денара. Над тоа и за четири денари акцизата да ја намалиме. Така што имаме механизми коишто ги планираме, доколку сето ова продолжи, но се надеваме дека тоа нема да продолжи – вели Мицкоски.

Во однос на минималната плата, Мицкоски рече дека направено е законското усогласување со кое минималната плата се зголемува нешто над 1.600 денари односно би била нешто над 26.000 денари. Го повтори ставот на Владата дека за дополнитено зголемување треба да се договорат синдикатите и работодавачите бидејќи, вели, тоа е бипартитен дијалог.

– Тоа што поединци во еден од синдикатите се блиски до одредени политички структури и се влезени во тие политички мочуришта, тоа е веќе личен проблем. Јас тука не можам да навлегувам, но стратегијата е јасна. Тоа се вика стратегија помеѓу наковалната и чеканот. Од една страна опозицијата ќе бара носење популистички мерки со кои што ќе се празни буџетот, а од другата страна преку неколкумина прокси кои се дел од раководството на еден од синдикатите ќе бара зголемување на социјалните трошоци. На тој начин тие мислат дека ќе ја притиснат Владата и таа ќе губи кај граѓаните. Но, не мислам дека оваа стратегија е исправна, затоа што ниту едните, ниту другите немаат кредибилитет, затоа што едните беа Влада седум години и во тие седум години единствено нешто што го слушавме за нивната работа е криминалот, корупцијата и предавствата, пред се национални. А овие другите немаат кредибилитет од проста причина, што еден ден излегуваат на прес-конференција со мене и фалат како оваа Влада направила историски чекори, а потоа следниот ден ги гледаме како протестираат против истата таа Влада што ја фалеле на улица и го блокираат сообраќајот…Тоа досега не успеа и мислам дека и понатаму нема да успее – рече Мицкоски во интервју за Ора24 тв.

The post ВЛАДАТА ИМА МЕХАНИЗМИ ДА РЕАГИРА ДОКОЛКУ ПРОДОЛЖИ КРИЗАТА Мицкоски уверува дека има доволно нафта на пазарот appeared first on plusinfo.mk.

Заменик-министерот за економија и труд, Марјан Ристески во гостувањето на „Тема на денот“ на Сител телевизија, изјави дека Владата со последниот постигнат договор за зголемување на платите во администрацијата покажа висок демократски капацитет и транспарентност во работата, како и дека овој договор е доказ дека социјалниот дијалог во државата функционира.

– Со договорот со двата репрезентативни синдикати САДУ и УПОЗ со кој ќе се зголемат платите за над 40 проценти за 11.000 вработени во администрацијата со 2028 година, како и со претходни договори за зголемување на платите на вработените во образованието, здравството, социјалните работници, армијата, полицијата и други сектори, Владата го заокружи процесот таму каде што таа е работодавач – кажа заменик-министерот Ристески.

Ристески додаде дека со овој договор овие над 11.000 вработени во државната управа ќе добијат повисоки плати и ќе се приближат до другите државни институции, а со ова се исправа неправдата нанесена од штетните политики на минатата власт.

– За жал, наследивме една хаотична состојба со платите во јавниот сектор, каде платите се регулираат со разни колективни договори, правилници и одлуки, а тоа допринесе во исти ресори или институции, вработени на исти позиции да имаат различни плати. Во наредниот период со двата репрезентативни синдикати треба повторно, во еден транспарентен процес, да преговараме за нов Општиот колективен договор за јавниот сектор кој е истечен. Овој нов договор треба да даде квалитетни и системски решенија за пресметките и растот на платите во јавниот сектор. Со ова ќе имаме јасен систем за пресметка на платите и можност за поквалитетно и поодговорно планирање на буџетските средства потребни за оваа намена – додаде Ристески.

Околу минималната плата Ристески повтори дека разговорите мора да продолжат помеѓу синдикатите со најголемите работодавачи, а тоа се претставниците на приватниот сектор, како и дека Владата ќе го прифати било кое решение кое тие ќе го договорат, а доколку нема договор тогаш минималната плата ќе се зголеми согласно постоечкото законско решение.

The post ДОГОВОРОТ ЗА ЗГОЛЕМЕНИ ПЛАТИ Е ДОКАЗ ЗА ДИЈАЛОГ Над 11.000 административци ќе добијат покачување appeared first on plusinfo.mk.

Премиерот Христијан Мицкоски уверува дека ќе има целосна разрешница за случајот со наводниот „извоз“ на мозочни ткива од починати лица во Соединетите Американски Држави, нагласувајќи дека институциите веќе работат на истрагата.

– Никој не треба да биде загрижен дали овој случај ќе добие свој крај. Секако дека ќе дојдеме до разрешница. Наводите и индициите се навистина лоши, но да почекаме да заврши истрагата и да го собереме досието целосно, за потоа да можеме соодветно да ја информираме јавноста – порача Мицкоски.

Тој посочи дека станува збор за чувствителни информации и дека Владата нема да излегува со некомплетни податоци во јавноста.

– Како претседател на Владата, кога ќе ја информирам јавноста, тоа треба да биде таксативно и хронолошки наведено – сѐ. Институциите работат и истражуваат. Кога ќе имаме комплетно досие, тогаш ќе излеземе во јавноста, дали ние, дали Обвинителството или некои други институции – истакна Мицкоски.

Премиерот нагласи дека Владата има обврска да биде транспарентна и дека јавноста ќе биде информирана веднаш штом истрагата биде целосно завршена.

The post ИСТРАГАТА СЕ ВОДИ, ЈАВНОСТА ЌЕ ДОЗНАЕ СÈ Мицкоски најави разрешница за „извозот“ на мозочни ткива appeared first on plusinfo.mk.