Во објава на неговата страница на платформата „Х“, Роде во оваа прилика изрази големо задоволство поради визната либерализација, нагласувајќи дека ерата на ограничување на движењето на косовските граѓани во Европа „конечно се затвора“.

– Возбудени сме што оваа ера конечно се затвора, отстапувајќи и место на заслужената визна либерализација за помалку од две недели. Заедно ги доведуваме домот и дијаспората поблиску – напиша германскиот амбасадор.

Добитник на последната туристичка виза од германската амбасада е Бујар Рустеми.

За работни, студиски и други видови визи процедурите остануваат исти и по настапот на визната либерализација, што значи дека косовските граѓани во иднина ќе можат да престојуваат во посети на своите блиски или како туристи во земјите од Шенген-зоната до 90 дена во текот на период од 180 дена.

The post ГЕРМАНИЈА ГИ ОТВОРА ВРАТИТЕ ЗА КОСОВО Се укинува Шенген визата за косовските државјани appeared first on plusinfo.mk.

Се шпекулира дека деценискиот ќорскокак се случил поради земјите што не ја признаваат независноста на Косово, а се спомнуваат и имињата на Холандија и Франција поради некои други причини.

Министерот за надворешни работи на Cеверна Македонија на Фејсбук ја поздрави одлуката на Европскиот парламент да одобри визна либерализација. Toj смета дека ова е важно за интеграцијата на Косово во ЕУ и дека со ова се заокружува слободното движење на граѓаните на Западен Балкан во Унијата.

Некои земји членки на Унијата уште не го признаваат Косово.

Во меѓувреме, американскиот амбасадор Кристофер Хил изјави дека САД нема да се откажат додека не се формира Заедницата на српските општини(ЗСО) на Косово. Тој денеска изјаи дека тоа мора да биде клучен елемент во спроведувањето на договорот за нормализација од Охрид, јавува дописникот на МИА од Белград.

– Она што можам да ве уверам е дека нема да се откажеме додека тоа не се случи – порача Хил додавајќи дека сите велат „колку побрзо, толку подобро“.

The post БУЈАР ОСМАНИ ЈА КОМЕНТИРАШЕ ВИЗНАТА ЛИБЕРАЛИЗАЦИЈА НА КОСОВО Со ова се заокружува слободното движење на граѓаните на Западен Балкан appeared first on plusinfo.mk.

Европратениците од редовите на зелените и социјалдемократите ќе се спротивстават на почетокот на преговорите за визна либерализација за Катарците во ЕУ во понеделник, бидејќи Европскиот парламент реагира на сомнежите за корупција во него во врска со Катар, јави дописникот на МИА.

Европскиот парламент од понеделник се состанува во Стразбур, европратениците на оваа сесија требаше да го потврдат отворањето на разговорите меѓу Европскиот парламент и земјите-членки на ЕУ со цел да се финализира текстот за олеснување на визниот режим за патниците од Катар и Кувајт.

Овој текст, кој веќе доби зелено светло од земјите-членки на крајот на јуни, предвидува ослободување од визите за државјаните на Катар и Кувајт кои патуваат во европскиот блок за максимален период од 90 дена, што е предмет на договор за реципроцитет со овие две земји. Но, антикорупциската операција спроведена во петокот од страна на белгиската полиција, која ја уапси Ева Каили, една од потпретседателите на Парламентот, сега ја нарушува агендата.

Известувачот за текстот, германскиот европратеник од Зелените, Ерик Маркарт, најави дека на крајот ќе се спротивстави на започнувањето на разговорите. Потоа следеше неговата политичка групација.

„Нулта толеранција за корупција. Зелените ќе се спротивстават на мандатот за почеток на преговори за визна либерализација со Катар во понеделник“, објави копретседавачот на Зелените во Европскиот парламент, Тери Рајнтке на Твитер.

Од своја страна, Групата на социјалдемократите повикува на „запирање на работата за сите досиеја и гласови кои се однесуваат на земјите од Заливот, особено за либерализацијата на визите”.

Меѓу уапсените во петокот, покрај грчката социјалистка Ева Каили, се и нејзиниот придружник Франческо Џорџи, пратенички асистент, како и поранешниот социјалистички европратеник од 2004 до 2019 година Пјер-Антонио Панцери. Европратениците имаат прашања и за ставот на парламентарците на Групата на социјалдемократите за време на дебатата и гласањето на 24 ноември минатата година за резолуцијата со која се осудуваат кршењата на човековите права во Катар.

Во хемициклот, Ева Каили процени дека емиратот е „предводник во работните права” и оцени дека Европејците „немаат морално право да му држат предавања”. Пјер Карлескинд (Обнови, либерали)  праша зошто социјалистите прво гласаа против самиот принцип на резолуција, пред да спречат, во согласност со десницата (ЕПП) и екстремната десница, усвојувањето на неколку амандмани, вклучително и оние кои го осудуваат ставот на ФИФА кон угнетувањето на правата на ЛГБТ.

„Сега се плашам да разберам…“, реагираше во саботата на Твитер овој француски европратеник. „Веќе предупредив во ноември за агресивното лобирање предводено од Катар (…) Ние подобро разбираме зошто”, рече Манон Обри (радикалната левица).

The post ЦРНО ИМ СЕ ПИШУВА НА КАТАР И НА КУВАЈТ Останаа со европски визи поради корупцијата во Брисел appeared first on plusinfo.mk.