Тројца сопственици и управители на фирма ќе одговараат за сериозно загадување во скопско Визбегово, откако обвинителството поднесе обвинение поради незаконско складирање опасен отпад што доведе до голем пожар и масовно загадување на воздухот.

Според обвинението, од крајот на февруари до почетокот на јули минатата година, обвинетите без дозвола складирале и управувале со опасен отпад на парцела во Визбегово. Станува збор за материјали со експлозивни, запаливи и токсични својства, како и супстанции што можат да бидат канцерогени и штетни за животната средина.

На 9 јули 2025 година на локацијата избувнал пожар кој, поради обемот и ризикот, не можел веднаш да биде ставен под контрола. Дел од отпадот изгорел, при што во воздухот се издигнал густ црн чад. Мерењата на надлежните служби потврдиле значително загадување.

Обвинителството наведува дека со ваквите постапки била создадена сериозна опасност по здравјето на граѓаните и животната средина.

Одговорноста се лоцира кај управителката и сопственичка на фирмата, која заедно со уште едно лице активно учествувала во незаконското работење. Обвинение е поднесено и против уште една сопственичка на фирмата и на парцелата, која според обвинителството требало да биде свесна за ризиците што ги носи складирањето ваков отпад.

На обвинетите им се става на товар кривично дело загрозување на животната средина и природата со отпад.

ГОРИ ДЕПОНИЈА ВО ВИЗБЕГОВО Црн чад го покри небото над Скопје, паника меѓу граѓаните

ЕР ТРАКТОР И ХЕЛИКОПТЕР ГО ГАСНАТ ОГНОТ Пожарот кај Визбегово не стивнува, се интервенира од земја и од воздух

МАСОВНА ТЕПАЧКА КАЈ ПОЖАРОТ ВО ВИЗБЕГОВО Приведен сопственикот кој се спротивставил на полицијата

ОБВИНИТЕЛСТВОТО БАРА ПРИТВОР ЗА СОПРУЖНИЦИТЕ ЧИЈ ОТПАД ПЛАМНА ВО ВИЗБЕГОВО Притворени се за нападот врз новинари, ќе се истражува нивната улога во пожарот

The post ПОЖАРОТ ШТО ГО ЗАДУШИ СКОПЈЕ Обвинение за незаконско складирање токсичен отпад во Визбегово appeared first on plusinfo.mk.

Втор голем пожар за само неколку дена ја зафати депонијата во скопската населба Визбегово, оставајќи зад себе густ црн чад што се издига над Скопје и шири загрижувачка миризба низ целиот град. Според информациите од Центарот за управување со кризи (ЦУК), пожарот е повторно активиран поради природата на отпадот, кој овозможува повторно палење дури и по изгаснување.

– Се работи за т.н. жариште кое поради длабоко складираниот отпад и високите температури лесно се реактивира. Пожарот овојпат се прошири и кон социјалните бараки кај хотелот „Њу Стар“, со што ситуацијата стана сериозна – изјавија од ЦУК за медиумите.

Противпожарната служба на Град Скопје интервенира на терен, но борбата со огнот е отежната поради интензитетот на чадот и тешко достапната локација.

Граѓаните повторно алармираат за неподнослива миризба, гушење и ризик по здравјето, особено во северните и западните населби.

Во исто време, ЦУК информира дека до 14:00 часот во државата се евидентирани вкупно пет пожари на отворен простор, од кои четири се активни.

Во Прилеп, пожар кај село Бешиште ја зафати мешаната шума, додека кракот кон село Градешница е под контрола. Во Валандово, огнот беснее меѓу селата Грчиште и Марвинци, како и кон Богданци. Во Црешнево, повторно се реактивираше пожарот кај локацијата Церо Поле, каде интервенираат шумари од ЈП „Сандански“.

Од пријавените пожари, два се успешно изгаснати – едниот во дебарското село Баниште, каде гореше ниска вегетација и стрниште, а другиот во кичевската населба Бачинци каде гореше ѓубре.

The post ГОРИ КАЈ ВИЗБЕГОВО, ЧАДОТ СЕ ШИРИ КОН СКОПЈЕ Повторно пожар кај хотелот „Њу Стар“ appeared first on plusinfo.mk.