Проф. Мицев е роден во 1940 година во Белград. Во Cкoпje завршил средно училиште (1957) и Медицински факултет (1965). Наредните две години работел како лекар по општа пракса во Гостивар. Од 1968 година до 1974 година работел во Лондон, каде во 1972 година добил диплома за завршена психолошка медицина, односно специјалистичка диплома по психијатрија.

Со такво стручно образование се враќа во Скопје и истата 1974 година се вработува на Клиниката за невропсихијатрија, како единствен лекар во тоа време кој специјализирал во странство. Во 1984 година проф. д-р Мицев одбранил докторат на Медицинскиот Факултет во Скопје.

На универзитетот Сент Луис, во САД во неколку наврати бил визитинг професор, а во 1999 визитинг-професор станува и на Њујоршкиот универзитет.

На Универзитет Кирил и Методиј – Скопје, д-р Мицев беше професор на Медицинскиот, Стоматолошкиот и на Филозофскиот факултет.

Проф. д-р Мицев има објавено 110 стручни трудови во домашни и светски списанија. Автор е и на книгите: „Стравот низ дневникот на еден психијатар”, „Зошто”, а заедно со проф. д-р Ѓеорги Чадловски е автор на учебниците „Психијатрија 1 и 2’’.

Неврозите и психотерапијата беа посебното поле на интерес од неговата потесна специјалност. Беше супспецијалист по психотерапија и ја воведе когнитив-бихевиор психотерапијата во Македонија.

Беше активен член на Светската психијатриска асоцијација и на Европскиот комитет за едукација во психијатријата.

Погребот на проф. д-р Витомир Мицев ќе се одржи утре во 12:30 часот на градските гробишта Бутел во Скопје

The post ПОЧИНА ПРОФ. Д-Р ВИТОМИР МИЦЕВ Беше еден од основоположниците на македонската психијатрија appeared first on plusinfo.mk.