Некои од песните што оставија неизбришлив белег во музичката индустрија, оваа година одбележуваат 40 години од своето објавување. И по четири децении, тие сè уште го привлекуваат вниманието на публиката, вклучувајќи ја и помладата генерација.

Една од нив е „Живеејќи со молитва“ („Livin’ on a Prayer“) на групата Бон Џови. Како нивен прв голем хит, песната се искачи на првото место на „Билборд“ листата за рок-песни, како и на престижната „Billboard Hot 100“ листа. Во 2013 година доби трократна платинеста сертификација за повеќе од три милиони дигитални преземања, а оттогаш е продадена во над 13 милиони примероци ширум светот, што ја вбројува меѓу најпродаваните песни на сите времиња.

Песната „(Токму сега) умрев во твоите раце“ („(I Just) Died in Your Arms“) на британската група Катинг Кру (Cutting Crew) исто така слави 40 години од објавувањето. По излегувањето, доби поделени критики – дел од музичките критичари ја пофалија мелодијата и продукцијата, додека други ја оспоруваа поради недостиг на оригиналност. И покрај огромниот комерцијален успех, токму оваа песна ѝ донесе на групата репутација на бенд со само еден голем хит.

На листата се најде и хитот на Мадона „Тато, не поучувај“ („Papa Don’t Preach“) од нејзиниот трет студиски албум „True Blue“. Критиката особено го истакна нејзиниот вокален израз, а во видеоспотот, режиран од Џејмс Фоли, Мадона прикажа поинаков, позрел имиџ, толкувајќи млада жена која се спротивставува на авторитетот на својот татко.

Групата Европа (Europe) во 1986 година ја објави легендарната „Последното одбројување“ („The Final Countdown“). Песната ја напиша фронтменот Џои Темпест, инспириран од „Space Oddity“ на Дејвид Боуви. Првично замислена како воведна композиција за концерти, подоцна стана насловна песна на истоимениот албум и еден од најпрепознатливите рок-химни во историјата.

Во 1986 година беше објавена и „Земи ми го здивот“ („Take My Breath Away“) на групата Берлин (Berlin), напишана од Џорџо Мородер и Том Витлок за саундтракот на филмот „Топ Ган“ („Top Gun“). Песната ја освои наградата „Оскар“ за најдобра оригинална песна на 59-тото доделување на наградите на Академијата, како и „Златен глобус“ за најдобра оригинална песна.

Меѓу хитовите што одбележуваат 40 години е и уште една песна на Бон Џови – „Љубовта ја правиш лоша“ („You Give Love a Bad Name“), која на 29 ноември 1986 година го освои првото место на „Billboard Hot 100“ листата. Во 2007 година повторно влезе меѓу најслушаните, откако беше изведена од Блејк Луис во шоуто „American Idol“.

Хитот „Како би знаела“ („How Will I Know“) на Витни Хјустон првично бил наменет за Џенет Џексон, но таа го одбила. Песната во февруари 1986 година се искачи на врвот на „Billboard Hot 100“ листата и стана првата песна на Витни Хјустон што го освои првото место и на канадската „RPM Top 100“ листа.

Денес, овие безвременски хитови добиваат нов живот благодарение на социјалните мрежи, особено ТикТок, кој повторно ги открива и ги претвора во музички трендови меѓу новите генерации.

The post 📽️ МУЗИЧКА МАГИЈА ОД 80-ТИТЕ Овие легендарни хитови полнат 40 години appeared first on plusinfo.mk.

Кевин Костнер разговарал со принцезата Дијана, преку Сара Фергусон, изразувајќи го својот интерес за продолжение на филмот „Телохранител“ каде што таа требало да игра принцеза, а Кевин да биде нејзин телохранител кој ќе ѝ го спаси животот.

Притоа, ветил дека ова ќе биде направено со вкус и дека тој ќе се грижи за неа, пишува Дејли Мејл.

Овие тврдења неодамна ги потврдил и поранешниот батлер на Дијана, Пол Барел, кој во својата најнова книга „The Royal Insider“ напишал:

– Дијана одби понуда да се пресели во професионалната сфера на нејзината идна снаа, Меган, и да стане актерка. Ја контактираа да се појави во „Телохранител II“ заедно со Кевин Костнер.

Ја поврзав со г-дин Костнер во дневната соба и слушнав како се смее и вели: „Но, јас не знам да пеам! Што би се очекувало од мене? Не сум сигурна, но да, во ред, испратете го и ветувам дека ќе го погледнам. На крајот од повикот ми кажа дека тој ѝ ја понудил главната улога во продолжението на големиот хит во кој главната улога ја имаше Витни Хјустон.

Таа требаше да игра принцеза, а Кевин да биде нејзин телохранител кој ќе ѝ го спаси животот. Тој вети дека ќе биде направено со вкус и дека тој ќе се грижи за неа.

Кевин Костнер првпат зборувал за откажаното продолжение на „Телохранител“, во 2012 година, велејќи дека заплетот ќе се врти околу тоа како тој ќе го штити ликот на принцезата Дијана.

Колку и да изгледало ова невозможно, Костнер потврдил дека разговарал со Дијана преку Сара Фергусон, изразувајќи го својот интерес за продолжение каде што ќе изгради филм околу неа.

Во книгата Пол Барел раскажува дека Дијана се насмевнала и рекла дека Костнер бил шармантен, но дека не може да биде сериозен.

– Но, тој беше исклучително сериозен и стигна сценариото за „Телохранител 2“. Не сум сигурен дека некогаш го прочитала, но беше поласкана. Таа учтиво ја одби можноста, велејќи: „Тоа е сосема невозможно“.

Сепак, се чини дека „сеќавањата може да се разликуваат“ кога станува збор за тоа како Костнер ја прашал Дијана и како таа одговорила.

Кевин првпат зборувал за прекинатото продолжение на „Телохранител“ во 2012 година, велејќи дека заплетот ќе се врти околу тоа како тој го штити ликот на Дијана од демначи и папараци пред нивната врска на крајот да стане романтична.

Костнер тврдел дека Дијана првично била согласна со филмот, велејќи му: „Мојот живот ќе се промени“.

Тој додал дека вториот пат кога разговарале, се согласиле за сцена со бакнување.

„Телохранител“ беше еден од филмовите со најголема заработка од почетокот на 1990-тите, со светска заработка од повеќе од 300 милиони фунти.

Повеќе од 42 милиони примероци од саундтракот беа продадени – светски рекорд – во голема мера благодарение на изведбата на Хјустон на песната „I Will Always Love You“ од Доли Партон.

Во првиот филм, Хјустон играше пејачка во улога која била напишана првично за Дијана Рос.

Нејзината изведба и успехот на филмот, накратко ја направија една од најплатените актерки во светот во средината на 1990-тите.

Идејата за продолжението наводно дошла за време на патувањето во Кина што Дијана го направила со Костнер, војвотката од Јорк и могулот за ресторани од Хонг Конг, Дејвид Танг.

Во последниве години, Костнер сподели дека неговиот однос со кралското семејство се влошил по смртта на Дијана.

Тој во „Шоуто на Хауард Стерн“ вели дека околу една година по смртта на Дијана, протекла информацијата дека го подготвувал продолжението со неа.

– Кралското семејство малку се налути на мене. И всушност стана малку грдо. И само стануваше сè погрдо и погрдо.
Тој раскажа како ѝ се обратил на Сара, војвотката од Јорк, која го запознала со принцезата Дијана, и побарал помош.

Во времето кога Кевин се обидувал да направи продолжение на „Телохранителот“, Дијана се разделила од Чарлс и била отуѓена од кралското семејство.

– Она што се случи беше дека почнав да разговарам со неа преку Сара и реков: „Слушај, ќе го снимам „Телохранител 2“ и мислам дека можам да го изградам ова околу тебе. Дали би те интересирало?“ А таа ми одговори: „Да. Мојот живот ќе се промени. Не навлегов баш во детали, но мислев дека разбирам што зборува. Беше многу слатка и разговаравме. Вториот пат кога разговаравме, таа праша: „Дали ќе има сцена со бакнување?“ Јас реков: „Дали сакаш да има?“

Таа рече: „Да“, а јас реков: „Тогаш ќе го направиме тоа.“ Немав намера да направам цела романса околу неа. Но, ќе имаше момент кога ќе го направевме тоа. И таа беше толку слатка во врска со ова – ракажал Костнер.
Години подоцна, Костнер случајно бил во Велика Британија и принцот Вилијам го контактирал за состанок.

– Никогаш не сум зборувал за ова, но можам поради тоа колку многу го почитувам.

Првата реченица што ја изговори му беше: „Знаеш, ѝ се допаѓаше на мајка ми“.

Наводно, Кевин му одговорил „Знам“ и разговарале околу половина час.

– Никогаш нема да кажам за што разговаравме, но беше многу мило – рекол Костнер.

Кога Дијана трагично почина во 1997 година, Костнер рече дека „не може да ја замени принцезата Ди“ и дека филмот никогаш нема да биде снимен.

The post КЕВИН КОСТНЕР Ѝ ПОНУДИЛ НА ПРИНЦЕЗАТА ГЛАВНА УЛОГА ВО ФИЛМ За продолжението на филмот „Телохранител“ актерот зборувал лично со Дијана appeared first on plusinfo.mk.

Хјустон починала во својот дом во Њу Џерси во понеделникот на 7 октомври, истовремено била во болница за лекување на Алцхајмерова болест, изјавила нејзината снаа Пет Хјустон за „Асошиејтед прес“.

– Нашите срца се исполнети со болка и тага. Го губиме матријархот на нашето семејство“, рекла Пет во соопштението. „Мајка Сиси беше силна и моќна фигура во нашите животи. Жена со длабока вера и убедување, која многу се грижи за семејството, службата и заедницата. Нејзината повеќе од седумдецениска кариера во музиката и забавата ќе остане во првиот план на нашите срца.

Хјустон беше и тетка на пејачките Дион Ворвик и Ди Ди Ворвик.

Хјустон ја започна својата пејачка кариера во 1938 година кога ѝ се придружи на својата сестра Ен и двајцата браќа Лери и Ники во групата наречена „Дринкард фор“.

„Сиси имаше неверојатен глас и тоа го пренесе на нејзиното мало бебе, Витни“, изјави Ворвик за „Пипл“ во февруари. „Витни дојде токму како и сите ние, во црковниот хор. Тоа беше само предодредено, таа ќе пее. Нејзината судбина беше како и остатокот од семејството. Тоа е како Бог ќе го впери прстот кон нас и ќе рече: „Нека нивните гласни жици го прават она што треба да го прават“.

The post ПОЧИНА МАЈКАТА НА ВИТНИ ХЈУСТОН НА 91 ГОДИНА Семејството ја објави тажната вест appeared first on plusinfo.mk.

Тоа го докажа едно мало момче кое со внимание го слушаше настапот на оваа пејачка која прерано почина.

Видеото го сподели неговиот татко Брендон Вејн на TikTok, а се гледа како момчето внимателно ја слуша песната „I Will Always Love You“, која воедно е и еден од нејзините најпознати хитови.

Кога Витни Хјустон го започнува рефренот, момчето станува видно трогнато со насолзени очи.

@brandonwayne_music Whitney gets me too #fyp #whitneyhouston #alwaysloveyou #cryingbaby #smilingbaby #TalkingTree ♬ original sound – Brandon Wayne Music

The post 📽️ МОМЧЕ ПРВПАТ ЈА СЛУШНА ЛЕГЕНДАРНАТА ПЕСНА НА ВИТНИ ХЈУСТОН Неговата емотивна реакција ги трогна луѓето appeared first on plusinfo.mk.

Имено, посинокот на пејачката Витни Хјустон, која почина во 2012 година, почина во средата попладне под сè уште неразјаснети околности.

Роберт Браун помладиот, како што гласи неговото вистинско име, бил прогласен за мртов во неговиот дом во Лос Анџелес, откако го прегледала Брзата помош.

Тој почина само пет години по неговата полусестра Боби Кристина, и е второто дете музичар Боби Браун што го загуби.

Да потсетиме, Боби Кристина помина шест месеци во вештачка кома во 2015 година, откако беше пронајдена во несвесна состојба во када, бидејќи се предозирала со наркотици.

Три години пред смртта на Кристина, нејзината мајка Витни Хјустон беше пронајдена мртва во кадата на идентичен начин откако случајно предозирала со опојни супстанции во 2012 година.

– Тие не мислат дека има нешто сомнително во врска со неговата смрт – изјавил извор близок до семејството во врска со смртта на Боби Браун помладиот.

Инаку, Боби Браун помладиот имаше пет браќа и сестри и немаше деца, а за жал, го заврши својот живот многу млад. Полицијата во Лос Анџелес сè уште ја истражува неговата смрт и се обидува да ги разјасни околностите под кои почина младиот човек.

The post Посинокот на Витни Хјустон прoнајден мртов appeared first on plusinfo.mk.