Тој рече дека собираат податоци за идните генерации.

– Не сме таму да ги толкуваме, тоа им го оставаме на научниците – истакна Де Гар.

Опремени со најсовремени алатки и за прв пат со дрон, тим од околу 20 луѓе кон средината на септември во осум насоки се искачи на врвот на Западна Европа во близина на француско-италијанската граница.

Тие неколку дена спроведувале мерења и бележеле точка по точка на врвот на Мон Блан.

Тоа е 12-та акција на експедицијата, чија цел е собирање научни податоци за влијанието на климатските промени на Алпите, во рамките на иницијативата покрената во 2001 година.

– По неколку експедиции и мерења научивме многу: знаеме дека врвот е во постојано движење како во висина, со варијации од речиси пет метри, така и по положба – рече Де Гар.

The post ВРВОТ МОН БЛАН Е ПОНИЗОК ЗА 2,22 МЕТРА ЗА 2 ГОДИНИ Планината варира во висина и во положба appeared first on plusinfo.mk.

Неговото семејство објави дека Игор починал од срцев удар во петокот на клиниката Мајо во Рочестер, објави „Си -Би -Ес“.

Мајката Светлана Вовковинска, медицинска сестра на интензивна нега на клиниката Мајо, ја објави веста за неговата смрт на Фејсбук.

Роден е во Украина, а на Клиниката Мајо дошол во 1989 година на лекување, бидејќи туморот ја притиснал неговата хипофиза и предизвикал лачење на абнормални количини хормон за раст.

Вовковински се појавил во телевизиското шоу „Доктор Оз“, по што поранешниот американски претседател Барак Обама го повика на митинг во 2009 година, кога забележал дека Игор носи маица со натпис „Највисок фан на Обама“.

The post ПОЧИНА НАЈВИСОКИОТ МАЖ НА СВЕТОТ Украинецот бил повисок од два метри appeared first on plusinfo.mk.

-Особено висок беше водостојот на река Радика кој за време на ноќта достигна висина од 177 см. на хидролошката станица Бошков Мост и бележи континуирано зголемување последните два дена (во кои има пораст од 100 см). Значително зголемен беше и водостојот на нејзината најголема притока, р.Мала Река, чиј водостој се зголеми за 50 см. во однос на вчерашниот и достигна 112 см. (на хидролошката станица Елен Скок). Водостојот на реката Сатеска се зголеми за 60 см. во последните два дена – информира Управата за хидрометеоролошки работи.

Според информациите на УХМР пораст на водостојот имаа и водотеците кои доаѓаат од планинскиот масив Шар Планина (особено р.Бистрица и р. Маздрача), како и на водотеците од планинскиот масив Кораб (десните притоки на р.Радика).

-Од хидролошките станици се регистрира зголемен водостој и на р.Треска во Македонски Брод, каде има пораст на водостојот од 52 см. во однос на вчерашниот. Иако врнежите во источните делови од земјата беа послаби и таму се регистрирани зголемувања на водостоите, како резултат и на врнежите во изминатиов период таму кои ја зголемија влажноста на земјата и подготвија основа за поголема реакција на речните сливови (зголемен е коефициентот на истекување). Пораст на водостојот е забележан на р. Крива во Крива Паланка и на р.Пчиња на хидролошките станици во Пелинце и Катлановска Бања (каде се очекува натамошен пораст во текот на денешниот ден) – посочуваат од УХМР.

За  вечерните часови и за време на ноќта се најавуваат нови врнежи, пообилни во западните делови каде што на места локално се прогнозираат над 30 л/м2.

– Вкупно за наредните два дена во западните делови на места се очекува врнежите да надминат и 50 л/м2. Во тие делови од земјата се очекуваат значително вискои водостои, полнење на речните корита како и локални излевања. Ова особено се однесува на реките Радика, Сатеска, Коселска и Голема (Ресенска) во чии сливови се можни излевања. Исто така, висок водостој и полнење на речното корито се очекува на р.Треска, (каде се можни локални излевања во тој слив, во Пласница и на помалите притоки), а исто така и самата р.Треска се очекува да има полно корито. Зголемен водостој се очекува и во горниот дел од сливот на р.Црна и на нејзините помали притоки. Иако според моменталниот водостој се уште има простор за полнење, висок водостој се очекува и на р.Вардар во нејзиното горно течение, заедно со нејзините притоки во тој дел. Иако во источниот дел врнежите се очекува да бидат послаби, сепак висок водостој и можни слаби локални излевања се можни во сливот на реките Крива, Кумановска и Пчиња – информираат од УХМР.

Оттаму предупредуваат на крајно претпазливо и внимателно движење (по можност да се избегнува) покрај реките и суводолиците низ земјава поради опасност од нивно излевање. Ова најмногу се однесува на водотеците во западниот дел од земјата каде врнежите ќе бидат пообилни и има опасност од нивно излевање, но и на тие од источните делови каде се очекуваат високи вредности на водостоите.

The post УХМР: Водостојот на повеќе реки е висок, не се движете покрај нив appeared first on plusinfo.mk.

Сумата за редовна исплата на пензиите значајно ќе расте следните две години. Ќе се зголемува и бројот на пензионери. По увидот во новиот Стратегиски план 2020 – 2022 година на државниот Фонд за пензиско и инвалидско осигурување, „Порталб“ објавува дека проекциите укажуваат на тоа дека во 2022 та година за редовна исплата на пензии ќе бидат потребни повеќе од 1 милијарда евра.

Во 2022 година 10 150 пензионери повеќе во однос на годинава

Во 2022 та година во споредба со годинава, прогнозите на ПИОМ покажуваат дека во земјава бројот на пензионери ќе се зголеми за нови 10 153 лица – нови корисници на пензија. Стратегискиот план 2020-2022 што ги содржи проекциите за бројот на пензионери и сумата потребна за редовна исплата на пензии, укажува на нагорен тренд на бројот на нови корисници на пензија.

Корисници на пензија

2020 година 327 125

2021 година 332 163

2022 година 337 278

Ќе расте бројот на пензионери, ќе растат и расходите на државниот фонд кој е зависен од парите на Централниот буџет – без чии трансфери не може да исплати пензии. Податоците покажуваат дека менаџментот на ПИОМ проектира раст на расходите за пензии, кон приватните пензиски фондови, за плати и надместоци на вработени.

Конкретно, годинава според стратегискиот план само за исплата на пензии на ПИОМ му се потребни 946 милиони евра. Оваа сума се зголемува следната година на ниво од 980 милиони евра, а во 2022 та година надминува 1 милијарда и 20 милиони евра.

Висина на пензии – колку пензионери примаат над 640 евра 

Заклучно со првото економско полугодие – во земјава имало 324 518 пензионери, најголем дел од нив или 206 421 примаат пензија од 11 863 денари до 39 356 а само мал дел, односно 2 587 пензионери имаат месечна пензија од 39 356 денари до дури 53 371 денари.

На крајот од 2019 та година во земјава имало 322 704 пензионери додека во државната фондовска каса придонеси плаќале 581 405 осигуреници што значи дека на еден корисник на пензија имало 1,8 вработени – лица кои плаќале придонеси.

Одржливоста на државниот пензиски фонд стана хроничен проблем кој се заостри во 2007 та година по реформата во пензискиот систем и воведувањето на вториот пензиски столб, а потоа и со намалувањето на даночните стапки, конкретно во 2019 та придонесот за пензиско осигурување изнесуваше 21,2%, а во 2010 та се намали на 18%. Следуваа години на даночни ослободувања од придонеси за одделни категории на вработени, што дополнително ги затвори вентилите за финансисрање на државниот ПИОМ. Оваа состојба ја нотираа и ревизорите во еден од последните извештаи со кои под лупа се стави состојбата во Фондот за пензиско и инвалидско осигурување.

„Во 2018 година за покривање на дефицитот трансферирани се средства во износ од 478,0 милиони евра. Утврдената состојба е резултат на стапката на невработеност, законските решенија за ослободување и повластеното плаќање придонес, неповолниот сооднос на бројот на вработени и пензионери, 1,83 вработени на 1 пензионер, висината на стапката на задолжителното ПИО која согласно законските решенија на Фондот изнесува 18% заклучно со 2018 година“, пишуваат ревизорите.

Дополнително констатираат дека учеството на изборните приходи од наплатен придонес секоја година се намалува додека расте износот на средствата кои се одвојуваат од Централниот Буџет за покривање на дефицитот во ПИОМ па така парите од државниот Буџет во 2011  година во приходите на ПИОМ учетвувале со 35,7% додека во 2018 та се искачуваат на ниво од 43%. Лани регистрирано е намалување на ова учество на државните средства во алиментирање на дупката во касата на државниот фонд.

СДСМ која според првичните резултати е победник на предвремените паралментрани избори, доколку ја формира новата Влада, најавува натамошно зголемување на пензиите, но според моделот на усогласување со трошоците на живот, односно не се нуди фиксен гарантиран износ за линеарен пораст на пензиите.

The post Буџетот за пензии за две години ќе скокне на 1 милијарда евра appeared first on plusinfo.mk.