Преписка меѓу  момчето убиец Коста К. и неговата мајка Милјана Кецмановиќ била презентирана како доказ на судењето против неговите родители во Белград.

Според српските медиуми, пораките биле извлечени од вештачењето на нивните телефони. Дел од нив, како што беше наведено во судницата, датираат од 2020 година.

Меѓу пораките што привлекле најголемо внимание е онаа во која Коста К. ѝ пишува на мајка си:

„Те мразам“, гласела пораката.

Следната порака што беше земена како доказ во оваа постапка ја испрати Милјана до својот син во март истата година, а гласеше „Јас сум на училиште, не се срами од мене, јас сум твоја мајка, треба да бидеш горд“.

Само неколку дена подоцна му испратила порака со содржина „Е*и се, сине“.

Порака што предизвикала молк

Една од пораките што била прочитана во судницата се однесувала на односот кон неговата помлада сестра.

„Што правиш? Зошто треба така да се однесуваш со сестра ти?“, му напишала мајката.

Според медиумските извештаи, токму оваа порака предизвикала најголемо внимание кај присутните, бидејќи отвора прашања за односите во семејството и пред трагедијата.

Судењето влегува во завршница

На денешното рочиште биле изнесени завршните зборови во постапката против Владимир и Милјана Кецмановиќ.

Главниот јавен обвинител Ненад Стефановиќ побарал најстроги казни за двајцата обвинети. По завршувањето на постапката, судот треба да закаже датум за објавување на пресудата.

Постапката се повторува откако Апелациониот суд ја поништи претходната првостепена пресуда поради процесни пропусти.

Српските медиуми пишуваат дека преписката фрла ново светло за случајот кој пред 3 години ја зави Србија во црно. На 3 мај 2023 година тогаш 13-годишниот Коста К. во Основното училиште „Владислав Рибникар“ во белградската населба Врачар уби 9 ученици и еден чувар, а рани уште 6 ученици и една наставничка.

The post „ТЕ МРАЗАМ“, ПИШАЛ КОСТА К., МАЈКА МУ ВОЗВРАЌАЛА УШТЕ ПООСТРО Судницата слушна преписки меѓу момчето убиец и родителите appeared first on plusinfo.mk.

Родителите на малолетниот убиец Коста К. од основното училиште „Владислав Рибникар“ во Белград, Владимир и Миљана Кецмановиќ, ќе треба да исплатат над 344.000.000 динари, односно речиси 3 милиони евра отштета на семејствата на убиените ученици, наставничката Татјана Стевановиќ и двата ранети ученици.

Одлуката на Вишиот суд во Белград ја потврдува моралната и граѓанската одговорност на родителите, јави Мондо.

Според судот, Кецмановиќ и училиштето се задолжени солидарно да ги надоместат душевните болки на 27 семејства. Судскиот процес го отвори прашањето за вредноста на имотот на семејството, кој, според проценките на „Блиц“, достигнува најмалку 700.000 евра, или 100 илјади евра повеќе од процената на нивната адвокатка.

Меѓутоа, имотната состојба на фамилијата Кецмановиќ не ја покрива целата сума. Дел од нивниот имот е веќе под хипотека и под извршна мерка. Во таа насока, во декември 2024 година е продаден автомобилот „Фиат“ на Миљана Кецмановиќ, поради долг од 1.388.192 динари (околу 11.800 евра) што таа не го исплатила кон извршителот. Судот го замрзна остатокот од нејзиниот имот во Ниш и Параќин додека не завршат сите постапки.

Од друга страна, доколку фамилијата не успее да ја исплати обврската, судот може да покрене принудна наплата и конфискација на нивните недвижности, а во екстремен случај, Владимир и Миљана можат да се соочат и со кривичен прогон за непочитување на судска одлука, предупредуваат правни експерти.

На 3 мај 2023 година во Белград, во основната школа Основна школа „Владислав Рибникар“ (Врачар општина), 13-годишниот Коста Кецмановиќ отвори оган врз ученици и вработени, при што животот го загубија девет ученици и еден чувар.

Тој бил вооружен со два пиштола кои му припаѓале на неговиот татко.

Нападот бил планиран. Коста Кецмановиќ изработил листа со цели и направил распоред на движење низ училишниот објект.

The post РОДИТЕЛИТЕ НА КОСТА К. ТРЕБА ДА ИСПЛАТАТ 3 МИЛИОНИ, НО КОЛКУ ЕВРА ИМААТ? Продаден е „фиатот“ на Миљана, дел од имотот замрзнат appeared first on plusinfo.mk.