The post ПOЧИНА СОПРУГАТА НА ТАТКОТО НА ВСЕЛЕНСКИОТ ТУРИЗАМ Џоан Темплман и Ричард Бренсон беа заедно цели 50 години appeared first on plusinfo.mk.

Анастатија Мајерс и нејзината мајка Кеиша Шахаф ќе бидат првите мајка и ќерка кои летаат во вселената. Тие, исто така, ќе бидат првите луѓе од Карибите кои ќе тргнат на тој пат. Полетувањето е во четврток од Ново Мексико.

Кеиша била на пат за Велика Британија за да и договори виза за студирање на нејзината ќерка, а на летот од Антигва до Лондон одеднаш видела оглас за наградно патување во вселената.

– Ја пополнив наградната ждрепка и потоа одеднаш, неколку месеци подоцна, добивам дописи во кои пишува „ти си меѓу избраните 20 финалисти“, потоа меѓу првите пет и на крајот дека јас сум победничката. И, одеднаш, кој влегува во мојот двор? Ричард Бренсон! Целиот тим само упадна во мојата куќа велејќи „ти си победникот, ќе одиш во вселената“ – раскажува Кеиша Шахаф.

Анастатија вели дека нејзината одлука да патува од Карибите за да студира во Шкотска довела до можност да оди во вселената.

– Да не го избрав по случаен избор Универзитетот во Абердин и да не моравме да направиме огромно заобиколување за да ја добиеме мојата виза – немаше да одиме во вселената – вели таа.

Студентката која студира филозофија и физика,  вели дека одењето да студира во Шкотска било една од најголемите одлуки во нејзиниот живот, но за неа донело и многу други прекрасни работи.

Мисијата, наречена Галактик 02, е вториот комерцијален лет на Вирџин Галактика во вселената и прв со клиенти кои плаќаат. Огласената цена беше 450.000 долари.

Мисијата Галактик 01 беше спроведена во јуни и достигна височина од 85 километри. Се смета дека втора мисија ќе се обиде да го следи истиот пат.

Анастатија, која ќе биде втората најмлада личност која ќе отиде во вселената, вели дека се надева дека може да го искористи искуството за да ги инспирира другите.

– За  мене и мојата ќерка заедно, тоа е повеќе од остварување на сонот – вели Кеиша.

The post ПАТУВАЊЕ ВО ВСЕЛЕНАТА ОСВОЕНО НА ЛОТАРИЈА За прв пат во историјата летаат заедно мајка и ќерка appeared first on plusinfo.mk.

Сегашната цена за место во едно од леталата е 450.000 долари – многу повисока од 200.000 – 250.000 долари, колку што платиле околу 600 клиенти од 2005 до 2014 година. Вкупно, компанијата веќе продала 700 билети.

– Влегуваме во период на подобрување на „вселенската флота“ со јасна визија за зголемување на издржливоста, доверливоста и предвидливоста на нашите летала како подготовка за комерцијални летови следната година, рече извршниот директор Мајкл Колгласер. – Побарувачката за вселенски патувања е многу голема и ги продаваме билетите многу побрзо од очекуваното.

Основана 2004 година, „Вирџин галактик“ се претставува како агенција за вселенски туризам. Во септември доживеа критики, откако Федералната управа за воздухопловство (ФАА) откри дека летот во јули отстапил од определениот воздушен простор и фирмата „не ја пријавила незгодата“.

Во октомври, од „Вирџин“ соопштија дека ја одложуваат мисијата со членовите на италијанските воздухопловни сили за неколку месеци. Денес е во тек процес на подобрување на леталата.

The post 450.000 ДОЛАРИ ЧИНИ ПАТУВАЊЕ ВО ВСЕЛЕНАТА „Вирџин галактик“ обезбеди 700 туристи appeared first on plusinfo.mk.

„Вирџин галактик“ почна со продажба на билети за „вселенски туризам“. Едно такво патешествие чини најмалку 450.000 долари.

Компанијата нуди три опции за потрошувачите на „приватниот пазар за астронаутика“ – единечно патување, семеен пакет и опција за закуп на целиот лет.

Следниот лет на вселенското летало „Јунити“ е закажан за крајот на септември и е платен од италијанските воздухопловни сили.

„Вирџин галактик“ успешно го лансираше својот вселенски брод со четири седишта на 11 јули. На летот беше и сопственикот на „Вирџин“, Ричард Бренсон. Леталото слета на приватното вселенско слетувалиште што се наоѓа во американската сојузна држава Ново Мексико.

The post Кои се првите туристи на Бренсон за во вселената? appeared first on plusinfo.mk.

Компанијата за вселенски туристички летови „Вирџин галактик“, сопственост на Ричард Бренсон, објави дека ќе пушти во продажба билети за вселенски летови по цена од 450.000 долари по седиште, неколку недели откако Бренсон полета на самиот раб на вселената.

Компанијата веќе продаде околу 600 билети помеѓу 2004 и 2014 година, а тогашната цена беше помеѓу 200.000 и 250.000 долари.

„Вирџин галактик“ на заинтересираните им нуди три опции: купување на едно место, пакет со повеќе седишта, на пример, за парови или за група пријатели и можност за изнајмување на целото летало.

Следниот вселенски лет на „Вирџин галактик“ е закажан за крајот на септември. Станува збор за истражувачки лет со италијанското воено воздухопловство, а се полетува од Ново Мексико.

На 12 јули, Бренсон полета до работ на вселената со голем авион „Virgin Galactica SpaceShip Two“ со вселенскиот ракетен авион „VSS Unity“.

На одредена надморска височина од 15 километри, бродот се оддели од својот носечки авион и започна со суперсонично искачување сѐ до 80 километри во височина, што е висина којашто САД ја определија како граница на вселената.

Патниците тогаш можеа да ги одврзат појасите и да доживеат неколку минути бестежинска состојба и да се восхитуваат на заобленоста на Земјата гледајќи ја низ 12 прозорци од кабината.

VSS Unity потоа слета на пистата во базата Спејспорт Америка во американската сојузна држава Ново Мексико.

The post Почна продажбата на карти за лет во вселената, цената е 450.000 долари appeared first on plusinfo.mk.

Британскиот милијардер Ричард Бренсон слета без никакви тешкотии во неделата во Ново Мексико откако помина неколку минути на работ на вселената во вселенското летало „Virgin Galactic“, со што го оствари неговиот сон, но и важен прв чекор во развојот на вселенскиот туризам.

„VSS Unity“, вселенското летало кое однесе двајца пилоти и тројца патници во вселената, слета на пистата во базата „Spaceport America“ во американската држава Ново Мексико во 9:40 часот по локално време (17:40 часот по средноевропско време).

Ричард Бренсон, кој во вселенско летало при спуштањето кон Земјата истакна дека тоа е „уникатно животно искуство“, беше првиот милијардер кој леташе во вселената со вселенско летало развиено од неговата сопствена компанија, престигнувајќи го најбогатиот човек во светот Џеф Безос, кој патувањето допрва треба да го изврши на 20 јули.

Брансон ќе им понуди на клиентите патување во вселената

Милијардерите веќе биле во вселената во 2000-тите, но не во своите, туку во руските летала.

Уште еден милијардер, сопственикот на „SpaceX“, Илон Маск, присуствуваше на овој значаен настан во неделата.

Официјално, улогата на Ричард Бренсон за време на летот била следна: да го тестира и оцени искуството што планира да им го понуди на идните клиенти.

На околу 15 километри надморска височина, бродот се одвои од носачот на авионот и започна со суперсонично искачување, сè до 80 километри висина, што е висина што САД ја одредија како граница на вселената.

Патниците беа бестежински неколку минути

Патниците тогаш можеа да го откопчаат појасот и неколку минути да ја доживеат бестежинска состојба и да му се восхитуваат на заобленоста на Земјата гледајќи ја низ 12 прозорци од кабината.

Откако достигна 90 километри висина, бродот започна со планираното спуштање.

Ексцентричниот 70-годишен милијардер и основач на групата „Virgin“ одамна сонувал да лета во вселената.

– Уште како дете, сакам да одам во вселената и да им дозволам на стотици илјади други луѓе да го сторат тоа во следните 100 години – изјави Сер Ричард за „ВВС“.

– Бидејќи тоа не беше можно за мојата генерација, го заштитив името „Virgin Galactic“ со идејата да основам компанија што ќе го овозможи тоа“, напиша тој неколку дена пред полетувањето.

Таа цел не одеше лесно и во 2014 година се случи несреќа на летот на вселенското летало на „Virgin Galactic“ во кој загина пилотот, што во голема мера го одложи развојот на програмата.

Оттогаш, „VSS Unity“ стигна до вселената трипати, еднаш со патник во 2019 година, а четвртиот е летот на Брансон со пилотите Дејв Мекај и Мајкл Масучи и тројцата вработени во „Galactic“ – Бет Мозес, Колин Бенет и Сириша Бандла.

Редовни летови од 2022 година?

Отсега па натаму, „Virgin Galactic“ предвидува два нови тест лета, проследени со комерцијални летови на почетокот на 2022 година. Амбицијата е со текот на времето да се извршуваат 400 летови годишно од базата „Spaceport America“.

Околу 600 билети за патување во вселената веќе се продадени на поединци од 60 различни земји, вклучително и холивудски sвезди, по цена од 200.000 до 250.000 американски долари.

Иако Ричард Бренсон редовно повторува дека „универзумот ни припаѓа на сите нас“, засега, таа авантура им е достапна само на привилегираните.

Исто така, има малку метеж во натпреварот за влез во вселената. Најбогатиот човек на светот, Џеф Безос, треба да полета на 20 јули, со своја ракета наречена“ New Shepard“, развиена од неговата компанија „Blue Origin“.

Таа компанија дури оваа недела објави кои се нејзините предности во однос на „Virgin Galactic“, но Безос сепак му посака на Ричард Бренсон „успешен лет“ на Инстаграм.

Маск купи билет

Лидерот на „Teslа“, Илон Маск купил билет за патување во вселената во леталото на неговиот ривал, британскиот милијардер Ричард Бренсон, тврди „Sunday Times“.

Маск платил депозит од 10.000 долари за да го обезбеди местото, а датумот на патувањето не бил наведен.

Брансон ја потврди таа информација во интервју за „The Sunday Times“, додавајќи дека може да ви возврати со купување билет на патувањето во „SpaceX“.

„Илон е пријател и можеби еден ден ќе патувам со еден од неговите вселенски бродови“, рече тој.

Како дел од вселенската трка на милијардерот, „SpaceX“ лансираше десетици ракети, вклучително и летови со екипаж, но самиот Маск сè уште нема да лета на ниеден.

Компанијата треба да го организира својот прв целосно приватен лет во вселената наесен.

The post Милијардерот Брансон полета во вселената и се врати на Земјата, започнува вселенскиот туризам (ФОТО+ВИДЕО) appeared first on plusinfo.mk.

Компанијата изјави дека преносот во живо ќе започне во 7 часот по локално време, што е во 15 часот по средноевропско време, пренесуваат американските медиуми.

Бренсон сака да го оцени искуството за идните клиенти, што се очекува од 2022 година. Околу 600 луѓе веќе купиле билети во опсег од 200 000 до 250 000 долари.

Покрај двајцата пилоти и Бренсон во авионот ќе бидат и Даме Мекеј и Мекл Масучи, главниот астронаут на компанијата Бет Мозес, водечкиот инженер за операции Колин Бенет и шефот на истражувањето Вирџин Галактик Сириша Бандла.

Ракетата ќе полета од наменскиот комерцијален космодром „Спејс Порт Америка“, во американската сојузна држава Њу Мексико.Носачот-авион ќе полета од пистата и ќе го лансира леталото „VSH Unity“ на надморска височина од 15 километри, а двајца пилоти ќе ги запалат ракетните мотори што ќе го однесат леталото над 80 километри надморска височина, што САД ја сметаат за граница на вселената.

Леталото потоа ќе се врати на пистата од која ќе замине.

На 20 јули  уште еден милијардер Џеф Безос ќе го лансира своето летало во вселената. „Blue Origin“ ќе биде лансиран на годишнината од првото слетување на Месечината во 1969 година. Ракетата „Роки Шепард“ е именувана по Алан Шепард, првиот Американец во вселената.

The post Вселенскиот туризам станува реалност: Милијардерот Бренсон денеска лета во вселената appeared first on plusinfo.mk.