„Вардарска долина“ е првата географска ознака која ќе можат да ја носат македонските вина. Ова е резултат од две и пол годишната работа на винариите поддржани од  Германското друштво за меѓународна соработка (GIZ) за воспоставување на Системот за географска ознака.

Во април 2024 година се донесени неопходните измени во Законот за вино, а во меѓувреме се спроведоа обуки за лозарите и за винариите.

Вкупната територија на земјата е поделена на три вински региони и 16 вински области, од кои најголем е винскиот регион Повардарие, каде се лоцирани 87% од винските насади и 90% од винариите.

Процесот го координира новоформираната организација „Повардарски ВРВ“, кое наскоро треба да биде признато како овластено тело за географска индикација и да обезбеди институционална рамка за управување и спроведување на системот.

-Идните чекори се усвојување на правилници и протоколи за производство на грозје и вино, акредитирање контролно тело за независна сертификација, поднесување барања за регистрација на поединечни географски ознаки на вина и промоција и заштита на ознаките на национално и меѓународно ниво. Сето ова ќе овозможи воспоставување функционален и одржлив систем на географски ознаки, кој ќе придонесе за зголемена конкурентност, квалитет и препознатливост на македонските вина на пазарот“, објаснува Милица Плетварска, извршна директорка на „Повардарски ВРВ“.

Воведувањето Систем за географска ознака подразбира пред сè воведување стандарди за производство на грозје, идентификација на добиен прозвод вино од стандардизирано грозје со точно дефинирана област на прозводство каде што доаѓаат до израз тероарните карактеристики.

Притоа се  важни неколку клучни аспекти – јасно разграничување на кој се одгледуваат лозови насади врз основа на природни фактори како почва, клима, надморска височина. Потоа, постојат детални правила за сортите грозје, максималните приноси и техниките на производство на вино. Мора да се воведат научни аналитики за да се докаже квалитетот и типичноста на виното, како и верификација од независно сертифицирано тело. Процесот се заокружува со поставување заштитен знак на етикетите на виното.

– Само ако имаме Систем на географски ознаки воспоставен според стандардите на Европската Унија, може да се сметаме за вистинска винска земја. Тоа не е само гаранција за квалитет, туку и начин да се изгради имиџот на Македонија како винска дестинација – вели Елена Младеновска-Јеленковиќ, извршна директорка на „Вина на Македонија“.

Годинава се очекува производството да достигне помеѓу 90 и 100 милиони литри, колку што изнесува просекот во изминатите 10 години. Најмалку 85% ќе заврши на странските пазари, а една третина од тоа ќе заврши во маркетите како флажирано вино.

Еден од првите системи за географска ознака на вино е воведен во Франција, на почетокот на 20 век.

The post „ВАРДАРСКА ДОЛИНА“ Е ПРВАТА ГЕОРГАФСКА ОЗНАКА ЗА МАКЕДОНСКИТЕ ВИНА На проектот за воведување географска ознака се работи повеќе од две години appeared first on plusinfo.mk.

Од Здружението сметаат дека единствен начин како да се спречи натамошното финансиско исцрпување и пропаѓање на дополнителен број македонски винарници е цената на грозјето да се утврдува помеѓу производителите на грозје и вино, според пазарни механизми на понуда и побарувачка и показатели кои се применуваат секаде во светот, како што се: приносот, квалитетот и географската ознака.

– На таков начин, домашните винарници ќе можат да останат конкурентни и ќе можат да продолжат да вложуваат во развојот и производството на квалитетно вино кое ќе може да постигне повисока цена на пазарот, со што тие ќе можат да платат и повисоки цени за грозјето кое го откупуваат од лозарите – велат оттаму.

Здружението „Вина од Македонија“ смета дека единствено преку ефективен дијалог помеѓу сите засегнати страни може да се дојде до вистинските решенија.

– Здружението и неговите членки се подготвени во секое време да ги презентираат пред сите засегнати страни, своите аргументи и предлози кои треба да овозможат вистински долгорочен развој на македонската винска индустрија и лозарство – велат од „Вина од Македонија“.

Од здружението предлагаат и неколку начини како да се подобри домашното производство на грозје и вино со чија имплементација би се надминале сите предизвици во индустријата.

– Треба да се воведат и почитуваат светските стандарди и практики во лозарството кои треба да обезбедат повисок квалитет на грозјето и виното. Исто така треба да се вложува во развој на современо лозарство, преку набавка на соодветна механизација, окрупнување на земјиштето, субвенции за производство со географски ознаки и слично, со кои ќе овозможи намалување на трошоците за производство на грозје – велат од Здружението.

Како еден од факторите за решавање на проблемите се предлага и воvедување субвенции за винарниците кои вложуваат во производство на висококвалитетни вина со контролирано и гарантирано потекло, во напредни технологии и одржлив развој, како и поддршка за зголемување на извозот и позиционирање на македонското вино на светската винска мапа, што носи долгорочни придобивки за сите, вклучително и за лозарите и државата.

– Имплементацијата на овие чекори и обезбедувањето на неопходната поддршка за развој на домашното лозарство и винска индустрија ќе помогне во градењето на имиџот на Македонија како производител на висококвалитетно вино, што ќе има влијание врз зголемување на цените на извезените вина, кое пак ќе донесе поголема трговска размена и поголем девизен прилив, а сето тоа следствено ќе се одрази и на зголемување на цената на грозјето – велат оттаму.

Токму благодарение на напорите на Здружението, велат, просечната цена за литар извезено флаширано македонско вино е зголемена од 1,14 евра во 2020 година, на 2,11 евра во 2023 година. Истовремено, во последните неколку години променета е и структурата на извозот, при што сега близу 40% од извезеното македонско вино во странство е флаширано, што генерира дури над 70% од вредноста на целокупно извезеното вино.

– Доколку не се спроведат неопходните чекори и изостане поддршката која треба да обезбеди развој и модернизација на домашното лозарство и винска индустрија, први на удар ќе бидат производителите и извозниците на наливно вино од нашата земја, кои целосно го пласираат своето производство на странските пазари, а особено во Германија, каде веќе поголем временски период цените на ваквото вино се во постојан пад, предизвикан од влезот на евтино вино од Шпанија и Италија – велат од Здружението.

Во здружението „Вина од Македонија“ членуваат најголемите производители и извозници на македонско вино.

The post ДИРИГИРАНАТА ЦЕНА НА ГРОЗЈЕТО ЌЕ ЗАТВОРИ МНОГУ ВИНАРНИЦИ „Вина од Македонија“ бара пазарот да ја утврди откупната цена на грозјето appeared first on plusinfo.mk.