Поранешната обвинителка Вилма Рускоска, гостувајќи во „Ноќно студио“ на 4ТВ, упати сериозни забелешки за начинот на кој се води предметот „Пулс“, еден од најобемните случаи во последните години. Со 33 обвинети и стотици сведоци, според неа, постапката е поставена неефикасно и носи ризик да се одолговлекува со години.

Рускоска оцени дека најголем проблем е тоа што сите обвинети се опфатени со иста правна квалификација, што според неа е правно спорно и тешко одржливо.

– Правната квалификација за овој предмет е промашена. Катастрофа е сите обвинети да се теретат по иста основа. Особено е нелогично министер од 2012 година да одговара за тешки дела против општата сигурност за случај што се случил 12 или 13 години подоцна. Ако направил пропуст тогаш, требало да одговара во посебен предмет, а не да се товари овој процес – рече Рускоска.

Таа реагираше и на големиот број предложени сведоци, оценувајќи дека во македонското правосудство често се оди на квантитет наместо на квалитет на доказите.

– Нема поента 10 или 15 луѓе да ја кажуваат истата приказна во судница ако веќе го кажале тоа во истрага. Тоа само го троши времето на судот и на оштетените – рече Рускоска.

Рускоска откри и дека еден од родителите на загинатите ѝ го испратил обвинението за да даде свое мислење. Според неа, со ваква поставеност на случајот, правдата останува далечна.

– Се плашам дека родителите, кои веќе се во поодминати години, нема да дочекаат вистинска правда. Овој процес со толку сведоци ќе трае со години, а пресудата на крајот може да биде само нова болка за нив – предупреди Рускоска во „Ноќно студио“ на 4ТВ.

Во однос на можноста обвинителите да го користат членот 353 за злоупотреба на службената положба, таа потсети на измените во Кривичниот Законик и посочи дека дел од дејствијата што им се ставаат на товар на обвинетите би можеле да застарат, што би значело случајот да заврши без суштинска разврска.

The post ПРОМАШЕНА ПРАВНА КВАЛИФИКАЦИЈА И ПРЕМНОГУ СВЕДОЦИ НА СУДЕЊЕТО ЗА ТРАГЕДИЈАТА ВО КОЧАНИ Вилма Рускоска го критикува обвинението во предметот „Пулс“ appeared first on plusinfo.mk.

Поранешната обвинителка Вилма Русковска поднела пријава до полицијата против Бојан Јовановски – Боки 13 за телефонско вознемирување, објави Фокус.

Според пријавата, инцидентот се случил вечерта на 18 декември 2025 година, кога Јовановски, додека бил во живо вклучување на „Јутуб“, повеќепати телефонски ја контактирал Русковска, и покрај нејзиното одбивање на повиците.

Од снимката што циркулира на социјалните мрежи може да се види дека разговорот бил проследен со навредливи и вознемирувачки изјави од страна на Јовановски. Русковска во еден момент го предупредила дека доколку продолжи со повиците, ќе го пријави во полиција, по што повиците сепак продолжиле.

Од Министерството за внатрешни работи за медиумите ја потврдија пријавата и информираа дека работат на расчистување на случајот.

Во продолженеие извадок од едно телефонско јавување на Боки 13 кај разрешената обвинителка за гонење организиран криминал и корупција, која го гонеше шоуменот во предметот Рекет.

The post ВИЛМА РУСКОВСКА ГО ПРИЈАВИЛА БОКИ 13 ЗА ВОЗНЕМИРУВАЊЕ Полицијата работи на случајот appeared first on plusinfo.mk.

Случајот, кој привлече големо внимание, се однесува на обвиненијата за терористичко загрозување на уставниот поредок против поранешните министри Миле Јанакиески и Спиро Ристовски, против поранешниот директор на УБК, Владимир Атанасовски, како и против поранешниот претседател на Собранието, Трајко Велјаноски. Првостепениот суд донесе осудителна пресуда во 2021 година, но Апелацискиот суд во април оваа година ја укина пресудата, наведувајќи низа процесни недостатоци.

Обвинетите не добија можност да се повикаат на амнестијата која следеше за случајот, ниту да ги изнесат своите аргументи. Во меѓувреме, Миле Јанакиески и Спиро Ристовски се соочија со физички напади додека беа во притвор, што дополнително го комплицираше случајот. Европскиот суд за човекови права, исто така, утврди дека нивните права биле повредени.

Во јавноста се кренаа сериозни обвинувања дека целиот процес бил политички мотивиран и искористен за хајка против обвинетите. Клучен фактор во постапката беше јавната обвинителка Вилма Рускоска, чии одлуки беа подложени на критики и беа окарактеризирани како скандалозни.

Правни експерти оценуваат дека утврдувањето сериозни пропусти од страна на Обвинителството отвора пат за целосно паѓање на случајот, кој веќе долго време се смета за контроверзна конструкција.

Овој развој на настаните ги става во прашање методологијата и транспарентноста на правосудниот систем, но и носи потенцијални последици врз понатамошните правни и политички процеси во земјата.

Дванаесет обвинети, меѓу кои и тогашните пратеници од ВМРО-ДПМНЕ и коалицијата Крсто Мукоски, Сашо Василевски, Љупчо Димовски и Љубен Арнаудов, добија амнестија.

The post ПАЃА СЛУЧАЈОТ „ОРГАНИЗАТОРИ НА 27 АПРИЛ“ Направени се важни пропусти, 6 години била водена хајка appeared first on plusinfo.mk.

– Јас ја прашувам на 23.02.2019 година, ‘Вилмич, кај сакаш да седнеме на вечера’. И ги повикувам медиумите, еве, и таа не гледа, можеби само е во алкохолизирана состојба, да ѝ се јават и да ја прашаат дали е тоа точно или не е, ако е тоа точно. Вилма ми одговара ‘Ќе ви јавам, само да завршам’, јас ја прашувам ‘Што сакаш од Италија, Вилмич’, таа ми одговара: ‘Од Италија само кондури се купуваат’, јас ја прашувам: ‘Кој број кондури носиш Вилмич’, таа вика ’37’, па вика дека кога била во Рим, само кондури купувала. На 20.03. 2019 година ми вели: ‘Пуштај ми новинар, ќе го викнам на распит З. Караџовски, многу ми е одвратен, ќе го уништам’, јас ја прашувам: ‘За што го викаш на распит?’, таа ми вели: ‘Нели му отворив предмет за бонусите кои ги потпиша за судиите’. Јас ја прашав кога ѝ треба новинар, а таа одговара. Таа вика: ‘Одвратен ми е, ќе ти кажам што да го праша новинарот’. Таа ги уредуваше работите. Тоа го правела во Рекет, цело време – рече Јовановски.

Потоа продолжи со читање на пораки.

– Потоа ми вели: ‘Само вие фалете ја Катица и тие дебили за да можат да им го донесат законот за да зимаат уште повеќе бонуси’. Јас ѝ одговарам: ‘Не сум во тек на пат сум’. Таа вика: ‘Па на вести само тоа објавувате и уште најавувате дали јас сум можела да ги постигнам овие резултати во ОЈО-ГОКК. Срамота. Ај те молам кажи за кои стандарди треба да се борам’. Значи, таа уште тоа време, имаше анимозитет кон Катица и СЈО. И вели: ‘Или треба да бидам неписмена како свиња Катица’. Потоа ми вели: ‘Онаа дувнатата од кај тебе од ТВ многу се замислува’. Мисли на Дувњак и кажува дека веќе нема да гостува. Потоа вели: ‘Оној шпиунон Ордановски не мора толку да одработува за СЈО, ја изгледав емисијата за 27-ми, на што личеше тоа?’. Јас ѝ викам, чекај да видам, те барам – додаде Јовановски.

Посочи дека внукот на Вилма Русковска е обвинител во Куманово, па барала тој да биде вработен кај Катица, да помогнел.

– Месец март, 2019 година. Откако јас сум ги зел наводно парите од Јордан Камчев. Јас на тоа викам, ‘слушни се подобро со Катица, така е подобро’. Да си се договорат тие две, колешки се. Се оградувам. Претходно кога ми рекла да пробам кај Катица, јас викам, ‘важи, ќе биде’ – додаде Јовановски.

Потоа, посочи дека на 13.03. бил во комуникација со Русковска, на два дена пред пресудата за 27-април.

– Таа ги знаеше пресудите за 27-април порано од судот да ги изрече и да донесе пресуда. Јас ѝ пишувам: ‘Утре ќе ја пренесуваме пресудата за 27, цела’, Вилма враќа: ‘Ќе биде интересно, највисоки казни, после ќе давам изјава’. Јас враќам: ‘Значи Кацарска ќе направи лом’, Вилма вели: ‘Лом, лом, ќе видиш’. Јас ѝ викам: ‘Дај некоја ексклузива’, јас ѝ барам ексклузива на телевизијата. Она ми одговара: ‘Само една ослободителна, другите сите високи’. Русковска: ‘После пресудата ќе ја бараме Кацарска да гостува’ и точно, дојде кај Гордана Дувњак да гостува во емисија. Таа ми изнесува пресуда пред пресудата да биде изнесена. Потоа ми зборува за директори кои што ќе бидат ексклузивно апсени за две недели итн. – додаде Јовановски.

По ова посочи:

– Јас ѝ го зборував ова на Вилма Русковска, дека ќе и дојде овој ден, дека ќе одговара. Она беше свесна дека ова постои во мојот телефон. Они ме уапсија, мислеа ќе ги има само доказите за Јордан Камчев, снимка, разговори и дека во мојот телефон нема да има ништо. Две недели пред да ме уапсат, една личност ме подучуваше да избришам сè од телефонот, да сум го направел ко нов. Ми викаше ‘злу не требало’. Јас на тоа, за да престане да ми зборува тоа, јас викав: да, да, да избришав’. Јас намерно телефонот го држев без пасворд, намерно. Таа кога го зема телефонот, се сретна со пораки, меѓу кои, со пораки со Наум Пановски. Виде пораки каде Наум Пановски ја напаѓа, каде дава информации какво и е обвинението за 27-ми април, мене ми кажува дека е алкохоличарка која е неписмена, тоа се негови зборови и дека други и ги правеле обвинението, дека од ракав и се обвинети луѓето.

Јовановски додаде:

– Заради 27-април доби шефовско место. Го доби предметот за работење, па стана и шеф на организиран криминал. За да се изживува врз луѓе, упропасти толку места. Цитирам порака дека обвинението е пишувано од ракав и дека кому-иде луѓето се ставени таму.

The post ВИЛМИЧ ГИ „ЗАКЛА“ ОБВИНЕТИТЕ ЗА 27 АПРИЛ Боки 13 ја направи бербат поранешната обвинителка Русковска appeared first on plusinfo.mk.

„Во ситуација кога корупцијата е толку голема и несанкционирана, тешко е да се посочи правичен и меродавен орган кој објективно ќе оценува правосудни чинители. Сосема е можно ова да е резултат на „мафијашка пресметка“ во правосудството, но како факт останува дека Русковска доби заслужена максимална деградација од Советот на јавни обвинители. Како обвинител за кој многупати реагиравме дека е инструмент на власта во прогонот кон неистомислениците и патриотите, Вилма Русковска допрва ќе има прилики да зборува и да ги признае сите злодела кои ги извршила како и тоа по чија наредба. Ова е само мала правдина за неправедно осудените, вистинската ќе дојде со нивната слобода и кривичната одговорност за Русковска и нејзините соучесници“, стои во соопштението.

The post РУСКОВСКА СЕГА ИМА МОЖНОСТ ДА ГИ ПРИЗНАЕ СИТЕ ЗЛОДЕЛА Еве каква порака ѝ упати ВМРО-ДПМНЕ на разрешената обвинителка appeared first on plusinfo.mk.

Во писмото, кое го го објавуваме во целост, Рашкоски бара од Русковака извинување и повлекување на изјава која беше пренесена на повеќе медиуми:

„Основните правила на комуникацијата налагаат дека:

• Секој човек има име и презиме

• Секој настан има време и место

• Секое опишано дејствие има причина и последица

Од овие правила произлегува дека секој оној кој нема одговор на овие три прашања својот исказ може да го сведе само во категоријата на шпекулација и манипулација. Не заради себе, туку заради јавноста која веќе две години ја труете со овој тип на обраќање кон неа вие мора да дадете одговор: Кој со име и презиме Ви понудил да станете заменик јавен обвинител и вашиот внук да биде избран во Вишото јавно обвинителство во замена за тоа да ја сопрете истрагата за случајот „Софтвери”, кога тоа се случило и на кое место и најбитно ако тоа се случило што е причината за тој настан, а уште повеќе зошто после речиси 2 години Вие дури сега кога Ве суспендираа комплет зборувате за истиот?

Ваквото Ваше синоќешно излагање е одраз на она како обвиненијата ги пишувате – без кој, што, и како направил. Се осеќавте, а и бевте во даден период моќни да придобиете јавност и притиснете судски одлуки само на база на тоа дека Вие така сметате.

Како и во обвиненијата, така и во гостувањето на телевизија, фали општата логика. Еве зошто:

Апсурд 1 – Велите „Ми беше понудено да ме изберат за заменик републички обвинител …” Ваква позиција согласно Законот за јавно обвинителство не постои! Постои јавен обвинител кој го заменува Републичкиот јавен обвинител во случај на отсуство, но тоа е веќе сосема друго, Тоа Вие би требало подобро да го знаете од мене.

Апсурд 2 – Велите „Можеби тоа беше причината” алудирајќи на тоа дека позициите за Вас и за внукот кои Ви биле понудени биле за да се откажете од истрагата за случајот „Софтвери”. На која Вилма треба да и веруваме, на онаа која вели дека некој и пристапил со конкретен предлог или на онаа која после 2 минути кажува дека „можеби“ тоа била причината.

Апсурд 3 – Велите „не сакам после да се најдам на суд за клевета и навреда….” Па ако е вистина тоа што го зборувате зошто би Ве дал некој на Суд, а особено „истакнат” правник како Вас не треба да се плаши од одење по судови. Каков борец сте за правда ако се плашите да одете на суд за клевета и навреда?

Апсурд 4 – На која Вилма да ѝ веруваме? На онаа која две години наназад вели дека немала никакви притисоци за овој случај (која може да си ги погледне изјавите дадени за некои телевизии) или на онаа која вели дека не се плаши од поднесената кривична пријава од Драги Рашковски затоа што „Не можам да местам нешто што не сум го работела. Колешката Ивана Трајчева ја водеше истрагата. Јас учествував само во предистрагата“, посочува Русковска за „А1он“.” Ако не сте ја работеле истрагата зошто некој да ви прави притисок да се откажете?

Јасно Ви е и Вам и на Трајчева дека случајот „Софтвери” Ви е пропаднат. Но, тоа не Ве плаши толку колку што знаете дека народски кажано „Стапот има два краја”. Затоа што, со ништо, никој и никогаш не Ве попречи во самоволието кое го теравте по овој предмет, ама знаете дека „Ѓаволот доаѓа секогаш по своето” и дека да обвините седум интелектуалци само заради тоа што сте буквално правно неуки е кривично дело.

Бидете искрени и кажете и на јавноста дека: Од цела бука која ја кренавте за наводен криминал при набавка на предметниот софтвер, сега се сведовте на тоа дека „упатството за инсталација на софтверот не било доволно јасно и фазите не биле реализирани, затоа што требало да се реализираат за 150 дена, а биле реализирани за 80“.

Одговорете и на ова прашање на јавноста, наместо да пробувате преку вакви интервјуа без присуство на сложени реченици да фрлате прашина во очите на јавноста.

Согласно, Закон за граѓанска одговорност за навреда и клевета член 13 упатувам до Вас барањe за извинување и јавно повлекување на искажаното, кое доколку не следува против вас ќе биде поднесена соодветна тужба за клевета и навреда. Согласно член 9 од истиот закон “Тужениот е должен да ја докажува вистинитоста на фактите содржани во тврдењето”. Извинувањето барам да биде направено на истиот начин како што ја имате дадено и изјавата дека некој Ви правел притисок за овој предмет.

Вам и на Ивана Трајчева Ви е јасно колку неправда нанесовте, но на јавноста и на Судот ќе му стане јасно колку правна неукост е сконцентрирана во овој судски предмет. Срамот од таа неукост ќе е Ваш.“

МИ НУДЕА ДА БИДАМ ЗАМЕНИК РЕПУБЛИЧКИ ОБВИНИТЕЛ Русковска вели дека имала притисоци за да се откаже од случајот „Рашковски“

The post ПРИЗНАЈТЕ ДЕКА „СОФТВЕРИ“ ГО ОТВОРИВТЕ ЗА ДА УЦЕНУВАТЕ, А НЕ ОБРАТНО! Рашковски јавно ѝ реплицира на Рускоска appeared first on plusinfo.mk.

– Комисијата за дисциплинска одговорност го разгледа предлогот за покренување дисциплинска постапка и колку што сум информиран по тој предлог донесе решение за поведување дисциплинска постапка. Натаму знаете, во самата постапка треба да се обезбедат определени докази и треба да се произнесат јавните обвинители за кои се води оваа постапка – изјави Јовески, на новинарско прашање дали има новини во однос на дисциплинската постапка за Рускоска.

По тврдењата на обвинителката Рускоска дека четири години не бил правен надзор на работата на Обвинителството за гонење организиран криминал и корупција, Јовески рече дека подолго време не е направен надзор не само во тоа обвинителство, туку и во други, имајќи ги предвид состојбите со ковид-19.

– Да, во овој период беше извршен надзор во определени обвинителства, но само онаму каде што тоа го налагаа потребите – рече Јовески, кој учествува на тркалезна маса на тема „Превенција и следење на корупцијата во судството”.

Републичкиот јавен обвинител врз основа на член 81 од Законот за јавното обвинителство, минатиот месец донесе Решение за оддалечување од функцијата на шефицата на Основното јавно обвинителство за гонење на организиран криминал и корупција Вилма Рускоска додека трае кривичната постапка поведена по поднесена кривична пријава против неа, а по претресот во Управата за финансиска полиција од страна на ОЈОГК.

The post СЕ БАРААТ ДОКАЗИ ЗА РАБОТАТА НА РУСКОСКА Потоа таа ќе се произнесе appeared first on plusinfo.mk.

– Инспектори работеа заедно со колешката на прибирање докази. Не мислам дека се работи за политички пртесметки, има доволно докази за сторено кривично дело. Два дена пред отворање на истрагата еден од осомничените ја напуштил државата. Штетата на буџетот е околу 57 милиони денари, речиси милион евра. Се е незаконско, секоја набавка над 400.000 евра треба да има и меѓународен тендер, не е побарана ни согласност од Биро за јавни набавки, сега за сега, предметот ни е чист со овие докази кои ни се обезбедени. Не знам како функционира Владата, но генералниот секретар располага со целиот буџет на Владата. Оттаму донеле постапка за консултанска услуга, но ова е направено во четири очи – вели обвинителката за гонење организиран криминал и висока корупција

Обвинителката не знае како медиумите дознале дека осомничен во овој случај е Мухамед Зекири, кој во тој момент се наоѓаше на функцијата генерален секретар на Влада на Република Македонија.

– Кога прочитав дека Зекири е посочен со име и презиме, не знам како толку брзо се дојде до името, беше соопштено само дека се работи за висок владин функционер. Во Обвинителството не е кртот – додава Русковска.

The post ЗЕКИРИ ГО ОШТЕТИЛ БУЏЕТОТ ЗА 57 МИЛИОНИ ДЕНАРИ Русковска тврди дека поднела чисто обвинение поткрепено со докази appeared first on plusinfo.mk.

Во обвинителството предводено од Вилма Русковска, ќе се приклучат обвинителите кои и досега беа дел од ова обвинителство, меѓутоа мандатот им заврши во февруари.

На денешната седница, републичкиот јавен обвинител, Љубомир Јовески, истакна дека ќе ги поддржи досегашните обвинители од Обвинителството за гонење на организиран криминал и корупција, на кои им истече мандатот.

– Станува збор за професионални и самостојни обвинители кои со успех ги извршуваат доверените работи. Тие постапуваат по многу сложени предмети и нивно евентуално неизбирање ќе значи пролонгирање на тие предмети – рече тој, дополнувајќи дека инвестирано во нивната подготвеност за постапување по предмети од организиран криминал.

Други обвинители кои конкурираа, но не добија мнозинство гласови се Арсим Адеми, за кого во изминативе денови се говореше дека е протежиран од ДУИ, потоа Елизабета Јосифовска, Наташа Сарамандова и Златко Биковски. На конкурсот беше пријавена и обвинителката Имран Османи, но таа добила негативна оцена од Вишото обвинителство поради што не ги исполнуваше условите.

The post РЕИЗБРАНИ ОБВИНИТЕЛИТЕ ОД ТИМОТ НА РУСКОСКА Изостана промоцијата на Арсим Адеми appeared first on plusinfo.mk.

На работниот ручек, што беше во знак на запознавање, стана збор за надлежноста на судијата за врска при Амбасадата на Франција, кој нема судска функција, туку има за цел да ја олесни билатералната кривична и граѓанска судска соработка помеѓу Франција и земјите во нејзината јурисдикција – Албанија, Босна и Херцеговина, Бугарија, Република Кипар, Косово, Северна Македонија, Црна Гора и Србија.

Воедно покрај прашањата поврзани со актуелните состојби во Обвинителството, беа разменети и информации за францускиот правосуден систем и системот на земјите што се под нејзина јурисдикција, а беа понудени и можности за остварување на соработка преку организација, анимација или поддршка за обуки и семинари, учество на размена и состаноци поврзани со кривично правната материја, се додава во соопштението.

The post РУСКОВСКА И БОМГАРТНЕР НА РАБОТЕН РУЧЕК Зборувале за судијата Дибост и за актуелните состојби appeared first on plusinfo.mk.