викторијас сикрет Archives - plusinfo.mk

„САКАМ ДА ГО ВИДАМ ЏЕФРИ“ Сенките на Епстин ја стигнаа Наоми Кемпбел

плусинфо — Fri, 06 Feb 2026 14:16:57 +0000

Документите од досиејата на Џефри Епстин повторно ја вознемирија јавноста. Нови материјали, објавени од Министерството за правда на САД, покажаа години континуиран контакт меѓу Наоми Кемпбел и Џефри Епстин – пораки, повици, патувања и покани на елитни настани.

Контактите, според документите, опфатиле период од 2003 до 2016 година, и тоа и пред и по пресудата на Епштајн за сексуални престапи врз малолетник од 2008 година.

Покани, забави и „веднаш јавете се“

Во серија пораки од 2015 година се наведува барање до асистентката на Епстин:

„Ве молам, веднаш јавете се на Наоми. Таа вели дека навистина треба да разговара со вас“.

Во друга порака од истата година стои:

„Сакам да го видам Џефри. Дали оди во Мароко?“

Документите откриваат дека Кемпбел го поканувала Епстин на ексклузивни модни забави, меѓу кои и нејзината раскошна забава за 40-тиот роденден во Кан.

Спомнати се и покани за гала-настани во Париз, како и за хуманитарни модни ревии што самата ги организирала.

Бизнис разговори и фотографии

Дел од комуникацијата имала и деловен карактер. Во порака од 2005 година, Кембел барала совет во врска со својата линија костими за капење за „Викторијас Сикрет“.

„Здраво, јас сум Наоми. Би сакала да знам кога можам да разговарам со Џефри за мојата линија костими за капење за состанокот Викторијас Сикрет. Имам фотографии и неколку костими за капење со мене“, напишала таа.

Во 2010 година, асистентката на Епстин организирала средба меѓу Кемпбел, нејзиното тогашно момче и малопродажната магнатка Линда Вахнер во домот на финансиерот.

Приватниот авион како постојана тема

Записите од 2016 година прикажуваат низа барања за користење на приватниот авион на Епштајн.

Во една порака асистентката наведува дека Кемпбел „нема резервен план“ и дека веќе резервирала хотел, автомобил и возач, очекувајќи летот да се реализира.

Имиња што се појавуваат во сенка

Во досиејата се споменуваат и други познати личности. Меѓу нив е и Мик Џегер, за кого постојат пораки поврзани со можни вечери и контакти со Епстин. Во документите се појавува и името на Жилејн Максвел, осудена како негова соработничка, која, според записите, испраќала пакети и посредувала во комуникации.

Името на Кемпбел се споменува и во сведоштвата на две наводни жртви на Епстин. Едната тврди дека го запознала на забава во неговата вила во Њујорк каде присуствувала и манекенката. Другата наведува дека Епстин ѝ ветувал работа во „Викторијас Сикрет“, повикувајќи се на познанството со Кемпбел.

Јавна дистанца и предупредување

Наоми Кембел претходно јавно изјави дека однесувањето на Епстин било „неоправдано“.

– Кога слушнав што направил, бев згрозена до срж. Јас сум со жртвите – изјави таа.

Министерството за правда на САД, сепак, предупреди дека дел од објавените документи може да содржат неточни или фалсификувани материјали и дека нивното објавување не претставува доказ за злоупотреба.

The post „САКАМ ДА ГО ВИДАМ ЏЕФРИ“ Сенките на Епстин ја стигнаа Наоми Кемпбел appeared first on plusinfo.mk.

ВИКТОРИЈАС СИКРЕТ ГО ОДБИЛЕ БАРАЊЕТО НА МАНЕКЕНКАТА КОЈА ИМА РАК ДА УЧЕСТВУВА НА РЕВИЈАТА „Не сум најмладата, со нај облини или најспособната, но, јас сум силна, храбра и жива“

плусинфо — Tue, 21 Oct 2025 10:53:03 +0000

Од PEOPLE се обратиле до Victoria’s Secret за коментар, но не добиле одговор.

Балти напиша:

– Не знам точно од каде ми дојде храброста, но го направив тоа. Единствените работи за кои жалиме во животот се шансите што не сме ги искористиле. Па се прашав себеси: „Што имам да изгубам?“ и се одлучив. Пребарав на LinkedIn за е-адреси и го испратив ова отворено писмо до секој што можев да го најдам во компанијата.

Балти објави целосен транскрипт од писмото, кое го адресираше до „тимот на Викторија Сикрет“.

– Во текот на изминатите неколку години, ја гледав прекрасната трансформација на вашиот бренд – вистинска посветеност на различноста и инклузијата – започнува писмото.

– Видов жени од секоја големина, етничка припадност, пол и возраст претставени во вашите кампањи и ревии. Кога ја видов најавата дека модната ревија на „Викторијас сикрет“ се враќа оваа година, почувствував нешто моќно: и јас треба да бидам таму.

Не сум најмладата, со нај облини или најспособната. Но, јас сум силна, храбра и жива – и сè уште сум проклето секси. Гордо ги носам моите лузни и со гордост ја мавтам мојата новоизрасната коса. Мене да ме има на таа писта не би било само исполнет личен сон; тоа би испратило порака до милиони жени: Животот продолжува и покрај неволјите. Не си помалку жена. Ти си целосна. Ти си секси. Ти си незапирлива. Јас сум жив доказ за тоа – додава таа.

Подоцна во својот есеј, Балти ја истакна различноста на модната ревија за 2024 година: „Две транс жени, три плус-сајз моќници – Ешли Греам, Палома Елсесер, Девин Гарсија – и возрасна група што се протегаше од 22-годишната Лила Мос до 56-годишната Карла Бруни.“

Потоа таа објасни зошто треба да биде вклучена оваа година:

– Не (само) затоа што сум убава, туку затоа што ги претставувам милионите жени кои имале, имаат или ќе имаат рак. Сакам да им покажам дека дијагнозата не е крај на убавината, самодовербата или сензуалноста. Дека лузните не го бришат тоа што сме. Дека животот по ракот сè уште може да биде смел, секси и исполнет.

Балти рече дека добила одговор од Victoria’s Secret, кои „љубезно“ го одбиле нејзиното барање, наведувајќи дека, наводно, шоуто веќе е целосно составено.

– И тоа е во ред – вели Балти во својот есеј.

– Го направив овој смел потег бидејќи откако се разболев, чувствував одговорност да им донесам надеж не само на жените со рак, туку и на сите што учат да живеат повторно по тешкотиите. Се обидов. Не се случи. Но, не се каам. Ракот ме научи дека животот е премногу краток за да не се обидуваш и дека обидот никогаш не те убива – додаде таа.

Балти сподели дека се подложила на превентивна мастектомија во 2022 година откако открила дека го носи генот BRCA1, мутација што значително го зголемува ризикот од рак на дојка. Две години подоцна ѝ бил дијагностициран рак на јајници.

Моделот прошета по пистата на Victoria’s Secret во 2005 година за нивната тогашна годишна модна ревија. Брендот ја откажа ревијата на неодредено време во 2019 година поради контроверзиите околу претставувањето и инклузивноста. Компанијата објави дека ја обновува ревијата во 2024 година, а најновиот настан на 15 октомври го означи нејзиното второ враќање.

Меѓу моделите оваа година беа играчот на WNBA, Ангел Рис, моделот Џасмин Тукс (која гордо го покажа својот стомак), олимписката гимнастичарка Суни Ли, супермоделите Греам и Џиџи Хадид и други.

The post ВИКТОРИЈАС СИКРЕТ ГО ОДБИЛЕ БАРАЊЕТО НА МАНЕКЕНКАТА КОЈА ИМА РАК ДА УЧЕСТВУВА НА РЕВИЈАТА „Не сум најмладата, со нај облини или најспособната, но, јас сум силна, храбра и жива“ appeared first on plusinfo.mk.

📽 ЛЕГЕНДАРНАТА ШЕР СИНОЌА ПЕЕШЕ НА ШОУТО НА „ВИКТОРИЈАС СИКРЕТ“ Сите зборуваат за лицето на пејачката – „изгледа како да ќе пукне““

плусинфо — Wed, 16 Oct 2024 10:26:42 +0000

Легендарната икона на светската музичка сцена Шер (78) се прошета на модната писта на синоќешната ревија на „Викторијас сикрет“, а нејзиниот изглед предизвика бура од реакции.

Поп-легендата излезе на сцената во вторникот, на 15 октомври за долгоочекуваното модно шоу, што го одбележа враќањето на годишниот спектакл на писта по неговото откажување во 2019 година, поради критиките за неговата недоволна инклузивност.

Шер на розовиот тепих се појави со 40 години помладиот дечко Едвард, а потоа и издоминира на сцената.

Таа во специјален костим ги изведе своите два големи хита „Strong Enough“ и „Believe“.

Меѓутоа, она што и овојпат привлече можеби најмногу внимание – е нејзиниот изглед, поточно лицето.

Како што се коментира, а можеше и да се забележи, таа повторно направила неколку операции на лицето, до тој степен што изгледа „на работ да пукне“.

Шер си го „средила“ лицето, а на многумина тоа не им се допадна: „Таа повторно правела нешто на себе, а изгледа како да ќе пукне“, „Ај, ја сакам Шер, но ова навистина не и одговара , таа се изобличила“, „Сега претера со овие јаболкчници на лицето“…

View this post on Instagram

A post shared by Vogue (@voguemagazine)

The post 📽 ЛЕГЕНДАРНАТА ШЕР СИНОЌА ПЕЕШЕ НА ШОУТО НА „ВИКТОРИЈАС СИКРЕТ“ Сите зборуваат за лицето на пејачката – „изгледа како да ќе пукне““ appeared first on plusinfo.mk.

📷 📽 ПО 6 ГОДИНИ СИНОЌА СЕ ОДРЖА ШОУТО НА „ВИКТОРИЈАС СИКРЕТ“ Адријана Лима прошета во огнена црвена долна облека и го покажа совршеното тело

плусинфо — Wed, 16 Oct 2024 05:37:08 +0000

Синоќа се одржа спектаклот за модните љубители кои со нетрпение го очекуваа овој настан, кој покрај Мет Гала привлече големо внимание во јавноста.

View this post on Instagram

A post shared by Vogue Runway (@voguerunway)

„Викторијас сикрет“ одржа модна ревија во Њујорк, а она што многумина ги интригираше е фактот што ангелот на „Викторијас“, Адријана Лима, прошета по пистата и им ги затвори устите на сите што ја прозиваа за нејзината тежина и изглед по раѓањето на третото дете.

Лима прошета на почетокот во предизвикувачки костим, односно долна облека, а за жал, нејзините згодни нозе беа покриени, и со крилја на грбот, што е заштитен занак на „Викторијас сикрет“. Подоцна таа прошета во огнена црвена долна облека и докажа зошто ја нарекуваат кралица и вистински ангел на „Викторијас сикрет“.

View this post on Instagram

A post shared by Vogue (@voguemagazine)

View this post on Instagram

A post shared by People Magazine (@people)

Освен неа, на шоуото прошетаа и бројни ѕвезди од светот на манекенството, а меѓу нив се Кејт Мос, Џиџи Хадид, Алесандра Амбросио, Ирина Шајк, Кендис Свинпул, Александра Амбросио, Бела Хадид, како и Тајра Бенкс, која се појави на сцената, односно на модната писта по 19 години.

Џиџи го отвори шоуто, а Тајра Бенкс го затвори.

View this post on Instagram

A post shared by Vogue (@voguemagazine)

Бидејќи ова е вистински спектакл, не помалку ексклузивни беа и музичките гости: од К-поп сензацијата Лиза, кантавторката Тајла до легендарната Шер.

Меѓутоа, веќе се појавија негативни критики за шоуто, дека очекувале многу поголем спектакл, имајќи предвид дека последното шоу се одржа во 2018 години, како и тоа, дека Џиџи не е вистинската личноста којашто требало да го отвори шоуто, туку дека наместо неа тоа требало да го направи Адријана Лима, која ја нарекуваат и кралица на „Викторијас сикрет“.

View this post on Instagram

A post shared by E! News (@enews)

The post 📷 📽 ПО 6 ГОДИНИ СИНОЌА СЕ ОДРЖА ШОУТО НА „ВИКТОРИЈАС СИКРЕТ“ Адријана Лима прошета во огнена црвена долна облека и го покажа совршеното тело appeared first on plusinfo.mk.

ПО ПЕТ ГОДИНИ ПАУЗА Најпознатиот ангел Андријана Лима повторно е заштитно лице на „Викторијас сикрет“

плусинфо — Wed, 05 Apr 2023 10:32:40 +0000

По петгодишна пауза, светскиот топмодел Андријана Лима (41) повторно стана заштитно лице на „Викторијас сикрет“.

Бразилската убавица им беше модел речиси 20 години, а веста за враќањето во друштвото ја потврди на Инстаграм.

„Повторно сме обединети и се чувствуваме толку добро“, рече таа заедно со кампањата за парфеми „Heavenly“ во чија главна улога е.

Манекенката претходно во изјава за странските медиуми изјави дека е возбудена што повторно ќе соработува со брендот.

„Да се биде заштитно лице на оваа култна кампања е толку посебно. Мисијата на „Викторијас сикрет“ е да ја слави секоја жена. Неверојатно е да се биде повторно на снимање“, рече Лима, пренесува „Пејџ сикс“.

За потсетување, финансискиот директор на модниот бренд „Викторијас сикрет“, Тим Џонсон, на почетокот на годинава најави дека годишната ревија на оваа модна куќа наскоро ќе се врати. Последен пат беше одржана во 2018 година во Њујорк, а една година подоцна беше откажана поради низа скандали кои им се припишуваа на челниците на компанијата.

The post ПО ПЕТ ГОДИНИ ПАУЗА Најпознатиот ангел Андријана Лима повторно е заштитно лице на „Викторијас сикрет“ appeared first on plusinfo.mk.

РОНАЛДО Ѝ ПРАЌАЛ ПОРАКИ НА СРПСКАТА МАНЕКЕНКА Сѐ отишло во погрешни раце (ФОТО)

плусинфо — Fri, 17 Jun 2022 07:20:09 +0000

Кристина Периќ беше првиот српски ангел на „Викторијас сикрет“. Една од најубави и најуспешни српски манекенки некогаш беше споредувана со Ирина Шајк, а тоа не беше само поради нејзиниот изглед. Со познатата Русинка ја поврзува еден славен фудбалер – Кристијано Роналдо, пишува „Б92“.

View this post on Instagram

A post shared by KRISTINA PERIĆ (@kristinaperic26)

Манекенката неодамна гостувајќи во една телевизиска емисија признала дека славниот фудбалер своевремено ѝ праќал пораки.

Како што признала, во една ѝ напишал „Здраво“ и ја додал својата фотографија. Тоа било во 2016 година, додека тој бил на „ничија земја“ по раскинувањето со Ирина Шајк, а Георгина Родригез тогаш сè уште не постоела во неговиот живот.

„Роналдо навистина ми пишуваше на Инстаграм, но дојде во погрешни раце, во рацете на новинарите. Ми испрати селфи, разменивме неколку пораки, но тоа беше сѐ. Ништо повеќе не се случи. Имаме заеднички пријатели, верувам дека поради тоа ми пишал“, открила Кристина.

View this post on Instagram

A post shared by KRISTINA PERIĆ (@kristinaperic26)

ФОТО: Инстаграм

The post РОНАЛДО Ѝ ПРАЌАЛ ПОРАКИ НА СРПСКАТА МАНЕКЕНКА Сѐ отишло во погрешни раце (ФОТО) appeared first on plusinfo.mk.

НЕВЕРОЈАТНА КРЕАЦИЈА НА МАКЕДОНСКИОТ ДИЗАЈНЕР Тони Матичевски го облече ангелот на „Викторијас сикрет“ (ФОТО)

плусинфо — Tue, 17 May 2022 18:51:26 +0000

Светски познатиот топмодел Џозефин Скривер блесна во креација на македонскиот дизајнер Тони Матичевски.

Џозефин Скривер (29) изгледала неверојатно елегантно додека позирала на премиерата на „Downton Abbey: A New Era“ во Метрополитен операта во Њујорк во неделата.

Моделот на „Викторијас сикрет“ облекла бледо розова тоалета до подот, покажувајќи ги своите затегнати нозе со смел изрез до бутовите.

Неверојатната тоалета има асиметричен дизајн, едното рамо е откриено, додека другото го красат богати карнери.

View this post on Instagram

A post shared by TONI MATICEVSKI (@toni_maticevski)

„Дејли мејл“ објави дека супермоделот носи дизајн по нарачка на омилениот бренд за вечерна облека – Тони Матичевски.

„Ја сакаме карактеристиката со еден ракав и пудрестата розова нијанса, со целосното здолниште и изрезеот до бедрата создава убава драма.“

Инаку, Џозефин, која по потекло е од Данска, ги носи ревиите на светски познатите брендови, ги красела страниците на магазинот „Спортс илустрејтед“, заштитно лице е на козметичкиот гигант „Мејбилајн“…

View this post on Instagram

A post shared by Josephine Skriver (@josephineskriver)

Тони Матичевски е македонски дизајнер кој живее во Австралија. Славните ѕвезди ширум светот обожаваат да ги носат неговите креации, меѓу кои и Ким Кардашијан и Џенифер Лопез.

ФОТО: Фејсбук/Инстаграм

The post НЕВЕРОЈАТНА КРЕАЦИЈА НА МАКЕДОНСКИОТ ДИЗАЈНЕР Тони Матичевски го облече ангелот на „Викторијас сикрет“ (ФОТО) appeared first on plusinfo.mk.

ПРВИОТ МОДЕЛ СО ДАНУОВ СИНДРОМ НА „ВИКТОРИЈА’С СИКРЕТ“ Порториканката Софија Жирау влезе во историјата (ФОТО)

плусинфо — Thu, 17 Feb 2022 11:51:04 +0000

Софија Жирау влезе во историјата како прва манекенка на Викторија’с сикрет со Даунов синдром, откако им се придружи на 17 други жени во лансирањето на новата кампања на брендот.

View this post on Instagram

A post shared by Sofía Jirau (@sofiajirau)

Софија Жирау, 25-годишна манекенка и активистка од Порторико, им соопшти на своите обожаватели и следачи дека учествува во новата кампања на американскиот бренд за долна облека, „Викторија’с сикрет“. Модната линија е наречена „Love Cloud“, и се работи за колекција лежерна долна облека.

Кариерата на Софија добива на интензитет откако дебитираше на пистите на Модната недела во Њујорк во февруари 2020 година. Оттогаш таа го привлече вниманието на модната индустрија. „Викторија’с сикрет“ покрена низа иницијативи изминативе неколку години за да се обиде да го врати кредибилитетот поради намалената продажба и претходни обвинувања за сексуални злосторства и вознемирување на моделите.

View this post on Instagram

A post shared by Sofía Jirau (@sofiajirau)

Новите потези на компанијата го вклучуваат и првиот градник за жени подложени на мастектомија, различни бои на долна облека за различни тонови на кожа, како и ангажирање на трансродовиот модел Валентина Сампајо. Таа беше вработена по критиките дека на компанијата ѝ недостигаат различности.

View this post on Instagram

A post shared by Sofía Jirau (@sofiajirau)

ФОТО: Инстаграм

The post ПРВИОТ МОДЕЛ СО ДАНУОВ СИНДРОМ НА „ВИКТОРИЈА’С СИКРЕТ“ Порториканката Софија Жирау влезе во историјата (ФОТО) appeared first on plusinfo.mk.

Манекенка откри ужасни детали додека била ангел на „Викторијас сикрет“: Ме тераа да користам наркотици (ФОТО)

плусинфо — Fri, 02 Jul 2021 08:11:15 +0000

Манекенката Бриџит Малком (29) објави видео на ТикТок во кое тврди дека брендот „Викторијас сикрет“ има лошо влијание врз моделите, а нивниот обид да ја прифатат различноста и да ги зајакнат жените го прикажала како „шега“.

Бриџит рекла на видеото на ТикТок со наслов „Малку предоцна, „Викторијас сикрет““, дека нејзиното здравје било нарушено до тој степен што не изгледала здраво ниту однадвор, но ниту и одвнатре.

„Го пронајдов мојот градник од ревијата во 2016 година. Ова е со големина 30А, а сега сум на 34Б. Сега моето тело е здраво“, рекла Бриџит во видеото кое брзо се прошири на интернет.

Таа е една од најгласните модели која ја осудува популарната марка за долна облека, но и целата модна индустрија. Бриџит првпат зборуваше пред три години, кога за „Харперс базар“ раскажа сè за нарушувањето во исхраната поради кое има проблеми со варењето, што ѝ предизвикало анксиозност.

Бриџит јавно им се извинила на обожавателите за советите што ги споделила и јавно ги застапувала, бидејќи сфатила дека начинот на исхраната и секојдневното вежбање не се исправни.

Во едно од нејзините видеа, раскажала како агентите на брендот ја поттикнувале на кокаин, секс и постојано ја терале да слабее. Таа тврди дека постар маж повеќепати сексуално ја злоставувал, поради што на крајот страдала и од депресија.

@bridgetmalcolmtoo little too late Victoria’s Secret ##victoriassecret ##victoriasecretshows ##CompleteMyLook ##MyColoredHair ♬ original sound – Bridget Malcolm

ФОТО: Инстаграм/ТикТок

The post Манекенка откри ужасни детали додека била ангел на „Викторијас сикрет“: Ме тераа да користам наркотици (ФОТО) appeared first on plusinfo.mk.

Со години мислела дека е грда поради клемпавите уши, а денес сите ѝ се поклонуваат! ФОТО

плусинфо — Tue, 14 Apr 2020 07:21:12 +0000

Eдна од најпознатите манекенки на денешницава, Алесандра Амбросио, во саботата на 11 април го прослави 39-тиoт роденден, а оваа убавица му пркоси на стареењето со оглед на тоа што и понатаму изгледа како тинејџерка.

Убавата Бразилка на јавноста ѝ е позната како еден од најдолготрајните ангели на модниот бренд „Викторијас сикрет“, која ја носеше цели 13 години, сè додека не се „пензионираше“ во 2017 година.

Алесандра ги красеше насловните страни на околу 70 модни магазини, а сè уште не се случило да не заврши на листите меѓу најсексапилните и најубави жени на светот.

Оваа 39-годишна жена долго имала проблем со својата самодоверба, пред сè, поради изразено клемпавите уши. Но, како 11-годишно девојче направила операција, после која имала низа здравствени компликации.

Токму поради тоа, таа денес редовно предупредува на можните негативни последици на естетските зафати кои што се прават на децата.

Но, токму таа несигурност ја однела до кариерата на модел. Таа уште кога имала 14 години се обидела да навлезе во водите на модата и научила да се сака самата себе, но никогаш не помислувала дека еден ден ќе стане најбараното модно лице во родниот Бразил, но и во целиот свет.

Покрај убавото лице, оваа бринета е позната и по долгите нозе, стомачките мускули и затегнатото тело, што не е ни чудно што ги има бидејќи внимава на својата исхрана и редовно тренира.

Таа истакнала дека најмногу ужива во пливањето и одбојката на песок, но исто така ужива и во јогата.

Таа исто така ја открила и својата рутина за разубавување, но акцентирала и дека сака кога тенот ѝ е благо исончан, и дека често користи креми со заштитен фактор.

View this post on Instagram

Meet the new #ASTRALstyle in #SUNSTONEcolor #NEWin @galfloripa

A post shared by Alessandra Ambrosio (@alessandraambrosio) on Apr 4, 2020 at 12:53pm PDT

View this post on Instagram

Raising vibrations @ home #staysafe

A post shared by Alessandra Ambrosio (@alessandraambrosio) on Mar 16, 2020 at 11:41am PDT

View this post on Instagram

She’s only happy in the sun

A post shared by Alessandra Ambrosio (@alessandraambrosio) on Mar 5, 2020 at 5:19am PST

View this post on Instagram

Brasil … Carnaval

A post shared by Alessandra Ambrosio (@alessandraambrosio) on Feb 27, 2020 at 6:59am PST

FOTO: Instagram/Printskrin

The post Со години мислела дека е грда поради клемпавите уши, а денес сите ѝ се поклонуваат! ФОТО appeared first on plusinfo.mk.