– Аврамовска Мадиќ, која неврохирургот на Заев, Филипче ја постави во Централен одбор, специјализираше на набавката на противпожарна скала од 1,7 милиони евра во време кога беше секретар во Град Скопје. Тендерот за противпожарна скала го доби фирмата на зетот на Аврамовска Мадиќ, а буџетот на Град Скопје тоа го чинеше 1,7 милиони евра, односно 900.000 евра повеќе отколку во Загреб, каде тамошната градска управа набавила исто таква скала. И не е само скалата од 1,7 милиони евра. Фирмата на зетот на Аврамовска Мадиќ во време на СДСМ доби тендери од над 4 милиони евра и тоа најмногу од Министерството за одбрана, МЕПСО, АД ГА МА, Дирекцијата за заштита и спасување, Град Скопје и од многу други институции – изјави Лефков.

Според него, во време додека Аврамовска Мадиќ била државен функционер, фирмата на нејзиниот зет нижела тендер по тендер.

The post ЗОШТО СКОПЈЕ ПЛАТИЛО 1,7 МИЛИОНИ ЕВРА, А ЗАГРЕБ 800.000 ЕВРА ЗА ПРОТИВПОЖАРНАТА СКАЛА? Зетот на Аврамовска Мадиќ нижел тендери, обвини Лефков appeared first on plusinfo.mk.

– Министерот за правда беше во посета на неговиот колега во Турција и како што беше информирана јавноста од Министерството за правда, судската постапка е завршена, се чекаат административните документи да се завршат и очекуваме дека Љупчо Палевски ќе биде екстрадиран, рече Аврамовска – Мадиќ одговарајќи на новинарски прашања.

На денешната прес-конференција Аврамовска – Мадиќ истакна дека не сака да го коментира писмото кое Љупчо Палевски преку партијата Десна го испрати до медиумите, бидејќи, како што рече, сè што е поврзано со судската постапка може да биде погрешно сфатено во јавноста.

– Не можам да го коментирам тоа сè додека трае постапката и сè што е поврзано со судската постапка може да биде погрешно сфатено во јавноста и да наштети на самата постапка, рече Аврамовска – Мадиќ.

Министерот за правда Кренар Лога и неговиот турски колега Јилмаз Тунч минатиот месец остварија средба на која разговараа за постапката за екстрадиција на Љупчо Палевски, при што Лога бил информиран од турскиот колега дека судскиот процес за Палевски е завршен и се очекува да завршат и административните процедури.

The post ШТО ЈА КОЧИ ЕКСТРАДИЦИЈАТА НА ЉУПЧО ПАЛЕВСКИ? Се чекаат административните документи соопшти заменик министерката за правда appeared first on plusinfo.mk.

Аврамовска – Мадиќ истакна дека со Законот за спорт се обезбедуваат финансиски поттикнувања за националните спортски федерации, спортските клубови, активни спортисти од олимписки и неолимписки спортови и други правни субјекти кои имаат решение за вршење на дејност спорт.

Говорејќи за новиот Закон за спорт, заменичката на министерот за правда објасни дека Министерството за финансии го оценило досегашниот ваучерски систем со визок ризик на коруптивност и заради тоа ја задолжиле Агенцијата за спорт и млади да изнајде нов начин за поддршка на спортскиот систем преку државни субвенции.

Таа посочи дека делот од законот со кој се уредуваат даночните ослободувања на спортските субјекти се отстранети од 1 јануари оваа година, со што Агенцијата за млади и спорт била задолжена да најде алтернативно решение за поддршка на спортскиот систем преку државни субвенции.

– Досегашниот ваучерски систем се реализираше преку данокот на добивка на компаниите кои на своја волја одлучуваа дали и колку ќе реализираат спортски ваучери на некој спортски субјект. Системот беше оценет од Министерството за финансии како високо ризичен за коруптивни дејствија со што на крајот беше одлучено да го променат – истакна Мадиќ.

Директорот на Агенцијата за млади и спорт, Наумче Мојсоски посочи дека во соработка со Министерството за правда е модифициран досегашниот модел познат како ваучерски систем и со тоа целосно се отстрануваат можностите за било какви злоупотреби во самата процедура.

– Фантастични 10 милиони евра ќе влезат како директна финансиска поддршка за спортистите, спортските клубови и спортските федерации. Во соработка со Министерството за правда го модифициравме досегашниот модел познат како ваучерски систем и стигнавме до директна државна субвенција. Со ова целосно се отстрануваат било какви злоупотреби во самата процедура и финансиските средства се ставаат на раполагање на спортските субјекти кои искрено работат и го сакаат спортот – истакна Мојсоски.

The post 10 МИЛИОНИ ЕВРА ЗА ПОДДРШКА НА СПОРТОТ Директна државна субвенција наместо коруптивниот ваучер систем appeared first on plusinfo.mk.

Како што беше речено, во развиените држави медијацијата е редовна постапка, а кај нас се спомнува како алтернатива на судската.

Решавањето на стопанските спорови на ваков, „алтернативен“ начин, во Германија и Холандија, каде најмногу се користи медијацијата, е 75%. Кај нас, од вкупниот број медијации 45% се стопански спорови, но оваа бројка, според Комората, не е доволна.Од вкупниот број на постапки за медијација односно од 4.578 постапки 50.5% завршиле со спогодба. Од вкупниот број на медијации, 43,5% се трговски спорови, 4,5% се осигурителни спорови, додека 45% се работни спорови.

-Медијацијата почнува во земјава институционализирано да се пробива уште во 2006 година, но по измените на Законот за медијација можеме да се пофалиме со бројка од над 4.500 медијации за периодот од 2017 до 2023 година. Од овие медијации, 45% се стопански спорови. Меѓутоа, можеме да кажеме како медијатори и како бизнис асоцијации дека не сме задоволни од користењето на бизнис заедницата, бидејќи има простор уште во ситуација кога имаме неликвидност во економијата, во ситуација кога имаме проблеми меѓу компаниите за регулирање на должничко-доверителските односи. Затоа, денеска, од оваа регионална конференција сакаме да упатиме апел компаниите да ја користат медијацијата во нивните деловни односи не само со компаниите, туку и со државата и секако, со локалната самоуправа, бидејќи оваа алатка има сила на извршност доколку спогодбата се солемнизира на нотар – изјави Јелисавета Георгиева Јовевска, претседател на Асоцијацијата за поддршка на медијацијата при Стопанската комора и национален координатор за медијација, пред почетокот на конференцијата.

Таа потенцира дека кога ќе излезат од процесот на медијација, сите страни се чувствуваат како победници, и вистински и на хартија и во секојдневното работење, нема како во судска постапка – еден добитник, еден губитник.

Според Георгиева Јовевска, медијацијата и помага на државата од аспект на растоварување на судството, но помага и за  побрзо, поефикасно, најевтино, па дури и бесплатно решавање на споровите.

-Целта на медијацијата е да се растоварат судовите од преголемиот број предмети, имајќи ја предвид и ситуацијата во нашата држава во однос на правосудството каде што имаме проблеми со обезбедување судски места и недостиг на судии. Сето тоа придонесува за задоцнето решавање на предметите и фактички тоа доведува до незадоволство кај граѓаните, а исто така и оневозможува што побрзо да стигнат до граѓаните и нивните права. Се надевам дека со поголемо настојување, институционално од сите субјекти, медијацијата полека ќе чекори и ќе го заземе местото кое треба да го има – истакна Милазин Мустафа, член на Судски совет и медијатор.

Заменик амбасадорот на Германија, Ото Граф, укажа на предноста од маедијацијата – брзо решавање на споровите и задоволство кај сите инволвирани страни.

-Во меѓународните односи понекогаш медијацијата помага да не се држите стриктно до правниот систем на едната страна или стриктно до договорот. Токму затоа овозможува и во меѓународни услови да се постигне заемно прифатливо решение – подвлече Граф.

Во текот на конференцијата, заменик министерката за правда Викторија Аврамовска Мадиќ рече дека државата и преку сопствен пример ја покажува поддршката на медијацијата, така што државните институции во последните неколку години се едни од поголемите корисници на медијацијата.

-Од решавањето на споровите по пат на медијација корист имаат не само поединците туку и општеството во целина. Како заменик министер за правда потенцирам дека заложбата за промоција на медијацијата е приоритет. Таа е дел од новата Стратегија за развој на правосудниот сектор 2023-2027, каде се предвидени стратешки цели, мерки и активности за натамошниот развој на медијацијата во државата – истакна Аврамовска Мадиќ.

Зборувајќи за придобивките од медијацијата, генералниот секретар на Владата Методија Димовски нагласи дека во услови кога нашите судови се соочуваат со голем број на предмети, користењете на алтернативниот начин на решавање на споровите е многу важно.

– Сметам дека не треба да се има дилема дека медијацијата е концепт, кој промовира мирно решавање на споровите, во која сите страни треба да се чувствуваат како добитници – рече Димовски.

Согласно официјалните податоци за внес на предметите во медијацијата при Министерството за правда евидентно е дека од 2017 година до 30.09.2023 година државата најмногу е вклучена во решавање на работните спорови преку процесот на медијација, односно бројката за овој период е 2.041 работни спорови од вкупно по сите други основи 4578 постапки за медијација (што е 45%). Од овие 2.041 постапки решени по пат на медијација, 98 % се успешни односно со склучена спогодба.

The post МЕДИЈАЦИЈА НАМЕСТО ДОЛГИ И СКАПИ СУДСКИ СПОРОВИ Компаниите да ја користат оваа алатка и во споровите со државата и општините appeared first on plusinfo.mk.

На гласањето му претходеше расправа во која опозициските пратеници изнесоа остри критики, обвинувајќи дека власта ги носи овие законски измени за да ги амнестира оние што го прекршиле законот. Како што истакнаа пратениците од ВМРО-ДПМНЕ, и во овој случај се злоупотребува европското знаменце.

Прв за збор се јави пратеникот од ВМРО-ДПМНЕ Бојан Стојановски, оценувајќи дека овој закон е олицетворение на хипокризијата на власта. Стојановски забележа дека на Парламентот му е приоритет да зборува за Кривичниот законик, наместо за она што се случува на Онкологија.

За Гордана Силјановска Давкова е нејсно како може Кривичен законик да се смени за неколку часа.

– Денеска бев сведок на јавно убиство на правото и правдата во Комисијата за антиевропски прашања, истакна Силјановска Давкова. Ова е јавно убиство на правото и правдата во комисијата за антиевропски закони. Ние сме држава со најспора правда има најбрза постапка за менување на закони. Се работи за проектирана амнестија. Ова е непознат европски феномен. Се срамам што предавам право, не сум сонувала дека за 3 саата може да се донесе закон. Побрзи од ветер сте во заштита на криминалот и корупцијата – рече Давкова.

На ова реплицираше независниот пратеник Панчо Минов, кој појасни за членот 32, кој се однесува за злоупотреба на службени овластувања.

– Тој нема конкретно предмет на доказност и често се користи за пресметка со неистомисленици. Измената носи поголема тежина на квалификацијата бидејќи се утврдува намерата за злоупотреба – рече Минов.

Според заменик министерката за правда Викторија Аврамовска – Мадиќ која го образложуваше законот, од вкупно 38 члена во законските измени и дополнувања, 35 се поврзани со директивите на ЕУ.

– За да нема забуни и дилеми зошто Законот е со европско занаменце, нагласувам дека предвидува 38 члена од кои 35 се поврзани со директивите на ЕУ. Вчера кога го давав Предлогот зошто треба да биде со европско знаменце и по скратена постапка, напоменав дека целта е усогласување со европското законодавство – истакна Аврамовска – Мадиќ.

The post СОБРАНИЕТО ГИ УСВОИ ИЗМЕНИТЕ НА КРИВИЧНИОТ ЗАКОНИК Помали казни за злоупотреба на службата, зголемен опфат на конфискација appeared first on plusinfo.mk.

Таа им се извини на Егејците за направената грешка.

– Стануваше збор за лапсус, стануваше збор за Евреите. Им се извинувам на Егејците – истакна Аврамовска Мадиќ, одговарајќи на новинарско прашање.

Таа вчера во гостувањето на ТВ 24 рече дека и Егејците ќе влезат во Преамбулата на македонскиот Устав, заедно со сите други народи кои ќе поднесат барање.

– Кога ќе го видат предлогот ќе видат дека нема ништо лошо ако во Преамбулата влезат и другите народи кои поднеле барање, бидејќи не правиме муабет само за Бугарите, туку и за Црногорците, Египќаните, Eгејците и сите оние кои ќе поднесат барање – изјави Аврамовска Мадиќ.

Нејзината изјава предизвика бурни реакции во медиумите и на социјалните мрежи. Луѓето се прашуваа од кога тоа Егејците се посебен народ или дел од друг народ кој живее во Македонија, па Владата да мора да ги внесе во Уставот заедно со Бугарите.

Инаку, Аврамовска Мадиќ заборави да ги спомне и Хрватите, кои сакаат да влезат во уставната Преамбула.

Викторија Аврамовска Мадиќ не е било кој во извршната власт. Таа е втор човек во Министерството за правда, а тоа е ресорот кој „произведува“ закони. Дипломиран правник е, била државен советник во Судскиот совет, секретар на Град Скопје во времето на Петре Шилегов и има пристојна кариера и во други институции.

(ВИДЕО) И ЕГЕЈЦИТЕ ЌЕ ВЛЕЗАТ ВО УСТАВОТ Заменик-министерката за правда „скина зелена“

The post ЕГЕЈЦИТЕ БИЛЕ ЕВРЕИТЕ Викторија Аврамовска Мадиќ се извини за гафот appeared first on plusinfo.mk.

Поради тоа Град Скопје поднесува кривична пријава до Основното јавно обвинителство за злоупотреба на службената положба и овластување и несовесно работење во службата за поранешни и сегашни вработени во град Скопје, и тоа против поранешниот генерален секретар на Град Скопје Викторија Аврамовска Мадиќ, поранешниот помошник раководител на сектор за поддршка на градоначалник Ваљон Салиху, раководителот на одделението за ИКТ инфраструктура Никола Трајковски, како и вишиот соработник во одделение за координација на активности на градоначалник Влатко Васиљ.

– Викторија Аврамовска Мадиќ од Скопје во својство на Секретар на град Скопје, искористувајќи ја својата службена положба и овластување во периодот од 2018 до 2020 година, потврдила дека во целост е реализиран договор за изработка на официјален портал на град Скопје со миграција на постоечките податоци и дигитална платформа за интерконекција и управување со веб содржини и постапувајќи несовесно во вршење на своите овластувања и должности, потврдила дека е извршено предавање на платформа и прилагодување на порталот кои активности се предмет на реализација на склучен договор иако знаела дека не е испорачанo IBM ESB – рече Апостолоски.

Тој вели дека не е извршена целосна миграција на податоци од постојната веб страна на град Скопје и дека не е предаден порталот за што останатите пријавени со свои потписи потврдиле дека се извршени и предадени поединечните фази од наведениот проект, иако знаеле дека не се испорачани и иако им било познато дека договорот не е во целост реализиран.

– Пријавените Никола Трајковски, Ваљон Салиху и Викторија Аврамовска Мадиќ искористувајќи ја својата службена положба, сепак потпишале и одобриле исплата на вкупната вредност на договорот во износ од енормни 4.717.640 денари или над 75.000 евра за услуга која не е целосно извршена и испорачана на Град Скопје согласно договорот, на кој начин пријавените прибавиле имотна корист за друг и нанеле штета на буџетот на Град Скопје – додаде Апостолоски.

The post ИСПЛАТИЛЕ 75.000 ЕВРА ЗА ВЕБ СТРАНА КОЈА НЕ ПРОРАБОТЕЛА ВО ЦЕЛОСТ Град Скопје поднесе 4 кривични за поранешни вработени appeared first on plusinfo.mk.

Во времето на ВМРО-ДПМНЕ, Викторија Аврамовска Мадиќ не била секретар на Град Скопје и не постоел судир на интереси за „Армор плус“, чиј сопственик е нејзиниот зет, одговори ВМРО-ДПМНЕ по реакцијата од Град СКопје во која се вели дека оваа фирма склучувала договори со Градот за набавка на ХТЗ опрема и во времето на ВМРО-ДПМНЕ.

„Дали и колку од овие пари завршиле кај новиот ‘Рашковски’ –  Аврамовска Мадиќ и ‘Тендер Шилегов’? Учеството на тендери на Град Скопје и нивно добивање од страна на ‘Армор плус’ во период додека Аврамовска Мадиќ е секретар на Градот е класичен судир на интереси и фрла сомнеж за можна корупција. Потребно е или Аврамовска Мадиќ да си поднесе оставка од позицијата или ‘Армор плус’ да не конкурира на тендери распишани од Градот Скопје и неговите претпријатија, врз кои Аврамовска Мадиќ, како секретар на Градот има влијание и моќ“, се наведува во реакцијата на ВМРО-ДПМНЕ.

Опозициската партија ја повика Државната комисија за спречување на корупција да го испита случајот со добивањето тендери од „Армор плус“ додека секретар на Градот е Аврамовска Мадиќ.

The post ВМРО-ДПМНЕ: Аврамовска Мадиќ не била секретар во наше време, сега има судир на интереси со „Армор плус“ appeared first on plusinfo.mk.

– Чест добитник на јавните набавки и тендерите на Град Скопје каде се вртат милионски суми во денари е компанијата „Армор плус“. Тоа е компанија за набавка на заштитна противпожарна опрема, со седиште на булеварот Трета Македонска Бригада, број 48. „Армор плус“ е компанија е во сопственост на лицето Димитар Петрески, кој е сопруг на сестрата на Викторија Аврамовска Мадиќ, секретарка на Град Скопје. Секоја година компанијата „Армор плус“ добивала јавна набавки од Градот. Во ноември лани добила тендер за заштитни одела во износ од речиси 5 милиони денари. Ваква слична јавна набавка имало и еден месец порано во износ од 350.000 денари – рече Стоилковски.

Тој наведе дека во 2019 година зетот на Аврамовска Мадиќ од Град Скопје добил јавна набавка во вредност од над 2 милиони денари.

– Ваква набавка истата фирма добила и во други два наврата во 2017 година, веднаш по стапувањето на Петре Шилегов на функцијата градоначалник на Скопје, во вредност од над 2 милиони денари. Значи Градот Скопје воден од Петре Шилегов во околу 5 наврати исплатил 10 милиони денари на компанијата на зетот од сестра на секретарката на Град Скопје. Очигледно на повидок е нов случај а-ла „Драги Рашковски“ овој пат во градот Скопје, раководен Петре Шилегов – вели Стоилковски.

Тој прашува и дали ова се единствените јавни набавки или имало и повеќе други, каде што се врзуваат вакви зетовски, снаовски, балдиски врски, поврзани со Петре Шилегов и со секретарката на Град Скопје?

The post Стоилковски: Зетот на секретарката на Град Скопје добил јавни набавки од 10 милиони денари appeared first on plusinfo.mk.