Венко Филипче и СДСM се директно фатени на дело во отворена соработка со бугарски активисти кои отворено го негираат македонскиот идентитет, соопшти ВМРО-ДПМНЕ.

„Специјалниот пратеник на Румен Радев во Македонија, Венко Филипче, преку Рубин Земон е во директна соработка со Виктор Стојанов, кој е персона нон грата во Македонија поради неговите антимакедонски ставови. Виктор Стојанов е лице познато по своите ставови со кои отворено го негира македонскиот идентитет, македонскиот јазик, историја и култура. Виктор Стојанов е човек кој јавно промовира тези дека Македонците и Бугарите се еден народ, директно навредувајќи го достоинството на македонскиот народ и удирајќи по темелите на македонската државност“, се вели во соопштението на ВМРО-ДПМНЕ.

Венко Филипче, се додава, е најгласен промотор на бугарските политики во Македонија и единствен кој бара внесување на бугарите во Уставот без гаранции дека тоа е последниот чекор за влез во ЕУ.

„Единствено Филипче смета дека вметнувањето на Бугарите во Уставот е единствениот билатерален проблем со Бугарија и со Румен Радев и покрај тоа што Радев јасно кажува дека Гоце Делчев е Бугарин и ги претставува неговите негаторски видувања за Македонија. Ваквите политики на сервилност и потчинување на Филипче и СДСМ се штетни за државата, граѓаните нема да дозволат политики на понижување, самонегирање и национално распродавање“, соопшти ВМРО-ДПМНЕ.

Државните и национални политики мора да бидат над политичките калкулации на СДСМ, на Филипче и на нивното криминално наследство, порача партијата.

The post ФИЛИПЧЕ Е НАЈГЛАСНИОТ ПРОМОТОР НА БУГАРСКИТЕ ПОЛИТИКИ ВО МАКЕДОНИЈА Неговата сервилност е штетна за државата appeared first on plusinfo.mk.

Рубин Земон, член на Извршниот одбор на СДСМ, кој се најде на удар на јавни критики поради скандалозните изјави на сметка на македонскиот револуционер Гоце Делчев, а неодамна беше објавена негова фотографија во друштво со истакнати антимакедонски активисти во Софија, реши да се повлече од партиската функција.

„Сакајќи да го заштитам угледот на СДСМ од непринципелните напади кон мене, а со тоа не бирајќи средства да го инволвираат и моето семејство, а со цел да не бидам терет на борбата на партијата кон уривањето на оваа власт, поднесувам оставка од местото член ИО на СДСМ“ – напиша Земон на својот профил на Фејсбук.

Претходно, Виктор Стојанов, претседател на т.н. „Фондација Македонија“, кој има доживотна забрана за влез во Македонија и против кого пред два месеца беше поднесена кривична пријава за ширење говор на омраза кон македонската држава и народ, објави на Фејсбук фотографија и информација за средбата со Земон.

„На неофицијална средба со Рубин Земон, дел од раководството на опозицискиот СДСМ и претставник на Египќаните во Република Македонија. На режимот на Мицкоски ќе му се спротивстават мнозинството граѓани на државата, а ние од Европската Унија ќе им дадеме поддршка: во име на европската иднина на Македонија и децата таму“, пишува во објавата.

Објавата за кратко време беше тргната, но македоснките медиуми ја снимија и објавија за средбата.

Земон во статус на Фејсбук ова го нарече „уште еден координиран напад“ врз него. Македонските медиуми, кои ја објавија веста, тој ги нарекува „курурци“, кои овојпат, според него, биле во координација со „Фондација Македонија“ од Бугарија.

Тој вели дека средбата со луѓето од „Фондација Македонија“ била случајна, а тој отпрво не знаел за кои луѓе станува збор.

„Со мојот син седевме во трговски центар во Софија кога ми пријдоа луѓето, ми кажаа дека ме препознале кој сум и прашаа дали може да седнат со нас на кафе и да направат фотографија. Првично не знаев дека станува збор за луѓе од Фондацијата. Кратко поразговаравме за случувањата во двете земји и тоа беше сѐ“ – вели Земон

Средбата предизвика остри реакции во јавноста, особено поради спорните ставови и минатите активности на Стојанов, но и поради претходните изјави на Земон. Тој изјави дека „Гоце Делчев ништо не напишал во животот, ниедна битка не извојувал никаде, а кај нас од него е направен мит“. По оваа изјава, Земон се извини, тврдејќи дека бил погрешно разбран.

РУБИН ЗЕМОН СЕ СРЕТНАЛ СО ВИКТОР СТОЈАНОВ КОМУ МУ Е ЗАБРАНЕТ ВЛЕЗ ВО МАКЕДОНИЈА Членот на Централниот одбор на СДСМ седи со човек што го негира македонскиот народ

The post РУБИН ЗЕМОН СЕ ПОВЛЕЧЕ ОД ИЗВРШНИОТ ОДБОР НА СДСМ „Сакам да го заштитам угледот на партијата“ appeared first on plusinfo.mk.

Рубин Земон, член на Централниот одбор на СДСМ, се сретнал со бугарскиот државјанин Виктор Стојанов, претседател на т.н. „Фондација Македонија“, кој има доживотна забрана за влез во Македонија и против кого пред два месеца беше поднесена кривична пријава за ширење говор на омраза кон македонската држава и народ.

За средбата објави самата Фондација на социјалните мрежи.

„На неофицијална средба со Рубин Земон, дел од раководството на опозицискиот СДСМ и претставник на Египќаните во Република Македонија. На режимот на Мицкоски ќе му се спротивстават мнозинството граѓани на државата, а ние од Европската Унија ќе им дадеме поддршка: во име на европската иднина на Македонија и децата таму“, пишува во објавата.

Средбата предизвика остри реакции во јавноста, особено поради спорните ставови и минатите активности на Стојанов, но и поради претходните изјави на Земон. Тој изјави дека „Гоце Делчев ништо не напишал во животот, ниедна битка не извојувал никаде, а кај нас е мит направен“. По оваа изјава, Земон се извини, тврдејќи дека бил погрешно разбран.

Против Виктор Стојанов беше поднесена кривична пријава за ширење расистички и ксенофобичен материјал преку компјутерски систем. Од Агенцијата за национална безбедност тогаш соопштија дека пријавата следува по информации за субверзивно-пропагандни активности насочени кон поттикнување етничка и национална омраза.

Според Обвинителството, Стојанов преку специјално креирана Фејсбук-страница споделувал содржини со кои поттикнувал национална и етничка омраза и дискриминација. Во истрагата бил одземен и пропаганден материјал наменет за дистрибуција во Македонија.

Стојанов и претходно беше во центарот на вниманието. Пред три години тој упати закани кон Македонците од Пустец, предупредувајќи дека доколку не се попишат како Бугари на пописот во Албанија, ќе им бидат одземени бугарските пасоши.

The post РУБИН ЗЕМОН СЕ СРЕТНАЛ СО ВИКТОР СТОЈАНОВ КОМУ МУ Е ЗАБРАНЕТ ВЛЕЗ ВО МАКЕДОНИЈА Членот на Централниот одбор на СДСМ седи со човек што го негира македонскиот народ appeared first on plusinfo.mk.

Бугарскиот државјанин Виктор Стојанов, претседател на фондацијата „Македонија“, е опфатен со кривична пријава за ширење расистички и ксенофобичен материјал по пат на компјутерски систем, дело казниво по член 394-г став 1 од Кривичниот законик.

Стојанов ѝ е добро познат на македонската јавност по низа антимакедонски објави и провокации со кои го негира постоењето на македонската нација. Во јавноста беше споменуван и по кампањите за нудење 300 евра за промена на презимиња во „ов/ев“, донирање бугарски знамиња, обезбедување сателитска телевизија со бугарски канали, како и ширење пропаганда и поттикнување тензии преку мрежа на портали и поткасти.

Преку неговата фондација „Македонија“ е регистриран и сајтот supportbginmk.eu, на кој се објавуваат случаи за, како што се наведува, „репресирани“ Бугари од Македонија и се поднесуваат претставки до институциите на ЕУ и Советот на Европа.

Стојанов се поврзува и со бугарската партија „Преродба“, а во јавноста се споменува и како идеолошки близок до Благовест Асенов од ултранационалистичката групација „Национален отпор“, која заедно со „Бугарскиот национален сојуз“ е организатор и поддржувач на Луковиот марш.

Од Агенција за национална безбедност соопштија дека акцијата следела по претходно обезбедени информации за субверзивно-пропагандни активности на домашни и странски недржавни актери.

— Јавното обвинителство и Министерството за внатрешни работи синхронизирано презедоа организирани мерки за кривично-правен прогон на лица и одземање пропагандни материјали кои имаат цел да предизвикаат етничка и национална нетрпеливост, раздор и омраза меѓу граѓаните — велат од АНБ.

Според Агенцијата, лицата опфатени со пријавата преку печатење и дистрибуција на материјали планирале да поттикнат омраза кон македонската држава и идентитет.

— Активностите биле координирани по насоки на бугарски државјанин кој подолг период преку социјалните мрежи и бот-мрежа на портали спроведува пропагандни активности со цел поттикнување омраза и нетрпеливост — информираат од Агенцијата.

Оттаму најавуваат дека во координација со други институции ќе продолжат со мерки за откривање и спречување вакви дејствија.

Од Основно јавно обвинителство Скопје информираат дека е оформен предмет по кривична пријава од Секторот за борба против тероризам, насилен екстремизам и радикализам при МВР.

— Осомничениот преку посебно креирана страница на Фејсбук споделувал содржини што предизвикуваат национална и етничка дискриминација и поттикнувал омраза кон македонската држава и идентитет — велат од Обвинителството.

По претходни сознанија на АНБ, полицијата извршила претрес и одзела пропаганден материјал што 30-годишен скопјанец го отпечатил со намера да го дистрибуира во земјава.

— На ваквите активности осомничениот бил поттикнат од бугарски државјанин кој подолг период објавува содржини со цел поттикнување омраза, нетрпеливост и насилство — додаваат од ОЈО.

Обвинителството посочува дека во координација со надлежните органи продолжува со обезбедување докази.

The post ВИКТОР СТОЈАНОВ Е ЛИЦЕТО ОСОМНИЧЕНО ЗА ШИРЕЊЕ ГОВОР НА ОМРАЗА Се прослави со антимакедонските објави и провокации appeared first on plusinfo.mk.

Претседателот на бугарската Фондација „Македонија“, Виктор Стојанов, изјави дека пејачката Цеца Ражнатовиќ по потекло е Бугарка, па затоа, според него, не треба да биде чудно зошто го развеала бугарското знаме за време на својот концерт во Велес.

Стојанов вели дека Светлана Ражнатовиќ, родена Величковиќ, потекнува од селото Житораѓа, место кое до 1877 година било дел од Бугарската егзархија, во рамките на Нишката епархија.

„Тоа значи дека нејзиниот роден крај, исто како и Велес, припаѓал на духовното и културното пространство на бугарската нација. Во тој контекст, нема ништо скандалозно во тоа што човек со такви корени го крева бугарското знаме – напротив, тоа е чин на признание кон сопствената историја,“ наведува Стојанов.

Фондацијата „Македонија“ истакнува дека секој има право да се гордее со своето потекло и со историската вистина.

„Бугарското знаме е симбол на култура, духовност и слобода – тоа не разделува, туку обединува,“ се вели во соопштението.

„Да не ја претвораме гордоста во омраза. Вистината не може да биде скандал,“ заклучува Стојанов.

Цеца вееше бугарско знаме на концертот во Велес откако истото ѝ беше врачено од непознат обожавател во публиката. Велешани остро реагираа и ја исвиркаа пејачката, а реакциите не стивнуваат по инцидентот.

The post „ЦЕЦА Е БУГАРКА, НЕЈЗИНОТО СЕЛО БЕШЕ ПОД ЕГЗАРХИЈАТА“ Стојанов од бугарската фондација се вмеша во дебатата за концертот appeared first on plusinfo.mk.

Според неговата објава на социјалните мрежи, панихиди за Бунева ќе има и во Тетово, Струмица и во Прилеп.

Стојанов во последно време е особено активен во Албанија каде дели бугарски книги и учебници за македонското малцинство.

На 13 јануари се навршуваат 97 години од атентатот што го извршила Мара Бунева врз српскиот државен обвинител Велимир Прелиќ во центарот на Скопје. Откако го извршила атентатот, таа се самоубила.

The post НОВА ПРОВОКАЦИЈА ОД БУГАРСКАТА ФОНДАЦИЈА „МАКЕДОНИЈА“ Виктор Стојанов најавува панихида за Мара Бунева во повеќе градови appeared first on plusinfo.mk.

Целото нивно соопштение го пренесуваме во птодолжение:

Според изјавите на Македонците од репортажата на Видиновски тоа е резултат на силна бугарска пропаганда во Албанија како и негрижа на државата Македонија за одржување културен идентитет на Македонците во Албанија.

Во својот коментар на репортажата бугарскиот политички активист Виктор Стојанов му се заканува на новинарот Александар Видиновски со кривичен прогон и со притвор. Да потстетиме, спомнатиот активист Виктор Стојанов, политички и финансиски е поддржан од бугарските власти и подолг период е поддржувач на бугарската пропаганда и во Македонија, каде што веќе една година му е забранет влезот во државава.

Заканата со кривичен прогон и притвор за македонскиот новинар Александар Видиновски од Канал 5 воопшто не е само вербална писмена закана затоа што во минатото таквите закани навистина предизвикале и правни последици.

Македонската Асоцијација на новинари, МАН, повикува на поддршка од страна на јавноста но, и на новинарската струка во Македонија, за новинарот Александар Видиновски и телевизијата Канал 5 во одбрана на неговите професионални права и поддршка за крајно професионално однесување во изработка и објава на спомнатата репортажа од Мала Преспа во Албанија.

Воедно, Македонската асоцијација на новинари МАН, во оваа прилика, дава поддршка за ваквите новинарски трудови, најценетите во новинарството, како што се репортажите и аналитичките осврти.

The post ПРОДОЛЖУВААТ ЗАПЛАШУВАЊАТА ОД БУГАРИЈА Реакција на МАН по заканите врз новинарот Видиновски appeared first on plusinfo.mk.

Александар Видиновски, новинар на Канал 5, добива сериозни закани на Фејсбук, под објавата на својот Фејсбук профил на неговата репортажа од Пустец, Албанија. ССНМ бара надлежните да постапуваат по очигледната закана по безбедноста на новинарот.

Видиновски доби сериозни и застрашувачки закани од лицето Виктор Стојанов, кое има забрана за влез во Македонија на неопределено време, поради дејствија насочени против македонската држава. Тој го обвини Видиновски дека лаже и му се закани со притворање.

Стојанов е е претседател на бугарската фондација „Македонија“, кому лани му беше забранет влезот во Македонија на неодредено време, поради неговите провокации. Стојанов е еден од главните подбуцнувачи за влошувањето на односите меѓу Софија и Скопје, кој редовно упатува редица навреди кон овдешниве политичари и други личности.

ССНМ смета дека „слободата“ секој на свој начин да го толкува новинарскиот труд и да си зема за право да се заканува по социјалните мрежи и во коментарите на објавените вести, па и во лична комуникација, добива на интензитет и затоа, брза и ефективна реакција на соодветните институции е исклучително важна во делот на сузбивање на веќе востановената пракса. Ваквите форми на притисоци и директни напади врз новинарите и медиумските работници претставуваат и закана за слободното изразување и слободата на медиумите, а лесно може да се претворат во посериозно попречување на работата на новинарите која е од јавен интерес.

Во исто време ССНМ бара од Министерството за надворешни работи да реагира до бугарското МНР бидејќи според договорот за добрососедство двете страни се обврзани да регистрираат и постапуваат по акти со говор на омраза кон другата страна.

The post НОВИНАРОТ ВИДИНОВСКИ ОД КАНАЛ 5 ПОД ЗАКАНИ Виктор Стојанов од бугарската фондација „Македонија“ му се заканува со „притвор“ appeared first on plusinfo.mk.

Од Македонците се бара да побараат промена на презимето и да го внесат во изводот на матична книга на родените а за начинот како ќе ги подигнат парите ќе треба да ја контактираат Фондацијата.

„Кампања за жителите на Северна Македонија со бугарско потекло: Вратете го вашето презиме во Ов/Ев и добијте 300 евра! Контактирајте ја Фондацијата Македонија“, пишува во објавата.

Стојанов поради неговото однесување во изминатиот период е прогласен за персона нон грата во земјава.

The post НОВА ПРОВОКАЦИЈА НА СТОЈАНОВ Сменете го презимето на „ов“ или „ев“ и ќе добиете 300 евра appeared first on plusinfo.mk.

Тој веќе имал забрана во траење од 15 месеци и кога му завршила се упатил кон Скопје, но бил вратен од граница со образложение дека забраната му е продолжена на неодредено време.

– Нема причина да не ми биде дозволен влез во земјата. Јас немам ни казна за непрописно паркирање таму, но непожелен сум. Во РСМ имам спроведено над 500 хуманитарни иницијативи, се обидов да му помогнам на Скопје побрзо да влезе во ЕУ, како и да ги зближам двата народа. Наместо благодарност, добив забрана. Ќе ја запознаам со ова Европската комисија против расизам и нетолеранција (ЕКРИ) на Советот на Европа. На тој начин нештата нема да останат незабележани – изјави Стојанов.

Токму поради „омразата кон бугарскиот народ“, влезот на Македонија во ЕУ се одложува, а одлуката е донесена на Самитот на Берлинскиот процес во Тирана во понеделникот, тврди тој, додавајќи дека зелено светло добива само Албанија, за која во јануари следната година се отвора преговарачко поглавје.

– За изоставувањето на Северна Македонија се виновни некои опозициски партии, како и претседателот Стево Пендаровски. Наместо да гради мостови меѓу двете земји, тој постојано ги уриваше – вели Стојанов.

Според него, Албанија целосно заслужува да го продолжи својот пат кон европската интеграција: „Таа има многу добро законодавство за малцинските права. Во земјата живеат 100.000 Бугари, а во Тирана 12.000. Таму Бугари се советници на министри, Бугари се и директори на претпријатија“.

– Фондацијата „Македонија“ е активна и во Албанија. Обезбедуваме учебници, прибор, таблети. Таму сме добредојдени и нè чекаат – истакнува Бугаринот означен за персона нон грата во Македонија.

The post БУГАРСКИОТ ПРОВОКАТОР НЕ СМЕЕ ВЕЌЕ ДА СТАПНЕ ВО МАКЕДОНИЈА Виктор Стојанов доби доживотна забрана за влез во земјава appeared first on plusinfo.mk.