„Со првиот закон бараме Владата да се откаже од идејата сметките за струја да се покачат за 5% од Нова година, односно за речиси 13% од 1 јули 2023та година. ДДВ за електричната енергија за домаќинства да продолжи да биде 5% во текот на целата идна година, а власта нека намали со купувањето струја од сомнителни фирми, нека се справи со криминалот и корупцијата која извира од АД ЕСМ и ќе може граѓаните и во иднина да плаќаат иста цена на струја која и онака е висока. Домаќинствата секој месец преку сметките за струја го плаќаат криминалот, корупцијата и неспособноста на Димитар Ковачевски, Крешник Бектеши и Васко Ковачевски“, велат од партијата.

„Вториот закон се однесува на мерката Викенд без ДДВ. Предвидуваме секој викенд додека трае кризната состојба, а тоа е 30-ти април 2023та година, за купените прехранбени производи граѓаните да добијат целосен поврат на платениот ДДВ. Државата прибира огромни средства по основ на зголемени цени, ред е да им помогне на граѓаните. Не бараме премногу, само данокот за храната да го вратат кај граѓаните. Само шака луѓе од Влада ќе купуваат ајкули, делфини и китови, сите останати ќе купуваме леб, зејтин, млечни и сувомеснати производи итн.“, се додава.

„Со третиот закон бараме износот на субвенција за студентскиот оброк да се зголеми од 120 на 160 денари. Инфлацијата кај храната е 30% и повеќе од неопходно е да се зголеми овој износ. Загрижувачка е веста дека само оваа академска година 800 студенти од Македонија се запишале на Универзитетот во Љубљана. Неквалитетното високо образование и катастрофалниот студентски стандард се причините за ваквите одлуки на студентите. Човек да помисли дека власта намерно го уништува високото образование за младите да се мотивирани да се иселуваат“.

„Ја повикуваме власта и мнозинството да ги прифатат овие предлог закони без дополнителни игри и одлагања. Крајно време е граѓаните да бидат приоритет на власта, наместо криминалот, корупцијата и расипништвото“, се вели во соопштението на ВМРО-ДПМНЕ.

The post ВМРО-ДПМНЕ БАРА ВЛАСТА ДА ПРИФАТИ ТРИ ПРЕДЛОГ-ЗАКОНИ Струјата да не поскапи, целосен поврат на ДДВ за викенд и студентски оброк од 160 денари appeared first on plusinfo.mk.

– Буџетот за 2023 година изнесува рекордни 5,3 милијарди евра што се должи на високата инфлација за оваа година, која ќе продолжи и во текот на идната година. Покрај инфлацијата, државата планира да спроведе и т.н. даночна реформа, со која ќе се зголемуваат даночни стапки и даночен опфат кај данокот на личен доход, данокот на додадена вредност и данокот на добивка. До овој момент од Владата има само најави за некаква реформа, но се уште нема ништо доставено до Собранието, што претставува сериозен проблем поради неизвесноста во која се доведени стопанствениците, но и граѓаните. Неизвесно е дали ќе се врати во сила прогресивниот данок со стапка 80% повисока од основна и зголемување од 50% на данокот за рентање, капитални добивки и слични приливи на граѓаните – рече Стојановски.

Опозицијата амандмански бара намалување на акцизите за горивата, дополнително одложување од една година на прогресивниот данок и сите измени во данокот за личен доход, а до 30 април, до кога важи кризната состојба во енергетиката, да се применува викенд без ДДВ за прехранбени производи.

На барање на синдикатите, опозицијата предлага и зголемување на средствата за плати за администрацијата за 15%.

– Бараме и зголемување на платите во МВР за 10%, но и ваучер од 3.000 денари за сите вработени во јавниот сектор за првите три месеци од 2023 година – објасни Стојановски.

Опозицијата поднела и амандмани за инвестиции во областа на енергетиката, како и амандмани кои се од локален карактер, поради игнорантскиот однос на Владата по дебаклот на локалните избори во 2021 година.

Најактуелни се амандманите за младите, за кои опозицијата бара 100 милиони денари за реконструкција на студентските домови, 100 милиони денари за енергетски ефикасна рехабилитација на студентските домови, 200 милиони денари за еднократна финансиска помош за сите ученици во основно и средно образование кои доаѓаат од семејства со примања до просечна плата, 200 милиони денари за зголемување на субвенцијата за студентски оброк од 120 на 160 денари и 300 милиони денари за унапредување на науката и научно истражувачката работа.

– Пари во буџетот има. Тоа се пари од собрани даноци, но и рекордното задолжување кое ќе изнесува до 1,5 милијарди евра и ќе треба да го враќаме ние, нашите деца, но и нашите внуци. Буџетот од 5,3 милијарди евра власта планира да го троши на криминал и корупција, т.е. на  тендери во четири очи. Ќе се даваат пари за јаглен кој треба да го обезбедат новоформирани фирми, или за проекти за кои и самите се свесни дека не се способни да ги реализираат за 5 години, а камоли за една – изјави пратеникот на ВМРО-ДПМНЕ.

The post ДАЈТЕ 15% ПОВИСОКИ ПЛАТИ ЗА АДМИНИСТРАЦИЈАТА И 10% ЗА ПОЛИЦИЈАТА Еве што содржат 200 амандмани на опозицијата за новиот буџет на државата appeared first on plusinfo.mk.

Ова се тие мерки:

1. Викенд без ДДВ за прехранбени производи. Во просек, цените на прехранбените производи се зголемени за 30% за септември во однос на истиот месец претходната година. Законското решение предвидува секој викенд во период на прогласена кризна состојба да биде Викенд без ДДВ за основните прехранбени производи.

2. Oдложување на прогресивното оданочување, кое треба да стапи на 1.1.2023 година. ВМРО – ДПМНЕ е против овој концепт на прогресивно оданочување и се залага за рамен данок како што е во моментов, но и za постепено намалување до ниво од 8% во зависност од економските прилики. „Владата мора да се откаже од казнување на најпродуктивните лица во Македонија. Не смееме да дозволиме вработените во ИТ секторот поради несоодветни даночни политики да ни заминат. Токму затоа предлагаме најпрво одложување на прогресивното оданочување, а по парламентарните избори граѓаните да одлучат дали се за зголемување на даноците и даночната евазија или за рационализација на јавните расходи и постепено намалување на данокот на личен доход“, се вели во партиското соопштение.

3. Дополнување на Законот за финансиска поддршка на граѓаните со категории на граѓани кои се испуштени. Пакетот мерки за граѓаните кој го презентираше Владата изнесува околу 18 милиони евра и е недоволен. „Токму затоа преку амандмани ќе побараме финансиската поддршка наместо четири месеци да биде секој месец додека има прогласена кризна состојба, односно заклучно со април 2023 година. Дополнително, ќе бараме сите самохрани родители да бидат опфатени, а не само тие чии деца се на возраст до 7 години и се приматели на гарантирана минална помош. Покрај проширување на опфатот за самохраните родители бараме месечна финансиска поддршка од 3.000 денари и за: средношколците, невработените лица кои се активни баратели на работа според евиденцијата на АВРМ, децата без родители и родителска грижа, како и корисниците на гарантирана минимална помош. Освен овие заборавени категории на граѓани, предлагаме и целосен опфат на пензионерите и вистинска финансиска помош за нив и тоа: по 3.000 денари месечно за приматели на пензија до 14.000 денари, по 2.000 денари за приматели на пензија до 30.000 денари и за примателите на пензија повисока од 30.000 денари месечна финансиска поддршка од 1.000 денари“, се објаснува во соопштението.

4. За студентите враќање на мерката субвенциониран студентски оброк како лани и зголемување од 120 денари на 16 денари дневно.

5. Покрај за АД ЕСМ, нафтените резерви да бидат на располагање во краен случај и за образовните и здравствените институции кои ги користат овие енергенси за затоплување. Со предлог дополнувањата во Законот за задолжителни нафтени резерви, планот на Владата е АД ЕСМ да ги искористи државните резерви на мазут и дизел гориво за производство на топлинска и електрична енергија. „Не смееме да дозволиме нашите деца и пациентите да се смрзнуваат поради високите цени на енергенсите. Мора да оставиме законска можност во случај на екстремно високи цени на светските берзи, покрај АД ЕСМ и овие јавни установи да ги користат нафтените резерви“.

6. Огревното дрво и пелетите да се ослободат од ДДВ. Според податоци на Државниот завод за статистика од 2019 година, 280.000 домаќинства се греат на огревно дрво, а 50.000 домаќинства со пелети или брикети. „Со нашиот предлог ќе дојде до поевтинување на огревното дрво за 18%, а на пелетите за 5%“, велат пратениците на ВМРО-ДПМНЕ.

7. 50% намалување на акцизите за моторните горива т.е. дизелот и бензините.

The post ОВА СЕ СЕДУМТЕ МЕРКИ ШТО ЌЕ ГИ ПРЕДЛОЖАТ ПРАТЕНИЦИТЕ НА ВМРО-ДПМНЕ Викенд без ДДВ и да не мрзнеме зимава appeared first on plusinfo.mk.

Таа информира дека повратот на ДДВ од мерката „Викенд без ДДВ“ е  исплатен, освен во случаите каде што има проблеми со трансакциската сметка.

– Во делот на оние 5000 корисници на „Мој ДДВ“, неопходно е да се направи корекција, доколку одредени лица смениле банка – рече Лукаревска.

Таа најави дека  наскоро ќе биде промовирана  и новина во делот на „Мој ДДВ“, која што ќе се однесува на самиот систем ЕПДД.

The post Лукаревска: Исплатен е повратот од „Викенд без ДДВ“, кај дел од граѓаните има проблем со трансакциските appeared first on plusinfo.mk.

– Во деновите 10, 11 и 12 октомври 2020 година, вкупно 204.088 граѓани купиле македонски производи и услуги како и компјутерска опрема и издадените фискални сметки ги скенирале преку апликацијата МојДДВ. Притоа е остварен промет од 558 176 715 денари со што граѓаните ќе остварат враќање на ДДВ во износ од 66 853 929 денари – информираат од УЈП.

Управата за јавни приходи ќе им ги исплати парите на граѓаните на нивните трансакциски сметки во рок од 15 дена од последниот ден на скенирање на фискалните сметки.

Од анализите и споредбите што ги направи Управата за јавни приходи потрошувачката на македонски производи во овој Викенд без ДДВ во споредба со потрошувачката на истите производи во претходните викенди во истиот месец е за 2,2 пати зголемена.

Дополнително скенирани се 3 пати повеќе фискални сметки и остварен е и 9,5 пати поголем промет од македонски прозиводи овој викенд во однос на истиот од минатата година.

Првата мерка од 4 – сет на антикризни мерки што ги донесе Владата стартуваше токму со мерката ,,Викенд без ДДВ“ кој целосно ја спроведе Управата за јавни приходи.

– Резултатите од оваа мерка се повеќе од успешни бидејќи значат повеќе пари назад кај граѓаните, зајакнување на домашниот буџет и истовремено зголемена потрошувачка на македонски производи и услуги. Поттикнување на промет кај македонските компании е поддршка во услови на криза, која влијае и на подобрување на ликвидноста на компаниите – велат од УЈП.

The post Во викендот без ДДВ остварен е промет од над 9 милиони евра appeared first on plusinfo.mk.

Ова, како што информираат за МИА од УЈП, е согласно скенираните сметки преку апликцијата Мој ДДВ, која беше приспособена за реализација на оваа мерка.

– Согласно овие податоци вкупниот промет од македонски производи во деновите без ДДВ на 10,11 и 12 октомври, споредено со претходните три дена на 7,8 и 9 октомври е зголемен двапати – оценуваат од Управата за јавни приходи.

Оттаму очекуваат измени до завршување на рокот за скенирање на фискалните сметки, бидејќи фискалните сметки од Викендот без ДДВ се скенираат во рок од три дена по издавањето на сметката, што значи дека сметките издадени на 10 октомври може да ги скенираат заклучно со денеска, сметките од 11 октомври се скенираат заклучно со утре, односно 14 октомври 2020 година и сметките издадени на 12 октомври се скенираат заклучно со 15 октомври.

Викендот без ДДВ, е мерка од четвртиот пакет антикризни мерки во која граѓаните имаа можност да купат македонски производи и услуги и компјутерска опрема при што ќе им биде вратен целосно пресметаниот ДДВ.

Секој граѓанин можеше во овие три дена да добие поврат на целиот ДДВ за направен вкупен промет до 30.000 денари. За тоа требаше да ги земе фискалните сметки и во рок од три дена од издавањето на сметката да ја скенира преку апликацијата Мој ДДВ. За да се реализира целиот поврат на фискалната сметка производите треба да бидат раздвоени и означени како македонски.

За прометот над 30.000 денари што го оствариле граѓаните во овие три дена важат воспоставените правила за поврат на 20 отсто од платениот ДДВ за домашните производи и услуги и 10 отсто за странските, а повратот ќе се врши по истекот на тримесечјето.

Парите од пресметаниот ДДВ за прометот во Викендот без ДДВ на граѓаните ќе им бидат вратени до крајот на месецот на нивната трансакциска сметка.

Целта на оваа мерка, која претставува и почеток на реализација на четвртиот пакет антикризни мерки вредни 470 милиони евра, е да им се даде можност на граѓаните да извршат целосен поврат на данокот на додадена вредност за прометот реализиран преку фискални сметки издадени за периодот 10, 11 и 12 октомври.

Проценките се дека со оваа мерка кај граѓаните ќе се слеат 17.000 милиони евра, а целта е да се поттикне прометот на домашни производи и услуги, како и заради зголемена дигитализација на нашето општество.

Оваа мерка можеа да ја искористат околу 350 000 граѓани кои се регистрирани во системот на Управата за јавни приходи за скенирање фискални сметки.

The post 8,5 милиони евра реализиран промет во Викендот без ДДВ appeared first on plusinfo.mk.

За време на продолжениот викенд, инспекторите извршиле вкупно 1.366 контроли и 104 надзори во угостителски објекти согласно Законот за угостителска дејност, Законот за заштита од пушењето, здравствените протоколи, Законот за угостителска дејност, Уредба со законска сила за примена на Законот за трговија и Закон за заштита на потрошувачи.

Најмногу неправилности се констатирани во саботата, на 10 октомври, за кои ќе бидат поднесени 12 кривични пријави и четири прекршочни пријави за угостителски објекти кои ги прекршиле здравствените протоколи и изречени се 9 мерки за прекршување на законите за трговија и за потрошувачи.

Во неделата, 11 октомври, и вчера, Инспекторатот констатира намалување на неправилности.

Изречени ќе бидат вкупно 15 кривични пријави на угостителски објекти за прекршување на здравствените протоколи и четири прекршочни пријави за непочитување на работно време, забрана за пушење цигари и затекнати нерегистрирани објекти и една мерка за непостапување по издадено решение за привремена забрана за вршење дејност.

Во делот на Законите за трговија и за заштита на потрошувачите, во истиот период се изречени 10 мерки за прекршување на овие два закона и констатирани се пет прекршоци на Законот за трговија.

The post Угостителите и трговците викендот ги прекршиле и здравствените протоколи и законите appeared first on plusinfo.mk.

– На граѓаните кои вчера ја искористиле оваа мерка, ќе им се врати целосниот ДДВ за купените македонски производи, услуги, како и за купена компјутерска опрема, во рок од 15 дена од издадената сметка односно до крајот на овој месец – соопшти УЈП.

Мерката трае заклучно со утре, 12 октомври, а граѓаните треба да ги скенираат сметките во рок од три дена по нивното издавање.

The post УЈП: Прометот од македонски производи вчера е зголемен трипати appeared first on plusinfo.mk.

За враќање на целиот износ на данокот, како што се посочува, граѓаните треба да ги скенираат фискалните сметки во рок од три дена по нивното издавање, а доколку ги скенираат по истекот на овој рок, враќањето на ДДВ за овие производи ќе продолжи како досега, односно ќе се пресметува со 20 отсто од платениот ДДВ во фискалната сметка исто така и надминатиот износ од вкупниот промет ќе се пресметува согласно редовната пресметка односно 20 отсто.

Враќањето на целосниот износ на ДДВ ќе се изврши во рок од 15 дена од денот на скенираните сметки, додаваат од Управата за јавни приходи.

The post УЈП соопшти кои компјутери и опрема имаат повластени даночни стапки и можат да се купат овој викенд appeared first on plusinfo.mk.

Секој граѓанин ќе добие поврат на целиот ДДВ за направен промет во овие три дена во вкупен износ до 30.000 денари. За тоа да го добијат повратот на ДДВ, граѓаните треба да ги скенираат фискалните сметки, во рок од три дена од издавањето. Скенирањето се врши преку апликацијата Мој ДДВ, а парите ќе му бидат вратени во рок од 15 дена на трансакциска сметка.

Меркате, која е дел од четвртиот економки пакет мерки вреди 470 милиони евра

Највисокиот износ за кој граѓаните би имале право на враќање на целиот износ на данок изнесува 30.000 денари вкупен промет регистриран во сите фискални сметки кои се издадени во овие денови. За прометот над 30.000 денари ќе важат воспоставените правила за поврат на 20 отсто од платениот ДДВ за домашните производи и услуги и 10 отсто за странските, а повратот ќе се врши по истекот на тримесечјето.

Проценките се дека со оваа мерка кај граѓаните ќе се слеат 17.000 милиони евра, а целта е да се поттикне прометот на домашни производи и услуги, како и заради зголемена дигитализација на нашето општество.

Моментално околу 350 000 граѓани кои се регистрирани во системот МојДДВ можат да ја користат оваа мерка, но секој кој сака поврат на ДДВ од прометот направен за продолжениот празничен викенд ќе треба да се регистриа во системот на УЈП. Се очекува бројката на регистрирани граѓани во системот да се искачи на 400 000 граѓани.

За реализација на оваа мерка вчера беа донесени законски измени од страна на Собранието, а Управата за јавни приходи искажа подготвеност за нејзино спроведување.

The post Викенд без ДДВ: Купувајте домашни производи, државата го враќа целиот износ на ДДВ appeared first on plusinfo.mk.