Телото на 64-годишен скопјанец било пронајдено синоќа во летниковец на Средно Водно, на местото познато како „Видиковец“, откако претходно бил пријавен за исчезнат.

Станува збор за Б.П. од Скопје, кој според пријавата се оддалечил од својот дом пред да биде пронајден без знаци на живот.

На местото интервенирала Итна медицинска помош, чиј лекар ја констатирал смртта.

По наредба на јавен обвинител, телото на починатиот е дадено на обдукција со цел да се утврдат причините за смртта.

The post МРТОВ СКОПЈАНЕЦ ПРОНАЈДЕН КАЈ „ВИДИКОВЕЦ“ Телото најдено во летниковец на Водно appeared first on plusinfo.mk.

Пожарот избувнал околу 18 часот вчера, а потоа брзо се раширил и ја зафатил блиската шума на исток кон Беласица.

-ТППЕ Струмица веднаш испрати две против – пожарни возила и шест пожарникари на местото на пожарот. Успешно беше спречено неговото ширење кон околната шума и прераснување во поголем шумски пожар, стои во информацијата од струмичките пожарникари.

Mостот видиковец пред Смоларскиот водопад пред еден месец беше реконструиран преку Центарот за развој на Југоисточниот Плански Регион (ЦРЈИПР). Мештаните од Смоларе се сомневаат дека пожарот е подметнат од несовесни граѓани или посетители во текот на вчерашниот ден, или пак е резултат на невнимание.

„Некој ‘совесен’ сограѓанин ја запалил платформата на Смоларски водопад и предизвика пожар кој се прошири кон исток на Беласица. Сторителот мора да биде најстрого санкциониран, зашто ова е зло кон општеството во кое живееме. Од денеска се забранува пристап на Смоларски водопад поради безбедносни причини, сѐ додека не биде изградена нова платформа на водопадот“, објави на Фејсбук градоначалникот на Ново Село Ѓорѓе Божинов.

Смоларскиот водопад е лоциран над селото Смоларе, во Општина Ново Село и една од најголемите туристички атракции во овој регион. Висок е 39, 5 метри и е единствен постојан водопад во државата.

The post ЗАБРАНЕТ Е ПРИСТАПОТ ДО СМОЛАРСКИОТ ВОДОПАД Синоќа изгоре видиковецот кој беше реновиран пред еден месец appeared first on plusinfo.mk.