Наместо лепотаниве од СДСМ да се занимаваат со тоа: Дали директорот на АХВ спротивно на законот ги демне вработените преку видео надзор?, овие се занимаваат со тематика која не ја знаат ниту образовно ниту суштински.

Само накусо:

Ќе се отвора рудник во село Луке за антимон и тоа ќе било еколошка бомба, а не и стратешко однесување кон нашите најголеми пријатели САД и немаат поим што значи металургија како наука и во исто време го обвинуваат градоначалникот на Крива Паланка дека е во договор со премиерот и немал капацитет да контролира 10 крави, а не пак рудник.

Многу ми е жал што Венко Филипче (Докторот) не може да се осознае дека е заложник на фамилијата Фрчковски и уште на неколку злобни „вештери и вештерки“ кои му копаат политички гроб.

Да признавам дека градоначалникот на Крива Паланка нема капацитет за следниве работи:

• Да должи пари на сите пратеници и стари другарки
• Да се ушмркуе со кокаин на работно место
• Да плаче по градски ликови од Скопје за Виктор Грозданов не го објави на каков начин добил донација од Општина Центар, а не некое сиромашно семејство
• Да секој ден се буди како да направи некоја партиска подметачина и да го лаже Докторот со небитни информации  итн (има уште многу, ама не е баш тема за колумнава)

Напомена: Докторот е сериозно многу добра и човечна личност, ама политички е наивен.

Туку да се вратам на клучната тема.

Почитуван г-дин Мицкоски ( во продолжение Христијан) ти се обраќам лично зошто и ти знаеш да бидеш пред се човечен. Христијан директорот на АХВ воспоставил видео надзор во ходниците на агенцијата и во живо ги следи вработените преку воспоставен мониторинг од неговата канцеларија. Плус тоа може да го видат и оние кои одат на официјални службени или пак некогаш и приватни средби во самата агенција.

И јас сум бил директор и да во ходниците на фирмите во кои сум ги раководел имало камери, телевизии (семејството на Канал 5) и фирма за телекомуникации под договори за државна тајна и строго доверливо и никогаш мониторингот не бил кај мене туку кај обезбедувањето зошто имаат таков сертификат, а камерите биле од сериозен заштитно- безбедносен карактер на фирмите. Со две раце потпишувам дека ниту газдите на овие фирми, ниту моите претходници и наследници не ги демнеа вработените.

И јас имам дилема Христијан, дали овој човек има манијакално-воајерски склоности и дали се затвора во својата канцеларија и се самозадоволува, со набљудување на вработените без разлика на пол, националност, вера или религија?

Моето мислење е дека мора веднаш да издадеш наредба до Универзитетската психијатриска болница-Скопје и да дадат стручно мислење за ваквото однесување.

Веднаш да дадеш наредба до правосудните органи за постапување по однос на злоупотреба на лични податоци, ако ги снима вработените во посебни бази за податоци.

Одлуката за негово разрешување ќе ти ја објаснам на специфичен начин.

И сега Христијан имам прашање, ти сам знаеше дека ако имаме политички недоразбирања тоа не значи дека не си ги почитуваме фамилијарните вредности кои се во двонасочна улица. И јас Вас како фамилија и Вие исто така.

Сега гарант некој од тие твоите додворувачи-оговарачи кои имаат намера да ти забијат нож в грб ќе добие инфаркт или стомачен вирус. Но тие се небитни.

Замисли јас како Виктор Грозданов да сум назначен од твоја страна во некоја агенција и да ти набљудувам, демнам член на фамилијата, без разлика дали е сопруга, дете или родител. Што ќе ми кажеш?

Јас ќе ти одговорам. Има хеликоптерине од Италија да ги донесеше за 24 часа, да ги наоружаш до заби и само да ме прашаш Виктор друже каде си?

Христијан зборував со многумина. Верувај ми дека сите го имаат истото мислење за оваа личност: Дека е абдал над абдалите. Итно разреши го.

Грев ми е за фамилија Ѕинго, Љупчо Димовски и родениот му татко Стојан Миланов.

Од стариот Ѕинго инаку побратим на Лазар Мојсов научив дека ако нема индустрија нема кој да ја рани Македонија и кој ќе дава пари во медиумите. За другите двајца сум слушал незнам дали е точно дека биле видно малтретирани од безбедносни служби и дека не попуштиле при гласањето кога го изгубивме уставното оригинално име.

И овој човек плука врз нивните кариери. А најмногу врз твојата. Бери памет Христијан. Овој не заслужува име да му спомнувам, како што забележуваш.

Да живее Македонија!

The post Лично до премиерот Христијан Мицкоски – АХВ ја раководи директор или „воајер-пазач“? appeared first on plusinfo.mk.

Агенцијата за заштита на личните податоци (АЗЛП) тврди дека одговорила на прашањата од порталот А1он.мк во врска со статијата „Директорот ги ‘шпионира’ вработените во АХВ со камери, ги демне по цел ден во неговата канцеларија“, достапна на следниот линк: https://a1on.mk/macedonia/direktorot-gi-shpionira-vrabotenite-vo-ahv-so-kameri-demne-pred-video-nadzorot-vo-negovata-kancelarija/, која беше пренесена и на порталот Плусинфо ДИРЕКТОРОТ НА АХВ ГИ ДЕМНЕ ВРАБОТЕНИТЕ СО КАМЕРИ – plusinfo.mk

„АЗЛП ја информира јавноста и медиумите дека тврдењата за наводното ‘неодговарање“ на новинарски прашања на порталот А1он не се точни. На 01.04.2026 година, АЗЛП примила новинарско прашање од редакцијата на А1он во врска со видео надзорот во Агенцијата за храна и ветеринарство (АХВ). Прашањата беа евидентирани и разгледани согласно законските процедури, а на 03.04.2026 година, АЗЛП достави комплетен одговор на сите поставени прашања“, се наведува во реакцијата на Агенцијата.

Агенцијата потенцира дека сите новинарски прашања биле примени и обработени во согласност со законските прописи, одговорите биле комплетно доставени на наведената дата.

„Со ова, АЗЛП демантира дека ‘не се јавува’ или ‘не одговара’ на новинарските прашања“, се додава во реакцијата на Агенцијата.

ДИРЕКТОРОТ НА АХВ ГИ ДЕМНЕ ВРАБОТЕНИТЕ СО КАМЕРИ Кога ќе му дојдат гости, заедно ги гледаат на неговиот огромен монитор

The post АГЕНЦИЈАТА ЗА ЗАШТИТА НА ПОДАТОЦИ ТВРДИ ДЕКА ОДГОВОРИЛА НА ПРАШАЊАТА Доставила комплетен одговор за видео надзорот во Агенцијата за храна appeared first on plusinfo.mk.

Од денеска, првиот воз на батерии превезува патници на хрватските железници. Произведен е од Кончар, ќе се користи за превоз на патници на неелектрифицираната железничка мрежа, а ќе се напојува со батерии кои се полнат исклучиво на станиците за полнење во Бјеловар, Вировитица, Осиек, Вараждин, Пула и Сплит, објави Тпортал.

– Автономијата на возот е околу 200 километри, а заедно со овој проект се изградени шест станици за полнење на батериите. Овој воз ќе сообраќа во Сплит и неговата околина – изјави министерот за море, транспорт и инфраструктура Олег Бутковиќ.

Возот на батерии го произведе компанијата „Кончар“ како дел од проектот Примена на зелени технологии во железничкиот патнички превоз, кофинансиран од Националниот план за закрепнување и отпорност, со вкупна вредност од 17,1 милиони евра.

Батерискиот воз има 113 места за седење и 114 места за стоење и може да достигне брзина од 120 километри на час. Возот е опремен со рампи за влез и излез на лица во инвалидски колички, простор за велосипеди, аудио-визуелен систем за информирање на патниците и видео надзор, а на патниците во возот им е обезбеден бесплатен пристап до интернет.

По првото возење, возот редовно ќе сообраќа на релацијата Вировитица – Бјеловар – Вировитица, а во средината на декември, по завршувањето на станицата за полнење на батериите на станицата Сплит Предграде, ќе биде преместен на линијата Сплит – Каштел Стари – Сплит.

The post ВО ХРВАТСКА ПОЧНА ДА СООБРАЌА ПРВИОТ БАТЕРИСКИ ВОЗ Може да помине 200 километри со брзина од 120 километри на час appeared first on plusinfo.mk.

Во одговор на новинарско прашање, Тошковски рече  зголемувањето на видео-надзорот и присуството на полициски службеници нема да ги реши ваквите девијантни појави, но ќе допринесе за зголемување на безбедноста на граѓаните.

– Многу ми е жал што е случен таков настан и што е споделен со јавноста, бидејќи станува збор за малолетници. Искрено, целокупната јавност е згрозена од ваков тип на настани. МВР во делот на неговата надлежност ќе постапи во насока на она што сметаме дека треба да биде темел на идната работа на полицијата, а тоа максимално засилување на целокупниот видео-надзор и присуството на полициските службеници на терен. Но, тоа нема да ги реши овие девијантни појави и да ги искорени, но во секој случај ќе допринесе да ја зголеми безбедноста и да овозможи на граѓаните да се чувствуваат побезбедно. Овој тип на девијантни појави имало и ќе ги има, наша работа е да сториме сè што е во наша надлежност за да ги спречиме од аспект на преземање на конкретни дејствија – рече Тошковски.

Според Кривичниот законик, додаде, децата немаат кривично-правна одговорност, така што подетална надлежност за овој тип на предмети имаат други институции.

Според соопштението на МВР, двајца првооделенци од училиштето „Димитар поп Георгиев Беровски“ во Ѓорче Петров, завчера, со тврд предмет се обиделе да силуваат свој соученик.

Случајот во полиција го пријавил таткото на жртвата.

– Во СВР Скопје, 44-годишен маж од Скопје пријавил дека во периодот од 11 до 15 часот во двор на основно училиште на подрачјето на Ѓорче Петров, неговиот малолетен син бил физички нападнат од двајца негови соученици, кои со тврд предмет се обиделе да извршат полово дејствије врз него – стои во соопштението на МВР.

Според информации на Сител телевизија, детето веднаш ја информирала наставничката, но, таа не превзела ништо. Пријавата во полиција пристигнала во вторникот доцна попладне, откако бил извршен лекарски преглед врз детето.

Одговорниот наставник на одделението беше суспендиран, додека против четири наставници ќе се поведе дисциплинска постапка. Директорот на училиштето даде оставка од морални причини, а на негово место е поставен в.д. директор.

The post ПОВЕЌЕ КАМЕРИ И ПОЛИЦАЈЦИ НА ТЕРЕН Тошковски жали за половиот напад врз првоодделенецот од негови соученици appeared first on plusinfo.mk.

„Само десетина дена после траорните настани со ликвидацијата на малата Вања и велешанецот Панче, после куп лаги и обиди за прикривање на вистината од МВР, излегува Оливер Спасовски и вели дека секаде каде што има видео-надзор има подобрување на безбедносната состојба и системот им помагал во откривачката дејност. Срам, срам си Спасовски и за граѓаните и за полицијата“ – напиша пратеникот Јанушев на својот профил на Фејсбук.

The post „СРАМ СИ И ЗА ГРАЃАНИТЕ И ЗА ПОЛИЦИЈАТА!“ Пратеникот Јанушев остро го критикува министерот Спасовски appeared first on plusinfo.mk.

Безбедносните камери на улиците се толку прецизни што можат да ја снимат дури и најмалата мозолка на лицето на возачот. Лесно е да се сними користење на мобилниот телефон за време на возењето, неврзаниот сигурносен појас, нерегистрираните или украдени возила, како и бегалците од полицијата. Системот „Безбеден град“, кој е инсталиран во Скопје, Тетово и во Куманово, има можност за препознавање на луѓето по зениците во очите, за препознавање на лажни регистерски таблички, украдени таблички или украдени возила, за брзо возење, за преминување на црвено светло на семафор.

За жал, и покрај тоа што го имаме овој најсовремен безбедносен систем, тој не функционира од непознати причини за јавноста иако граѓаните по секоја трагична сообраќајка бараат да се преземе нешто за да се чувствуваат побезбедни кога се движат по градските улици.

Ова прашање потворно стана актуелно по сообраќајката во која 22-годишно момче прегази 24-годишна девојка на пешачки премин кај „Сити мол“ во Скопје. Иако прашавме во Министерството за внатрешни работи што се чека за да профункционира системот „Безбеден град“, кој го најавуваа и претходниот премиер Зоран Заев и министерот за внатрешни работи Оливер Спасовски, оттаму само молк.

– Треба да го имплементираме Safe city. Една од првите цели кои треба да ги исполни Оливер Спасовски е Safe city, тоа е наведено во писмото што го доби од мене – рече Заев за Канал 5 лани.

Придобивките од функционирањето на овој систем се големи – како финансиски поради редовното и непречено наплатување на казните од што е исклучен човечкиот фактор, така и безбедносни, поради зголемувањето на нивото на сообраќајната култура. Сега, кога работат само камерите за видео надзор на сообраќајот, дневно од Јавното обвинителство има барем по 20 побарувања на снимки за сторени сообраќајни несреќи. Иако полицијата секојдневно се фали дека спроведува зајакнати акциски контроли во целата земја за санкционирање на возила кои се движат со брзина поголема од дозволената, сепак, тоа не е мерка со која долгорочно и масовно ќе се издигне сообраќајната култура и ќе се зголеми безбедноста.

Белграѓани брзо се прилагодија на камерите

За разлика од Скопје, ваков систем веќе две години беспрекорно функционира во Белград, Србија. Надлежните во Белград велат дека воведувањето на сообраќајните камери на улиците придонело за значајно намалување на несреќите и за зголемување на општата безбедност на патиштата.

Сообраќајните камери за автоматска детекција на прекршоците во сообраќајот се еден од најефикасните начини за казнување на несовесните возачи. Нивна голема предност е во тоа што овозможуваат казните да се праќаат редовно, а со тоа нема доцнење во санкционирањето на прекршителите. Овие сложени камери функционираат во зависност од параметрите што ќе се постават. Квалитетот на снимениот видео материјал е голем, зашто овие камери имаат добра резолуција и со зумирање на снимката може да се видат и поситни детали.

Полициските камери во Белград најчесто снимаат прекршоци како што се: поминување на црвено светло на семафор, пречекорување на дозволената брзина на движење, движење во забранет правец, движење во жолта лента, која е за возила за јавниот превоз, непропуштање пешаци на пешачки премин, непочитување на сообраќајната сигнализација, неотстапување првенство на минување на другите возила, непрописно престројување, непрописно паркирање, запирање и задржување на недозволено место.

Рекордот го држи возач од Смедерево, добил дури 84 казни за 4 месеци

Кога сообраќајните камери за видео надзор ќе забележат одреден прекршок, операторот врз основа на регистарските ознаки на возилото, доаѓа до името на сопственикот и проверува дали податоците на возилото се согласуваат со снимкита кои ги направила камерата. Таа снимка, како и местото и времето на прекршокот, се печатат и му се праќаат на домашна адреса на сопственикот на возилото, кој по приемот треба да појде во Одделението за расветлување на прекршоци и да даде изјава.

Кога некое возило ќе помине покрај камерата, таа ја скенира регистарцијата и посебен софтвер ја споредува со таканаречана „црна листа“ на која се наоѓа список на сите возила на кои им истекле регистрациите. На тој начин, без никакво ангажирање на припадниците на сообраќајната полиција на улиците лесно може да се откријат сите оние кои возат нерегистрирани возила. Лани во Србија на овој начин биле фатени повеќе од 20.000 возачи. Рекордот за казни го држи возач од Смедерево кому се врачени 84 прекршочни налози, зашто за 4 месеци во 84 денови е снимен како вози нерегистриран автомобил, и на крајот морал да плати казни од вкупно 755.000 динари.

Видео надзорот во Белград е воведен пред 10 години. На вкупно 262 локации во Белград се поставени 633 сообраќајни камери, а според податоците на МВР на Србије, инсталирани се 357 фиксни и 149 подвижни камери, како и 127 камери кои можат да препознаат регистарски таблички.

The post МОЖЕ ВО БЕЛГРАД, НО НЕ И КАЈ НАС? Сѐ е спремно, само нема кој да го вклучи копчето за „Безбеден град“ appeared first on plusinfo.mk.

Предлогот за поставување на видео надзор и боди камери не се однесува на целата администрација, туку за службениците коишто вршат контрола, надзор и посебни овластувања особено во процесите коишто не можат да се дигитализираат и вклучуваат неопходно учество на човечкиот фактор, појасни на денешната прес-конференција портпаролот на Владата, Душко Арсовски.

Овој предлог, нагласи Арсовски, во наредниот период детално ќе се истражи и анализира од аспект на негова имплементација, опфатот на службениците, обезбедувањето на сигурноста и приватноста на граѓаните, како и техничките и законските можности.

– Дигиталната трансформација на процесите е врвен приоритет на Владата како клучен механизам за сузбивање на корупцијата и за брзи и ефикасни услуги кон граѓаните за институциите коишто се токму во служба на граѓаните. Работна група веќе работи на подготовка на измените и дополнувањата на потребните закони за дигитална трансформација – изјави Арсовски.

Сите измени и дополнувања на потребните закони за дигитализација, посочи Арсовски, ќе бидат подготвени и доставени до Собранието до крајот на август.

The post Влада: Предлогот за видео надзор се однесува само за процесите кои не може да се дигитализираат appeared first on plusinfo.mk.