Во рок од една недела Владата се очекува да го претстави решението со кое правосудниот испит ќе може да се полага и на албански јазик – најави заменик-премиерот за европски прашања Беким Сали на прес-конференција.

Тој рече дека консултациите се во завршна фаза и дека не станува збор само за правосудниот испит, туку и за поширок пакет поврзан со слични прашања.

– Во завршна фаза се консултациите со експерти и верувам дека многу скоро, можеби… сега не сакам да се фаќате за временската рамка, можеби и една недела може да трае до конечната одлука, која ќе ја промовираме на ист начин, верувам – рече Сали.

Тој додаде дека Владата не работи само на решение за правосудниот испит.

– Нема да се работи само за правосудниот испит, туку и за други слични теми – рече Сали.

Најавата доаѓа по протестот во Скопје, на кој се бараше правосудниот испит да може да се полага и на албански јазик. Премиерот Христијан Мицкоски претходно изјави дека Владата работи на „трајно решение“ за ова прашање, но оцени дека на протестот биле прекршувани законите за знамињата и државната химна.

Вицепремиерот Сали ја коментираше и новата транша во износ од 65,7 милиони евра за Македонија во рамките на планот за раст за Западен Балкан и механизмот за реформи и раст. Тој рече дека таа е резултат на координирана работа на институциите, на посветеноста на администрацијата, на политичката одговорност и на решителноста реформите да не останат само на хартија, туку да донесат конкретни резултати за граѓаните.

– Денеска можеме со целосна одговорност да кажеме дека влегуваме во нова фаза на институционално функционирање, каде што резултатите се мерат преку конкретна реализација, ефикасност и способност да ги исполниме обврските што ги преземаме – рече Сали.

Министерот за европски прашање потенцира дека во третиот извештаен период државата пријавила 21 реализиран реформски чекор, од кои 16 чекори се позитивно оценети, а особено значајно е што три биле реализирани пред предвидениот рок.

– Она што денес е важно е дека државата се позиционира меѓу најуспешните земји во регионот во однос на реализацијата на реформската агенда и резултатите не се апстрактни. Тие веќе се видливи во конкретни области. Денес, имаме нова методологија за финансирање на основното и средното образование, интернет и ИТ-опрема во 160 основни училишта, унапредување на дигиталните услуги и електронската идентификација, реформи во управувањето со јавните финансии, поголема институционална транспарентност, намалување на бирократските процедури и поорганизирани инвестиции во човечкиот и дигиталниот развој – рече тој.

The post ЗА ЕДНА НЕДЕЛА ЌЕ ИМАМЕ РЕШЕНИЕ ЗА ПРАВОСУДНИОТ ИСПИТ НА АЛБАНСКИ ЈАЗИК Вицепремиерот Сали вели дека консултациите се во завршна фаза appeared first on plusinfo.mk.

Проблемот со македонските превозници поврзан со воведувањето на новиот ЕЕС систем е високо на агендата во Брисел и се очекува решение во најскоро време, рече заменик претседателот на Владата и министер за транспорт Александар Николоски во интервју за „Топ Тема” на ТВ Телма.

Тој нагласи дека Владата води интензивна дипломатска активност и директно лобирање во европските институции, со цел да се заштитат домашните транспортни компании.

Вицепремиерот посочи дека е започнат официјален дијалог со Европска Комисија, во рамки на новата визна стратегија претставена од претседателката на Европската Комисија, при што македонските превозници за првпат се третираат како професионална категорија.

– Контурите се јасни, а тоа е дека со новата визна стратегија, превозниците се признати за прв пат како професионалци, што досега не беа во таа категорија. Сега има неколку опции што се разгледуваат како можни решенија, а тоа е секоја земја членка на Шенген зоната да издава посебни визи, при што деновите би се броеле само во таа земја, понатаму целосно изземање на возачите по примерот на пилотите и машиновозачите и третата опција со третман како прекугранични работници. Помеѓу овие три модалитети сега се изнаоѓаат решенија. Имаше три состаноци до сега, еден беше на политичко ниво, два беа на техничко ниво и очекувам дека ќе се најде решението. Тоа што е знак на добра волја за Македонија, е дека примената на ЕЕС системот ќе се одложи до крајот на септември месец – рече вицепремиерот Николоски.

На прашањето дали до септември ќе се реши проблемот, вицепремиерот смета дека има доволно време.

– Јас мислам дека за Македонија ќе се реши и тука би сакал да замолам да бидеме многу внимателни за она што доаѓа како информација од соседството. Ова е прашање кое не треба да се политизира, ова е прашање кое се однесува на бизнисот, а не на политиката и треба да ја држиме политиката надвор од ова – изјави вицепремиерот.

Тој посочи дека уште минатата година прашањето било разгледувано на седници на Влада, а Министерството за надворешни работи било овластено да комуницира со европските партнери.

– Верувајте додека не се случи блокадата не беа свесни во ЕУ за кои размери зборуваме – изјави Николоски, потсетувајќи на неговата интензивна меѓународна агенда во однос на ова прашање и потенцирајќи дела Владата останува посветена на изнаоѓање одржливо решение што ќе овозможи непречено функционирање на македонските превозници.

The post ПОСВЕТЕНИ СМЕ НА ИЗНАОЃАЊЕ ТРАЈНО РЕШЕНИЕ ЗА МАКЕДОНСКИТЕ ПРЕВОЗНИЦИ Прашањето е високо на агендата на Брисел appeared first on plusinfo.mk.

Во Коалицијата Вреди се усогласени новите министерски позиции, по изборот на Изет Меџити за градоначалник во Чаир, посочуваат извори од коалицијата за МИА. Од Владата пак за МИА велат дека до нив Вреди сè уште нема доставено предлог и очекуваат, како што денеска кажа премиерот Христијан Мицкоски, тоа да се случи најдоцна до понеделник.

Според извори во коалицијата Вреди, Беким Сали ќе биде кандидат за функцијата прв вицепремиер и министер за евроинтеграции, Мухамед Хоџа за ресорот животна средина, додека Башким Бакиу ќе биде предложен за нов министер за здравство на местото на Азир Алиу. Алиу, пак, треба да ја преземе директорската позиција во Агенцијата за електронски комуникации.

Актуелниот министер за евроинтеграции Орхан Муртезани е номиниран за амбасадор во Брисел.

Премиерот Христијан Мицкоски денеска во изјава за медиумите кажа дека очекува имињата на новите функционери, Вреди до него да ги достави в понеделник, откако ќе бидат искристализирани, но, дополни дека тоа се оние имиња, кои горе долу циркулираат во јавноста.

– Нема да има нови ресори, ВРЕДИ нема да добие плус човек, еден ист човек ќе биде вицепремиер и министер – изјави Мицкоски.

The post САЛИ ЗА ВИЦЕПРЕМИЕР, БАКИУ ВО ЗДРАВСТВО, АЛИУ СЕ СЕЛИ ВО АЕК? Вреди ги усогласи предлозите, ќе ги достави до понеделник appeared first on plusinfo.mk.

Во Коалицијата Вреди сме согласни и го делиме мислењето дека по изборот на Изет Меџити за градоначалник на општина Чаир, на неговото место треба да дојде нашиот предлог – Беким Сали – изјави денеска вицепремиерот задолжен за политики за добро владеење Арбен Фетаи, одговарајќи на новинарско прашање за реконструкција на Владата.

– Изет Меџити имаше две функции во Владата, министер за животна средина и заменик-премиер. Ние сметаме дека треба да предложиме едно име плус, министер за животна средина и заменик-премиер. Оваа недела верувам дека ќе седнеме со премиерот како мандатар најдоцна до утре и ќе најдеме заедничко решение – рече Фетаи.

На новинарско прашање за вчерашното соопштение на Вреди во кое имало критика за министерката за образование и наука Весна Јаневска поради настанот што се случи во Тетово и како напредува со изучување на македонскиот јазик, Фетаи вели дека министерката сама се обратила до јавноста во однос на овој настан.

– Таа кажа дека тоа беше моментална реакција и се извини за истиот настан. Јас можам да кажам дека 35 години живеев надвор и затоа не го знам македонскиот јазик, не сум го учел во училиште, но немам никаков проблем кога ќе го научам македонскиот јазик да се обратам на тој јазик. Мене не ми смета ниту еден јазик, течно говорам четри до пет јазици – додаде Фетаи, кој потврди дека почнал со изучување на македонскиот јазик.

Прашан каква е состојбата во Македонија во моментов и како државата се справува со корупција и кои се најголемите закани, Фетаи изјави дека главните проблеми кои, како што рече, исто така се дел од Извештајот на ЕК се во однос на криминалот и корупцијата, односно судството кое со години нема кредибилитет во однос на решавање на судските процеси за криминал и корупција на високо ниво.

– Вториот предизвик со кој се соочуваме е кризата во Државната комисија за спречување на корупцијата на Република Македонија (ДКСК), односно настаните што се случија таму и кои не можевме да ги решиме додека не завршат локалните избори. Трет предизвик со кој се соочуваме на кој треба да работиме е реформите во правосудниот систем. Реформи во правосудството, во судството, промена на Кривичниот законик, на начин што ќе се доближиме до добрите пракси на ЕУ – изјави Фетаи.

The post НА МЕСТОТО НА МЕЏИТИ, ДВАЈЦА ОД „ВРЕДИ“ ТРЕБА ДА ВЛЕЗАТ ВО ВЛАДАТА Коалициска математика на вицепремиерот Арбен Фетаи appeared first on plusinfo.mk.

Вицепремиерот и министер за животна средина, Изет Меџити, изјави дека доколку победи во трката за градоначалник на Општина Чаир, тогаш заменик-претседателот и поранешен министер, Беким Сали, ќе ја преземе функцијата прв вицепремиер.

Меџити, во изјава за медиумите, нагласи дека во рамките на коалицијата Вреди се согласиле дека Сали е најкомпетентната, најподготвената и најискусната личност за извршување на должноста.

Премиерот Христијан Мицкоски изјави дека Меџити ќе продолжи да ги исполнува своите должности и покрај најавената кандидатура за претстојните локални избори.

The post АКО МЕЏИТИ ПОБЕДИ ВО ЧАИР, САЛИ ЌЕ БИДЕ ВИЦЕПРЕМИЕР Во Вреди паднал договор, поранешниот министер за здравство е најподготвен за таа функција appeared first on plusinfo.mk.

Пратеникот на ДП, Јосип Дабро, попладнево беше уапсен од полицијата откако Собранието на барање на Државното обвинителство му го укина имунитетот поради кривична постапка и евентуален притвор за кршење на правата на децата и недозволено оружје.

Полициски службеници денеска, 26 февруари, по наредба на Општинското државно обвинителство во Осиек лишиле од слобода 42-годишен маж, кој ќе биде предаден на надзорникот на притворот на полициската управа Вуковар-Срем. Потоа, во соработка со државното обвинителство, тој ќе биде изведен на понатамошна постапка во Општинското државно обвинителство во Осиек – соопштија од полициската управа Вуковар-Срем, без да го прецизираат неговиот идентитет.

По рочиштето, Општинското државно обвинителство треба да соопшти дали покренало истрага против Јосип Дабро и побарало мерка притвор поради ризик од влијание врз сведоци и уништување докази.

Апсењето уследи откако парламентот утринава гласаше за одземање на имунитетот на Дабро, дозволувајќи му да биде кривично гонет и осуден на затворска казна со посебно гласање. Укинувањето на имунитетот беше изгласано едногласно со 107 гласа „за“, а определувањето на мерката притвор со 99 гласа „за“ и седум „против“.

Барањето за укинување на имунитетот го поднесе ДОРХ, а пред гласањето во парламентот го потврди и Комисијата за задолжителен имунитет.

Напуштајќи го Собранието предвреме од седницата на која му беше укинат имунитетот, Дабро пред новинарите изјави дека очекува да му биде одреден притвор и дека му се „спакувани торбите“. Тој додаде дека по излегувањето од затвор ќе размисли дали да ја поддржи владејачката коалиција за која е клучно 76-то место во парламентот.

Општинското државно обвинителство во Осиек наведува дека постои основано сомнение дека Дабро во областа Оток во периодот од 2020 до 2024 година дозволил дете да пука од пиштол и автоматска пушка, да фрли експлозивна направа налик на рачна бомба и да расклопи и исчисти автоматска пушка.

НОВ СКАНДАЛ НА ПОРАНЕШНИОТ ХРВАТСКИ ВИЦЕПРЕМИЕР Го учел синот да пука со калашников и да ракува со граната

The post 📽️ УАПСЕН ПОРАНЕШНИОТ ХРВАТСКИ ВИЦЕПРЕМИЕР Пратеникот Дабро го учеше синот да ракува со пушка и со граната appeared first on plusinfo.mk.

Хрватскиот Сабор денеска му го врати пратеничкиот мандат на поранешниот вицепремиер и министер за земјоделство Јосип Дабро, од Движењето Татковина, кој поднесе оставка откако се појавија снимки како пука од огнено оружје од возило во движење.

Дабро за четири дена ќе се врати во собраниските клупи. За негово враќање гласаа 76 пратеници, петмина беа против, додека пратениците од највлијателната СДП ја напуштија седницата пред гласањето.

The post ХРВАТСКИОТ ВИЦЕПРЕМИЕР КОЈ ПУКАШЕ ЌЕ ОСТАНЕ ПРАТЕНИК 76 колеги аминуваа тој да се врати во собраниските клупи appeared first on plusinfo.mk.

Вицепремиерот и министер за земјоделство на Хрватска Јосип Дабро синоќа поднесе оставка откако во јавноста протече видео на кое се гледа како тој преку отворен прозорец пука од пиштол ХС-2000 додека се вози во приватен автомобил.

Оставката, како што објави на својот Фејсбук профил, ја поднесува од морални причини.

Хрватски Индекс напиша дека хрватскиот премиер Андреј Пленковиќ го убедил Дабро да ја преиспита својата одлука да не се повлекува од функцијата најавувајќи дека ќе го разреши.

„Премиерот синоќа разговарал со вицепремиерот Дабра за објавените снимки кои укажуваат на недолично однесување и употреба на огнено оружје“, потврди портпаролот на хрватската влада Марко Милиќ.

Дабро првично рече дека нема да поднесе оставка со образложение дека пукал на приватна прослава.

На снимката што ја објави Јутрањи лист се гледа како Дабро се вози на совозачкото седиште во автомобил облечен лежерно, во шорцеви и маица, и пука од пиштол во близина на населено место. На снимката, Дабро најпрво го репетира пиштолот и вели: „Само за мојот брат Марио“.

Потоа испукува 15 истрели од пиштол низ прозорецот. Кон крајот на снимката, Дабро го става пиштолот во кабината кај совозачкото седиште каде седи и вели: „Поздрав брате Марио, добра ноќ“.

• ХРВАТСКИ ВИЦЕПРЕМИЕР ПУКА ОД ВОЗИЛО ВО НАСЕЛЕНО МЕСТО „Пукав на приватна прослава, не поднесувам оставка“

По објавувањето на видеото, Дабро ја потврди неговата автентичност, но тврдеше дека не пукал со вистински куршуми туку со маневарска муниција.

Хрватската Влада го оцени „ваквото однесување и употреба на огнено оружје како несоодветно и неодговорно“, иако посочуваат дека снимката била направена пред Дабро да стане министер.

Хрватската полиција и обвинителството започнале истрага и утврдуваат дали Дабро сторил кривично дело – загрозување на животот и имотот со општо опасно дело или средство.

The post ПЛЕНКОВИЌ ГО ПРЕМИСЛИЛ ХРВАТСКИОТ ВИЦЕПРЕМИЕР КОЈ ПУКАШЕ ДА ДАДЕ ОСТАВКА Му се јавил велејќи му дека ќе го разреши appeared first on plusinfo.mk.

Вицепремиерот Арбен Фетаи вели дека Обвинителството треба да го повика на распит првиот човек на ДУИ, Али Ахмети, бидејќи во изјава за косовските медиуми кажа дека знаел за локацијата на којашто се крие поранешниот прв вицепремиер Артан Груби.

Според Фетаи, Обвинителството има законска обврска да го повика Ахмети на распит.

„Али Ахмети изјави дека има сознанија за локацијата на Артан Груби, по кого има меѓународна потерница. Јавното обвинителство, врз основа на оваа јавна изјава, има законска обврска да го повика г. Али Ахмети да го праша каде се наоѓа лицето кое го гони правдата на државата“, напиша Фетаи.

Инаку, првиот човек на ДУИ, Али Ахмети вели дека Артан Груби не е во бегство, бидејќи се наоѓа на албанска територија, давајќи му етничка конотација на бегството на поранешниот втор човек на партијата.

Ахмети вети дека Груби ќе се врати и ќе се појави пред органите на прогонот, „но правдата не смее да биде одмаздничка и селективна“.

– Господинот Груби, според информациите што ги имам, не сум го сретнал, но е во ред. Неговата локација е секако на албанска територија, тоа е процес на кој мора да има епилог. Тој не побегнал од Македонија, подготвен е да се појави пред органите на правдата за да ги почитува законите, но не во одмазничка и селективна правда – вели Ахмети.

ГРУБИ ЌЕ СЕ ВРАТЕЛ, АМА САМО АКО НЕ МУ СЕ СПРЕМАЛА „ОДМАЗДНИЧКА ПРАВДА“ Ахмети потврди дека бегалецот се наоѓа на албанска територија

The post ОБВИНИТЕЛСТВОТО ИМА ЗАКОНСКА ОБВРСКА ДА ГО ПОВИКА АХМЕТИ НА РАСПИТ Ќе ја открие ли лидерот на ДУИ точната локација на Груби? appeared first on plusinfo.mk.

– Мислам дека тој треба да се врати и да одговара или да покаже пред правните органи дека е невин. Во тоа се состои системот на правната држава, секој е невин сè додека преку судска процедура не се покаже спротивното – изјави Зијадин Села, претседател на Алијанса за Албанците.

Во меѓувреме продолжуваат партиските прозивки за тоа кој е виновен за случувањата со поранешниот вицепремиер Артан Груби.

The post СЕЛА ГО ПОВИКА ГРУБИ ДА СЕ ВРАТИ ВО МАКЕДОНИЈА Партнерот на Ахмети го повика поранешниот вицепремиер да докаже дека е невин appeared first on plusinfo.mk.