Претседателот на САД, Доналд Трамп го одложи потпишувањето извршна наредба за индустријата за вештачка интелигенција, бидејќи, според него „не му се допаѓале одредени аспекти“.

-Соединетите Американски Држави моментално се пред Кина и остатокот од светот во однос на вештачката интелигенција. Не сакам да правам ништо што би можело да застане на патот на тоа лидерство – изјави Трамп.

Според него, вештачката интелигенција „предизвикува огромно добро“. Тој е загрижен дека извршната наредба „може да биде пречка“.

Регулативата би ѝ дала на американската влада овластување да ги прегледува моделите на вештачка интелигенција пред објавувањето за да идентификува безбедносни закани.

Масовните инвестиции од технолошките гиганти во индустријата за вештачка интелигенција поттикнаа брз раст, помагајќи им на берзите да достигнат нови максимуми, дури и кога војната со Иран и други извори на геополитички конфликт доведоа до глобални економски превирања.

Администрацијата на Трамп, која ја фаворизира вештачката интелигенција, го поздрави движењето кон технологијата и презеде мерки поддржани од лидерите во индустријата.

Но, администрацијата, исто така, презеде некои чекори кон поголем надзор врз вештачката интелигенција.

Федералниот центар за стандарди и иновации на вештачката интелигенција овој месец објави договори со DeepMind на Google, Microsoft и xAI што му овозможуваат да ги оценува моделите на вештачка интелигенција пред да станат јавно достапни.

The post ТРАМП СЕ ПРЕМИСЛИ ОКОЛУ РЕГУЛАЦИЈАТА НА ВЕШТАЧКАТА ИНТЕЛИГЕНЦИЈА Нема да го потпише законот, бидејќи е пречка за раст на индустријата appeared first on plusinfo.mk.

Цената на литиумот на светскиот пазар се зголеми за 77 % во последните 12 месеци, надминувајќи ја дури и таа на златото.

Според прогнозите на UBS Bank вкупната побарувачка за литиум да порасне за 14% оваа година и за 16% следната година.

Металот, кој се нарекува и бело злато, е широко користен во производството на батерии за електрични возила, телефони, лаптопи, во медицината, во производството на стакло отпорно на топлина.

Литиумот доживува нагло зголемување на побарувачката и во сегментот на системи за складирање обновлива енергија во батерии.

The post ЗА ЕДНА ГОДИНА ЦЕНАТА НА ЛИТИУМОТ ПОРАСНА ЗА 77% Се очекува побарувачката годинава да порасне за 14% appeared first on plusinfo.mk.

Глобалните лидери од светот на политиката и технологијата денеска ги истакнаа ризиците и придобивките што ги носи вештачката интелигенција (ВИ) на самитот „Влијание на вештачката интелигенција“ (AI Impact) во Њу Делхи.

Извршниот директор на „OpenAI“, Сем Алтман, повторно повика на формирање глобално регулаторно тело за ВИ по моделот на Меѓународната агенција за атомска енергија, додека генералниот секретар на ОН, Антонио Гутереш, побара поголема поддршка за земјите во развој во областа на идните технологии и формирање на глобален фонд за ВИ, пренесе ДПА.

Индискиот премиер и францускиот претседател Емануел Макрон беа другите клучни говорници на првиот самит за ВИ во Глобалниот Југ, барајќи технологијата да биде достапна за сите.

На четвртиот ден од самитот се расправаше и за заедничка декларација за поголема меѓународна соработка во областа на ВИ, при што во нацрт-текстот се наведува дека одлуките донесени од сегашните лидери ќе го обликуваат светот воден од вештачка интелигенција што ќе го наследат идните генерации.

Алтман, чија компанија го разви ChatGPT, беше меѓу неколкуте врвни технолошки шефови кои присуствуваа. Во својот говор тој рече дека е очигледно оти итно се потребни правила и безбедносни мерки. Во последните месеци, предупредувањата за потенцијално деструктивната моќ на ВИ станаа погласни, во услови на стравувања дека технологијата наскоро би можела да достигне еден вид суперинтелигенција.

– Можеби сме само неколку години подалеку од раните верзии на таквата интелигенција. Ако сме во право, до крајот на 2028 година повеќе од светскиот интелектуален капацитет би можел да се наоѓа во центри за податоци отколку надвор од нив – рече Алтман.

Тој додаде дека ова треба да се сфати сериозно, појаснувајќи дека ВИ фундаментално ќе го промени пазарот на труд. Тој повика на демократизација на вештачката интелигенција, која ја нарече „единствениот фер и безбеден пат напред“.

Алтман укажа на дополнителни опасности и неизвесности во врска со ВИ, вклучувајќи ја нејзината достапност за диктатори или нејзината злоупотреба како биолошко оружје преку создавање на сосема нови патогени или нови типови на војување.

Во меѓувреме, Гутереш изјави дека неговата цел за глобалниот фонд за ВИ е три милијарди долари, што според него е помалку од еден процент од годишниот промет на технолошките компании. Тој изрази надеж дека парите би можеле да се искористат за градење основни капацитети во економски загрозените земји, вклучувајќи општи вештини, податоци и пристапна компјутерска моќ.

Сличен тон со надеж дојде и од шефот на „Alphabet“, Сундар Пичаи, кој рече дека ВИ може да го подобри животот на милијарди луѓе и да реши некои од најтешките прашања во науката. Тој ги истакна потрагата по вакцини и борбата против отпорноста на антибиотици како два потенцијални случаи на употреба.

The post ВЕШТАЧКАТА ИНТЕЛИГЕНЦИЈА ТРЕБА ДА СЕ КОНТРОЛИРА КАКО НУКЛЕАРНАТА ЕНЕРГИЈА Светските лидери дебатираа за ризиците и можностите на ВИ на глобален самит во Индија appeared first on plusinfo.mk.

Туристи во Лондон се собираат на „божиќен базар“ пред Бакингемската палата, но на самото место се покажува дека воопшто нема никаков собир.

Слики креирани со вештачка интелигенција од наводен блескав празничен базар пред британската кралска резиденција кружат на социјалните мрежи, заведувајќи ги посетителите да се упатат кон, всушност – непостоечката „зимска бајка“.

Меѓу страниците што ја шират фотографијата се „Тик-ток“, „Фејсбук“, „Инстаграм“ како и „Лондон травелерс“ (london.travelers) – интернет-страница на американската туристичка компанија „Атотел“ (Athotel) со околу 2,5 милиони следачи. Според „Метро“, таму е објавена лажната ВИ-снимка, којашто подоцна била отстранета.

Поблизок поглед на лажната снимка открива голем број апсурди: „Снежни“ тезги зад портите на палатата (невозможна глетка поради строгите безбедносни мерки) и светла што лебдат во воздух.

Всушност, оваа година Бакингемката палата има само мала божиќна тезга. Тоа е привремената Божиќна продавница „Ројал мјуз“ (Royal Mews Christmas Shop), што ќе работи од 14 ноември до 5 јануари. Во неа се продаваат празнични изданија на официјални кралски сувенири, како и сезонски напитоци и закуски.

The post 🎥 ТУРИСТИ И ГРАЃАНИ НА ЛОНДОН НАСЕДНАА НА ЛАЖНА РЕКЛАМА Вештачката интелигенција „отвори“ новогодишен базар среде Бакингамската палата appeared first on plusinfo.mk.

Новиот поглавар на Католичката црква, чие световно име е Роберт Франсис Превост, денес во разговор со кардиналите кои го избраа за папа во четврток, изјави дека го избрал црковното име Лав XIV затоа што претходниот носител на тоа име, папата Лав XIII (1810-1903), со својата историска енциклика „Rerum Novarum“ покренал социјално прашање во времето на Првата индустриска револуција.

Таа енциклика од 1891 година, чие име значи „За нови работи“, со поднаслов „Права и обврски на капиталот и трудот“ е инаугуративниот текст на „социјалната доктрина“ на Католичката црква, обликувана преку принципите на лично достоинство, солидарност и општото добро.

-Денес, Црквата им нуди на сите своето наследство на социјална доктрина за да одговори на поинаква индустриска револуција и развојот на вештачката интелигенција што претставуваат нови предизвици за човечкото достоинство, правдата и работата – рече папата.

Папата Лав XIV посочи дека ќе ја продолжи визијата и реформите на својот претходник, папата Франциск (1936-2025), велејќи им на кардиналите од целиот свет дека покојниот папа оставил „скапоцено наследство“ кое тие мора да го продолжат и да се движат напред инспирирани од истите надежи родени од верата.

Првиот папа од САД, кој има и државјанство на Перу, каде што поминал повеќе од половина од својот живот како мисионер, наведе голем број основни аспекти за кои се залагал покојниот папа Франциск.

Тоа се „безбеден и храбар дијалог со современиот свет“, „љубезно внимание кон најмалку напуштените“, мисионерска работа, активност на црквата во сите области.

Тој исто така рече дека папата е „скромен слуга на Бога и неговите браќа и ништо друго“.

Утре, папата Лав XIV ќе ја каже својата прва неделна молитва од балконот на базиликата „Свети Петар“ пред илјадници верници и туристи во Ватикан.

The post „ВЕШТАЧКАТА ИНТЕЛИГЕНЦИЈА Е ГЛАВНИОТ ПРЕДИЗВИК НА ЧОВЕШТВОТО“ Папата објасни зошто го одбрал името Лав XIV appeared first on plusinfo.mk.

Американскиот претседател Доналд Трамп на својата социјална мрежа Truth Social сподели видео создадено  од вештачка интелигенција како ќе изгледа Газа по завршувањето на војната и по нејзината реконструкција.

Видеото со наслов „Газа 2025 – што е следно? ја прикажува сегашната разрушена од војна Газа како се трансформира во модерен крајбрежен град, преполн со хотели, облакодери и луѓе.

Оваа визија ја следи неодамнешната идеја на Трамп за преселување на Палестинците во соседните арапски земји, со цел да се изврши масовна реконструкција на местото на уништената Газа.

Целото видео е проткаено со мотиви на луксуз, забава и пари. Во него се појавуваат Трамп и израелскиот премиер Бенџамин Нетанјаху  како се сончаат на плажа и милијардерот Илон Маск како им фрла пари и други нешта.

“TRUMP GAZA NUMBER ONE”

This is real pic.twitter.com/tP5IsjfkRF

— Matthew Foldi (@MatthewFoldi) February 26, 2025

Ова видео доаѓа во време на интензивна дебата за американското учество во мировните напори и можностите за обнова на Блискиот Исток.

Белата куќа не го коментираше ова видео и не прецизираше како се вклопува во актуелните стратегии за надворешна политика.

The post 📽 ТРАМП ВО ГЛАВНА УЛОГА, ЛУКСУЗ, ЗАБАВА И ПАРИ Американскиот претседател објави видео како ја замислува Газа по војната appeared first on plusinfo.mk.

Властите во Кина го завршија проектот за реконструкција на експресен пат, целосно без работници, користејќи вештачка интелигенција, т.е. беспилотни летала, самоуправувачки машини за поплочување и роботи-валјаци. Ова е прв случај од ваков вид во светот.

Надграден е, имено, автопатот што ги поврзува Пекинг, Хонг Конг и Макао. Тоа е скоро 158 километри и сѐ е спроведено без човечка интервенција на лице место, што означува значајна пресвртница во еволуцијата на инфраструктурните проекти управувани од ВИ. Овој проект, според познавачи, е технолошки импресивен, меѓу другото, и поради подобрувањата во ефикасноста, безбедноста и прецизноста, објави порталот „Teк eксплорерс“.

Иако почетниот влог во технологијата за самоуправувачка изградба е голем, долгорочните заштеди во трудот, материјалниот отпад и трошоците за одржување се значителни, велат стручњаците.

Дополнително, со отстранување на луѓето – работници од опасните средини како што е градилиштето, целосно се отстранува опасноста од несреќи, изложеност на топлина и повреди. Меѓу предностите на овој потфат на реновирање на патиштата е и брзината. Рачното обновување на пат од ваков обем би траело со месеци, ако не и години. Со машините контролирани со ВИ, коишто работат непрекинато 24/7, реновирањето беше завршено за неколкукратно покусо време.

The post КИНА „РАБОТИ“ СО ВЕШТАЧКА ИНТЕЛИГЕНЦИЈА Без работници реконструиран е експресен пат appeared first on plusinfo.mk.

– Тоа беше вистински експеримент. Сакавме да видиме и да разбереме како луѓето ќе реагираат на Исус покренат со ВИ. За што би разговарале со Него? Дали би имало интерес да разговараат со Него? Веројатно сме пионери во ова – вели теологот Марко Шмид.

По проектите коишто експериментираа со виртуелна и проширена реалност, црквата одлучи дека следниот чекор е да инсталира т.н. аватари.

– Дебатиравме каков аватар би бил тоа – теолог, личност или светец? Но, тогаш сфативме дека најдобра фигура ќе биде самиот Исус – рече Шмид.

По обуката на ВИ-програмата и полнењето со теолошки написи, посетителите се поканети да му поставуваат прашања на Исус (инсталацијата), со одговори прикажани на екран. Тој одговара во реално време, нудејќи одговори генерирани со ВИ.

AI JESUS TAKES CONFESSIONS IN SWISS CHURCH

St. Peter’s Church in Lucerne introduced an AI-powered Jesus hologram for confessions.

Developed by theologians and computer scientists, the AI is trained on the New Testament and responds to questions in 100 languages.… pic.twitter.com/yFRu5zw0Vc

— Mario Nawfal (@MarioNawfal) November 20, 2024

– Луѓето се советувани да не откриваат никакви лични податоци. Тоа не е исповед. Немаме намера да имитираме признание – дообјасни Шмид.

За време на двомесечниот период на експериментот, повеќе од 1.000 луѓе – вклучувајќи и муслимани и туристи од Кина и Виетнам – ја искористија можноста да комуницираат со аватарот. По испитувањето потоа, две третини од посетителите сметаат дека тоа е духовно искуство.

– Значи, можеме да кажеме дека тие имаа „религиозно-позитивен“ момент со овој Исус покренат со ВИ. За мене, тоа беше изненадување – истакнува Шмид.

Експериментот, исто така, предизвика критики во црковната заедница. Некои католички свештеници протестираа поради употребата на исповедалницата. Протестантите, пак, е против употребата на слики на ваков начин. Шмид вели оти црквата спроведе тест со 30 луѓе пред да го постави аватарот. По почетокот на проектот, таа се погрижи поддршката за верниците секогаш да биде достапна.

– Никогаш не добивме впечаток дека (инсталацијата) зборува чудни работи. Но, се разбира, не можеме да гарантираме дека нема да каже ништо чудно – рече Шмид.

На крајот, токму оваа неизвесност го навела да одлучи дека аватарот засега ќе остане само привремен експеримент.

– Тоа е навистина едноставна и достапна алатка со којашто може да зборувате за религијата, христијанството, христијанската вера… Може да се преобрази во еден вид повеќејазичен духовен водич којшто ќе може да одговори на религиозни прашања – рече Шмид.

За свештеникот, големиот интерес што инсталацијата го предизвика, покажува дека „луѓето сакаат да одат подалеку од Библијата“, тајните и обичаите.

– Мислам дека има потреба да се разговара со Исус. Луѓето сакаат да добијат одговор, сакаат зборови. Сакаат да слушнат што Тој вели – појасни свештеното лице.

The post 📷 📽️ ВЕШТАЧКА ИНТЕЛИГЕНЦИЈА ВО ЦРКВИТЕ Холографски Исус ги пречекува луѓето во исповедалницата appeared first on plusinfo.mk.

Но, настрана парите, она што би можел овој проблем да им каже на програмерите е многу подлабоко. Прашањето гласи:

„Ако е лесно да провериме готови дадени решенија за најсложените проблеми, тогаш зошто не би било лесно и да ги решиме најсложените проблеми? Дали постои асимтерија меѓу овие две нешта или се исти?“

Проблемот популарно се вика П наспроти НП. П е множество од проблеми кои компјутерите ги решаваат ефикасно, како сортирање колона од броеви во табела или наоѓање на најкратката патека помеѓу две адреси на карта. НП, од друга страна, е множеството на проблеми за кои компјутерите можат само да проверуват решенија.

Со други зборови, П е кога решавате некој проблем директно, а НП е кога, не знаејќи како да го решите проблемот, нудите разни одговори, под а), под б), под ц) и потоа проверувате дали некој од одговорите одговара за решение.

Второто изгледа потешко, односно подолго, бидејќи проверувате од решение до решение и навидум е логично дека НП е поголемо множество од П. Но, дали е тоа така и како да се докаже?

Она што ги зачудува компјутерџиите и математичарите е дека сложените проблеми иако се сложени, кога веќе еднаш ќе ги решите, или ќе понудите решение за нив, брзо можат да бидат проверени во нивната точност.

Замислете дека сте напишале книга бестселер и дека планирате светска турнеја во многу градови и барате како најевтино да ги резервирате летовите со авион за да стигнете до сите места. Проблемот е сложен затоа што има многу рути и летови, многу комбинации кои можете да ги направите.

Па сепак, ако некој од страна ви каже дека го нашол решението и ви понуди готова рута која тој смета дека е најоптималната, вие потоа лесно може да проверите дали рутата е точна, односно дали го опфаќа секој град што планирате да го посетите.

Си велите, чекај, можам да напишам алгоритам кој со кратенка, со некаква равенка или збир од равенки ќе избегне да треба да проверува милиони решенија и ќе ги провери само тие кои се оптимални…Но, многу често постојат нерешливи проблеми, нерешливи и поради комплексноста и поради обемот.

Начинот на којшто П и НП најчесто се прикажани е како множества, со тоа што П е дел од НП. Тоа е затоа што за да решите еден проблем, а не само да проверувате од можни готови решенија, е исто како да сте ги провериле сите можни решенија за проблемот и сте дошле до точното.

Значи, П е подмножество на НП. Но, постојат проблеми кои се дел од НП, а не се дел од П. Овие проблеми ги мачат научниците. Тоа се проблемите за кои не знаеме ниту дали може да постои алгоритам за решавање.

И тука доаѓаме до уште еден проблем. Што е алгоритам? За да имате алгоритам кој решава судоку тој треба да може да ги решава сите можни судокуа на светот. Исто како да ги има проверено решенија. Значи треба да биде и П и НП? Значи, можеби П не е само подмножество на НП и нивниот однос е друг.

Она што е најфасцинантно во целиот проблем, за кој научниците само се сплеткуваат со години, е дека неговото решавање може да отвори нова врата во компјутерската безбедност и енкрипцијата. Ако ние знаеме на кој начин проблемите усложнуваат, односно алгоритмите за нивно решавање усложнуваат, тогаш многу подобро ќе знаеме како да измислиме сложени шифри, пасворди…Криптографијата веќе се бави со 13-цифрени броеви кои содржат и букви, но да се открие метод кој ја пробива сложеноста наместо да ги проверува комбинациите од 13^n e многу потешоко.

Тогаш експоненцијалноста на проблемите не би била проблем бидејќи би го знаеле начинот на којшто сето тоа се случува и дали и до каде оваа комплексност може да се реши. Сега за сега, нашите можности се ограничени. Ако на најбрзите суперкомпјутери денеска им дадете равенка со 2 на n-та и тој n биде поголем од 300, тогаш тој број веќе го надминува борот на атоми во универзумот за кој знаеме. Тоа значи дека за да го реши проблемот суперкомпјутерот ќе врти и ќе врти…за некои проблеми ќе врти и повеќе од возраста на универзумот, која е 13,7 милијарди години.

Легендарниот математичар Курт Годел забележал и нешто друго. Дека самата математика како наука можеме да ја опишеме како самиот овој проблем П спроти НП. Тој на својот колега Џон Фон Нојман во писмо во 1956 година му напишал дека ако П=НП тоа „ќе има последици од најголемо значење. Имено, тоа очигледно би значело дека … менталната работа на математичарот во врска со прашањата да-или-не може целосно да се замени со машина“.

The post НАЈВАЖНИОТ НЕРЕШЕН ПРОБЛЕМ НА КОМПЈУТЕРЏИИТЕ Кој ќе го пробие ова добива милион долари… appeared first on plusinfo.mk.

За што е загрижен Лег, па мисли дека ВОИ може да се постигне за 5 години од денес? За фактот дека вештачката интелигенција може да учи многу брзо, дури експоненцијално.

– Постои голема желба (кај компаниите) да се направи поскалабилен алгоритам за искористување на сите овие компјутерски податоци. Па, си мислам дека ќе биде многу веројатно дека ќе почнеме да откриваме скалабилни алгоритми за да го направиме ова.

Според еден друг познат футурист, Реј Курцвајл, оваа состојба на ВОИ, која тој ја нарекува Сингуларност ќе биде постигната во 2054 година. Курцвајл го напишал ова во книгата насловена „Духовни машини“ од 1999 година. Лег објаснува дека овој аргумент дека работите можат да одат многу брзо, речиси експоненцијално, барем неколку децении, влијаел на неговата претпоставка.

I had a lot of fun chatting with @ShaneLegg – Founder & Chief AGI Scientist, Google DeepMind

We discuss:

– Why he expects AGI around 2028
– How to align superhuman models
– What new architectures needed for AGI
– Has Deepmind sped up capabilities or safety more?
– Why… pic.twitter.com/AVKmLx6nt0

— Dwarkesh Patel (@dwarkesh_sp) October 26, 2023

Милијардерот Илон Маск на социјалната мрежа Икс напиша дека е загрижен:

„Првпат имаме ситуација да се раѓа нешто што е помпаметно од најпаметниот човек. Не ми е јасно дали воопшто можеме да контролираме такво нешто“, забележува тој.

Делегати од 28 земји во светот излегоа со заедничка изјава дека ќе се заложат да развијат заштита од катастрофалните потенцијали на ВИ. Тие сметаат дека никој не може и не треба да го запира развојот на ВИ, но дека само колективно можеме да се одбраниме од несаканите последици. Се работи за делегати од САД, Кина, ЕУ, Обединетото Кралство и од Австралија.

Истовремено, Сем Алтман, човекот кој стои зад компанијата ОпенАИ која го создаде ЧатГПТ се залага за достигнување на оваа „самосвесна интелигенција“ или ВОИ.

И сето тоа се случува во очи на Глобалниот саем за вештачка интелигенција кога многу челници предупредија за можните ризици. Американскиот претседател Џо Бајден, на пример, рече дека е загрижен дека ВИ би можела самата да произведува биохемиско оружје. Според заменик-шефот на неговиот кабинет, Бајден се „освестил“ кога го гледал новото продолжение на филмот „Невозможна мисија“ кадешто вештачка интелигенција се инфлитрира во сите можни системи, планира катастрофи…

Освен филмот, на Бајден му биле покажани и лажни слики со вештачка интелигенција од неговото лице, потоа од неговото куче, а му било демонстрирано и како ВИ може да пишува лоша поезија. 

Бајден потпиша извршна наредба во САД со која се бара да се балансира развојот на вештачката интелигенција, да му се даде тајминг.

The post ЗА 5 ГОДИНИ ВЕШТАЧКАТА ИНТЕЛИГЕНЦИЈА ЌЕ СТАНЕ СВЕСНА? Еден од основачите на Гугл Дип Мајнд смета дека тоа е сосем можно appeared first on plusinfo.mk.