Резервација од околу 36.000 евра за луксузно сместување на 45 лица отвори нови прашања околу групата српски државјани, поддржувачи на српскиот претседател Александар Вучиќ, на кои оваа недела им беше забранет влез во Црна Гора.

Настанот крена прашина пред почетокот на самитот ЕУ-Западен Балкан во Тиват. Самитот е во тек.

Црногорски „Вијести“ објави дека истражителите се обидуваат да утврдат кој ја организирал акцијата и каде требало да бидат сместени сите 87 патници кои во Тиват пристигнале со чартер лет од Белград.

Резервацијата била платена однапред

Според информациите на весникот, договорот бил склучен меѓу туристичката агенција „Хепи Тревел“ од Бијелина и компанијата што управува со комплексот Луштица Беј.

Резервацијата важела за периодот од 3 до 5 јуни.

Наводно биле уплатени и околу 10.500 евра аванс.

Полицијата проверува уште една трага

„Вијести“ објави дека пензионираниот припадник на српската жандармерија Саша Лазиќ наводно бил поврзан со организацијата на сместувањето.

Заедно со уште две лица пристигнал во Црна Гора ден пред депортацијата на групата.

Истражителите проверуваат и дали во организацијата бил вклучен познат бизнисмен од Будва.

Каде требало да престојуваат останатите?

Една од главните дилеми е каде требало да бидат сместени преостанатите 42 лица од групата.

Црногорските служби досега не соопштија детали за тој дел од истрагата.

Од компанијата „Луштица Беј“ соопштија дека резервацијата била направена преку туристичка агенција и дека тие немале директен контакт со лицата кои се предмет на полициската истрага.

„Не беа криминалци“

Безбедносните служби на Црна Гора претходно соопштија дека групата од 87 српски државјани била вратена во Белград затоа што претставувала безбедносен ризик.

Според нив, дел од лицата биле евидентирани за кривични дела и прекршоци со елементи на насилство.

Српскиот претседател Александар Вучиќ ги отфрли таквите тврдења.

– Тие немаа оружје, немаа ништо навредливо или опасно – изјави Вучиќ.

The post ПОЗНАТО КАДЕ ТРЕБАЛО ДА БИДАТ СМЕСТЕНИ ПОДДРЖУВАЧИТЕ НА ВУЧИЌ ВО ТИВАТ Кој платил аванс од 10.500 евра за 45 од 87 лица? appeared first on plusinfo.mk.

Хрватскиот министер за одбрана Иван Анушиќ остро истапил со став дека Хрватска нема да ѝ даде зелено светло на Србија за членство во Европската Унија сè додека не се реши прашањето на исчезнатите лица од времето на Татковинската војна.

– Исчезнатите лица и пристапувањето на Србија во ЕУ се врзани прашања. Не може една држава да даде зелено светло за прием на друга држава со која има отворени билатерални прашања – истакнал Анушиќ, јави „Вијести“.

Хрватска, според податоците на надлежните институции, сè уште трага по останки од 1.740 лица што исчезнале во текот на конфликтот од 1990-тите годинна церемонијата на испраќање на 44. контингент на хрватски војници во мисијата НАТО/КФОР во Косово. и.

Притоа, Анушиќ подвлече дека за Загреб, прашањето на исчезнатите е „прво и најважно“, додавајќи дека Хрватска ќе ја користи својата позиција во Европската Унија за да инсистира на одговорност и вистинска соработка од Белград.

Хрватските медиуми наведуваат дека оваа изјава на Анушиќ е дадена Овој потег, според аналитичарите, ја нагласува улогата на Хрватска како членка на ЕУ и НАТО што сака да ја зацврсти својата политичка тежина на регионално ниво.

Српските власти досега не дале официјална реакција на изјавата на Анушиќ, иако прашањето на исчезнатите лица веќе со години е во етерот.

The post ХРВАТСКИ МИНИСТЕР НАЈАВИ ВЕТО ЗА СРБИЈА Исчезнатите 1.740 лица во Татковинската војна за Загреб се билатерално прашање appeared first on plusinfo.mk.