Извештајот на Европол за зголемениот број кражби на благородни метали од европските музеи до шпанскиот музеј во Виљена (MUVI) стигнал еден ден предоцна. Предупредувањето било примено дури откако крадците го однеле најголемиот дел од „Богатството од Виљена“, една од најзначајните европски збирки на златни предмети од бронзеното време.

Полициската агенција на Европската Унија, Европол, извештајот го објавила на 24 август, три дена пред кражбата. Во документот се предупредува дека нападите врз европските музеи се менуваат и дека криминалците покажуваат сè поголем интерес за злато, други благородни метали и скапоцени камења.

Кражбата се случила во раните утрински часови на 27 август. Алармот во музејот се активирал во 5:16 часот, но крадците дотогаш веќе биле во објектот и успеале да го однесат најголемиот дел од богатството.

Според податоците од електронската пошта, предупредувањето од Европол до музејот стигнало дури следниот ден – 28 август, меѓу 14:00 и 14:05 часот.

Han robado el tesoro de Villena

Un robo profesional y coordinado: se lo llevaron en 4 minutos de una cámara acorazada en el museo

Un valor incalculable: más de 10 kilos de oro con más de 3.000 años de antigüedad#Mañaneros28A pic.twitter.com/Az0aDGeDOb

— Mañaneros 360 (@MananerosTVE) August 28, 2026

Случајот предизвика и политичка дебата за тоа кој е одговорен што предупредувањето не стигнало навреме.

Регионалната влада на Валенсија тврди дека не можела порано да го извести музејот бидејќи предупредувањето не го добила од Министерството за култура пред кражбата да биде завршена.

Според извори од регионалното Одделение за образование, култура и универзитети, министерството им го испратило предупредувањето на автономните заедници во петокот, 28 август, во 13:18 часот. Во писмото било побарано информацијата да биде проследена до музеите.

Музејската служба на „Generalitat“, регионалната влада на Валенсија, му го испратила известувањето на музејот во Виљена помалку од еден час подоцна.

Нандо Пастор, парламентарниот портпарол на конзервативната Народна партија во парламентот на Валенсија, ја бранеше регионалната влада.

– „Generalitat“ не можеше да проследи информации што едноставно не ги добил – изјавил Пастор.

Градоначалникот на Виљена, Фулхенсио Сердан, изразил жалење што предупредувањето не стигнало порано.

– Сигурен сум дека можевме да направиме повеќе – изјавил Сердан, пренесува весникот „La Vanguardia“.

El Ministerio, tras el robo de Villena, convocó a las comunidades y les trasladó el viernes la alerta de Europol.

La Generalitat no pudo trasladar antes una información que sencillamente no había recibido.

@nandopastorl https://t.co/AYetmyyPtm pic.twitter.com/jNzSPvaHR9

— Partido Popular Comunitat Valenciana (@ppcv) August 30, 2026

Во извештајот на Европол се наведува дека кражбите од музеите стануваат „сè поагресивни“, со поместување кон насилни методи и употреба на сила.

Агенцијата предупредува дека благородните метали се особено привлечни за криминалците бидејќи можат да се стопат, со што значително се отежнува следењето на украдените предмети и нивното враќање.

Европол наведува и неколку причини поради кои музеите се привлечна мета за криминалните мрежи. Меѓу нив се нивната „видливост, достапност и перцепцијата дека безбедносните мерки во музеите се помалку строги отколку во продавниците за накит“.

Истрагата за кражбата на „Богатството од Виљена“ продолжува.

Властите се обидуваат да ги лоцираат украдените предмети и да ги идентификуваат сторителите.

The post 📽️ ПРЕДУПРЕДИЈА ЗА КРАЖБИ НА ЗЛАТО, НО ПРЕДОЦНА Исчезна најголемиот дел од вредното музејско богатство appeared first on plusinfo.mk.