Легендарниот актер Вилијам Шатнер, најпознат по улогата на капетан Кирк во серијата „Ѕвездени патеки“, на 94-годишна возраст доживеал итна медицинска ситуација и бил однесен во болница со брза помош откако имал проблеми со нивото на шеќер во крвта, објавија американските медиуми.

Според информациите достапни за јавноста, Шатнер почувствувал ненадејни здравствени проблеми во среда попладне додека бил во својот дом во Лос Анџелес. Веднаш повикал брза помош, а на неговата адреса пристигнала спасувачка екипа. Откако бил прегледан, актерот бил префрлен во блиската болница каде што бил задржан на понатамошен медицински третман. Изворите велат дека Шатнер моментално се чувствува добро и се одмара.
И покрај неговата возраст, Шатнер сè уште има активна актерска кариера и работи на неколку нови проекти. Минатиот месец, тој учествувал на панел-дискусија на „Dragon Con“ во Атланта, каде што повторно го потврди својот статус на еден од најомилените херои меѓу љубителите на научна фантастика.

Неговата улога како капетан Џејмс Т. Кирк, која ја играше од 1966 до 1969 година, остана запишана како едно од најважните достигнувања во историјата на телевизијата. Шатнер ѝ се врати на оваа улога неколку пати – во анимираната серија и во седум филмски продолженија до 1994 година. Публиката го памети и по бројни други телевизиски проекти, меѓу кои се издвојува главната улога во криминалната серија Т.Џ. Хокер.

Неговиот приватен живот беше исто толку често во центарот на вниманието. Шатнер бил во брак четири пати, а особено се истакнувала неговата долгогодишна врска со Елизабет Мартин. По осумнаесет години брак, тие се развеле во 2019 година, но повторно се зближиле за време на пандемијата. Тие биле видени заедно неколку пати во последните неколку години, а медиумите често шпекулираат за повторен брак, иако нема официјална потврда.
Самиот актер во интервјуата признал дека тој и Елизабет се „во суштина повторно венчани“, иако формално не ги обновиле своите завети. Неговите претходни бракови, исто така, предизвикале јавен интерес, особено трагичната судбина на неговата трета сопруга, Нерина Кид, која починала во несреќа во 1999 година.

Без оглед на неговите лични подеми и падови, Шатнер никогаш не криел колку му значат семејството и љубовта. Во едно интервју од 2023 година, тој ја нарекол својата партнерка „зачин на животот“, уште еднаш покажувајќи дека, и покрај сите предизвици, тој пристапува кон животот со ведрина и страст.

Инаку, во 2021 година Шатнер беше еден од почесните вселенски туристи на вселенското летало „Блу Ориџин“ на Џеф Безос и на 90-годишна возраст беше награден со титулата најстар човек во вселената. За своето искуство се отворил на страниците од својата автобиографија кадешто признал дека е разочаран.

– Вселената не е она што мислев. Моето патување во вселената требаше да биде прослава, а наместо тоа се чувствував како на погреб. Ги сакам мистериите на универзумот, но кога погледнав длабоко во вселената, немаше мистерија, никаква величина. Сè што видов беше смрт, студена, темна, црна празнина – признава Шатнер во еден пасус.

The post АКТЕРОТ ВИЛИЈАМ ШАТНЕР ИТНО ПРЕФРЛЕН ВО БОЛНИЦА На легендата на „Ѕвездени патеки“ му се слошило додека се одмарал дома appeared first on plusinfo.mk.

Актерката Пети Јусутаке, која се прослави со улогата во „Ѕвездени патеки“, почина по долга и тешка битка со ракот на 71-годишна возраст.

Смртта на познатата актерка фрли црнина на светската кинематографија, а тажната вест ја потврди долгогодишниот менаџер и пријател на актерката, Кајл Фриц за Deadline.

– Уживавме да работиме заедно. Ќе ми недостига нејзиниот талент и упорност, но најмногу пријателството –  изјави Кајл Фриц за странските медиуми.

Пети Јусутаке е најпозната по улогата на медицинската сестра Алис Огава во франшизата „Ѕвездени патеки“, која постигна голема популарност низ целиот свет и стекна огромен број обожаватели низ сите краеви на планетата.

The post ПОЧИНА АКТЕРКАТА НА „ЅВЕЗДЕНИ ПАТЕКИ“ Се прослави со улогата на медицинската сестра Алис appeared first on plusinfo.mk.

„Со жалење ве известуваме дека светлината на небесниот свод не свети како толку многу години. Синоќа мајка ми Нишел Николс почина од природна смрт. Но нејзината светлина, како древните галаксии кои дури сега ги гледаме првпат, ќе остане со нас и идните генерации за да уживаме во тоа, да учиме од него и да се инспирираме од него“, напиша тој.

 

View this post on Instagram

 

A post shared by Nichelle Nichols (@nichellenicholsofficial)

Улогата во „Ѕвездени патеки: Оригинална серија“ од 1966 година ја одбележа кариерата на Нишел Николс. Таа со својата работа успеа да ги заобиколи втемелените предрасуди со кои се соочуваа црнците во тогашниот телевизиски и филмски бизнис.

Николс, пишува „Гардијан“, се гордеела со познанството со Мартин Лутер Кинг, кој бил обожавател на серијата и кој често ги фалел нејзините улоги.

ФОТО: Инстаграм

The post ПОЧИНА НИШЕЛ НИКОЛС Првата Ухура од „Ѕвездени патеки“ appeared first on plusinfo.mk.

Со тоа Шатнер ќе стане најстарата личност што некогаш патувала во вселената. Тој управуваше со вселенското летало УСС Ентерпрајз на интергалактичката одисеја во „Ѕвездени патеки“, а наскоро ќе тргне и во сопствена одисеја, пишува Си-ен-ен.

– Нештата за коишто глумев, сега ќе ги видам од прва рака. Воодушевен сум, загрижен, малку нервозен и малку исплашен поради оваа нова авантура – рекол Шатнер.

„Блу ориџин“ најави дека Шатнер ќе биде на следниот лет заедно со Одри Пауерс, потпретседателката на компанијата.

Шатнер, Пауерс и уште двајца членови на екипажот полетаа од оддалечениот дел на западен Тексас, помалку од три месеци по првиот лет во вселената со екипажот до „Блу ориџин“. Екипажот ќе ужива во четири минути безтежинска состојба во текот на 11-минутното суборбитално патување. Слично направија Џеф Безос и неговиот брат ова лето.

ФОТО: Твитер

The post СЕ ЗНАЕ И ПРИЧИНАТА Одложено патувањето на 90-годишниот актер во вселената appeared first on plusinfo.mk.

Пред него „рекордот“ го држеше Воли Фанк, која имаше 82 години во јули, кога со Безос беше во „разгледување“ на вселената.

– Веќе долго време слушам за вселената. Ќе ја искористам можноста лично да ја посетам. Какво чудо – рекол актерот, соопштила компанијата на Џеф Безос (57).

„Ѕвездени патеки“ се прикажуваше само три сезони од 1966 година, но имаше големо влијание врз популарната култура и инспирираше неколку филмови и серии со исто име. Тие станаа познати по утописката визија на авторот Џин Роденбери, кој замисли општество во кое човештвото преовладува над победите и се обединува со другите мирни цивилизации што патуваат низ вселената.

Шатнер, исто како и Кирк, беше командант на вселенското летало УСС Ентерпрајз на петгодишна мисија чија цел беше „истражување на необични нови светови, потрага по нов живот и нови цивилизации, смело да се оди таму каде што човекот сѐ уште не бил“.

Но, неговото вистинско патување во вселената ќе биде многу пократко и ќе трае само десет минути. Ракетата ќе го однесе екипажот само преку границата на Карман на 100 километри над Земјата.

The post КАПЕТАН КИРК ЛЕТА ВО ВСЕЛЕНАТА ИДНАТА НЕДЕЛА Актерот ќе стане најстариот астронаут appeared first on plusinfo.mk.