Во време кога трката по чиста енергија станува сѐ поинтензивна, Кина направи чекор што звучи како научна фантастика. Во провинцијата Сечуан беше успешно тестирана првата ветерна електрана што не стои на кула, туку лебди во воздухот, на височина од околу 2.000 метри над земјата.

Станува збор за т.н. воздушна ветерница, систем што користи балон наполнет со хелиум за да се подигне високо над теренот, таму каде што ветровите се посилни и постабилни. Наместо класичен бетонски столб и огромни елиси, целата конструкција е прикачена со кабел за земјата, преку кој се пренесува и произведената електрична енергија.

Тестот траел околу половина час, но резултатите биле повеќе од симболични. За тоа време, системот произвел околу 385 киловатчасови електрична енергија – доволно за напојување на десетици домаќинства или за полнење на поголем број електрични возила. Уште поважно, струјата била успешно вклучена во локалната електромрежа, што го прави овој проект повеќе од лабораториски експеримент.

Клучната предност на ваквиот пристап е висината. На неколку стотици или илјада метри над земјата, ветровите се посилни, попостојани и помалку зависни од локалните временски услови. Тоа значи поголема и постабилна продукција на енергија, без потреба од масивна инфраструктура на земја.

За разлика од офшор ветерниците, кои бараат сложени и скапи конструкции во морето, „воздушната” електрана може релативно лесно да се постави и демонтира. Теоретски, ваквите системи би можеле да се користат и во планински, изолирани или тешко пристапни региони, каде што класичните ветерни паркови се неисплатливи или невозможни.

Секако, пред оваа технологија да стане секојдневие, остануваат сериозни прашања – безбедноста на воздушниот сообраќај, издржливоста на системите при екстремни временски услови и долгорочната економска исплатливост. Но, првиот успешен тест покажува дека концептот функционира и дека не станува збор само за футуристичка идеја.

Ако развојот продолжи со ова темпо, „ветерниците што летаат” би можеле да станат нов симбол на енергетската транзиција. Наместо да го освојува просторот на земјата и морето, човекот очигледно почнува да ја бара чистата енергија – директно во небото.

The post 📽️ ЈА ДОЧЕКАВМЕ И ПРВАТА ЛЕБДЕЧКА ВЕТЕРНИЦА Кина тестираше и електрана што лета и произведува струја appeared first on plusinfo.mk.

– Целта на овој проект е обезбедување на чиста еколошка енергија. Новата електрана ќе произведува 72 гигават часови електрична енергија што значи обезбедување на стабилно снабдување со електрична енергија на 18.000 домаќинства. При изградбата ќе се вклучат локални изведувачи со што дополнително ќе се придонесе за развојот на локалната економија во земјава – рече премиерот Заев по објавувањето на инвестицијата.

Тој нагласи дека при изградбата ќе се имплементира најнова технологија и додаде дека проектот треба да биде готов за две години

Извршниот директор на “Интеренерго“ д.о.о. Љубљана, Блаж Штерк посочи дека со денешниот формален чекор и официјално почнува реализацијата на проектот „ВЕ Гевгелија“ во Богданци.

– По повеќемесечни преговори со Владата ги усогласивме сите детали со што се отвори хоризонт за почеток и имплементација на планот за изградба на овој ветерен парк. Би сакал да потенцирам дека нашето корпоративно искуство во изведба на слични проекти е од големо значење и во таа смисла очекувам договореното да биде рализирано на време и во целост – рече Штерк.

Договорот за изведба и управување со ветерниот парк, нагласи, е од долгорочна природа и се базира на активна, “feed-in“ тарифа, што како механизам ќе придонесе за забрзан раст на инвестициите во технологиите за обновлива енергија.

Тој посочи дека најдоцна до 2023 година ќе бидат ставени во функција шесте ветерни турбини од „ВЕ Гевгелија“ и додаде дека инвестицијата ќе биде реализирана заедно со нивниот партнер „Тригал“ од Љубљана.

The post Нова ветерна електрана од 30 мегавати во Богданци  appeared first on plusinfo.mk.