Порталот  во текст со наслов „Портпаролката Венера Азизи: Владата гради транспарентност која ќе создаде доверба“ го поткрепува барањето со образложение дека повеќе од 90% од граѓаните се информираат по електронски пат и преку социјалните мрежи и дека ретко кој чита весници.

„Јавно ја повикуваме Венера да ја преиспита една од најскандалозните одлуки на претходната Влада, која важи и денес дека огласите мора да се објавуваат во дневен весник, одлука која го оштетува државниот буџет и не му служи на ниту еден граѓанин. Во време кога над 90% од граѓаните се информираат по електронски пат и преку социјалните мрежи, зошто Владата објавува огласи во дневни весници кога се знае колку се читани весниците или треба да кажеме дека можеби има нула читања. Тогаш каде е интересот на Владата да потроши милиони евра за услуга што граѓаните не ја добиваат“, пишува Тетова сот.

Порталот, ја повикува портпаролката на владата Азизи, како и министрите во владата од Вреди да ја спроведат иницијативата бидејќи смета дека доколку се даде простор на онлајн медиумите да имаат корист од државата, тогаш ќе има поголем квалитет и независност, но и зголемување на бројот на вработени во онлајн медиумите.

„Па, тие милиони евра да ги поделиме на сите онлајн медиуми на албански јазик, зошто да зема само весникот Коха? Каква е оваа страшна монополизација во оваа држава? Каде е дигитализацијата на медиумите? Каде е поддршката за медиумите на транспарентен начин? Така што веруваме дека Венера сериозно ќе ја сфати оваа иницијатива и ќе ја истера до крај со помош на вицепремиерот Изет Меџити и министерот за здравство Арбен Таравари. Очекуваме добар пат во оваа насока. Инаку нема ЕУ“, пишува Тетова сот.

The post ТЕТОВА СОТ БАРА ВЛАДАТА ОГЛАСИТЕ ДА ГИ ОБЈАВУВА ВО ЕЛЕКТРОНСКИ МЕДИУМИ, НАМЕСТО ВО ВЕСНИЦИ Тврди декa 90% од граѓаните се информираат од портали, а весниците немаат читаност appeared first on plusinfo.mk.

Печатените медиуми во Хрватска наскоро би можеле да се најдат во неволја. Покрај тоа што тиражите на весниците значително се намалуваат во последно време, сега има вест и дека „Тисак“, компанија која инаку е најголемиот малопродажен дистрибутер на печатени медиуми, ќе престане да дистрибуира весници, објави хрватски Индекс.

„Тисак“, кој е во сопственост на групата „Фортенова“ во последните пет години, е водечки хрватски дистрибутер на печатени материјали, со што честопати знае да се пофали на својата официјална веб-страница.

„Тисак“ вели дека дистрибуцијата не е клучна за нејзиниот бизнис

„Тисак“ вели дека по внимателна анализа, секоја година воведува промени во својот бизнис, сѐ со цел да го направи долгорочно одржлив, а пред сѐ да обезбеди стабилност на работните места за повеќе од 2.000 луѓе, колку што е вкупниот број вработени во компанијата.

„’Тисак’ продолжува да продава печатени материјали, но ги известивме нашите партнери дека повеќе не можеме да ги обезбедуваме нивните услуги за дистрибуција. Имено, досега дистрибуиравме печатени изданија на различни публикации, на разгранета мрежа од над 3.000 локации во Хрватска, што многупати го надминува бројот на продажни локации на ‘Тисак’. За жал, повеќе не можеме да го правиме ова бидејќи дистрибуцијата не е дел од нашата основна дејност, но ќе направиме сѐ што можеме за да не биде загрозена достапноста на печатените изданија на нашите продажни места“, велат тие.

Од „Тисак“ додаваат дека не се единствените кои ја препознаваат важноста за дистрибуција на печатени материјали и обезбедување на нивната достапност, како и општо информирање на јавноста.

„Сметаме дека оваа активност ќе биде комплементарна со оние деловни субјекти кои примарно се фокусирани на дистрибуцијата. Секако дека сме подготвени да го поддржиме трансферот на нашето долгогодишно знаење и искуство во оваа специфична дистрибуција на други заинтересирани страни и со тоа да овозможиме продолжување на оваа важна активност“, појаснуваат од „Тисак“.

Дистрибуцијата на весници преку хрватската пошта е единственото решение

Претседателот на Хрватското здружение на новинари (ХНД), Хрвоје Зовко, тврди дека овој потег на печатот конкретно значи дека следната година Хрватска ќе стане единствената земја од ЕУ без весници на киосците, граѓаните ќе бидат без пристап до општи информативни печатени изданија и дека многу новинари ќе останат без работа.

Според Зовко, факт е дека дневните весници и неделниците имаат најголеми редакции и оти нивното затворање би предизвикало невиден пустош на новинарската професија.

– Ставот на ХНД, а за тоа разговаравме и во ресорното Министерство за култура и медиуми, е дека обврската на државата, според сѐ уште важечкиот Закон за медиуми, е да ги поттикне плурализмот и различноста на медиумите. Дистрибуцијата на весниците преку Хрватска пошта, како јавно претпријатие, ја гледаме како единствено решение. Бројни земји во ЕУ така ја субвенционираат дистрибуцијата на печатот. Секако, таквата државна субвенција подразбира и преземање на обврска, од страна на издавачот, да се спречат масовни отпуштања вработени кои директно работат на производство на медиумски содржини, а потребно е да се воведат механизми кои ќе го обезбедат тоа. Со прекинот на дистрибуцијата, прашање е колку печатени изданија би продолжиле да се издаваат или во каков формат – изјави Зовко.

На прашањето како прекинот на дистрибуција од страна на „Тисак“ може да се одрази на тиражот на весниците, кои и онака значително се намалија во последните години, и какви се можните последици од ваквите одлуки, Зовко одговара дека е можно Хрватска да остане без стотици новинари преку ноќ.

„Оптимисти сме, нема место за паника“

Сепак, претседателот на ХНД е оптимист за овој проблем и смета дека нема место за паника.

– Ние сме оптимисти за решавање на овој проблем и дека нема простор за паника. Задача на државата, издавачите и на ХНД е да направат сѐ за да се обезбеди непречено течење на дистрибуцијата и верувам дека тоа евентуално ќе се случи, а со тоа ќе заштедиме работни места. Во постојан контакт сме со главните уредници и со претставниците на издавачите, Здружението на печатени издавачи и на Министерството за култура и медиуми – потенцираше Зовко.

The post УМИРА ПЕЧАТОТ ВО ХРВАТСКА Гигантската компанија „Тисак“ ќе престане да дистрибуира весници appeared first on plusinfo.mk.

– Од вкупно доставени 333 барања од медиумите за платено политичко рекламирање за претседателските избори, Државната изборна комисија ги потврди барањата на 37 телевизии, 35 радија, 11 печатени медиуми и 249 портали. Две телевизи и три радија ќе треба да достават корекција на ценовниците согласно чл.75 ѓ, ст.11 од Изборниот законик, соопшти ДИК.

Вкупно осум правни субјекти со 10 портали, еден поткаст и едно радио се одбиени поради, како што се наведува, неисполнување на законските услови за регистрација на медиуми за платено политичко рекламирање.

Од вкупно доставени 334 барања за платено политичко рекламирање за парламентарните избори, Државната изборна комисија ги потврди барањата на 37 телевизии, 35 радија, 11 печатени медиуми и 249 портали.

– Две телевизии и три радија ќе треба да достават корекција на ценовниците согласно чл.75 ѓ, ст.11 од Изборниот законик. Вкупно седум правни субјекти со 9 портали, еден поткаст и едно радио се одбиени поради неисполнување на законските услови за регистрација на медиуми за платено политичко рекламирање, се вели во соопштението.

Против решенијата за одбивање на медиумите кои не ги исполнуваат условите за регистрација за платено политичко рекламирање, незадоволната страна има право на тужба до Управен суд на Република Северна Македонија, во рок од 24 часа од приемот на решението.

Регистарот на медиуми кои ќе вршат платено политичко рекламирање и ценовниците ќе бидат достапни на веб-страната на Државната изборна комисија.

Изборната кампања за претседателските избори закажани за 24 април годинава, започнува на 4 април во 00:00 часот и ќе трае до 24:00 часот на 22 април, а кампањата за парламентарните избори, што треба да се одржат на 8 мај, ќе биде од 18 април до 6 мај.

The post ИЗБОРИТЕ ЌЕ ГИ СЛЕДАТ 37 ТЕЛЕВИЗИИ, 35 РАДИЈА, 11 ВЕСНИЦИ И 249 ПОРТАЛИ Толку барања за платено рекламирање се прифатени од ДИК appeared first on plusinfo.mk.

Ама, потоа таквите планови никако да се остварат.

Но, тоа не ги разочарува, напротив – прават нови и нови планови. А имаат и еден план на кој власта постојано се присетуват кога доаѓаат избори: Како да се купи љубовта со телевизиите, ама со народни пари.

Еве, повторно во Парламентот и повторно со европско знаменце се туркаат брзи измени на Законот за аудиовизуелни и медиумски услуги, каде што покрај другите работи власта сака да го озакони државното рекламирање на телевизиите. Истото решение против кое, кога беа во опозиција, жестоко се бунтуваа. Тогаш за нив тоа беше владина корупција на телевизиите, а сега…

Планот им е едноставен: Минимум 4 милиона евра годишно треба да завршат од државниот буџет кај телевизиите по основ на реклама и промоција. Што ќе рекламира Владата? Можеби електричните возила од тетовската фабрика или новите автопатишта кон косовската граница и кон Охрид? Или можеби низ реклама, Владата ќе го кажува она што го тврди Ковачевски дека Македонија е лидер во регионот?

Да се разбереме: не сум против тоа, државата да помага на домашната економија, на медиумите, на приватните компании, на граѓаните. Впрочем тоа е и една од обврските на Владата. Но, категорично сум против паушално расфрлање државни пари за измислени работи, од кои за Македонија ќе нема речиси никаков позитивен ефект. Можеби ќе се изгасне некој пожар, ке се исплати некоја заостаната плата или хонорар, ќе се плати некоја комунална сметка или ќе се набави некоја серија. Но тоа е еднократен позитивен ефект, што нема да го реши проблемот на телевизиите, ниту на новинарите.

Затоа, наместо стихијно и еднократно решение, медиумите имаат потреба од долгорочен план, кој ќе ги заштити медиумските работници, а за телевизиите, порталите, весниците… ќе обезбеди финансиска стабилност и пред се развој. А, тоа може многу едноставно да се постави како правило, преку формирање на Фонд за медиуми. Намерно пишувам медиуми, оти не се само телевизиите медиум од општествен интерес за државата, а уште помалку се тоа само петте национални терестријални телевизии, кои треба да добијат две третини од државните реклами.

А тој Фонд нека биде и многу повеќе од предвидените 4 милиона евра. Медиумите да аплицираат и да повлекуваат пари за конкретни проекти. Тие имаат потреба од трајна стабилност преку доделување на наменски средства за конкретни проекти насочени кон јакнење на македонскиот јазик и јазиците на малцинствата, кон македонски играни серии и документарци, македонската песна… Ни фалат македонски квизови за деца, образовни и воспитни емисии, забавни шоуа со македонски песни, фолклор. Ни се изгуби јазикот, младите се помалку ја знаат историјата.

Ете така нека се потрошат парите. Да се знае дека од нив државата и народот ќе имаат ефект. И тие пари да не ги доделува некој министер, туку на пример волонтерско тело полно со експерти од разни области. Тие да ги одобруваат понудените проекти од медиумите.

Инаку, оти треба да се лупнат 4 милиона евра пари од граѓаните, онака по желба на некој министер, а парите во голем дел да се потрошат за турски серии? Ма, ЈОК!!

The post Треба да се дадат пари на медиумите, ама… appeared first on plusinfo.mk.

Ова беа заклучоците од денешната јавна дискусија организирана од Генералниот секретаријат на Владата на Македонија во соработка со Министерството за информатичко општество и администрација и Асоцијацијата за заштита на националните печатени медиуми (АЗНПМ).

Според министерот за информатичко општество и администрација Адмирим Алити, токму слободните и независни медиуми овозможуваат следење на јавните политички прашања, и со коментар и мислења придонесуваат кон оформување на јавното мислење.

– Слободата на изразување претставува основен столб на демократијата. Слободни и независни медиуми овозможуваат следење на јавните политички прашања, и со коментар и мислење придонесуваат кон еден вид поставување на политичката анкета и оформување на јавното мислење – рече Алити на денешната дискусија.

Тој напомена дека слободните медиуми придонесуваат за развој на демократските процеси и вредности и истите осигуруваат дека владеењето на правото постои и се почитува. Токму овие демократски процеси, како што рече, се катализатор на човечкиот развој.

– Медиумите нудат едукација, забава, културно и политичко изразување, а во исто време играат важна улога во стопанството, креирање работни места. Од друга страна, развојот и примената на новите технологии создаваат нов вид на медиумска реалност и доведуваат еден вид промени и предизвици во медиумскиот систем. Новите технологии овозможуваат дополнителен развој на слободата на изразување, но за жал сведоци сме и на тоа дека тие озвозможија лесно ширење на говор на омраза, дезинформации, лажни вести и пропаганда – додаде министерот.

Според него, ширењето на вакви појави може да биде во функција на исполнување на одредена политичка агенда, поткупување на демократските вредности и процеси во државата, дискредитација на институциите. Од друга страна, како што рече, оваа ситуација се рефлектира врз постојниот начин на функцинонирање кај традиционалните медиуми, поточно на печатените медиуми.

Како што рече, овие појави го доведуваат во прашање почитувањето на професионалните и етичките стандарди во новинарството, како и правата на новинарите.

Министерот напомена дека државата мора да ја сфати резиозноста на оваа ситуација и да преземе соодветни мерки и чекори согласно меѓународните стандарди и препораки.

Тој додаде дека потребно е континуирано да се има заеднички дијалог и дебати за развој на медиумската сфера и почитување на меѓународните стандарди и препораки.

– Овие предизвици бараат посебен пристап во однос на заштита на слободата на изразување, обезбедување развој на слобода и плурални медиуми и високо, квалитетно и професионално новинарство кое ќе може да се постигне единствено ако се придржуваме кон стандардите и принципите на транспарентност, односно ако континуирано имаме заеднички дијалог и дебати за развој на медиумската сфера и почитување на меѓународните стандарди и препораки – рече Алити.

Претседателот на Здружението на новинарите на Македонија (ЗНМ), Младен Чадиковски во дискусијата денеска посочи дека печатените медиуми одиграа и играат се уште важна улога во насока на зачувувањето на стандардите во професијата.

Тој се согласи дека живееме во време на дезинформации, но како што информираше најмал е бројот на жалби и тужби врз новинарите или медиумите кои што се во печатената сфера.

– Мора да размислуваме какви чекори е потребно да преземеме понатаму, да видиме каков бенефит ќе добие квалитетно нивинарство и каков бенефит ќе добијат новинарите во печатените медиуми, на кој начин ќе се зголеми не само продукцијата во работењето, туку ќе се зголеми и квалитетот во работењето на традиционалните печатени медиуми, но и бројот на вработени во овие медиуми, пред се преку промоција на теми од јавен интерес во насока на служење на јавниот интерес, бидејќи основната задача на сите нас е да им служиме на граѓаните и на јавниот интерес. Тоа ќе го оставриме само со зголемување на квалитетот кон новинарството – додаде Чадиковски.

The post ПЕЧАТЕНИТЕ МЕДИУМИ ГО ОДРЖУВААТ СТАНДАРДОТ ВО НОВИНАРСТВОТО Се бара системско решение од државата appeared first on plusinfo.mk.

По примерот на Германија, Бугарија развива силен пропаганден апарат кој делува преку Дирекцијата за национална пропаганда. Одлуката за организацијата и задачите на Националната пропаганда била објавена на 5 април 1941 година. Таа имала централна управа, администрација, посебни оддели и главен инспектор, а се појавува како орган за агитирање и пропаганда на политиката и културата на бугарската држава. Оттука е и нејзината одговорност и на политичарите, а со тоа и на државата за донесените одлуки и делата сторени во војната.

Познато е дека во пропагандна смисла, весниците имаа огромно значење. Во окупирана Македонија од страна на фашистичка Бугарија посебно место имаше весникот „Целокупна Бугарија” во кој Дирекцијата, и државата, имаше полна контрола и силно влијание. Весникот на територијата на окупирана Македонија излегувал од 24 мај 1941 година до 31 август 1944 година и бил печатен во 5.000 примероци.

Во воениот период меѓу другото, во него ќе биде третирано и еврејското прашање кое во Втората светска војна стана уникатно по своите злодела, а иницирано од нацистичка Германија и поддржано од нејзините сојузници во случјов фашистичка Бугарија, нешто што и за време на војната и особено по неа, а и денес, наидува на силни осуди на светската демократска јавност.

Евреите не смеаат да соопштуваат вести

Првиот напис во весникот „Целокупна Бугарија”, поврзан со Евреите во Македонија под наслов „Ограничувања на лицата од еврејско потекло – Наредба на министер Габровски” е објавен на 27 јуни 1941 година.  Во него, а имајќи ги во предвид релациите и односот кон Евреите на нацистичка Германија, и на земјите сојузнички на неа, се создава анти еврејско расположение инкорпорирано во бугарското законодавство, а реализирано преку издадените бројни закони и наредби на министерството за внатрешни работи и народно здравје и преку него до директорите на полицијата, односно обласните директори во регионите на Царството.

Во написот ќе биде потенцирана потребата од донесување на посебна наредба важечка само за Евреите со која им се забранува „да соопштуваат било какви вести и да разгледуваат политички и општествени прашања; да се движат по улиците и да посетуваат опшествени и јавни места од 21 часот навечер до 6 часот наутро.

Врз лицата кои ќе ја прекршат таа наредба, ќе се применат казни со: воспоставување на нов полициски час или спроведување на определени места со полициска заштита; лишување од правото на занимање; лишување од правото на живеење во одредени градови; прогонство од предели на Царството; и покрај поседувањето бугарското државјанство на прекршителот ќе следува казна лишување од истото”. Донесувањето на ваква наредба од страна на Министерот за внатрешни работи и народно здравје, а со која се забрануваат бројни активности на Евреите, била предизвикана од сознанието на властите „бидејќи во последно време, како што ќе биде забележано, кај многу лица со еврејско потекло се распростаниле загрижувачки и лажни гласини, со цел да го намалат националното единство и да го демоларизираат духот на народот”.

Не е доволно само едно решение за Евреите

Во јуни 1942, министерот за внатрешни работи и народно здравје Петар Габровски ќе се произнесе во врска со усвојување на предлог-законот за овластување на министерскиот совет да ги преземе сите мерки за брзо решавање на еврејското прашање: „Мерките кои се преземени до сега во врска со еврејското прашање беа навремени и со резултати, но недоволни и затоа тоа прашање треба да биде конечно решено. Европското (еврејското м. б.) прашање, е живо прашање и не може да се разреши само со една наредба”.

Габровски продолжува со својата изјава во која потенцира дека  „Законот за заштита на нацијата се покажа како недоволен. Се донесоа и други два закона за имотите на лицата со еврејско потекло и се вметна во законот еден посебен дел против препродавањето на недвижниот имот”.

„Во стопанската дејност не се отстрани учеството на Евреите. Нови мерки се презедоа и треба да се преземат. Во иднина не треба да се допушти Евреи да бидат претпоставени лица на Бугари во стопанските претпријатија. Сите горенаведени состојби налагаат да се преземат нови рестриктивни мерки против Евреите како што се бара од законот.”

Во 1942 година, бугарската држава ќе формира Комесаријат за еврејски прашања, а за прв комесар ќе биде назначен Александар Белев. Една од главните задачи на Комесаријатот беше токму конфискација и ликвидација на имотите на лицата со еврејско потекло. За ова прашање весникот „Целокупна Булгарија“ ќе објави дека: „Министерството за внатрешни работи издало наредба со која сите суми (пари) предвидени од ликвидации или трансфери на претпријатија, капитал или учество од страна на трговци или еврејски лица кои го прекинуваат занимањето да се внесат во Б.Н.Б”.

Имотот на Евреите да се раздаде на сиромашните

Во февруари 1942 година, еден друг напис во весникот се третира прашањето на еврејските имоти. Во соопштението на Министерството за земјоделство и државни имоти е објавена веста дека Еврејските полски недвижнини ќе се дадат на не-имотни и малку-имотни селани.

Во септември истата година, од лицата со еврејско потекло, ќе се бара пак да ги ликвидираат своите претпријатија и истите да бидат префрлени на лица со бугарско потекло. Истиот месец, комесарот за еврејски прашања Белев потпишува нова наредба во врска со задолжителните ознаки кои ќе ги носат лицата со еврејско потекло. Според објавеното во весникот, на 24 септември 1942 година, лицата со еврејско потекло ќе бидат поделени на две групи: „Округли значки ќе носат сите Евреи на кои им се признаваат правата според член 52 од наредбата на министерскиот совет од 26 август 1942 г: наградените со орден на храброста, воените инвалиди со право на инвалидска пензија, сираци како последица на војни, вдовици од војни (доколку не стапиле во друг брак) и децата на волонтерите од ослободителната војна. Не можат да носат округла значка наведените лица доколку се осудувани за препродавање, комунизам и противдржавни дела. Сите останати ќе носат значка во облик на ѕвезда”.

„Се ослободуваат од носење белег (значки): а) деца под 10 години; б) Евреите – бугарски субјекти, кои до 1 септември 1940 стапиле во брак по христијански обичаи со лице од бугарско потекло и се покрстени пред 23 јануари 1941. Во случај кога бракот е прекинет поради развод и доколку од бракот нема живи деца, лицето ќе носат значка според општите услови; в) Евреите странски државјани кои транзитираат низ државата. Сите останати ќе носат значки”. Се дава и прецизен опис на значките, како и нивната цена и се потенцира дека оние кои нема да го сторат истото ќе „подлежат на казна затвор и глоба од 100.000 лева”.

Добри и лоши Евреи

Во Врска со привилегираните Евреи, иронична е забелешката на Габровски во еден друг напис во весникот „Целокупна Бугарија“ од 26 јуни 1942 година, во кој, министерот дава изјава за недоволниот број на мерки преземени против Евреите и вели: „Лица кои за време на војната дале чаша чај на некој болен војник денес се со привилегии. Тоа не треба да се допушта”.

Пропагандата е засилена непосредно пред депортацијата. На 4 февруари 1943 година, е објавена веста дека: „Органите на административната полиција при Скопската обласна полициска управа, ги уапсила на 2 истиот месец пред 10 часот, на пазарот во Скопје следните лица од еврејска припадност: Руфо Хаим, Нисим Исак Лазар, Мајер Аврам Ароести,  Давид Ашер Бити, Ермија Аврам Нахмиас, Моис Мајер Коен,  Семо Менахем Песо и Сабитај Аврам Хули сите од Скопје. Сите тие ќе бидат земени на одговорност од страна на бугарските власти затоа што ја нарушиле наредбата бр. 1 на делегатот на Комесарството за еврејски прашања затоа што го  посетиле пазарот пред 10 часот пред пладне”.

На 11 февруари 1943 год., на правата страна е објавена веста дека на лицата од еврејско потекло им се забранува да купуваат храна од производителите. Забраната е издадена од комесарството за еврејски прашања. Информацијата гласи: „Комесарството за еврејски прашања издаде наредба  според која на лицата од еврејско потекло им се забранува директно од производителите да купуваат прехранбени производи. Лицата од еврејско потекло можат да купуваат прехранбени производи единствено од продавниците од 10 до 11 часот претпладне и попладне од 15,30 до 16,30 часот”. А само неколку дена потоа, на 14 февруари1943 год. ќе биде објавен текст во кој се укажува „Кои лица од еврејско потекло немаат право да ја извршуваат својата професија”. Меѓу другото, известувањето се однесува до лицата со еврејско потекло, занаетчии, полузанаетчии, амбулантни трговци и чиновници во претпријатијата посочени во чл. 27 од „Законот за заштита на нацијата“, и истите се повикуваат да прекинат со извршување на својата професија.

Оправданоста за исклучувањето на Евреите од јавниот живот

Непосрено пред депортацијата, на 6 март 1943 година, весникот ќе објави напис за влијанието на Евреите во Европа, со потенцирањето на оправданоста од исклучувањето на Евреите од стопанскиот живот во Европа но и дека во текот на 1942 година тоа бележи успех. Овој напис содржи податоци за индустриите и трговските области кои биле во рацете на Евреите во повеќе европски држави, и повторно, целта на овие информации е да се креира и  насочи  јавно мислење против Евреите со кое ќе се докаже дека тие навистина поседувале огромен капитал, кој треба да им се одземе. Се разбира, ваквата активност во државите била поткрепена со издадени нови закони и мерки кои во значителна мера се засилуваат.

Интересен е податокот што насловот на весникот кој во текот на 1943 год. е постојано со црвени букви, само на 12 март 1943 година е испечатен со црни букви. На тој датум весникот нема да објави ништо поврзано со еврејското прашање, ниту збор за собирањето на Евреите во Монополот и нивната положба. Првата информација потоа, а поврзана со Евреите, ќе биде на 20 април истата година со објавата за продажба на имотите на Евреите (кои властите ги третирааат како иселени) а која започнува неколку дена пред тоа. Аукцијата за продажбата се одржала во квартот позади Народниот театар, во еврејското маало, токму таму каде што денес се наоѓа Меморијалниот музеј.

The post Како „Целокупна Бугарија“ известувала за прогонот на Евреите? appeared first on plusinfo.mk.

Програмата предвидува поддршка за печатење и дистрибуција на печатени медиуми кои се издаваат на македонски јазик во висина до 50% за направените трошоци за печатење и во висина до 50% за трошоците за дистрибуција, додека на печатените медиуми кои се издаваат на јазиците на етничките заедници во висина не помалку од 50%, но не повеќе од 70% за направените трошоци за печатење и во висина не помалку од 50% но не повеќе од 70% за трошоци за дистрибуција, согласно доставените фактури за календарската 2020 година.

The post ОБИЛНА БУЏЕТСКА ПОДДРШКА ЗА ВЕСНИЦИТЕ Владата ќе покрие половина од трошоците за печатење и за дистрибуција appeared first on plusinfo.mk.