Недовербата на граѓаните кон правосудниот систем се должи на поединци во правосудството кои се ставени под хипотеки на други поединци или партии, изјави денеска на прес конференција Валентин Манасиевски, член на ЦК на ВМРО-ДПМНЕ.

– Да разјасниме за јавноста, ваков е случајот на поранешната претседателка на Судскиот Совет, Весна Дамева која беше и дел од партиски комисии на СДСМ пред да стане дел од правосудството. Весна Дамева, која работеше единствено по насока на СДСМ, а во тоа време на менторот на Филипче, Зоран Заев, на затворена седница на Судскиот Совет, сопре постапка за Наќе Ѓорѓиев кој требаше да стане член на Судскиот Совет. Постапката која требала да се води против Ѓорѓиев, била чувана во фиока со години, а со помош на Весна Дамева таа постапка зад очите на јавноста била сопрена со што тогаш се озвоможи Наќе Ѓорѓиев да стане член на Судскиот совет – тврди Манасиевски.

Манасиевски јавно праша „колку свои луѓе имаат Дамева и Ѓорѓиев во судството за да продолжат да работат за нивен интерес, а во превод, штитење на кадри или блиски лица на СДСМ?“

– Наместо квалитетни и компетентни кадри да си ја извршуваат работата на судии и обвинители, поради вакви случаи како Дамева и Ѓорѓиев, чесните кадри во правосудството не можат да дојдат до израз. Зошто граѓаните да одвојуваат се повеќе пари од своите џебови? За да можат вакви поединци да го уништуваат и узурпираат судскиот систем? Граѓаните не заслужуваат оние што треба да ја донесат правдата, да бидат активни чинители на неправдата. Тие треба да бидат адекватни луѓе, луѓе со кредибилитет – рече Манасиевски.

The post ШЕФИЦАТА НА СУДСКИ СОВЕТ ПРЕКИНАЛА ПОСТАПКА ПРОТИВ СУДИЈА Наместо да одговара, Наќе Ѓорѓиев бил избран за член на Советот appeared first on plusinfo.mk.

Со 77 гласа Собранието попладнево изгласа недоверба на Весна Дамева, член на Судски Совет, а со 76 гласа „за“ изгласа недоверба на Павлина Црвенковска.

На ред е интерпелацијата на членот на Советот, Селим Адеми. До крајот на денот се очекува  Собранието да ги изгласа и интерпелациите и на Тања Чачарова Илиевска и на Миљазим Мустафа.

Овие 5 члена на Судскиот совет се истакнати правници избрани со гласови на пратениците, а останатите 8 членови се судии.

Предлозите за интерпелација ги поднесоа 67 пратеници од владејачкото мнозинство на ВМРО-ДПМНЕ, Вреди и на ЗНАМ, а поддршка дадоа и пратениците на опозициската Левица.

Пратениците на опозициската СДСМ, пак, ја напуштија седницата откако пратеникот Оливер Соасивски интерпелациите ги оцени како упад во судството.

Според заклучокот на интерпелацијата за Дамева, таа имала значителен придонес во загрозувањето на независноста, професионалноста и угледот на судството и судиите и придонела за падот на довербта на граѓаните кон судството. Се наведува дека таа ја занемарила и не ја извршувала својата функција во работата на Советот, а поради изгласаната недоверба, го губи легитимитетот да учествува и одлучува во работата на Судски совет.

Интерпелацијата не значи и автоматско разрешување на членовите на Судскиот совет. Но, изгласаната недоверба значи дека органот што ги назначил, повеќе не им верува, па ним им останува моралната одговорност сами да поднесат оставки.

Претходно на расправата, Ѓорѓија Сајкоски, пратеник од ВМРО-ДПМНЕ, истакна дека интерпелациите на 5 членови на Судскиот совет се клучен момент во борбата за владеење на правото и довербата во институциите.

– Ова е клучен момент во борбата за владеење на правото, за правдата и довербата во институциите и со овие поднесени интерпелации ние почитувани, не му судиме на судството. Со овие поднесени интерпелации ја детектираме одговорноста на оние коишто требало да бидат коректив, оние коишто требало да носат правда и коишто треба да воспостават она што требаше да биде судска власт – рече тој.

The post СОБРАНИЕТО ИМ ИЗГЛАСА НЕДОВЕРБА НА ВЕСНА ДАМЕВА И НА ПАВЛИНА ЦРВЕНКОВСКА На ред е интерпелацијата на Селим Адеми appeared first on plusinfo.mk.

Оваа е многу значајна дискусија, за ослободување на судството од партиските стеги и за враќање на довербата на граѓаните во руинираниот правосуден систем во Македонија. Довербата е урнисана и е на историски најниското ниво од 2 отсто заради лошите решенија на Судскиот совет, кој не ја исполни задачата да ја чува независноста на судството. Ова е накратко суштината за интерпелацијата на 5 члена Судскиот совет што ја изнесе пратеникот Ѓорѓија Сајкоски од ВМРО-ДПМНЕ.

67 пратеници од владејачкото мнозинство минатиот месец поднесоа интерпелација за 5 члена на Судскиот совет кои се избрани од Собранието – Весна Дамева, Селим Адеми, Павлина Црвенковска, Тања Чачарова Илиевска и Миљазим Мустафа.

• ПРАТЕНИЦИТЕ ГИ НАПАДНАА ДЕКА СЕ ПАРТИСКИ ПОСЛУШНИЦИ, ПРАВНИЦИТЕ ОД СУДСКИОТ СОВЕТ СЕ БРАНАТ СО УСТАВОТ Што напишаа петмината членови во одговорите на интерпелациите?

– Ова е клучен момент во борбата за владеење на правото, за правдата и довербата во институциите и со овие поднесени интерпелации ние не му судиме на судството. Ја детектираме одговорноста на оние коишто требало да бидат коректив, да носат правда и да го воспостават она што требаше да биде судска власт – рече Сајкоски.

Наместо тоа, потенцира Сајкоски, тие направија девастирано судство, го повлекоа и Обвинителството во тоа и направија недоверба каква што не се памети во ниту една држава во светот.

– Судскиот совет треба да донесе квалитетни судии, но треба да ги разреши и судиите коишто не ги исполниле очекувањата – рече Сајкоски.

Независноста на судството, рече тој, не значи дека Судскиот совет не треба да има одговорност.

– Напротив овој орган треба да ја гарантира чесноста и професионалноста на судскиот систем, треба да биде најподложен на контрола и треба да биде отчетен. Оваа иницијатива не е водена од политички, партиски или лични интереси. Ја поднесуваме затоа што работата на Судскиот совет изминативе години ги премина сите фази на достојно и прифатливо однесување – истакнува Сајкоски.

Членот на Советот и поранешна претседателка Весна Дамева, од собраниската говорница рече дека за неа постојано се кажуваат политички невистини и омаловажувања за да се наруши нејзиниот углед, но таа не реагирала, затоа што, како што рече, е подготвена да ја девалвираат политичари на кои не им одговараме.

– Не им одговарав на поединци и од претходната власт, затоа што одлуките не ги носам под влијанија и не дозволив заканите да ме исплашат. Но, тоа беше болно за моето семејство, кое не е должно да ги трпи политичките игри. Дали мора во политиката да се гази врз живи луѓе – рече Дамева.

Таа додаде дека секогаш е подготвена за критика, но за конструктивна, а не за малициозна критика.

– Гордо стојам пред вас, за последен пат. Мојот мандат завршува за 9 месеци. Не дојдов да се правдам, туку да застанам зад владеењето на правото, на страната на независната судска власт, на страна на Уставот. Тоа ми е должност и одговорност. Ова е директен упад врз судската власт и нејзината независност. Не е причина неусвојувањето на годишниот извештај, кој содржи само статистички податоци. И во 2016 година не беше усвоен годишниот извештај и тогаш немаше интерпелација – рече Дамева.

Таа потенцираше дека интерпелацијата е инструмент за политичка контрола над Владата и над други носители на јавни функции, но не и над судската власт.

– Ова го вели Светомир Шкариќ во книгата „Уставно право“, на која рецензент е сегашната претседателка Гордана Сиљановска Давкова. Според него, интерпелација може да се постави за Владата и за секој нејзин член одделно – рече Дамева.

Таа додаде и дека граѓаните бараат правда и напуштање на неказнивоста, но проблемот нема да се реши со интерпелацијата, туку ќе се продлабочи. Според неа, ќе се направи опасен преседан, а одговорноста треба да е индивидуална, а не колективна.

– Никој не може да ме контролира и да ме заплаши, а тоа ме наведува на заклучокот дека на политиката во судството ѝ требаат послушници. Под велот на интерпелација се врши директен напад на судската власт – рече Дамева.

Координаторот на пратеничката група на ВМРО-ДПМНЕ Никола Мицевски реагираше дека Даева одржала политилки говор пред пратениците, сакајќи да се промовира како жртва. Тој објасни дека интерпелациите не се напад врз судската власт, како што толкуваат Дамева и нејзините колеги.

– Судскиот совет не врши судска власт, судската власт ја врат судовите. Секој обид членовите на Судскиот совет да се поистоветат со судиите е надвор од Уставот. Собранието ги избрало овие 5 члена и нив ги повикува на одговорност. Свесни сме дека немаме право да ги повикуваме на одговорност останатите 8 члена на Советот, кои се судии. Нив, според законите, треба самите судии да ги повикаат на одговорност. Судиите сега треба да дадат одговор дали ќе покренат иницијатива да се разрешат и останатите членови на Сускиот совет – рече Мицевски.

Тој потенцираше дека ова не е политика интервенција, туку обид да се запре политичката контрола врз Советот.

Оливер Спасовски од СДСМ рече дека овие интерпелации се преседан и упад во судството.

– Ова го руши поредокот на поделба на власта и е повреда на начелото на еднаквост на членовите на Судскиот совет – рече Спасовски.

Тој додаде дека СДСМ нема да учествува во расправата и гласањето за интерпелациите, по што пратениците од оваа опозициска партија ја напуштија собраниската сала.

Пратеникот Борислав Крмов претходно најави дека пратениците на Левица ќе ги поддржат интерпелациите.

The post СОБРАНИЕТО ГО ОСЛОБОДУВА СУДСТВОТО ОД ПОЛИТИЗИРАНИОТ СУДСКИ СОВЕТ Интерпелацијата доби поддршка од Левица, СДСМ ја напушти седницата appeared first on plusinfo.mk.

Овие 5 члена на Советот се избрани од редовите на истакнатите правници, двајца на предлог на претседателот (Дамева и Мустафа), а тројца на предлог на пратениците. Останатите 8 члена на Судскиот совет се судии и тие се избираат на директни судски избори.

Сите петорица членови одговорија на наводите во интерпелациите што ги поднесоа 67 пратеници од владејачкото мнозинство на ВМРО-ДПМНЕ, Вреди и на ЗНАМ.

Според пратениците, интерпелациите се поднесуваат поради недоследно спроведување на надлежностите, особено поради негрижа, нарушување на угледот на судиите и загрозување и нарушување на довербата на граѓаните во судството, а со тоа и на целиот правосуден систем.

Наместо Уставот, ги почитуваа наредбите на политичките партии

Според образложението, кое е идентично во сите 5 интерпелации, се наведува дека Собранието, како орган кој избира пет членови на Судскиот совет, исто така врши и контрола над работата на Судскиот совет преку Годишниот извештај за работа, кој за 2023 година не беше усвоен.

„Состојбата во изминатите неколку години во судството е речиси распадната, со рекордно најниска доверба од граѓаните од неверојатни 3 проценти. Повеќе од разочарувачки е фактот дека 97 проценти од граѓаните не веруваат во квалитетот на судството и неговата независност. Влошената состојба во Судскиот совет дополнително се продлабочи со изборот на Весна Дамева, која за член е избрана на 12.12.2019 година, по предлог на поранешниот претседател Стево Пендаровски, откако нејзиниот претходник Павлина Црвенковска се повлече од позицијата. Црвенковска беше поврзана со скандалозно подметнување на избор за членови во Управниот одбор на Академијата за судии и јавни обвинители, а како причина за повлекувањето наведе дека тоа го прави поради тоа што не била подобна за т.н. судско-бизнис елита“, се вели во интерпелациите.

Во Собранието, се додава, долго се дебатираше за изборот на овие членови.

„ВМРО-ДПМНЕ укажуваше дека овие кандидати не се подобни да одговорат на функцијата која треба независно да ја извршуваат и да го заштитат угледот и независноста на судството во целина. Сепак, мнозинството одлучи да ги избере. Неколку месеци подоцна, кога Весна Дамева го водеше Судскиот совет, целата македонска јавност беше сведок на уште еден скандал кој несомнено придонесе кон дополнително нарушување на довербата во судството. Станува збор за скандалозното разрешување на Дамева од местото претседател, од страна на нејзиниот заменик Селим Адеми, кој, исто така на 12.12.2019 година е избран за член на Судскиот совет, без никаква процедура, спротивно на Уставот, Законот и Деловникот на Судскиот совет. Ова беше нотирано и во Извештајот на Европската комисија за 2023 година. Мора да се спомене и дека граѓанските организации и правните експерти го осудија овој чекор без преседан и ги повикаа сите членови на Советот да си поднесат оставки“, се вели во интерпелацијата.

Ова е доказ, се додава, дека во Македонија не владееше правото и не се почитуваа Уставот и Законите, туку се почитуваа само наредби од политичките партии кои беа на власт од 2017 до 2024 година.

Спорни и селективни дисциплински постапки

Граѓаните, се вели во текстот, треба да се запознаени со целиот проблем кој Судскиот совет го создаде, недовербата во судството, скандалозните избори за членови на УО на Академијата за судии и јавни обвинители, изборот за судии, прекршување на процедури за предложување кандидати за судија во Уставен суд, претседатели на судови итн.

„Како дел од работата на Судскиот совет, односно неговите преземени мерки за ‘подобрување’ на судството, можеме да наведеме дека на судија му утврдиле дисциплинска повреда и му изрекле дисциплинска мерка намалување на плата во висина од 20%, во траење од шест месеци, бидејќи судијата, како известител по предметите, без оправдани причини ги одолговлекувал постапките, и покрај итните околности. Човечки животи биле во прашање, правдата – незадоволена, општеството – фрустрирано, а тој противзаконски постапувал и пресудувал, бидејќи знаел дека во оваа држава како судија ќе добие 6 месеци по 20% намалување од плата. Понатаму, на еден судија за утврдена дисциплинска повреда му ја изрекле истата дисциплинска мерка, бидејќи не го известил в.д. претседателот на суд дека постојат околности коишто ја доведуваат во сомневање неговата непристрасност и судир на интереси, што е причина за изземање, бидејќи неговата ќерка била вработена кај полномошникот на тужениот во предметите, со што предизвикал тешки последици кои се манифестираат на повреда на правото на правично судење и непристрасен суд“, се вели во интерпелациите, каде се наведени и други примери.

Иако Судскиот совет, се додава, има мандат да постапува по случај на непрофесионално или неетичко однесување на судиите, Европската Унија има забележано дека во пракса има селективен пристап во дисциплинските постапки, што доведува до неказнивост на одредени прекршоци од страна на судиите.

„Во Извештаите на ЕК е забележано дека постојат индикатори дека Советот не презел доволно активности за санкционирање на судии кои го нарушувале угледот на судиската функција. ЕК во редовните извештаи постојано укажуваше на слабостите во обезбедувањето на независност на судството. Судскиот совет, како клучно тело за гарантирање на независност на судството, не е целосно независен и отпорен на политички влијанија, со што се компромитира и владеењето на правото“, се вели во интерпелациите.

Судскиот совет е клучна институција за функционирањето на правната држава и одржувањето на владеењето на правото и затоа, секој сомнеж во работата на неговите членови мора да биде темелно анализиран, а јавноста треба да биде уверена дека Советот работи чесно, професионално и во интерес на граѓаните, се вели, меѓу другото, во текстот на интерпелацијата.

Што одговорија истакнатите правници?

Според Весна Дамева, интерпелацијата е директен упад во судската власт и напад на нејзината независност и самостојност. Таа вели дека интерпелацијата, која е предвидена со Устав, не е насочена кон носители на судски функции и не смее така да се толкува.

„Се навлегува во една состојба од која тешко ќе може да се излезе. Ако овој преседан се случи, во иднина Собранието ќе може да повикува на одговорност и судии во Уставниот суд, со оглед дека и нив ги избира Собранието. Тоа е апсолутно недозволиво, но ќе може да биде оправдано со овој преседан, според кој Собранието ќе може да повикува“, наведува Дамева.

Уставот ги дели трите власти, потсетува таа, законодавната, извршната и судската, а судската е самостојна и независна и врз неа не е дозволена политичка контрола од Собранието, а во спротивно, таквата контрола значи упад во судската власт.

Таа додава и дека интерпелацијата е дискриминациска, односно „во насока на остварување на целта за отстранување на членовите избрани од Собранието, тие се дискриминирани наспроти членовите кои се судии, па прашувам дали Уставот важи еднакво за сите граѓани и за сите носители на јавни функции“.

Според Павлина Црвенковска, Уставот пропишува дека Собранието може да поведува интерпелација за Владата и за нејзините членови и за други функционери што ги избира или именува, но не и за членовите на Судскиот совет, затоа што со тоа се нарушува поделбата на власта и се прави упад во судството.

„Ако членовите на Судскиот совет можат да бидат предмет на интерпелација во Собранието, тоа би значело и потенцијален политички притисок врз судската власт“, одговори Црвенковска на интерпелацијата.

Во својот одговор членот Селим Адеми објаснува зошто смета дека интерпелацијата е спротивна на Уставот и на Законот за Судски совет. Според него, ако целта на власта е да се подобри перцепцијата дека судството е независно од политиката, политичката метода со интерпелација е погрешна за таа цел.

„Во врска со интерпелацијата, не чувствувам ниту морална, ниту каква било одговорност за моето досегашно работење во Судскиот совет. Како член, 11 години сум работел чесно, професионално и посветено, а оценка за мојата работа можат да дадат само судиите“, пишува Адеми.

Според Тања Чачарова Илиевска, интерпелацијата против неа е премногу општа и конфузна и повеќе упатува на колективна одговорност, како да е интерпелација за целиот Судски совет, а не упатена кон поединец, член.

„Отсуствува индивидуализација на пропустите, поточно, каква е мојата улога во изнесените констатации во интерпелацијата и во споменатите дисциплински постапки. Добро е да посочам дека од тие три споменати дисциплински постапки, јас сум подносител на две од нив“, пишува Чачарова Илиевска.

Таа додава дека работи чесно, професионално и одговорно во Советот и не чувствува морална одговорност. Ја смета интерпелацијата за неоснована и бара пратениците да не ја изгласаат.

Според Мустафа, оваа интерпелација е опасен преседан, и е најпогрешниот начин и чекор што можат да го преземат пратениците во нивната благородна намера за воспоставување независен правен систем заснован на правни вредности.

„Извршната и законодавната власт наместо да отворат дебата за подобрување на состојбата во судството, тие дополнително ја влошуваат и иницираат досега невидена пракса со директен притисок на одредени членови на судската власт, со цел да се повлечат од нивните позиции пред истекот на мандатот, без да се констатира каква било етичка или законска повреда, утврдена во законска постапка“, пишува Мустафа.

Според член 72 од Уставот интерпелација може да се постави за работата на секој носител на јавна функција, Владата и секој нејзин член поединечно, како и за прашања од работата на државните органи.

Според член 100 став 8 од Законот за Судскиот совет, доколку Собранието не го усвои годишниот извештај за работа на Советот, тоа ќе биде основ за поведување расправа пред органите што ги избрале членовите на Судскиот совет за оцена на нивната работа.

The post ПРАТЕНИЦИТЕ ГИ НАПАДНАА ДЕКА СЕ ПАРТИСКИ ПОСЛУШНИЦИ, ПРАВНИЦИТЕ ОД СУДСКИОТ СОВЕТ СЕ БРАНАТ СО УСТАВОТ Што напишаа петмината членови во одговорите на интерпелациите? appeared first on plusinfo.mk.

Премиерот Христијан Мицкоски очекува да бидат изгласани интерпелациите за петтемина членови на Судскиот совет во Собранието, најверојатно на седница во вторник, 11 март, кои ги поднесе владејачкото мнозинство со потписи од 67 пратеници.

Прашан за очекувањата од исходот на седницата на која ќе се расправа за отповикување од членовите во Судскиот совет избрани од Собранието – Весна Дамева, Тања Чачарова-Илиевска, Павлина Црвенковска, Миљазим Мустафа и Селим Адеми, Мицкоски одговори: „зар треба коментар на тоа што треба да правиме – се знае“.

– Тие тотално го изгубија кредибилитетот пред граѓаните и треба да биде изгласана таа интерпелација и на нивно место да дојдат луѓе кои ќе бидат вистински заштитници на правдата. Бидејќи излегува дека поединци судии и обвинители се последниот штит на поранешната владина коалиција СДСМ и ДУИ – изјави премиерот Мицкоски одговарајќи на новинарски прашања по работната посета на скопско Марино.

На прашање дали Владата го пратила предлогот за разрешување на Љупчо Коцевски до Основното јавно обвинителство, премиерот одговори дека писмото за смена на државниот јавен обвинител е пратено и смета дека „треба да е веќе пристигнато“.

The post СЕГАШНИОТ СОСТАВ НА СУДСКИОТ СОВЕТ ЌЕ СЕ РАСПАДНЕ ВО ВТОРНИК? Мицкоски очекува новите членови да бидат вистински заштитници на правдата appeared first on plusinfo.mk.

Поранешната претседателка на Судскиот совет, Весна Дамева, вчера ја добила интерпелацијата што против неа ја поднесоа 67 пратеници во Собранието, но сè уште нема изграден став, затоа што прво треба да ја анализира содржината.

– Интерпелацијата, која е поднесена во Собранието, ја добив доцна во текот на вчерашниот ден и сум во фаза на анализирање на причините и, генерално, на нејзината содржина. Во моментот кога ќе го изградам мојот став, сигурно и на јавноста ќе ѝ биде соопштен. Јавноста нема да остане без моето произнесување – рече Дамова.

Во врска со очекувањето на премиерот Христијан Мицкоски членовите на Судскиот совет да бидат доблесни и сами да поднесат оставки доколку Собранието ги изгласа интерпелациите, Дамева без конкретен одговор.

– Оставката е личен чин и се поднесува само во случај ако постојат оправдани причини за тоа – рече таа Дамева.

Членот на Судскиот совет, Тања Чачарова Илиевска рече дека ја примила интерпелацијата и најави дека ќе одговори на истата. Таа нема конкретен одговор дали ќе понесе оставка, бидејќи интерпелацијата не го наложува тоа, но доколку се изгласа недоверба, тоа ќе значи дека тие кои ја избрале веќе не сметаат дека треба да биде дел од највисокото судско тело.

– Ја примив интерпелцијата вчера, за став не сум подготвена сега. Ја прочитав, но немав можности за добро да ја разгледам. Ми падна во очи дека тоа не е за интерпелација на Тања Чачарова Илиевска во Судскиот совет, туку упатува за интерпелација на целиот Судски совет. Упатува на колективна одговорност. Јас кажувам дека одговорноста мора да биде индивидуална иако Судскиот совет е колективно тело. Ние сите гласаме, и зависно на секој засебен глас се носи одлука – рече Чачарова-Илиевска.

Во врска со тоа дали ќе поднесе оставка, таа рече дека прво треба добро треба да ја анализира интерпелацијата.

Претседателот на Собранието, Африм Гаши, официјално ги извести 5-те членови на Судскиот совет кои се избрани од Парламентот – Весна Дамева, Тања Чачарова Илиевска, Милазим Мустафа, Павлина Црвенковска и Селим Адеми, дека е побарана интерпелација за нив.

The post ОСТАВКА СЕ ПОДНЕСУВА АКО ИМА ОПРАВДАНИ ПРИЧИНИ Дамева и Чачарова Илиевска сè уште немаат став дали ќе се повлечат од Судскиот совет appeared first on plusinfo.mk.

Полицијата попладнево влезе во Судскиот совет, каде што врши претрес. Полицијата бара записници од седница на Судски совет во врска со мандатот на поранешната претседателка Весна Дамева, која минатата недела, на 2 декември, два дена пред истекот на мандатот, поднесе оставка од функцијата претседател на Судскиот совет.

„Полициски службеници по Наредба на ОЈО Скопје постапуваат во Судски совет, односно се обезбедуваат два записници, за да се проверат евентуални елементи на кривично дело“, информира Основното јавно обвинителство Скопје.

Дел од медиумите објавија шпекулации дека претресот е во врска со поранешниот функционер од ДУИ, Артан Груби и апелацискиот судија Енвер Беџети, кои завчера беа ставени на американската црна листа, но од ОЈО негираат.

Од Скопското обвинителство појаснуваат дека постапувањето на полицијата не е поврзано со формираниот предмет за црната листа на САД, туку се однесува на известување од МВР во кое е побарана обвинителска наредба за обезбедување на записници од седница на Судскиот совет во врска со мандатот на Дамева.

Дамева пред да ја поднесе оставката имаше обид да си го продолжи мандатот како претседател на Судскиот совет во време од 8 месеци, колку што ѝ траеше прекинот во двегодишниот мандат, откако лани на незаконски начин беше сменета од функцијата, а беше вратена кога ја доби правната битка пред Управниот суд.

Премиерот Христијан Мицкоски на 28 ноември од собраниската говорница, одговарајќи на пратенички прашања, рече дека континуирано добива информации за тоа што се случува во Судскиот совет.

– Таму има еден клан од двајца, еден од тројца, една е сама, добивам документи од свиркачи за фалсификувани записници со различни дати, различни печати, без потписи. И ако тоа не е основа за јавниот обвинител да влезе и да провери, не знам кој глас треба да допре до Обвинителството, за да постапи – рече тогаш премиерот Мицкоски.

The post ПОЛИЦИЈАТА ПРЕТРЕСУВА ВО СУДСКИОТ СОВЕТ Има ли кривично дело во врска со мандатот на Весна Дамева? appeared first on plusinfo.mk.

– Во однос на ова можам само да констатирам дека потегот, којшто го направи е добар во насока дека конечно се одважија да истите бидат пример. Сите оние коишто се инволвирани и во највисоките судски инстанци и во правосудниот систем ќе сносат одговорност доколку не постапуваат согласно позитивните законски прописи, односно ако истата постапуваше со темпото, динамиката којашто сакаше да ја воспостави врз основа на заклучок од колегиум да го продолжи мандатот истата ќе навлезеше во прекршување на позитивните законски прописи, конкретно на Кривичниот законик од член 353, со тоа што истата ќе правеше кривично дело и истата ќе имаше индивидуална одговорност – вели Ефтимов.

Тој посочи дека допрва следува воспоставување на правда во државата и сите кои се носители на највисоките инстанци во правосудниот систем треба да знаат дека ќе имаат индивидуална и кривична одговорност за секоја нивна лична постапка, којашто ќе ја преземат.

Прашан за обвинувањата на Дамева дека извршната власт се меша во работата на судската власт, Ефитомов со одговор дека на сите им е јасно и тоа не само на оние кои се во извршната власт, туку и на сите релевантни домашни и меѓународни организација, како и на експертите дека не функционира судската власт, а конкретно Судскиот совет.

– Во однос на изјавите коишто повеќе ги имаше политички, отколку стручни како претседател на Судскиот совет повеќе се држеше на политички тези во однос на тоа дека достигнувањата во нејзиниот мандат на Судскиот совет биле на незавидно ниво, сите знаеме дека имаме нефункционален Судски совет којшто работи под капата на одредени поголеми структури, коишто имаат влијание врз нив, не станува збор за никаков притисок, туку за барање на правда и отчетност и воспоставување на владеење на правото во правосудството и Република Македонија – изјави Ефтимов.

The post КЛАСИЧЕН ПОЛИТИЧКИ МАНЕВАР Ефтимов гледа политички фолклор во оставката на Дамева appeared first on plusinfo.mk.

Отсутни од итната седница беа судијката Лорета Георгиева опоради боледување и судијата Александар Камбовски поради годишен одмор.

По нејзината неотповиклива оставка Дамева свика итна седница на која првата точка од дневниот ред беше да се констатира дека таа повеќе не е претседател на Судскиот совет, а втората точка требаше да биде избор на нов.

Членот на Советот, судијата Исамедин Лимани предложи таа точка да биде одложена.

– Советот не е во полн состав на советот, двајца се отсутни од седницата. Исто така, ние сме во фаза на избор на двајца нови членови на Советот, еден член од судиите од општата листа од апелациското подрачје Штип и еден член од посебата листа, а изборите ќе се одржат на 11 декември. Затоа предлагам изборот на нов претседател на Судскиот совет да биде подоцна – рече судијата Лимани.

Со ваквата аргументација се согласија и другите членови и едногласно, со 11 гласа „за“ донесоа одлука изборот на нов претседател да биде одржав на некоја од наредните седници.

• ДАМЕВА ПОДНЕСЕ ОСТАВКА ОД ФУНКЦИЈАТА ПРЕТСЕДАТЕЛ НА СУДСКИОТ СОВЕТ „Се повлекувам за да го заштитам семејството и мојот углед“

Судскиот совет има 15 члена, од кои 13 се со право на глас, а претседателот на Врховниот суд и министерот за правда се членови по функција, без право на одлучување.

Според Законот за Судскиот совет, претседателот има заменик, кој го заменува во негово отсуство. Двајцата се избираат со најмалку 8 гласови од членовите со право на глас. Мандатот на претседателот и на заменикот претседател на Советот трае две години, без право на повторен избор.

The post СУДСКИОТ СОВЕТ НЕ ИЗБРА НОВ ПРЕТСЕДАТЕЛ НА ИТНАТА СЕДНИЦА Членовите ќе почекаат Советот да биде во полн состав appeared first on plusinfo.mk.

ДУИ лани преку нивниот член Селим Адеми, кој е член на Судскиот Совет, ја смени Весна Дамева од претседателската функција, а сега ДУИ рони крокодилски солзи по истата Дамева, реагираше владејачката коалиција Вреди на соопштението на опозициската ДУИ.

„Истата Весна Дамева, која денеска поднесе оставка и по која ДУИ пролеа крокодилски солзи поради притисок врз неа, лани беше разрешена од Селим Адеми – член на ДУИ. Тој тогаш во својство на потпретседател на Судскиот совет ја надгласа и ја разреши од функцијата претседател, бидејќи на дневен ред ги ставила точките што ѝ одговараат на поранешната власт. ДУИ, овој партиски клан што уништи сè, сега од опозицијата почна да продава политички морал и да зборува за притисоци. Но, ова не им успева бидејќи граѓаните многу добро знаат како го злоупотребуваа секој институционален механизам само за своја корист, вклучувајќи ги и судовите“, соопшти Вреди.

Коалицијата потсетува дека обвинителот за организиран криминал и корупција, Ислам Абази, е близок до ДУИ, што беше потврдено со негови фотографии со братот на Али Ахмети, како и со високи функционери на оваа партија.

„Многу поранешни функционери на ДУИ најдоа утеха во судскиот систем, каде што продолжуваат да делат непристрасна правда. Пример за ова е Иџет Мемети, кој беше фатен на дело и во исто време му направи ветинг на ДУИ. Тоа што ДУИ зборува за постапување спротивно на законите е апсурдно само по себе. ДУИ е синоним за кршење на законите и влијание врз судскиот систем во континуитет. И за ова мора и ќе има одговорност“, се вели во соопштението на Вреди.

Коалицијата потсетува и на обидот на врвот на ДУИ да се врати Никола Груевски.

„И токму на оваа средба Ахмети имаше предложено два начина за негово враќање од Будимпешта, поточно преку своите луѓе во судовите, а за овој случај ДУИ  изврши притисок и врз претседателот на Врховниот суд, Беса Адеми“, потенцира Вреди.

• ДАМЕВА ПОДНЕСЕ ОСТАВКА ОД ФУНКЦИЈАТА ПРЕТСЕДАТЕЛ НА СУДСКИОТ СОВЕТ „Се повлекувам за да го заштитам семејството и мојот углед“

ДУИ денеска реагираше дека оставката на Дамева е уште еден драматичен момент што ја одразува , како што велат, алармантната состојба на заробената држава и урнисувањето на независноста на институциите.

„Личните напади, политичките притисоци и јавните манипулации што ги опиша госпоѓа Дамева се јасен одраз на нелегитимната и неодговорна власт, која не запира во обидите да го прошири своето влијание врз секој сегмент од државата. Оваа влада не само што не успеа да обезбеди праведен и независен судски систем, туку ги користи сите средства за да ги уценува и дискредитира оние кои не се подготвени да се покорат пред политичките притисоци. Кога високи функционери на правосудството, задолжени за заштита на правото и правдата, јавно се уценуваат, пораката е јасна: во оваа држава, независноста на институциите стана непријател на власта“, соопшти ДУИ.

Демократската унија за интеграција, се додава, најостро ги осудува политичките напади врз Дамева и бруталните интервенции врз интегритетот на Судскиот совет.

„Ваквите напади не се само личен напад врз еден поединец, туку и обид за парализирање на целиот судски систем, со што се поткопуваат сите напори за реални реформи и независна правда. Апелираме до меѓународните институции внимателно да ја следат оваа состојба и да реагираат на континуираното лизгање на Северна Македонија кон авторитаризам и целосна заробеност на државата. Јасно е дека граѓаните не можат да очекуваат правда од влада која ги напаѓа правосудните институции за политички добивки“, се вели во соопштението.

Ова е повик за рефлектирање и за делување, порачува ДУИ, затоа што независноста на судството е столб на секоја демократија.

The post ДУИ НА ВЛАСТ ЈА РАЗРЕШИ, ДУИ ВО ОПОЗИЦИЈА ПЛАЧЕ ПО ДАМЕВА Го заробија правосудството за да им служи, а сега зборуваат за притисоци appeared first on plusinfo.mk.