Интернет-страницата на британската компанија „Стрес фри кар рентал“ (Stress Free Car Rental) 10-на дена пред „Ноќта на вештерките“ претстави топ 7 листа најморничави мистериозни места во Европа. Можеби најблиску нам, од ова поднебје, е селото Шкрињари во Хрватска.

На списокот, првото место го зазеде Општината Бран во Романија. Како што е познато – таа била инспирација за приказната за „Грофот Дракула“. Иако Брам Стокер, Ирецот – творец на овој измислен лик, никогаш не ја посетил Романија, тој го создал домот на најпознатиот вампир во светската литература, врз основа на описот на познатиот замок Бран.

За замокот се вели дека е еден од „најопседнатите“ во светот. Така, паранормални истражувачи се собираат секоја година за да ги истражат тврдењата дека дворецот е прогонуван од духови на сведоци на средновековните злосторства.

Триора во Италија е втора на листата. Ова село познато по судењата за вештерство што се случиле меѓу 1587. и 1589 година. На третото место е селото Плукли во Кент во Велика Британија, коешто и според Гинисовата книга на рекорди е најопседнато село на Островот.

Во Шкрињари, село близу Бјеловар, Хрватска, се наоѓа една од најстрашните куќи на Балканот, според сведоштвата. Имено, некои луѓе тврдат дека таму виделе жена без очи и многу други морничави и необјасниви појави.

Списокот најморничави села во Европа ги вклучува и Очате, Шпанија; Рослин, Шкотска, како и Тинтерн во Велс.

„Ноќта на вештерките“ е древнокелтски, поточно изворно британско-гаелски пагански празник чијашто традиција на славење и одбележување се задржала до денес.

The post 📽 ОВА СЕ 7 НАЈМОРНИЧАВИ И НАЈМИСТЕРИОЗНИ СЕЛА ВО ЕВРОПА Духови, вештерки, нема што нема appeared first on plusinfo.mk.

Глобална студија покажа дека приближно една милијарда луѓе од возрасната популација од 95 испитани земји веруваат во вештерки кои можат „да фрлаат пцости или магии што предизвикуваат лоши работи некому да му се случат“, пишува Њузвик.

Анкетите испитале 140.000 луѓе од 95 земји и територии, а, во просек, 40 отсто од прашаните веруваат во вештерство. Покра тој, луѓето кои живеат во земји со „слаби државни институции“ имале поголема веројатност да веруваат во вештерство. За пример е земена каде Русија процентот е 56 отсто.

– Русија е позната по своите скршени институции, вклучувајќи ги корумпираните судови, полицијата и генерално нефункционалните централни и локални власти. Таа е исто така земја која нуди многу тенка социјална безбедносна мрежа и има висок процент на луѓе ранливи на неповолни шокови како што се болести и сиромаштија, па на тој начин(верувајќи во натприродни сили) луѓето бараат да се објаснат несреќите во нивните животи.

Светската популација неодамна надмина осум милијарди и авторите на студијата истакнаа дека нивните резултати веројатно недоволно го претставуваат целосниот размер на верувањето во вештерство. Тоа е бидејќи студијата ги изоставува Кина, Индија и други земји од југоисточна Азија кои се меѓу најнаселените во светот.

Водачот на студијата Борис Гершман, вонреден професор на Одделот за економија на Американскиот универзитет во Вашингтон, ги опиша „слабите институции“ како земји со „владеење со низок квалитет“, каде што нема широки мрежи за социјална заштита што „ги изолира членовите на заедницата од негативни шокови за нивната егзистенција“.

Гершман изјави за Њузвик дека верувањата значително се разликуваат меѓу земјите.

– Едно важно откритие од мојата студија е дека верувањата за вештерство се значително пораспространети во земјите со слаби институции. Идејата е дека историски, една од главните општествени функции на верувањата за вештерство е да се наметне социјалната кохезија и да се одржи редот во општествата на кои им недостасуваат алтернативни механизми за тоа – вели тој и додава:

– Важноста на оваа функција е поголема во општествата каде што општествениот поредок не се одржува ефективно од формални институции како што се правични судови, доверлива полиција, ефикасна централна влада, што објаснува зошто верувањата за вештерство имаат тенденција да бидат позастапени во земјите со слаби институции.

Опасните верувања за вештерство остануваат распространети во одредени земји. На пример, во Гана, жените сè уште често се обвинуваат за вештерство и поради тоа трпат ужасни казни.

Досега недостасуваа точни податоци за верувањата за вештерство по земја. Студијата покажа дека верувањата во „западнатите“ земји имаат тенденција да бидат многу помалку распространети. На пример, само 16,5 отсто од луѓето во САД рекле дека веруваат во вештерство.

Ова може да се должи на фактот дека западните општества имаат тенденција да имаат повеќе „добро воспоставени“ формални институции и се способни да им обезбедат на луѓето социјална безбедносна мрежа. Западните општества, исто така, имаат тенденција да имаат повисоки пропорции на високообразовани луѓе, кои повеќе се потпираат на природни, а не на натприродни објаснувања за животните настани.

Други земји со особено висока стапка на верување ги вклучија Мароко, Тунис и Танзанија. Висок процент од верувањата за вештерство, исто така, се во корелација со луѓето изложени на шокови во животот, како што се сушата или невработеноста, објави студијата.

Помладите луѓе на возраст од 18 до 27 години имаат поголема веројатност да веруваат во вештерство, покажа студијата графички. Верувањата исто така биле во корелација со религијата. Па така, 62 отсто од испитаниците се идентификувале како христијани, а 27 отсто како муслимани.

The post СВЕТОТ УШТЕ ВЕРУВА ВО ВЕШТЕРКИ 40 отсто од луѓето на планетата не се откажуваат од вишите сили appeared first on plusinfo.mk.

Пратениците со големо мнозинство донесоа резолуција за рехабилитација на споменот на повеќе од 700 жени, кои биле мачени и убиени.

Коментирајќи го документарниот филм на ТВ3 насловен „Вештерки, големата лага“, каталонскиот претседател Пере Арагонес ги опиша ловот на вештерки како „институционализиран фемицид“.

Се проценува дека помеѓу 1580 и 1630 година околу 50.000 луѓе биле осудени на смрт поради вештерство во Европа, од кои околу 80 отсто биле жени.

Шпански историчари открија дека Каталонија била еден од првите региони во Европа што спроведувал лов на вештерки. Се сметало и дека е една од најлошите области за егзекуции.

Вештерките често биле обвинувани за ненадејна смрт на деца или за слаби жетви, тврди Пау Кастел, професор по модерна историја на Универзитетот во Барселона. Се верува дека десетици илјади лица, најголем дел жени, се осудени на смрт поради вештерство во Европа.

Ваквиот чекор следи по слични иницијативи во Шкотска, Швајцарија и во Норвешка.

The post РЕХАБИЛИТАЦИЈА НА ВЕШТЕРКИТЕ Каталонскиот парламент помилува 700 жени погубени за вештерство appeared first on plusinfo.mk.

Историчарите пронашле 15 најчести прашања, кои им биле поставувани на осомничените за вештерство.

Дали сте женско?

Ако одговорите дека сте од женски род, жалам но вашите шанси да бидете и вештерка драстично се зголемуваат. Во 17 век предоминантно било мислењето дека жените се 1000 пати поподложни на нечесни и вештерски постапки од мажите.

Сиромашна сте?

Сиромашните луѓе преовладувале меѓу обвинетите за вештерство.

Дали сте богата?

Финансиски независните жени по вокација биле сомнителни. Секој знак дека жена може да биде независна од помошта на маж, било сметано за доказ дека е вештерка.

Имате една или повеќе блиски пријателки?

„Сексот и градот“ бил невозможен во пракса во Средниот век. Собиранките на жени и девојки без машка придружба, биле сметани за вештерски собири.

Дали сте скарани со пријателката?

Доколку не сте во добри односи со другите жени од заедницата, тогаш можеби сте и вештерка? Едноставно правило, но многу употребувано во судењата.

Дали со некого имате кавга?

Лошите односи не биле ограничени на жените, туку вештерка е онаа што има недоразбирања и со мажите.

Дали сте возрасна?

Возрасните жени биле особено сомнителни. Во една прилика една жена е жива запалена, а единствениот доказ против неа бил дека има наполнето 70 години.

Дали сте млада?

Нормално дека и младите жени биле сомнителни. Тие ги мамеле луѓето со својата убавина.

Дали се разбирате од билки?

Народните лекарства и лековитите билки денеска се преокупација на голем број на луѓе. Но во минатото тоа било ексклузивна професија на вештерките.

Дали имате деца?

Неплодноста била речиси сигурен доказ за вештерство. Жената без деца е опседната од демони и точка.

Тврдоглави сте?

Било каква манифестација на тврдоглавост и дрскост бил сигурен знак дена нешто лошо се случува со душата и телото на одредена жена.

Имате бемка?

Бемки или било какви вродени знакови на телото одат во прилог на обвинението.

Расипано млеко?

Во неколку сведочења против вештерки, било наведено дека во нивно присуство се расипуваат млечните производи.

Сте имале ли вонбрачен секс?

Една од жртвите во Салем имала вонбрачен син. Подоцна двапати се мажела, но на крајот дошол редот и на неа, бидејќи вонбрачниот секс е грев кој може само вештерка да го направи.

Сте се обиделе да откриете за кого ќе се омажите?

Многу девојки сонуваат за сродната душа. Некои од нив ги пишуваат иницијалите на симпатијата во својот дневник. Е токму тоа би можело да биде протолкувано како вештерство. Обидот да го предвидите идентитетот на идниот сопруг е вешетерска работа и се казнува со спалување. Сопругот го бираат родителите и роднините, сè друго е неприродно.

The post ДОЗНАЈТЕ ДАЛИ СТЕ ВЕШТЕРКА? Ако на прашањето дали сте женско одговорот е да, тогаш шансите се многу големи appeared first on plusinfo.mk.

Еве како самите организатори го опишуваат настанот:

„Fifty Faces of Fear“ (FFF) е ново освежување во градот, настан кој не смеете да го пропуштите!

Се работи за мултимедијален настан креиран од Театарот „Златен Елец“, Cozmic Vizion и од Театроск,а ќе вклучува „Куќа на Стравот“, изложба на фотографии, актерски перформанс и живи статуи.

Нашата цел е да понудиме нешто ново на уметничката сцена, да се надоврземе на класичното и да го издигнеме на повисоко и модерно ниво, оттука креирајќи алтернативни начини на креативно изразување и презентирање.

Идејата се зачна по изработка на 50 дела кои ја обработуваат тематиката СТРАВ, изработени од Cozmic Vizion (Воислав Пехчевски и Емилија Апостолска). Соработката со Надица Петрова и Давид Илиќ од Театар Златен Елец и Милена С. Цветановска и Војо Цветановски од Театар Театроск, како и претстојниот интернационален празник „Halloween“ доведе до раѓање на идеја за формирање на овој уникатен настан.

Бидете и вие дел од ова екстремно искуство каде ќе бидете сведоци на единствената Куќа на Стравот во нашата земја, дружејќи се со Freddy Krueger, The Joker, Harley Quinn, Maleficent, The Nuns, Zombies, Witches, Vampires, Scary Clowns и други изненадувања.

Изложбата на фотографиите ќе трае и во наредните 2 дена (1 и 2 ноември) од 17 до 22 h, со можност за купување на вашата омилена фотографија“.

Влезниците за настанот се во ограничен број, а настанот не е препорачлив за луѓе со слабо срце, епилепсија и сите под 16 години.

Резервации можат да се направат на 075637244, 070859459 или на мејлот zlatenelec@gmail.com.

The post „ПЕДЕСЕТ ЛИЦА НА СТРАВОТ“ НА 31 ОКТОМВРИ Скопје со перформанс ќе го слави Денот на вештерките appeared first on plusinfo.mk.

Нели Адиџа од Здружението на жени за Гардијан изјавила дека во период од јуни до септември се регистрирани 324 обвинувања за вештерство.

Во областа Калаха пријавени се 114 случаи на вештерство, вклучувајќи и пет жени кои се живи запалени и четири кои таканаречената полиција за самоодбрана ги однела во непознат правец.

Боско Мучукива, директор и професор по социологија на Вишиот институт за рурален развој во Букава вели дека интензивниот лов на вештерки е последица на вакуумот во владата.

– Тоа е феномен кој се појавува бидејќи државата потфрлува во своите суштински задачи – полицијата и правосудството не ја работат својата работа – вели тој за Гардијан.

Нападите ги поттикнуваат бајакази, лажни проповеднички и самопрогласени видовити жени. Бајаказите вообичаено се жени кои живеат во тие краишта и кои тврдат дека можат да ги почувствуваат вештерките.

– Сето тоа е будалаштина. Тие немаат никакви моќи ама ја користат лековерноста на народот со кој манипулираат за да стекнат следбеници, репутација и слава во селото – вели Мучукива.

Мухондбо Цикванине, адвокат, вели дека власта во провинцијата во 2014 година забранила олошот да дели правда во Јужен Киву, но дека законот никогаш не заживеал, ниту имало кампања за подигнување на свеста кај јавноста.

Тади Мидерхо, администратор на територијата Кабара, вели дека на неговата територија од почетокот на годината се регистрирани шест убиства, претежно на жени постари од 60 години кои бајаказите ги прогласиле за вештерки.

Обвинителството вели дека е невозможно да ги најде лицата кои ги убиваат вештерките. Од таму додаваат дека поглавиците одбиваат да ги кажат убијците.

Шаша Рубенга, наставник и активист вели дека минатиот месец видел лов на вештерки во селото Цинфунзи.

– Беше утро. Момчиња поминуваа во селото со список на 19 жени постари од 65 години, кои пророчничката ги прогласила за вештерки – вели тој.

Повеќето од жените успеваат да побегнат од куќите кои им се уништени. Други ги спасила војската која пукала во воздух за да ги растера насобраните луѓе.

– Тогаш ги видов момчињата кои ја фатија сосетката Нијабедо, постара жена која има седум деца. Ја претепаа, ја полеаја со бензин и ја запалија – вели Рубенга.

The post ЈА ПРЕТЕПАА, ЈА ПОЛЕАЈА СО БЕНЗИН И ЈА ЗАПАЛИЈА Оживува ловот на вештерки во Конго appeared first on plusinfo.mk.

Во остварувањето на Роберт Земекис, Хатавеј ја игра Врховната вештерка, на која ѝ недостасуваат неколку прсти. Многумина забележале дека нејзините дланки потсетуваат на состојбата позната како ектродактилија, која се карактеризира со вроден недостаток на прсти на рацете или нозете.

Многумина се загрижени дека претставувањето на лицата кои имаат генетско нарушување како вештерки може да придонесе децата да ги поврзуваат деформитетите со нешто страшно и ненормално.

Параолимпијката Ејми Марен и организаторите на Параолимписките игри изразиле жалење поради ова.

– Свесна сум дека ова е филм и дека тие се вештерки. Но, вештерките асоцираат на монструми. Страв ми е дека децата, кога ќе го гледаат овој филм, ќе стекнат впечаток дека разликите се нешто од кое треба да се плашат – рекла Марен.

– Деформитетите не се страшни. Разликите треба да се слават, а хендикепот мора да се гледа како нешто нормално – навеле тие.

„Вештерките“ беше објавен на платформата „HBO Max“ во октомври. Станува збор за екранизација на детската книга на Роалд Дал. Приказната се врти околу момче кое, додека отседнува со неговата баба во еден хотел, случајно наидува на група вештерки и дознава за нивниот суров план сите деца на светот да ги претворат во глувци.

Во филмот се појавуваат Ен Хатавеј, Октавија Спенсер, Стенли Тучи, Крис Рок и Џазир Кадим Бруно.

ФОТО: Танјуг/Варнер брос

The post Рацете на Ен Хатавеј ги разбеснија лицата со инвалидитет: „Варнер брос“ се извини поради „Вештерките“ appeared first on plusinfo.mk.

Актуелниот претседател на САД, Доналд Трамп и неговата сопруга Меланија Трамп, оваа година се одлучија за проколната шума, слична на декорацијата што го имаа и минатата година.

Важноста на овој празник во Америка ја покажува и фантастичната декорација која Белата куќа ја претвори во опседната шума.

Ова е четврта прослава на Ноќта на вештерките по ред во Белата куќа откако на власт дојде републиканскиот кандидат Доналд Трамп и неговата сопруга.

 

View this post on Instagram

 

#NEW Mini Donald & Melania! President Trump and First Lady Melania Trump hosting Halloween at the White House tonight. Photo credit to Reuters (October 25, 2020)

A post shared by Melania Trump Fan (@alwaysmelania) on Oct 25, 2020 at 5:45pm PDT

 

View this post on Instagram

 

Trump celebrates Halloween at the white house. . . Follow us for more updates @newsdropstamil . . #news #covid #india #coronavirus #instagram #love #follow #like #media #breakingnews #music #instagood #viral #fashion #trending #politics #corona #noticias #memes #halloween #football #usa #sports #bhfyp #indonesia #repost #info #bhfyp #trump2020 #donaldtrump #whitehouse

A post shared by Newsdrops Tamil Official (@newsdropstamil) on Oct 26, 2020 at 6:04am PDT

 

View this post on Instagram

 

Pak para se të zbukurohet për festat e fundvitit, Shtëpia e Bardhë është bërë e frikshme me rastin e Halloween-it Ky është i katërti Halloween që Trump dhe Melania e festojnë në Shtëpinë e Bardhë. Ata mirëpritën fëmijë të shumtë, një pjesë e të cilëve ishin të punonjësve të tyre dhe qëndruan për disa orë me ta e me kungujt nëpër këmbë duke shkrepur foto. Fotoja më e famshme e kësaj feste është kjo e dy fëmijëve (që duken si të Ivanka Trump) të veshur si Trump dhe Melania. #tiranapost.al #halloween #whitehouse #donaldtrump #melanietrump

A post shared by Tirana Post (@post.tirana) on Oct 26, 2020 at 2:29am PDT

ФОТО: Инстаграм

The post Меланија повторно ја украси Белата куќа во проколната шума ФОТО appeared first on plusinfo.mk.

Истовремено од последици на инфекцијата починале 55 лица, соопшти италијанското Министерство за здравство.

Италија има втора најголема стапка на смртност од ковид-19 во Европа, по Велика Британија. Од почетокот на пандемијата во февруари починале 36.427 луѓе.

Гувернерот на италијанскиот регион Кампанија, Винченцо де Лука планира да воведе полициски час во текот на ноќта на 31 октомври со цел да го спречи ширењето на коронавирусот на забавите за време на празникот Ноќ на вештерките, кој го нараче „огромна американска глупост“.

Де Лука напиша денеска на својот фејсбук-профил дека полицискиот час ќе почне во 22 часот таа ноќ.

– Ноќта на вештерките е огромна глупост. Огромна американска глупост, која ја увезовме во нашата земја – напиша Де Лука

The post Рекордни 10.000 новозаболени во Италија, полициски час за Ноќта на вештерките appeared first on plusinfo.mk.