Второобвинетата лекарка Мери Пешевска денеска не дојде на судењето од здравствени причини, има стомачен вирус со температура и со повраќање, а јас ветив пред Судот дека редовно ќе доаѓаме на останатите рочишта, исто како што и досега редовно сме се јавувале во Обвинителството, рече денеска адвокатот Јовица Страшевски по првото рочиште во Кривичниот суд за предметот „Онкологија“, во кој се обвинети ексдиректорот и тројца онколози.

Во врска со вештачењето од Словенија за лекувањето на пациентите, кое не е изработено од лиценциран вештак, Страшевски рече дека тоа е во спротивност со македонските закони и прописи.

– Тврдењето на Јавното обвинителство дека некој не мора да биде лиценциран вештак, а да вештачи предмет, е навистина неодговорно. Законски не е дозволено тоа во нашата држава. Тоа вештачење има низа пропусти, а самиот лекар што вештачел ги немал сите податоци за пациентите. Другите вештачења, не сме ги виделе, денеска ни ги достави Обвинителството и треба да видиме што содржат. Можам да потврдам за второобвинетата, за Мери Пешевска, дека во текот на целиот распит и како осомничена и како обвинета доставивме стотици страници на протоколи, извештаи и дел вештачења за одредени паценти, за тоа зошто се давани одредени лекови или како тоа се дозирало. Нејасно ми е зошто Обвинителството има поднесено обвинение за мојот клиент, бидејќи, од сите работи кои ги доставивме не произлегува ниеден доказ дека второобвинетата Мери има направено пропусти, односно несовесно лекување – рече Страшевски.

Тој додаде дека првообвинетиот, ексдиректорот на Клиниката за онкологија, Нино Васев се логирал на логовите на сите лекари во клиниката, а само тројца се обвинети, што покажува дека Обвинителството е слективно.

– Поранешниот директор Васев, не само од Мери, користел и логови, односно се логирал од разчини доктори, ставал негови печати на сите доктори и нејасно е зошто од целата клиника се одбрани само тројца лекари против кои е подигнато обвинение. Истата постапка тврдам дека е за сите вработени, на сите лекари директорот им ја правел истата процедура. Селективно се одбрани тројцата лекари, а за ниеден нема основи за обвинение за несовесно лекување. Нивниот печат и лог во системот се злоупотебени, а тоа требало да биде предмет на друга истрага. ЈО требало да ја отвори, за да утврди како е дозовелно тоа да се врши преку информатичкиот систем, а не да ги товари лекарите за несовесно лекување – вели Страшевски.

ОДЛОЖЕНО СУДЕЊЕТО ЗА „ОНКОЛОГИЈА“ ПОРАДИ БОЛЕСТ НА ОБВИНЕТА ЛЕКАРКА Адвокатите го оспорија вештачењето од Словенија, процесот ќе почне на 5 септември

The post „ЕКСДИРЕКТОРОТ ВАСЕВ СЕ ЛОГИРАЛ КАЈ СИТЕ ЛЕКАРИ НА ОНКОЛОГИЈА, А ОБВИНЕТИ СЕ САМО ТРОЈЦА“ Обвинителството е селективно, треба да се истражи злоупотребата, вели Страшевски appeared first on plusinfo.mk.

Застапничката на обвинението во предметот „Онкологија“ Ана Гоговска Јакимовска очекува Кривичниот суд да ги отфрли наводите на одбраната на двајца од обвинетите, дека вештачењето од Словенија треба да се отфрли како доказ прибавен на незаконит начин затоа што потпишаната лекарка не е регистрирана во регистарот на вештаци во Словенија.

– За приговорите за вештачењето Јавното обвинителство денеска се произнесе денес и очекуваме Судот да донесе одлука. Ние оценуавме дека приговорите се апсолутно беспредметни и очекуваме таква да биде и одлуката на Судот – рече Гоговска Јакомовска во изјава после рочиштето.

Во врска со тоа дека потпишаната лекарка не е лиценциран вештак, таа рече дека се работи за процедури на државите до кои е доставена замолницата.

– Еден од принципите на меѓународното право е да имаме доверба во државите до кои сме ја доставиле таа замолница, дека доказите се прибавени на законит начин. Наводите на одбраната се беспредметни – рече обвинителката.

ОДЛОЖЕНО СУДЕЊЕТО ЗА „ОНКОЛОГИЈА“ ПОРАДИ БОЛЕСТ НА ОБВИНЕТА ЛЕКАРКА Адвокатите го оспорија вештачењето од Словенија, процесот ќе почне на 5 септември

The post ОБВИНИТЕЛСТВОТО ОЧЕКУВА СУДОТ ДА ГИ ОТФРЛИ НАВОДИТЕ НА ОДБРАНАТА ЗА ВЕШТАЧЕЊЕТО Доказите се прибавени на законит начин, вели обвинителката Гоговска Јакимовска appeared first on plusinfo.mk.