Кампањата „Поддршка за згрижувачките семејства“, дел од платформата #ВЕРОзаТЕБЕ“, го достигна својот следен чекор со проширувањето во Битола.

По успешното лансирање во Скопје, оваа иницијатива продолжува да прави разлика, обезбедувајќи поддршка за згрижувачките семејства и центрите за лица со попреченост низ Северна Македонија. Во духот на божиќните празници, преку подароци од Џамбо маркетите, ВЕРО се грижи празничната сезона да биде исполнета со радост и надеж за сите на кои им е најпотребна.

– Згрижувачките семејства нудат љубов и стабилност, додека центрите за лица со попреченост обезбедуваат поддршка и еднакви можности. Оваа кампања е повеќе од помош – таа е порака дека нивната работа е вреднувана и дека заедницата стои зад нив. Ваквите иницијативи се клучни за вистинска промена и подобрување на животите на најранливите – изјави Ѓоко Велковски, заменик-министер за социјална политика, демографија и млади.

Директорот на ВЕРО, Петар Денковски, додаде: „Во ВЕРО веруваме дека нашата одговорност оди чекор понапред од само обезбедување производи. Кампањата ‘Поддршка за згрижувачките семејства’ ја покажува нашата посветеност на заедниците. Денес не подаруваме само подароци – носиме порака на надеж и солидарност со секое згрижувачко семејство и секој центар за лица со попреченост“.

Настанот во ВЕРО Битола ги обедини згрижувачките семејства, претставниците на центрите за лица со попреченост, децата и граѓаните, славејќи го духот на заедништвото и поддршката. Оваа иницијатива ја нагласи важноста на грижата за најранливите во општеството и е дел од пошироката мисија на ВЕРО за корпоративна одговорност, насочена кон поттикнување инклузија и солидарност.

Оваа иницијатива е повеќе од хуманитарен проект – тоа е порака на солидарност, надеж и посветеност кон сите кои се борат за подобра иднина.

The post „#ВЕРОзаТЕБЕ“ ДЕНЕСКА ВО БИТОЛА Кампањата носи радост и поддршка за згрижувачките семејства и центрите за лица со попреченост appeared first on plusinfo.mk.

Со исплатата на февруарската плата, околу 1.000 вработени во Веро и во Jumbo маркетите ќе добијат зголемени нето плати до 3.000 денари. Ова е втор поголем финансиски надомест за вработените во компанијата за 4 месеци, откако во ноември менаџментот донесе одлука да им исплаќа месечен бонус од 2.000 денари. Исплаќањето на овој месечен бонус за вработените се воведе како редовна практика со цел компанијата дополнително да ги мотивира сите вработени и континуирано да го наградува трудот на најпосветените работници. Зголемувањето на платите и исплатата на месечните бонуси за само 4 месеци значително ги придвижува нагоре месечните примања на вработените.

Од менаџерскиот тим на Веро велат дека како работодавец компанијата секогаш наоѓа соодветен начин да им обезбеди бенефиции на своите вработени, дури и во кризни периоди.

– Веро на македонскиот пазар е 25 години, период во кој константно инвестираме во маркетите, услугите и во нашите вработени. Покрај во нивниот финансиски бенефит, вложуваме и во едукација и развој на тимот вработени со што креираме одлична клима за градење професионална кариера и личен развој. Грижата за вработените и нивната финансиска стабилност се наш приоритет бидејќи на тој начин обезбедуваме стабилност и просперитет на околу 1.000 семејства во земјава – рече Петар Денковски, генерален менаџер на Веро.

Зголемувањето на платите и воведувањето други финансиски бенефиции за вработените доаѓа во период кога Веро интензивно инвестира во отворање нови маркети. Во моментов во тек се градежни активности за отворање нов Веро и Jumbo маркет во Куманово, како и на уште еден маркет во Скопје во рамки на новиот трговски центар „Дајмонд“ кој наскоро треба да се отвори.

The post ВРАБОТЕНИТЕ ВО ВЕРО И ВО ЏАМБО ДОБИЈА ПОВИСОКИ ПЛАТИ До 3000 денари покачување за околу 1000 вработени appeared first on plusinfo.mk.

Со секоја сметка над 200 денари од означените слатки производи, потрошувачите добиваат купон кој треба да го пополнат со лични податоци и да го остават во означените кутии во секој Веро маркет. Секој купон учествува во наградната игра во која ќе се доделат вкупно 300 ваучери од по 500, 1.000 и 1.500 денари.

Почнувајќи од 17 декември сѐ до завршувањето на наградната игра, секој ден се извлекуваат вкупно 30 добитници на слатките награди. Односно, секој ден Веро доделува по 10 ваучери од по 500, 1.000 и 1.500 денари. Ваучерите може да се искористат за пазарување производи од слатките рафтови во Веро маркетите најдоцна до 31 јануари 2023 година. Добитниците на слатките ваучери се објавуваат на профилите на социјалните мрежи на Vero marketi истиот ден по завршување на извлекувањето.

„Чоколенд“ е традиционална предновогодишна манифестација која Веро ја организира со години наназад како вовед во празничната магија на слатките задоволства. Организирајќи го „Чоколенд“, Веро ги промовира најпознатите брендови на чоколади и слатки од домашни и странски производители, а воедно на своите потрошувачи им овозможува да уживаат во најголем избор на слатки вкусови по промотивни цени.

The post „ЧОКОЛЕНД“ ВО ВЕРО Учествувајте во чоколадната наградна игра со многу изненадувања appeared first on plusinfo.mk.