dm drogerie markt и оваа година ја организира традиционалната велосипедска рута „Пуштам брк, бркам здравје“, која ќе се одржи на 16 ноември на Школка во Градскиот парк во Скопје со почеток од 11 часот наутро. Целта на оваа спортска активност е да помогне да се подигне свеста за машкото и физичкото здравје токму во месецот посветен на машкото здравје – Мовембер.

Пријавувањето за велосипедската рута е целосно бесплатно и може да се направи онлајн, преку пополнување на формуларот на следниот линк. Сите велосипедисти кои успешно ќе ја завршат рутата ќе добијат подарок ранец со производи од dm drogerie markt.

Како општествено одговорна компанија која ѝ е силно посветена на заедницата, dm drogerie markt најави дека и оваа година големиот велосипедски настан „Пуштам брк, бркам здравје“, ќе сочинува две посебни велосипедски рути за различни групи на учесници. Професионалните велосипедисти ќе можат да се пријават за возењето на долгата рута од 63 км во форма на брк, а за рекреативците е предвидена пократка рута од 4 км на која може да се пријави секој заинтересиран. Здружението на друмски и планински велосипедизам Macedonian Bike Riders ќе се погрижат рутата да помине во најдобар ред.  За оние кои знаат да возат, а немаат велосипед, ќе бидат поставени статични фиксни велосипеди на местото на настанот, кои ќе им бидат на располагање и ќе можат да се вклучат во хуманитарниот карактер на велосипедската рута. Посетителите ќе можат да учествуваат и во мистериозната наградна игра Mystery box за најбрзите возачи на статичните велосипеди.

Покрај возењето на велосипедските рути на 16 ноември ве очекуваат многу забавни и интерактивни активности.

Пред Школка ќе се одржи и кратка дискусија за машкото здравје и предизвиците на современиот маж, на која ќе учествуваат инфлуенсерите Александар Динев, Бомбакис и Никола Поповиќ – Ниџо. Целиот настан ќе биде придружен со DJ сет на забавна музика, за размрдување на присутните и мотивација за тркачите – како и минатите изданија, така и оваа година dm ви спреми богата агенда:

– Берберот Сашо Ажиевски ќе биде тука бесплатно да ве потстриже и да му даде форма на вашиот мовембер брк на Philips штандот.

– Експертот за велосипеди Сашо Јуруков е тука за сите мали поправки за велосипедистите, како и да сподели некој совет околу оддржувањето на вашето омилено превозно средство.

– Д-р Стефан Николов од приватната болница „Аџибадем Систина“ ќе ви споделува бесплатни совети за вашето машко здравје и ќе биде тука за сите кои сакаат да ги проверат шеќерот во крвта и крвниот притисок.

– Уролозите од иницијативата „Мовембер“ здружението Movember покрај тоа што ќе бидат дел од велосипедската рута, ќе бидат присутни и за бесплатни консултации околу грижата за машкото здравје.

– Нутриционстката Симона Коруновска ќе ви припреми вкусни dmBio закуски за дегустација и ќе споделува совети за добри прехранбени навики.

– Во протеинското катче ќе може да ги испробате вкусните протеински штанглици и шејкови од PROTEINI.SI и POLLEO Sport.

– На Good Nature штандот ќе можете да се загреете со топли напитоци во разни вкусови.

– Аниматорите од Мали креативци ќе бидат тука за да ги насмеат најмалите посетители на интерактивно детско катче

Велосипедскиот настан „Пуштам брк, бркам здравје“ полека прераснува во убава традиција, чија цел е да ја поттикне машката популација кон поголема грижа за себе и за машкото здравје преку правење самопрегледи и редовни лекарски прегледи. Главниот симбол на големото светско движење Movember насочено кон оваа кауза е токму големиот мустаќ кој ќе биде и севкупен знак на настанот на dm дрогерие маркт.

 

View this post on Instagram

 

A post shared by Aleksandar Dinev (@aleksandardinev)

The post „ПУШТАМ БРК, БРКАМ ЗДРАВЈЕ“ Пријавете се за големиот велосипедски настан на dm drogerie markt appeared first on plusinfo.mk.

Сообраќајот на државните патишта се одвива по суви коловози, информира Авто мото сојузот на Македонија.

„На 22.7.2025 година во време од 8 до 16 часот ќе биде обезбедувана велосипедската трка „Хроно“, при што сообраќајот на регионалниот пат кон граничниот премин Пелинце на потегот од раскрсницата кон селото  Драгоманце до Меморијалниот центар АСНОМ во селото Пелинце ќе биде запрен. Повремено затворање на регионалниот пат Куманово-граничен премин Пелинце е планирано за наредните 3 дена, 22, 23 и 24 јули“, информира АМСМ.

Исто така, се додава, на 22.7.2025 година од 8 до 17 ќе биде обезбедувана велосипедската трка „Моунтајн бајк“, при што сообраќајот на патот во селото Добршане на регионалниот пат за Свети Николе до местото викано Студена Вода ќе биде запрен.

„Интензитетот на сообраќај на патните правци надвор од градските средини е зголемен. На ГП Табановце се бележи зголемена фреквенција на возила за влез и излез од државата, времето на чекање е околу 15-30 минути. На останатите гранични премини од македонска страна нема подолги задржувања за влез и излез од државата“, додава АМСМ.

The post ПАТОТ КОН ГРАНИЧНИОТ ПРЕМИН ПЕЛИНЦЕ ЌЕ БИДЕ ЗАТВОРЕН Три дена привремени прекини поради велосипедска трка appeared first on plusinfo.mk.

Денеска (21.07.2025) од 10 до 15 часот ќе биде затворен сообраќајот на регионалниот пат Куманово – граничен премин Пелинце, соопшти АМСМ.

Сообраќајот ќе биде во прекин на потегот од раскрсница за селото Драгоманце до Меморијалниот центар АСНОМ во Пелинце.

Прекинот е поради одржување велосипедска трка.

The post ЗАТВОРЕН ПАТОТ ОД КУМАНОВО КОН ГРАНИЧНИОТ ПРЕМИН ПЕЛИНЦЕ Се одржува велосипедска трка appeared first on plusinfo.mk.

Од СВР Тетово информираат дека утре од 9 до 16 часот и 30 минути на потегот од село Маврово до село Леуново ќе се одржи традиционална велосипедска трка по повод празникот 8 Септември, на која ќе учествуваат неколку категории натпреварувачи.

– Во тоа време целосно ќе биде забранет сообраќајот на овој пат, а покрај редари на организаторот, за безбедноста на учесниците и гледачите ќе се грижат повеќе полициски службеници и возила на Секторот за внатрешни работи Тетово кои ќе бидат ангажирани за таа цел и намена, наведуваат од СВР Тетово.

Од таму упатуваат апел до учесниците на трката да се придржуваат на знаците и другата опрема поставена од организаторот, а до возачите – целосно да ја почитуваат забраната во периодот додека трае трката.

The post ПАТОТ ОД МАВРОВО ДО ЛЕУНОВО УТРЕ ЗАТВОРЕН ЗА СООБРАЌАЈ Околу Мавровското Езеро ќе се вози велосипедска трка appeared first on plusinfo.mk.

Трката, во организација на Велосипедската федерација на Македонија, ќе тргне од ул.„Димитрие Чуповски” кај порта „Македонија”, и ќе се движи по трасата – ул.„11-ти Октомври” кон зградата на Собрание на РСМ до крстосница со ул.„Филип Втори Македонски”, лево по ул.„Филип Втори Македонски” до влезот на ГТЦ. Понатаму се поминува под ГТЦ и се доаѓа до Порта Македонија каде се продолжува право по ул.„Димитрие Чуповски” се до крстосница со ул.„Даме Груев” кај Палома Бјанка и назад по ул.„Димитрие Чуповски” се до стартно-целната позиција.

Исто така со почеток во 16.00 часот во сабота, во организација на фолклорен ансамбл „Григор Прличев” ќе се одржи прв меѓународен детски фолклорен фестивал „Златен вез 2022″ кој ќе зафаќати дел од ул.„Ѓорче Петров” од крстосницата со ул.„Никола Пушкаров” до крстосницата со ул.„Македонска Војска” во Скопје.

„Од тие причини Одделението за безбедност на патниот сообраќај ќе преземе мерки за посебен режим на сообраќајот на горенаведените сообраќајници, а сообраќајот ќе се пренасочува по околните сообраќајници. МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните“ – се вели во соопштението.

The post ВНИМАВАЈТЕ НА ВЕЛОСИПЕДИ И ИГРАОРЦИ В сабота посебен режим на сообраќај во Центар и во „Ѓорче“ appeared first on plusinfo.mk.

И годинава трката побуди голем интерес, а вљубениците во велосипедизмот, професионалци и оние кои го користат велосипедот рекреативно или како превозно средство се натпреваруваа во неколку категории – ПРО, ХОБИ и ПРО кидс.

Во категоријата ПРО, рутата Бистра-Леуново-Бистра долга 22 километри, во машка конкуренција најбрзо ја помина Димитар Јовановски, а во женска Елена Петрова. Второпласирани беа Виктор Ванчевски и Анета Антовска, а третото место го освоија Александар Милошевски и Андријана Атанасоска. Најдобрите во оваа категорија која е наменета за професионалци, членови на Велосипедската федерација, но и оние кои се чувствуваат подготвени да се натпреваруваат во оваа категорија, освоија награди во висина од 20.000, 15.000 и 10.000 денари кои ги обезбеди Халкбанк.

Во категоријата ХОБИ, кај жените најдобри беа Лидија Мано Илиев, Тамара Јурков Зефиќ и Емилија Пајковска, а меѓу мажите, Маријан Тасевски, Левент Рифат и Мартин Фотевски. Наградите за најдобрите во оваа категорија изнесуваа 10.000, 5.000 и 3.0000 денари.

Меѓу младите од 13 до 17 години најдобри беа Ева Здравева, Олса Орани и Миа Мацоска, во женска конкуренција и Немања Пауновски, Андреј Маџоски, Иван Илијевски во машка. Кај децата од 6 до 12 години најбрзи беа Андреј Здравев, Дамјан Безаноски, Симеон Јовановски во машка и Тија Кукунешоска, Бистра Груевска, Сара Пановска во женска конкуренција. За најдобрите млади и деца Халкбанк обезбеди штедни книшки со по 10.000, 5.000 и 3.000 денари.

Сите натпреварувачи со своето учество и годинава дадоа директен придонес за засадување нови дрвја. Средствата од претходните две Halk Velo Green трки се искористија за засадување над 15.000 садници во околината на Свети Николе.

Трката Halk Velo Green е дел од платформата HalkEco на Халкбанк чија цел е поттикнување здрави животни навики и заштита на природата. Во акциите кои се спроведуваат во рамките на оваа платформа Халкбанк досега во земјава има засаденo над 33.000 дрвја.

The post ТРЕТА ПО РЕД „HALK VELO GREEN“ Халкбанка успешно огранизираше уште една вело-трка во Маврово appeared first on plusinfo.mk.