Фронтменот на рок-групата „Меморија“, Петар Георгиевски познат како Перо „Камиказа“ (65), објави дека пред неколку дена доживеал незгода додека возел велосипед на кејот на Вардар. По судир со трчач, музичарот завршил во Ургентниот центар со потрес на мозокот, со четири конци на главата и повеќе нагмеченици.

По укажаната прва помош на местото на несреќата, бил пренесен во Ургентниот центар, каде што му биле направени компјутерска томографија и повеќе прегледи.

Тој вели дека трчачот веднаш признал дека ја предизвикал незгодата и останал со него додека било потребно.

„Дечкото што ми излета беше видно вознемирен и постојано се извинуваше. Се гледаше дека е редовен трчач, многу културен и исплашен. Цело време беше со мене, сè додека не дојде ќерка ми. Ми го остави бројот од телефонот и си замина“, раскажува тој.

Музичарот упати апел до сите што ги користат патеките покрај Вардар, тоа да го прават одговорно и внимателно, трчачите да ја користат својата лента и секогаш да внимаваат ако нагло го менуваат правецот. Исто така тој ги повика сопствениците на кучиња, да не ги пуштаат своите миленици слободно да трчаат по велосипедската патека.

The post ПЕРО „КАМИКАЗА“ ХОСПИТАЛИЗИРАН НА УРГЕНТЕН ЦЕНТАР По незгода со велосипед добил потрес на мозокот appeared first on plusinfo.mk.

На општинскиот пат од село Радуша кон село Дворце, на местото викано „Сува река”, вчера се случила сообраќајна несреќа помеѓу патничко возило „опел зафира” со скопски регистарски ознаки, управувано од Е.Ј.(20) од село Дворце, скопско, велосипед управуван од К.Ш.(68) од Скопје и велосипед управуван од А.Г.(61) од Скопје.

Во несреќата со тешки телесни повреди се здобил К.Ш., констатирани во Ургентен центар при комплекс клиники „Мајка Тереза” во Скопје, информира СВР Скопје.

The post „ОПЕЛ“ УРИЛ ВО ДВАЈЦА ВЕЛОСИПЕДИСТИ КАЈ РАДУША Едниот е тешко повреден appeared first on plusinfo.mk.

44-годишната С.С. од Скопје се здобила со тешки телесни повреди откако паднала со велосипед во одводна шахта на улицата Жан Жорес.

Инцидентот се случил на 06.06.2026 година околу 21:00 часот, кога жената управувала велосипед и, според пријавеното, завршила во шахта на коловозот. По падот, таа била повредена и подоцна пренесена во Ургентниот центар при комплексот клиники „Мајка Тереза“ во Скопје, каде што на 07.06.2026 во 16:40 часот е пријавено дека е примена со тешки телесни повреди.

Повредите се констатирани од лекарски тим, а на местото на настанот увид извршила екипа на СВР Скопје, која работи на целосно расчистување на случајот.

The post СО ВЕЛОСИПЕД ПАДНАЛА ВО ШАХТА Скопјанка заврши на Ургентно со тешки повреди appeared first on plusinfo.mk.

Необичен случај од Единбург ја збуни јавноста, откако крадец со електричен велосипед украл дрвен кип на војник висок повеќе од два метра пред еден коктел бар. На снимката се гледа како мажот со напор го крева кипот, го поставува преку велосипедот и со тешкотии се оддалечува. Сцената изгледа речиси како од празничен филм.

Сопственикот на барот, Пол Бакстон, изјави дека загубата е голема, не само поради вредноста, туку и поради симболиката.

– Украдениот кип се вика Нолан, а неговиот брат Нелсон е на безбедно. Двајцата беа дел од нашата божиќна декорација. За време на кражбата беше скршена и маса вредна неколку стотици фунти. Прилично катастрофално – истакна Бакстон.

Барот преку социјалните мрежи испрати апел:

 

View this post on Instagram

 

A post shared by BBC Scotland News (@bbcscotnews)

„Ако крадецот го врати кипот, сè ќе биде во ред“.

Сепак, сопственикот не очекува Нолан да биде вратен. Вели дека најмногу го разочарало тоа што никој од минувачите не реагирал, иако сцената била очигледна и траела неколку минути.

Полицијата во Единбург потврди дека истрагата е во тек и дека се користат снимки од безбедносни камери за идентификација на сторителот.

The post 📽️ НОВОГОДИШНА КРАЖБА КАКО ОД КОМИЧЕН ФИЛМ „Ако го врати кипот, сè ќе биде во ред“ appeared first on plusinfo.mk.

Вчера во 15:40 часот во Гевгелија се случила сообраќајна несреќа кога велосипедист Г.Б. (51) се судрил со патничко возило „ланд ровер“ управувано од 62-годишниот М.П. од истиот град. Инцидентот се случил на улицата Моински Пат.

Велосипедистот веднаш бил пренесен во Општата болница во Гевгелија, каде му беа констатирани тешки телесни повреди. Полицијата, која изврши увид на местото на несреќата, утврди дека Г.Б. бил под дејство на алкохол, со 1,94 промили во крвта.

– Се работи за сериозна сообраќајна несреќа со тешки повреди. Истражуваме за сите околности што доведоа до судирот – велат од полицијата.

Увид на местото изврши екипа од ОВР Гевгелија, а случајот се третира како тешка сообраќајна незгода.

The post ТЕШКО ПОВРЕДЕН ПИЈАН ВЕЛОСИПЕДИСТ Возел со 1,94 промили и се судрил со „ланд ровер“ во Гевгелија appeared first on plusinfo.mk.

Јавен обвинител од Основното јавно обвинителство Скопје донесе Наредба за спроведување истражна постапка против едно лице поради сомненија за сторени „тешки дела против безбедноста на луѓето и имотот во сообраќајот“ од член 300 став 2 во врска со член 297 став 1 од Кривичниот законик, соопшти Обвинителството.

На 3 ноември, управувајќи автомобил фолксваген пасат по булеварот Гоце Делчев во Скопје, тој не се придржувал кон прописите и го загрозил јавниот сообраќај.

Автомобилот го управувал со неприлагодена брзина која не му овозможувала да запре навремено во случај на потреба или пречка.

Пристигнувајќи на пешачки премин на крстосницата со улицата Лазар Личеноски осомничениот 37-годишник со предниот дел на возилото удрил во велосипед, управуван од сега починатиот Јорго Ќука, кој се движел по обележаниот пешачки премин. Од ударот оштетениот се здобил со тешки телесни повреди и починал.

Надлежниот јавен обвинител одлучи да достави до Судот предлог за определување мерки на претпазливост – одземање на македонска и српска патна исправа од осомничениот кој има двојно државјанство, одземање на возачка дозвола, забрана за напуштање на живеалиште и обврска да се јавува повремено кај надлежен државен орган.

The post ВОЗАЧОТ ШТО ГО УСМРТИ ЈОРГО ЌУКА ВОЗЕЛ ПРЕТЕРАНО БРЗО Не е во притвор, одземени му се два пасоши appeared first on plusinfo.mk.

Жената која беше видена како лежи неподвижна во центарот на Охрид во понеделникот, 14 април, се здобила со повреди од удар со мопед кој го управувал 14-годишник, информираше охридската полиција.

Според новите детали 58-годишна Н.Р. возела велосипед  кога била удрена од мопед на крстосницата на булеварот Туристичка со улицата Даме Груев. Несреќата се случила на самиот пешачки премин.

Со повреди завршил и 14-годишникот.

„Двајцата се здобиле со телесни повреди, констатирани во болницата „Св.Еразмо“ и Општата болница во Охрид. Увид на местото на незгодата извршија полициски екипи“, се вели во полицискиот билтен.

И двете лица се од Охрид.

ЖЕНА ЛЕЖИ НЕПОДВИЖНА НА ПЕШАЧКИ НА „ТУРИСТИЧКА“, ЈА УДРИЛ МОТОЦИКЛ Страшна несреќа на најпрометниот булевар во Охрид

The post МАЛОЛЕТНИК СО МОПЕД ЈА УДРИЛ ЖЕНАТА КОЈА ЛЕЖЕШЕ НЕПОДВИЖНА СРЕДЕ ОХРИД Во болница и на двајцата им се констатирани повреди appeared first on plusinfo.mk.

По само неколку метри жената паѓа од велосипедот, а присутните се смеат. Некои од нив и ракоплескаат, додека жената си заминува.

„Кармата деновиве работи со полна брзина“, „Падна сама, сама се уби“, „Па ова е хитот на денот“, гласат дел од коментарите на социјалните мрежи.

Baba na biciklu narušila 15 minutnu ćutnju uzvikom “Živeo Vučić” i nakon 20 metara se strovalila.

Fb: https://t.co/A7JfU1CnKw pic.twitter.com/Dbatgh9dUj

— Željko Kisa (@ZeljkoKisa) January 26, 2025

Студентите во Србија протестираат и бараат да се објави целата документација во врска со падот на натстрешницата на Железничката станица во Нови Сад која предизвика трагедија.

Утрово во 10 часот започна 24-часовна блојкада на Автокоманда, една од најпрометните улици во Белград. На штрајкот се приклучија и медиуми, бројни синдикати, наставници, професори, лекари, адвокати, средношколци, земјоделци…

Студентите повеќе од два месеци блокрираат околку 60 факултети низ државата. Нова 24-часовна блокада е најавена за утре.

The post 📽️ ПАДНА ОД ВЕЛОСИПЕД ИЗВИКУВАЈЌИ „ВУЧИЌ“ Баба го прекина молкот на протест во Франкфурт appeared first on plusinfo.mk.

Вечерва тој на својот профил на Фејсбук ја сподели непријатната случка, која за малку можела да биде голема трагедија.

„По тоа што го доживеавме вчера, јас на велосипед и господинот во голем џип, ве преколнувам: Кога чекате на семафор, а сте сами во автомобилот, особено во џип, не гледајте во мобилен телефон, гледајте пред вас, ве преколкувам. Вчера, 24.12.2024, 11 часот наутро, на раскрсницата на улицата Никола Тесла со Илинденска (кај Трибека и гимназијата Орце Николов), се движам по улицата Никола Тесла кон Илинденска со велосипед, закачувам за нешто со педалата, минувајќи меѓу колите кои чекаа на црвено и тротоарот и паѓам на стомак пред џипот кој чека прв на семафорот. Се испружувам раширен со сите четири на асфалтот, јас напред со рацете, а велосипедот поназад, заедно со моите нозе. Таман почна да ми тече крв од носот и се спремав да се исправам, кога шок. Џипот тргнува и ме покрива, таман е толку висок што само ми ја допира мојата голема глава, но ме стиска силно на десниот колк и на десната нога. Јас се дерам, а и многу лица кои чекале на пешачки. Џипот запира и по две секунди (кои траат како вечност), се враќа назад. Не ме прегази само затоа што прво со неговото лево предно тркало го прегази задното тркало на велосипедот, па рамот, кој ми ја стисна десната подколеница која беше под рамот. Значи, осети отпор и прикочи, инаку, јас ќе бев смачкан, а возачот на џипот и да не беше осуден, ќе беше душевно осакатен доживотно. Значи, ако не гледате напред,а гледате во мобилен или на страна можеби под вашето возило во меѓувреме да паднал човек, дете итн“, напиша д-р Пановски.

Да ја завршам случката, продолжи тој.

„За чудо, успеав да станам, целиот згмечен и во прав, крв од носот, очилата летнати (баш нови и скапи), ама ок беа, лаптопот и мобилниот преживеаја, велосипедот во посмртни остатоци, ама ќе се поправи, велосипедот ем ме турна во смрт, ама и ме спаси. Возачот на џипот ме зема во возилото, велосипедот во багажник и ме однесе дома. Го оставив смачканиот велосипед во гаража, се качив на друг и отидов на седница на Совет на Град Скопје, каде што бев и тргнат, истресов прашина и влегов во 11.30, доцнев 10 минути. По некое време гледам дека ме затега ногавицата кај подколеницата. Оток како тениско топче. На пауза отидов дома да се пресоблечам, кога потколеницата се наду како топка, и почнаа силни болки. Не можев ни до вц да одам без помош. Денес сум подобар, сам се движам, десната потколеница е само двапати подебела од левата, вчера беше трипати подебела, и не ме боли. Лесни болки во рамо, колк, носот. Утре и ќе излезам од дома, значи ок сум физички, а психички сум сè уште во шок, па затоа ја напишав оваа порака до возачите“, напиша лекарот.

The post ПАДНАВ ПРЕД ЏИП, ВОЗАЧОТ НЕ МЕ ВИДЕ И ЌЕ МЕ СМАЧКАШЕ Лекарот Никола Пановски ги предупредува возачите да гледаат напред додека чекаат пред семафор appeared first on plusinfo.mk.

Машкото здравје е во фокусот на настанот „Пуштам БРК, БРКам здравје“ во организација на dm дрогерие маркт кој ќе се одржи на 17 ноември (недела) во 11 часот во Градскиот парк во Скопје.

Ентузијастите кои веќе се пријавија ќе возат две велосипедски рути од 100 километри и од 3,5 километри, но сите заинтересирани ќе можат да дадат поддршка за важноста на оваа тема со активноста на статични велосипеди пред Школка.

„На овој простор ќе бидат позиционирани статични велосипеди кои секој посетител ќе може да ги вози, а целта е сите заеднички преку вртење на педалите да исцртаме еден голем мустаќ на голем екран и да се даде поддршка за оваа кауза“, велат од dm дрогерие маркт.

Водител на севкупната активност ќе биде актерот Игор Ангелов кој ќе ги мотивира и охрабри Movember поддржувачите. Секој што ќе учествува ќе добие бројче, а по настанот ќе се одржи и извлекување на кое најсреќните ќе добијат подарок.

Дополнително, сите присутни ќе имаат можност да дегустираат вкусни и органски dmBio закуски подготвени од Симона Коруновска – instanutricionist. Воедно, ќе има и посебно катче каде секој ќе може да ја среди брадата или мустаќите со искусен бербер!

Од компанијата порачуваат дека без разлика дали пуштате мустаќи или едноставно започнувате разговор, важно е да се вклучите во овој настан за сите заедно да помогнат да се скрши стигмата околу машкото здравје и да се создаде иднина каде што мажите живеат поздрави и подобри животи.

The post СО ВЕЛОСИПЕДИ ЌЕ СЕ ИСЦРТУВА МУСТАЌ ВО ГРАДСКИ ПАРК dm помага да се крене свесноста за машкото здравје appeared first on plusinfo.mk.