Врховната Рада на Украина денеска со гласовите на 265 пратеника ја поддржа оставката на украинскиот министер за одбрана Денис Шмихаљ од оваа позиција, објави Укринформ.

Врховната Рада на 9 јануари ја доби поднесената оставка од министерот за одбрана Денис Шмихаљ и првиот вицепремиер и министер за дигитална трансформација Михајло Федоров.

Претседателот на Украина, Володимир Зеленски, предложи досегашниот министер за одбрана Денис Шмихаљ да биде назначен за прв вицепремиер и министер за енергетика.

На Федоров му е понудена функцијата прв човек на Министерството за одбрана, објавува Укринформ.

На 4 март 2020 година, Шмигаљ беше назначен за премиер на Украина и оваа позиција ја држеше најдолго време во историјата на земјата, до 17 јули 2025 година, кога, по неговата оставка, ја презеде функцијата министер за одбрана во новата влада, според украинската веб-страница.

The post РАЗРЕШЕН МИНИСТЕРОТ ДЕНИС ШМИХАЉ Ја напушта одбрана и станува вицепремиер на Украина appeared first on plusinfo.mk.