Српските медиуми веќе алармираат за значително зголемени цени на становите и на апратманите во приватното сместување, а зголемени се и цените на храната во локалните таверни и ресторани.

На пример, во некогаш мало рибарско село, кое денес е топ дестинација поради близината до Солун, гирото е веќе 4 евра, но ако ви се послужи како оброк во чинија, ќе ве чини 7 евра, пишува Блиц.рс

Двокреветен стан во мирниот дел на Никити на почетокот на јуни чини 278 евра по лице за 10 дена додека таа бројка се искачува до 588 евра по лице на крајот на јули и во првата недела од август. Доколку одлучите да го изнајмите целото сместување, ќе платите околу 100 евра помалку, информира Телеграф.

Цените за изнајмување на студио/апартмани се и над 1.000 евра. За 10 дена на почетокот на јули треба да издвоите 920 евра, додека следниот термин е веќе 1.040 евра.

Сарти сепак останува нешто подостапно, па цената се движи од 258 евра по лице во втората недела од јуни до 438 евра за истиот период два месеци подоцна. Во јули и август цените во Неос Мармарас достигнуваат и до 780 евра за изнајмување на цел стан.

The post ЦЕНИТЕ ВО ГРЦИЈА ВРТОГЛАВО РАСТАТ ПРЕД НАПЛИВОТ ЗА ВЕЛИГДЕН Приватните апартмани  поскапи од луксузен хотел! appeared first on plusinfo.mk.