Италијанската алпска скијачка Федерика Брињоне победи во денешниот велеслалом на Зимските олимписки игри 2026.

Триесет и петгодишната Брињоне ги заврши двете трки за 2 минути и 13,5 секунди. Ова е втор златен медал за Брињоне на Олимписките игри во Милано/Кортина, откако претходно беше најбрза во супер-велеслаломската трка.

Швеѓанката Сара Хектор и Норвежанката Теа Луиз Стјернесунд се најдоа на делба на втората позиција со време 2 минути и 14,12 секунди.

Македонката Јана Атанасовска не успеа да ја заврши првата трка.

The post ФЕДЕРИКА БРИЊОНЕ СО ВТОРО ЗЛАТО ОД ЗОИ Победи и во велеслалом appeared first on plusinfo.mk.

 

View this post on Instagram

 

A post shared by Guillerme Freitas (@troqueodisco_)

Бразилецот Лукас Пинеиро Братен е еден од најнеобичните и најхаризматични алпски скијачи на својата генерација, а неговата победа во велеслаломот на ЗОИ 2026 во Милано–Кортина за многумина беше изненадување само на хартија. Во скијачките кругови тој одамна важи за врвен техничар, со експлозивен стил и силна психолошка самодоверба, но и со неконвенционална животна приказна што го издвојува од класичниот профил на норвешки шампион.

Роден е на 19 април 2000 година во Осло, во семејство со мешано потекло – татко Норвежанец и мајка Бразилка. Токму од мајчината страна го носи презимето Пинеиро, кое ја нагласува неговата бразилска врска, но и личниот идентитет што подоцна ќе стане важен дел од неговата спортска приказна. Детството го минува во Норвешка, каде што природно почнува да скија уште како многу мал, во систем кој традиционално создава врвни алпски скијачи.

Во младинските категории Братен брзо се истакнува како исклучителен талент во техничките дисциплини, особено во слалом и велеслалом. Дебитира во Светскиот куп како тинејџер и веднаш привлекува внимание со агресивен стил на возење и голема креативност на патеката. Победите и подиумите доаѓаат релативно рано, а во еден период се сметаше за наследник на новата генерација норвешки техничари.

Сепак, неговата кариера не беше линеарна. Во 2023 година дојде до сериозен конфликт со Норвешката скијачка федерација, поврзан со спонзорски договори и лични права на бренд, по што Братен шокантно објави повлекување од активното скијање – на само 23 години и во врв на форма. Таа одлука предизвика голем одек во светската спортска јавност, бидејќи стануваше збор за еден од најталентираните скијачи во Светскиот куп.

Пресвртот дојде кога реши да се врати во спортот, но под бразилско знаме. Иако е роден и израснат во Норвешка, Братен има бразилско државјанство преку мајка му, што му овозможи формално да настапува за Бразил. Со тоа стана редок пример на елитен алпски скијач кој претставува земја без силна традиција во зимските спортови, што дополнително ја засили медиумската и симболичката тежина на неговите настапи.

Одлуката да настапува за Бразил не беше само административна, туку и лична. Братен отворено зборуваше дека сака да го истакне својот двоен идентитет и да инспирира нови генерации спортисти надвор од класичните „скијачки нации“. Во јавните настапи често нагласува дека се чувствува и како Норвежанец и како Бразилец, а промената на знамето ја претставува како израз на лична слобода и автентичност.

Затоа, кога се појави како победник во велеслалом на Олимписките игри во Милано–Кортина, приказната звучеше парадоксално: технички производ на норвешката школа, а официјално бразилски олимписки шампион. Токму таа комбинација – скандинавска техничка дисциплина и латиноамерикански идентитет – го прави Лукас Пинеиро Братен една од најфасцинантните фигури во современото алпско скијање.

The post 🎥 САМБА НА ПОБЕДНИЧКИОТ ПИЕДЕСТАЛ ВО МИЛАНО-КОРТИНА Човек што им докажа на Норвежаните дека и Бразилец може да освои олимписко злато appeared first on plusinfo.mk.

Македонската скијачка Јана Атанасовска не успеа да ја заврши првата трка во велеслалом на Зимските олимписки игри 2026.

Атанасовска на патеката на денешната трка мина само триесетина секунди и не успеа да се избори за втората трка.

Во првото мерење таа имаше заостанување од 1,45 секунди зад водечката скијачка, на втората контролна станица негативата изнесуваше 2,97, а потоа се откажа.

Следен настап на Атанасовска на Олимпијадата во Италија ќе биде слаломот закажан за 18 февруари.

Водечка по првата велеслаломска трка е Италијанката Федерика Брињоне.

Почетокот на втората трка е закажан за 13:30 часот.

The post ЈАНА АТАНАСОВСКА ЗАОСТАНУВАШЕ ПА СЕ ОТКАЖА Следен настап ѝ е на слалом на 18 февруари appeared first on plusinfo.mk.

Македонскиот алпски скијач, Виктор Петков, го заврши своето прво учество на Зимските олимписки игри во Милано-Кортина, освојувајќи 55 место во велеслалом на една од најпредизвикувачките патеки во светот, „Стелвио“ во Бормио.

По првото возење, Петков го делеше 57 место со време од 1:27:36 минути, но со смирено и тактички зрело второ возење, успеа да го подобри својот пласман и да се искачи на конечната 55-та позиција.

– Со ова успешно ја заврши својата олимписка мисија и најави светла иднина како еден од носителите на македонското алпско скијање – велат од Македонскиот олимписки комитет (МОК).

Трката беше одбележана со исклучително високо темпо и историски резултати, а по првата трка водеше извонредниот Лукас Пињеиро Братен од Бразил, кој подоцна стана сензационален олимписки шампион.

МОК истакнува дека настапот на Петков е значаен за македонското алпско скијање и дека неговиот пласман на толку високо ниво во светска конкуренција е мотив за младите спортисти и за идните олимписки натпреварувања.

Македонските настапи на Зимските олимписки игри продолжуваат со Јана Атанасовска, која ќе се натпреварува во велеслалом и слалом на 15 и 18 февруари.

The post ПРВО УЧЕСТВО И ВИСОК ПЛАСМАН ЗА ПЕТКОВ Македонскиот скијач го заврши олимпиското деби со 55 место appeared first on plusinfo.mk.

Државна видеолотарија на Македонија – Касинос Австрија ја продолжува поддршката за истакнатиот македонски скијач, Мирко Лазаревски, со која се овозможува негова подготовка и учество на квалификациите за Светското првенство 2025. Мирко ќе се натпреварува во дисциплините слалом и велеслалом.

– Со ова спонзорство, Видеолотарија Касинос Австрија ја поттикнува кариерата на еден од нашите најталентирани скијачи, а едновремено, го поддржува и развојот на македонскиот скијачки спорт. Ние сме горди што можеме да бидеме дел од неговиот пат кон ова светското првенство. Уверени сме дека неговата посветеност и труд ќе донесат големи успеси како за него, така и за Македонија – велат од Касинос Австрија.

Мирко Лазаревски ќе се натпреварува на СП во Залбах, во Австрија од 14 до 16 февруари. Тој изразува силна благодарност до тимот на Видеолотарија Касинос Австрија, што го препознава и верува во неговиот потенцијал.

Лазаревски има значајни достигнувања во националните и меѓународните натпревари, пред ова најново соочување. Тој е најдобариот македонски скијач во неговата возрасна категорија. Мирко веќе учествуваше на Олимписките игри за млади во Лозана, Европските олимписки игри во Финска, како и други меѓународни натпреварувања.

The post МИРКО ЛАЗАРЕВСКИ ЌЕ СЕ БОРИ ВО КВАЛИФИКАЦИИТЕ ЗА СВЕТСКОТО ПРВЕНСТВО ВО СКИЈАЊЕ Касинос Австрија ја поддржа неговата подготовка appeared first on plusinfo.mk.

За неа ова беше 47-ма победа, со што постави рекорд за најмногу триумфи во една дисциплина на Светскиот куп. Досегашен рекордер беше легендарниот Швеѓанец Ингемар Стенмарк, кој победи 46 пати во велеслалом.

Шифрин двете трки во Шладминг ги заврши со вкупно време 1.32.66 минута. Втора беше Петра Влхова (Словачка) со заостанување од 15 стотинки зад победничката. Трето време и место на победничкито подиум си обезбеди Лена Дуер (Германија) која двете трки ги заврши за 1:33.59 минута.

Во Генералниот пласман води Шифрин со 966 бодови, пред Влхова која има 911, трета е Софија Гоџа од Италија со 657.

The post ШИФРИН КАКО СТЕНМАРК Американката испиша нова страница во алпското скијање appeared first on plusinfo.mk.