Албанските власти денеска го екстрадираа македонскиот државјанин Монди Гитлан во Австрија, каде што е осуден на пет години затвор поради трговија со дрога.

Според информациите објавени од албанските медиуми, операцијата е резултат на координирани активности меѓу Дирекцијата на Интерпол Тирана и австриската полиција, со што беше финализирана постапката за негово предавање на австриските власти.

– Како резултат на координацијата на оперативните дејствија меѓу специјалистите од Дирекцијата на Интерпол Тирана и нивните колеги во Австрија, финализирана е постапката за екстрадиција на лицето Монди Гитлан, 29 години, жител на село Велешта, Струга, Македонија – соопштија албанските медиуми.

Судот во Виена во мај годинава го прогласил Гитлан за виновен за трговија со дрога, а поради тоа била распишана меѓународна потерница.

Тој беше уапсен на почетокот на септември на граничниот премин Ќафасан, на албанско-македонската граница, додека се обидувал да ја напушти Албанија.

Со денешната екстрадиција, 29-годишниот Гитлан ќе ја одслужи затворската казна во Австрија, каде што веќе е предаден на надлежните органи.

The post ДИЛЕР ОД ВЕЛЕШТА ЕКСТРАДИРАН ОД АЛБАНИЈА ВО АВСТРИЈА Монди Гитлан оди во австриски затвор поради дрога appeared first on plusinfo.mk.

Основното јавно обвинителство Струга поведе истрага против 34-годишен жител на Велешта за неколку кривични дела – Неовластено изработување, држење, посредување и тргување со оружје или експлозивни материи. Предизвикување општа опасност и Напад врз службено лице при вршење работи на безбедноста.

Како што соопшти ОЈО, осомничениот, на 16 септември, при расправија со три лица од Дебар со кои имал од претходно влошени односи, извадил пиштол кој го поседувал без дозвола и кон еден од оштетените испукал неколку пати во долниот дел од нозете. Му нанел две лесни телесни повреди, а потоа влегол во возилото со намера да избега.

„Не ја почитувал наредбата на полициски службеник, кој му наредил да застане и движејќи се наназад со автомобилот го удрил полицаецот на кого исто така му нанел телесна повреда“, се вели во соопштението на ОЈО.

При увидот се пронајдени нож и метална шипка, па се преземаат и дополнителни дејствија на проверки  со цел да се испита нивната употреба во настанот.

Јавниот обвинител до судијата на претходна постапка достави предлог за определување мерка притвор за осомничениот.

The post ИМ ПУКАЛ СО ПИШТОЛ ВО НОЗЕТЕ, ПОВРЕДИЛ ПОЛИЦАЕЦ Жител на струшко Велешта осомничен за три кривични дела appeared first on plusinfo.mk.

19-годишниот Е.Н. од Велешта го загуби животот откако со својот автомобил излетал од коловозот на регионалниот пат Струга-Дебар.

„На местото на несреќата возачот веќе бил починат, а лекар од Итна медицинска помош само констатирал смрт“, соопштија од СВР Струга.

Увид на местото извршила увидна екипа од ОВР Струга, а по наредба на јавен обвинител, телото на починатиот било дадено на обдукција за да се утврдат сите околности што довеле до несреќата.

„Истражуваме дали несреќата е резултат на техничка неисправност на возилото или на условите на патот. Во тек е целосна проверка на сите фактори“, додаваат од полицијата.

The post ИЗЛЕТАЛ ОД ПАТОТ И ЗАГИНАЛ НА САМОТО МЕСТО Млад возач го загуби животот на патот Струга-Дебар appeared first on plusinfo.mk.

Надворешната канцеларија за криминалистички работи Струга поднесе кривична пријава против 64-годишниот А.К. од струшкото село Велешта, поради постоење основи на сомнение за сторено кривично дело „кражба на електрична енергија, топлинска енергија или природен гас“.

Според информациите од Министерството за внатрешни работи, на 30 април 2025 година, при контрола на мерни броила во селото Велешта, вработен во ЕВН Македонија констатирал дека пријавениот извршил премостување на мерната опрема на мерното броило. Со тоа, тој преземал во целост нерегистрирана електрична енергија директно од дистрибутивната мрежа.

Како што информираат од полицијата, со ваквите дејствија му е нанесена штета на ЕВН Македонија во висина од 239.013 денари.

Случајот е целосно документиран, а против лицето е поднесена соодветна кривична пријава.

The post УКРАЛ СТРУЈА ЗА 4.000 ЕВРА Маж од Велешта се приклучил на црно и заработи кривична appeared first on plusinfo.mk.

Според информацијата, ОВР Струга поднело кривична пријава против У.Х.(54) од Велешта поради постоење основи на сомнение за сторено кривично дело „кражба на електрична енергија“.

„При контрола од екипа од ЕВН, извршена на 8 октомври годинава во нејзиниот стан во Струга, констатирано е дека со премостување на една фаза директно на соодветен оператор на системот, во периодот од ноември 2023 година до октомври 2024 година противправно користела електрична енергија“, стои во соопштението на СВР Охрид.

The post КРАДЕЛА СТРУЈА ЦЕЛА ГОДИНА Откриена 54-годишна жителка на Велешта, ЕВН ја фатиле appeared first on plusinfo.mk.

Вчера околу 13.35 часот било пријавено дека настанал пожар при што полицијата излегла на терен.

„Полициски службеници излегле на местото и било констатирано дека во авто-плац сопственост на А.Х.(59) од с.Велешта биле опожарени осум патнички возила во возна состојба и 20 неисправни возила, во плац сопственост на П.Х.(39) од с.Велешта биле опожарени околу 80 исправни и неисправни возила, додека во авто-плац сопственост на А.Р.(51) од с.Велешта биле опожарени пет возила во возна состојба и еден четирицикл. Пожарот бил изгаснат од екипи на Територијалните противпожарни единици од Струга и Охрид, а повредени лица нема. Увид бил извршен“, велат од МВР.

Причините за големиот пожар се утврдуваат, но најверојатно се работи за оган кој почнал во близина, а се проширил, па ги зафатил и автомобилите и гуми.

Командирот на Територијалната противпожарна единица Струга, Фети Мазари вчера изјави дека по неколку часа пожарот бил локализиран.

Според него, брзата реакција на пожарникарите спречила ширење на огнот кон околните куќи, причинета била материјална штета, а опожарени се повеќе возила. На терен интервенирале со четири противпожарни возила од Струшката пожарна и едно возило од Охридската.

ГОРАТ АВТОМОБИЛИ И ГУМИ Пожар изби на автоплац во струшко Велешта

ЛОКАЛИЗИРАН ПОЖАРОТ ШТО ИЗБИ НА АВТОПЛАЦ ВО ВЕЛЕШТА Го гаснеле 4 возила, спречиле пламенот да се прошири кај соседите

The post 📷 НАД 100 ВОЗИЛА ИЗГОРЕА ВЧЕРА ВО ВЕЛЕШТА Пожарот опфатил три авто-плацови, причинета е голема штета appeared first on plusinfo.mk.

Според него, брзата реакција на пожарникарите спречила ширење на огнот кон околните куќи, причинета била материјална штета, а опожарени се неколку возила. На терен интервенирале со четири противпожарни возила од Струшката пожарна и едно возило од Охридската.

Поради пожарот и густиот чад кој излегуваше од гумите што горат, сообраќајот на регионалниот пат Струга – Дебар, беше регулиран со наизменично пропуштање возила.

Информацијата, според портпаролот на СВР Охрид Стефан Димоски, била пријавена околу 14 часот во Полициската станица во Струга.

– Околу 14 часот во Полициската станица Струга пријавен е пожар во приватен автоплац лоциран на регионалниот пат Струга – Дебар, кај струшкото село Велешта, каде биле опожарени гуми и возила оставени на автоплацот – изјави Димоски.

Струшките пожарникари интервенираат и на пожар во близина на црквата „Света Богородица“ во селото Ложани, каде гори сува трева и грмушки.

The post ЛОКАЛИЗИРАН ПОЖАРОТ ШТО ИЗБИ НА АВТОПЛАЦ ВО ВЕЛЕШТА Го гаснеле 4 возила, спречиле пламенот да се прошири кај соседите appeared first on plusinfo.mk.

Сообраќајот на регионалниот пат Струга – Дебар, според него, се регулира со најизменично пропуштање возила.

– Околу 14 часот во Полициската станица Струга пријавен е пожар во приватен автоплац лоциран на регионалниот пат Струга – Дебар кај струшкото село Велешта каде биле опожарени гуми и возила оставени на автоплацот – изјави Димоски.

На терен интервенираат екипи на територијалните противпожарни единици од Струга и Охрид.

Фотографиите подолу се преземени од социјалните мрежи.

The post 📷 ГОРАТ АВТОМОБИЛИ И ГУМИ Пожар изби на автоплац во струшко Велешта appeared first on plusinfo.mk.

Од МВР денеска соопштија дека од страна на Територијалната противпожарна единица Струга пожарот бил изгаснат.

По целосно документирање на случајот ќе следува соодветен поднесок.

The post ПОДМЕТНАЛ ПОЖАР И ЗАВРШИЛ ЗАД РЕШЕТКИ Жител на Велешта ќе добие кривична appeared first on plusinfo.mk.

Според информацијата, полицијата поднела кривична пријава против 28-годишниот И.Ј. од селото Велешта поради постоење основи на сомнение за сторено кривично дело „производство и дистрибуција на детска порнографија“.

– Тој, користејќи апликации за комуникација, на повеќе социјални мрежи се зачленувал во групи, во кои ширел содржина со детска порнографија. Потоа ги споделувал во други групни и лични профили со кои разменувале линкови од групи со таква и слична содржина – изјави портпаролот Стефан Димоски.

Полициски службеници, како што појасни, направиле претрес во неговиот дом во Велешта, при што биле пронајдени експлицитни фотографии кои биле одземени.

The post КРИВИЧНА ПРОТИВ ПЕДОФИЛ ОД ВЕЛЕШТА Произведувал детска порнографија appeared first on plusinfo.mk.