Премиерот Христијан Мицкоски најави целосна реконструкција и изградба на нов мост во Велес, откако беше донесена одлука за затворање на постоечкиот мост поради висок ризик од колапс. Овој чекор, како што објасни премиерот, е неопходен за да се избегнат евентуални трагични последици.

– Градоначалникот ги објасни најголем дел од деталите поврзани со овој чекор. За жал, мора да го направиме ова бидејќи не сакаме да дојде до последици коишто ќе значат губење на човечки животи. Овој мост, изграден како времено решение во 1971 година од тогашната Армија, полека но сигурно стануваше трајно решение. По 53 години ништо не е направено, а сега сме доведени во ситуација да преземеме итни мерки – изјави премиерот Мицкоски.

Според експертите од Градежниот факултет при Универзитетот „Св. Кирил и Методиј“, конструкцијата на мостот е во катастрофална состојба, со уништена арматура и бетонска структура. Како резултат на ова, донесена е одлука за забрана на секаков вид сообраќај преку мостот.

– Еве, да видите како изгледаат хоризонталните носачи – уништени арматури, бетонска конструкција целосно деградирана. Припадниците на Министерството за внатрешни работи и специјалните единици веќе работат на снимање на состојбата, за да можат колегите од Градежниот факултет да изготват техничко решение. Очекуваме за максимум 90 дена да овозможиме привремен сообраќај барем во една лента – додаде премиерот.

Во меѓувреме, во тек е подготовка за изградба на нов мост, кој ќе биде лоциран на околу 50 метри подолу од постоечкиот. Премиерот објасни дека тендерот за избор на проектанти е во завршна фаза, а проектирањето се очекува да трае најмногу два месеци.

– Здравје боже, во втората половина од оваа година ќе започне изградбата на новиот мост. Подобро ние да ја понесеме политичката тежина за оваа одлука, отколку да ризикуваме загуба на човечки живот. Затоа сме тука, заедно со колегите од Владата, Министерството за транспорт, Министерството за внатрешни работи, пратениците, и градоначалникот – истакна Мицкоски.

Премиерот се извини на жителите на Велес за непријатностите што ќе ги предизвика зголемениот сообраќај низ градот во текот на реконструкцијата.

– Навистина жалам што мора да се случи ова, но подобро да преземеме вакви чекори сега, отколку да се соочиме со трагедија. Ви благодарам на трпението и разбирањето – порача премиерот.

The post МОСТОТ ВО ВЕЛЕС ЗАТВОРЕН ЗА ДА СЕ ИЗБЕГНЕ ТРАГЕДИЈА Премиерот Мицкоски најави реконструкција и изградба на нов мост appeared first on plusinfo.mk.

Сите четворица пациенти, од кои двајца беа во исклучително тешка здравствена состојба и на механичка вентилација, хоспитализирани во Единицата за интензивно лекување -КАРИЛ, повредени во сообраќајка на автопатот Скопје-Велес се во добра здравствена состоба и надвор од животна опасност.

– Веднаш по хоспитализација на пациентите беше извршена тријажа, брза дијагностика и третман во соработка со Институт за радиологија, Клиниката за трауматологија, Универзитетска клиника за торакална и васкуларна хирургија, Клиниката за дигестивни болести и Клиниката за урологија. Благодарност за натчовечките напори на дежурните и редовните медицински тимови. Сите четворица пациенти од кои двајца беа во критична состојба се успешно излекувани – информираат од ТОАРИЛУЦ.

• ТРОЈЦА ЗАГИНАТИ ПРИ ПРЕВРТУВАЊЕ НА ПАТНИЧКО КОМБЕ! Во страшната несреќа кај Катланово се повредени 5 лица кои завршиле во болница
• ДВАЈЦА СЕ БОРАТ ЗА ЖИВОТ ПО СТРАШНАТА НЕСРЕЌА КАЈ КАТЛАНОВО Еве каква е состојбата на повредените, потресни детали од болниците

Во страшната сообраќајна несреќа во тунелот кај Катланово, на автопатот Скопје-Велес животот го загубија три лица, а петмина со потешки повреди беа пренесени во Скопје. Четворица од нив, кои беа со најсериозни повреди, беа примени на Клиника, додека петтиот беше примен во старата Градска болница.

• СТРАШНА НЕСРЕЌА НА АВТОПАТОТ! БРЗАТА ПОМОШ ВЕЌЕ Е НА ПАТ! Сообраќајот е блокиран на делницата Скопје – Велес
• ЗНАМИЊАТА НА ПОЛОВИНА КОПЈЕ, ТИШИНА ВО КАФЕАНИТЕ Ден на жалост во Велес поради тројцата загинати во сообраќајка

Советот на Општина Велес 18 октомври 2024 година, го прогласи за Ден на жалост поради трагичната смрт на тројцата велешани во сообраќајната несреќа што се случи на 16 октомври 2024 година.

The post ЧЕТВОРИЦАТА ПОВРЕДЕНИ КАЈ КАТЛАНОВО ЗАКРЕПНУВААТ Медицинските тимови со натчовечки напори им ги спасија животите appeared first on plusinfo.mk.

Деветмината македонски државјани од Велес кои беа затекнати во Тел Авив за време на нападите на Хамас врз Израел веќе се безбедно вратени назад во Македонија, брифираат извори од МНР за Телма. Тие доцна синоќа ја напуштиле Тирана со комбе откако претходно пристигнаа таму со помош специјалниот лет на Владата на Албанија.

Уште македонски државјани чекаат да бидат евакуирани од Израел. Седум македонски туристи кои престојувале во Витлеем ја минале границата со Јордан. Четиричлено семејство од Тел Авив се упатило кон Истанбул со комерцијален лет и патуваат кон Македонија.

Меѓу 100 и 200 македонски државјани пријавиле дека престојуваат во загрозените подрачја, проценува МНР.

The post ДЕВЕТМИНА ВЕЛЕШАНИ СЕ ВРАТИЈА ОД ИЗРАЕЛ Уште македонски граѓани чекаат да бидат евакуирани appeared first on plusinfo.mk.

„Во координација со Основното јавно обвинителство Скопје, полициски службеници во полициска станица извршиле службен разговор со пријавените, при што било констатирано дека двајцата, претставувајќи се во име на правно лице – училиште за странски јазици од Скопје, преку онлајн продажба нуделе и продавале материјали (ЦД-а) за учење на странски јазици кои биле празни, односно без содржина, при што оштетиле поголем број на граѓани, стекнувајќи се со противправна имотна корист“ – соопшти полицијата.

The post ПРОДАВАЛЕ ПРАЗНИ ЦЕДИЊА ЗА УЧЕЊЕ СТРАНСКИ ЈАЗИЦИ Кривична пријава за измама appeared first on plusinfo.mk.

Во велешката населба Речани вчера, 60 годишниот маж, сега веќе починат, целиот искасан од оси во состојба на кома со Брза помош бил однесен итно во велешката Општа болница.

Како што вчера информира за МИА, д-р Милка Панова од Брза помош од Велес, тие биле повикани во 11:05 часот, а кога стигнале, лицето било во кома и без знаци на живот со повеќе убоди од оси на рацето, лицето и по целото тело.

– Веднаш го реанимиравме и му дадовме соодветна терапија, бидејќи беше очигледно дека лицето е аларгично на оси и итно со нашето возило на Брза помош, а во состојба на кома го однесовме во велешката болница – информира д-р Панова.

Како што информира денеска за МИА д-р Јелана Левкова Ќамилова, портпарол на ЈЗУ Општа болница, тие вчера не знаеле дека истовремено биле донесени двајца пациенти искасани од оси.

The post ДВАЈЦА ВЕЛЕШАНИ ИСКАСАНИ ОД ОСИ Едниот бил алергичен и починал appeared first on plusinfo.mk.