Четирите патокази за вечен живот Турчин ги дал во поглавје од неговата книга „Класификација во пристапот на технолошкото воскреснување“. Всушност, во Москва постои Фондацијата за наука за продолжување на животот, што покажува дека на проблемот не работат само западни научници како Обри Греј од Велика Британија.

Еве ги четирите патишта до вечноста, а ако еден не успее, секогаш постојат уште три можности.

Смена на органи или биоинженеринг

Планот А е за секој случај, бидејќи не знаеме точно кога технологијата ќе стане доволно напредна за вештачки да го продолжува животот. Во меѓувреме, луѓето кои сакаат да живеат засекогаш, би можеле да ја одложат смртта едноставно со замена на своите органи или да останат живи во „нанотехнолошко тело“.

Замрзнување исто како Волт Дизни

Ако овој метод е недостапен или неуспешен, Турчин препорачува план Б или крионика, односно замрзнување на телото додека не се развие конкретно решение. Ова е слично на митот за Волт Дизни кого го чуваат замрзнат додека да се најде лек за болеста од која боледувал.

Дигитална бесмртност

„Дигиталното полнење“ на тело со ум, било тоа да се податоци од неговиот или нечиј друг ум е прикажано во серијата „Black Mirror“. Во една од епизодите една жена го рекреира телото на мажот ѝ и во него ги вбризгува неговите податоци собрани од социјалните мрежи. Ова секако има некои недостатоци, но претпоставува дека луѓето во иднина ќе бидат киборзи – полулуѓе, а полумашини.

Турчин веќе обезбедил неговото „тело“ и ум да бидат зачувани во историјата на интернетот. Тој го бележи секој детал од својот живот и сите нешта што ги прави во надеж некоја вештачка интелигенција ќе ги собере информациите. Кога ќе почине, една клетка од неговото тело е доволна за Турчин да биде клониран, а во новото тело да бидат вбризгани информациите.

Едноставно верувајте во бесмртноста

Има и последна опција на списокот, ако не палат претходните. Тоа е да веруваме во бесмртноста, макар тоа било и на квантно ниво, односно на нивото на најмалите честици од кои сме составени. Тоа секако би ни ги зголемило шансите за вечен живот. После сè, во физиката вкупната енергија во универзумот ниту е создадена, ниту може да се уништи, таа вечно постои.

А, ако го прашаме Турчин, тој смета дека најдобро е да се комбинираат четирите пристапи.

– Развојот на вештачката интелигенција оди прилично брзо, но далеку сме од можноста да го „префрлиме“ човекот во компјутер. Ако сакаме да го направиме со голем успех, сметајте дека тоа ќе биде во 2600 година, бидете сигурни – изјави тој за „Russia Beyond“.

The post ДО 2600 ГОДИНА ЌЕ СТАНЕМЕ БЕСМРТНИ Постојат четири начини како тоа ќе го постигнеме appeared first on plusinfo.mk.

Првиот, Хал Барон ја доби Нобеловата награда за медицина во 2012 година за работа на стем клетките. Вториот научник е жена, Џенифер Дудна, исто така добитничка на наградата во 2020 година за нејзината работа со генетски инженеринг и КРИСПР техниката со која буквално можат да се уредуваат човечките гени. Во тимот ќе биде и д-р Шинја Јаманака.

Главната мисија на стартапот „Алто лабс“ е „да постигнат биолошко репрограмирање, метод кој во основа ги подмладува клетките откако ќе остарат.“ Теоретски, ова би требало да значи дека клетките ќе може да го „поправаат“ вашето тело како што старее, па дури и да лекуваат болести поврзани со годините како деменцијата.

Потрагата по елискирот на младовечноста е сама по себе контроверзна тема, а нејзин голем гласноговорник беше Обри Де Греј, кој беше обвинуван за своите мотиви. На некои луѓе едноставно не им се допаѓа идејата за вечно живеење. Но, според Де Греј, кој има издадено неколку трудови на оваа тема, вечниот живот е неминовна реалност и во иднината, ќе го имаме првиот човек кој ќе доживее и 1.000 години.

Според некои процени, сите оние што во моментов имаат под 40 години еден ден ќе ја имаат шансата да користат лекарства за продолжување на животот. Секако, тие веројатно ќе бидат толку скапи што, барем за почеток, ќе може да ги користат само ултрабогатите луѓе.

The post ЏЕФ БЕЗОС ЌЕ ГО БАРА ЛЕКОТ ЗА БЕСМРТНОСТА Двајца Нобеловци ќе му помагаат appeared first on plusinfo.mk.