– Со ЈП Лајка назначена е да раководи Радмила Пешева, додека со ЈП Улици и патишта Саид Саид. На в.д директорската позиција во ЈП Паркинг назначен е Крсте Петревски, во ЈП Паркови и зеленила Реџепи Зухејр, додека со ЈП Дрисла назначен е Александар Кузинаков. Во ЈП Комунална Хигиена продолжуваат со раководство Косана Мазнева, ЈСП Александар Стојковски и ЈП Водовод Марјан Митевски, наведува Градот.

Новите в.д. директори ќе имаат обврска и одговорност во следните шест месеци да ги спроведат неопходните реформи со цел консолидација на јавните претпријатија од аспект на справување со економската и енергетската криза.

– Обврските се во насока на оптимизација на средствата и процесите, намалување на трошоците и кратење на сите непродуктивни трошења, како и спроведување на реформата во сегментот на вработувања во претпријатијата со која нема да се дозволи лица кои не одат на работа или не ги извршуваат работните обврски да бидат платени од буџетските средства, наведува Град Скопје.

The post РАДМИЛА ПЕШЕВА НА „ЛАЈКА“, КОСАНА МАЗНЕВА НА „КОМУНАЛЕЦ“ Арсовска назначи в.д. директори на јавните претпријатија appeared first on plusinfo.mk.

Членот на ДКСК Нури Бајрами, кој на денешната 40-та седница на ДКСК, го елаборираше предметот за именување на лице за в.д. директор на јавното комунално претпријатие во општина Лозово, без да објави оглас, побара да се отвори дебата по ова прашање, бидејќи во законот не е предвидена прекршочни одредби за вакво непочитување.

– По добиените информации од општина Лозово, индикативно е дека појавата си продолжува. Исто лице на ова ЈП е именувано од градоначалникот два пати како в.д. директор, без да се почитуваат одредните од Законот за локална самоуправа и Законот за ЈП – изјави Бајрами.

На прашање од ДКСК зошто не е објавен оглас, директорот објаснува дека општина Лозово е мала рурална средина и нема лице кое во целост ги исполнува условите од член 23 од Законот за јавни претрпијатија.

– Во законот за локална самоуправа и за јавни претпријатија не се предвидени прекршочни одредби за необјавување на оглас, ова го истакнуваме како поука, бидејќи се се сведува на самовилие и политички пазар без почитување на закони – изјави Бајрами.

Државната комисија за спречување на корупцијата на денешната 40-та седница разгледа повеќе предмети, меѓу кои и осум поднесени од укажувачи во периодот на 2019 година.

Од овие предмети, за кои како овластено лице за прием на пријави од укажувачи елаборираше Ирена Поповска, два беа прифтаени и се однесуваа на начинот на избор на в.д. директори во Ј.П. без објавување на оглас за што ДКСК одлучи да отвори постапки.

ДКСК затвори три предмети за кои по добиените информации наовидте од пријавите не се потврдиле. Пријавите се однесувале за незаконита исплата на плати во училиште, за унапредување службеници за време на изборен процес, за постапување на професор од УКИМ за полагање на лице, кои не е регистрирано како студент.

Поради застареност затвори еден предмет, кој се однесувал на незаконитости за неисплата на надомест на инвалидност од приватна фирма.

ДКСК, се произнесе како ненадлежна и отфрли една пријава за мобинг против вработен во ЈП надлежен за користење на годишен одмор и КОВИД мерките за време на пандемијата.

Постапката по еден предмет, на барање на укажувачот е прекината и префрлена во редовно постапување на ДКСК.

Ова беше прва онлајн седница на ДКСК на која присуствуваа и новинари.

The post ДКСК: Има пропусти во законите што дозволуваат неказнето именување и разрешување в.д. директори appeared first on plusinfo.mk.