Возачите од Македонија кои патуваат во Хрватска, како и сите што патуваат низ оваа земја со автомобил мора да го знаат ново правило во сообраќајот. Од 1 ноември во оваа земја е задолжително користење дневни светла или соборени фарови при возење преку ден. Посебни правила има и за мотоциклистите и за велосипедистите. Непочитувањето на правилото се казнува со 30 евра.

Правилото важи за сите моторни возила, додека мотоциклистите и возачите на мопеди мора да користат соборени светла во текот на целата година.

Според хрватскиот Закон за безбедност на сообраќајот на патиштата, дневните светла или соборените фарови мора да бидат вклучени на моторните возила за време на возење преку ден во периодот од 1 ноември до 31 март. Непочитувањето на правилото за возачите на автомобили се казнува со 30 евра

За мотоциклите и мопедите важи различно правило. Нивните возачи се должни да ги имаат вклучени соборените фарови за време на возењето преку ден во текот на целата година, а не само во зима. И за овој прекршок е предвидена казна од 30 евра.

Посебни правила има и за велосипедистите и корисниците на лесни електрични возила, вклучително и на возачите на електрични скутери. Според прописите, од првиот самрак до полна зора, како и во текот на денот кога видливоста е намалена, на велосипедите и електричните скутери мора да биде вклучено бело светло на предниот дел од возилото и црвено светло на задниот дел од возилото. Непочитувањето на оваа обврска е предмет на казна од 60 евра.

Овие правила се особено важни во текот на есенските и зимските месеци, кога порано се стемнува, а маглата, дождот и другите временски услови можат дополнително да ја намалат видливоста на патиштата.

Посебно предупредување важи за сопствениците на понови автомобили кои имаат систем за автоматски дневни светла. Имено, кај одредени модели, дневните светла го осветлуваат само предниот дел од автомобилот, додека задните светла остануваат исклучени. Ова може да биде проблем при возење во магла, силен дожд и други услови на намалена видливост. Дневните светла првенствено се користат за да го направат автомобилот повидлив за другите учесници во сообраќајот, но тие не се замена за кратки светла кога се потребни.

Затоа полицијата им советува на возачите кои патуваат во Хрватска да проверат како функционира автоматскиот систем на нивното возило и рачно да ги вклучат кратки светла доколку е потребно.

The post АКО ВОЗИТЕ ВО ХРВАТСКА ВНИМАВАЈТЕ НА НОВИТЕ ПРАВИЛА ЗА УПОТРЕБА НА СВЕТЛАТА Казната се движи од 30 до 60 евра дали возите кола или велосипед и тротинет appeared first on plusinfo.mk.